Phoenix Suns

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
Sta pajina xè da wikifegare
Sta pajina o sesion de spor no ła xè gnancora formatà secondo i standard
Contribuisi a mijorarla seguendo łe convension de Wikipedia
Sta pajina xè da wikifegare
Phoenix suns-logo.png

I Phoenix Suns i ze una de łe trenta scuadre de basket che łe zoga inte ła NBA, co sede a Phoenix in Arizona.

A ghe ze na curiozità da dir de ‘sta scuadra: in baze a’l raporto tra partìe vinte e perse, da cuando che i ze nasùi a uncuò, i ze cuełi che i ga vinto de pì sensa parò vìnsar mai el tìtoło NBA.

Storia de ła scuadra[canbia | canbia el còdexe]

Da ła só nàsita inte’l 1968 e fin a’l 1976 no i ga mai fato na beła inpresion, ma in chel’ano i ze stài finalmente boni de rivar in finałe e de zogàrseła fin a gara 7 co i pì forti Boston Celtics, venjendo batùi; da cuà par cuazi tuti i ani Otanta i ze tornài inte ła parte basa de ła clasìfega, a càuza anca de problemi de spojatoio e de scàndałi de droga.

Inte’l 1987 parò A ga tacà rivar zogadori boni come Kevin Johnson, Mark West e, sora de tuti, Charles Barkley inte’l 1992, destinà dopo a èsar recordà come uno tra i zogadori pì forti de tuta ła NBA. I ani dopo pa’l vero i ze stài bastansa fati de alti e basi, de arivi in finałe ma anca de batoste grande, ma A se recorda che par Phoenix A ze pasà Shawn Marion, Amar’e Stoudemire e Steve Nash, el playmaker che’l ga vinto par do ani drio man el tìtoło de MVP (“most valuable player”, el zogador pì brao) de ła NBA, fazéndoło deventar uno de i pì apresài inte chel roło łà.

Dopo de Nash, vendùo inte’l 2012, A no ghe ze stà mìa na bona recostrusion a dir el vero: deso A ghe ze Eric Bledsoe e Tyson Chandler, ma proprio st’ano 2017 ‘sti “vetarani” i ze stài sacrifegài par far spasio a i zóvani; A ze venjùo fora el tałento e ła braura de Devin Booker che, a sołi 21 ani, el ze stà bon de senjar inte na partìa ben 70 ponti da soło e el sarà da tenjer d’ocio pa i ani pròsemi. Col Draft del 2018 xe anca rivà coa prima sielta DeAndre Ayton, a dirisensa spera che el fassa un bel duetto co Booker.