Gróstołi

	Gróstołi
Sorte	Dolsi e Deser
Difuxion	Eoropa e Braxiłe
Reconosimento	P.A.T.
Ingredienti prinsipałi	farina, sùcaro e ovo
Invension	}

I gróstołi o cróstołi, anca ciamai gałani a Pàdoa, Venèsia, Rovigo, Verona, Vicensa e Trevixo o anca sósołe a Verona, i xe dei dolsi tìpeghi che i costuma èsar pareciai inte łe festività de Carneval, ciamai co difarenti nomi a segondo de łe rejon vènete.

Ła so tradision ła devien da cheła de łe frictilia, i dolsi friti inte el graso che inte ła Antiga Roma i vegnea pareciai pròpio durante el perìodo del całendàrio roman che el corisponde al Carnevałe de ła Cexa catòłega (febraro)^[1]^[2]

Riseta tìpega

Par farli se dopara:

500 grami de farina bianca
100 grami de sucaro a veło
30 grami de butiro
3 ovi intieri
30 grami de sucaro semołà
1/2 goto de vin bianco,
1 cuciarin de sałe
ojo.

Se mete so ła farina in tondo e in mexo se ghe buta el butiro, 3 rosi de ovo e na ciara, el sucaro semołà, el vin bianco e el sałe. Se mis-cia el paston prima col piron e dopo co łe man finché no el vien beło suto e sodo, xontando, se fuse el caxo, on'altro poco de vin. Se lasa stare el paston par mex'ora, coverxendoło co on tavajoło. Se pasa dopo co on matareło, schiciando el paston finché no el diventa fin; co na rodeła dentada se taja dei ricuadri che se frixe in presa so el ojo caldo. Co i njien pronti, i grostołi i se serve co sora el sùcaro vełà.

Nomi inte i diałeti italiani

bugie (Piemonte, Liguria);
cenci o crogetti (tuto Valdarno da Areso a Montecatini Terme);
strufoli o melatelli (Maremma toscana);
chiacchiere (algune xone de umbria, Łasio meridional, Abrusi, Molise, Puja, Baxiłicata, Canpania, Całabria, Sicilia, Miłan, xona de łe Alpe Apuane e de Lunigiana, in Emilia setentrional e racuante xone de Sardegna);
cioffe Abrusi;
cróstui o cróstoli (Friuli);
cunchielli (en algune xone de Mołixe);
fiocchetti (Montefeltro, Romagna costiera);
frappe (Lasio da la xona de Latina y Aprilia a Viterbo, en Roma, en el nord de Ciociaria, algune xone de Umbria, algune xone de le marche e Emilia);
galarane o saltasù (Bergamo);
gale o gali (Vercelli, Basa Vercełexa, provincia de Novara y Barenghese);
gasse (Montefeltro);
guanti (Alife, xona del Matexe);
intrigoni (Rejo Emìłia);
lattughe (provincia de Màntoa, provincia de Bresa; in diałeto latǖghe);
maraviglie (Sardegna);
merveilles (Vałe de Aosta);
rosoni o sfrappole (Mòdena, Bologna, Romagna);
risòle (Cuneo e sud de Piemonte);
sfrappe (Marche);
sfrappole (Bołògna);
sprelle (Piacensa);
pizze fritte (Romagna interior);
In altre xone se dòpara stracci, lasagne, pampuglie, manzole, garrulitas.

Nomi inte łe altre łéngue

I nomi rejonałi de altre xone de ła Eoropa i xe:

Stato/rejon	Nome
Belzo	croustouille
Biełorùsia	хрушчы (chruščy) o фаворкі (favorki)
Croàsia	krostole
Danemarca	klejner
Fransa	oreillettes, bugnes, merveilles
Zermània	Räderkuchen
Łituània	sagarėliai
Połònia	chruściki, chrusty o faworki
Romania	minciunele, cirighele o scovergi
Rùsia	хворост (chvorost)
Slovàchia	fánka
Spagna	orejas
Svèsia	klenäter
Ongarìa	csöröge
Ucràina	вергуни (verhuny)
Braziłe	Cueca-virada

Notasion

↑ La storia delle chiacchiere di Carnevale, in La Cucina Italiana. entrada il 31 gennaio 2018.
↑ Claudia Cerulli, Carnevale Italiano, Long Bridge Pub, 2010, ISBN 9780984272327, OCLC 730229508.

Altri projeti

Wikimedia Commons el detien imàjini o altri file so gróstoło

Bibliografía

Pellegrino Artusi, La scienza in cucina e l'arte di mangiar bene, 1891.
Gino Brunetti (a cura di), Cucina mantovana di principi e di popolo. Testi antichi e ricette tradizionali, Mantua, 1981.

[:0-1] La storia delle chiacchiere di Carnevale, in La Cucina Italiana. entrada il 31 gennaio 2018.

[:1-2] Claudia Cerulli, Carnevale Italiano, Long Bridge Pub, 2010, ISBN 9780984272327, OCLC 730229508.

[1]

[2]