Gróstołi

Da Wikipedia, l'ençiclopedia libara.
Jump to navigation Jump to search
Gróstołi
Faworki (plate).jpg
Sorte de piatodolse
DifuxionEoropa e Braxiłe
RiconosimentoP.A.T.
Ingredienti prinsipałifarina, sùcaro e ovo

I gróstołi o cróstołi, anca ciamai gałani a Pàdoa, Venèsia, Rovigo, Verona, Vicensa e Trevixo o anca sósołe a Verona, i xe dei dolsi tìpeghi che i costuma èsar pareciai inte łe festività de Carneval, ciamai co difarenti nomi a segondo de łe rejon vènete.

Ła so tradision ła devien da cheła de łe frictilia, i dolsi friti inte el graso che inte ła Antiga Roma i vegnea pareciai pròpio durante el perìodo del całendàrio roman che el corisponde al Carnevałe de ła Cexa catòłega (febraro)[1][2]

Riseta tìpega[canbia | canbia el còdaxe]

Par farli se dopara:

  • 500 grami de farina bianca
  • 100 grami de sucaro a veło
  • 30 grami de butiro
  • 3 ovi intieri
  • 30 grami de sucaro semołà
  • 1/2 goto de vin bianco,
  • 1 cuciarin de sałe
  • ojo.

Se mete so ła farina in tondo e in mexo se ghe buta el butiro, 3 rosi de ovo e na ciara, el sucaro semołà, el vin bianco e el sałe. Se mis-cia el paston prima col piron e dopo co łe man finché no el vien beło suto e sodo, xontando, se fuse el caxo, on'altro poco de vin. Se lasa stare el paston par mex'ora, coverxendoło co on tavajoło. Se pasa dopo co on matareło, schiciando el paston finché no el diventa fin; co na rodeła dentada se taja dei ricuadri che se frixe in presa so el ojo caldo. Co i njien pronti, i grostołi i se serve co sora el sùcaro vełà.

Cróstołi col ciocołato insima

Nomi inte i diałeti italiani[canbia | canbia el còdaxe]

Na vantiera de gałani

Nomi inte łe altre łéngue[canbia | canbia el còdaxe]

I nomi rejonałi de altre xone de ła Eoropa i xe:

Stato/rejon Nome
Flag of Belgium (civil).svg Belgio croustouille
Flag of Belarus.svg Biełorusia хрушчы (chruščy) o фаворкі (favorki)
Flag of Croatia.svg Croàsia krostole
bandiera Danimarca klejner
Flag of France.svg Fransa oreillettes, bugnes, merveilles
bandiera Xermania Räderkuchen
Flag of Lithuania.svg Łituania sagarėliai
Flag of Poland.svg Połonia chruściki, chrusty o faworki
bandiera Romania minciunele, cirighele o scovergi
Flag of Russia.svg Rusia хворост (chvorost)
Flag of Slovakia.svg Slovachia fánka
Flag of Spain.svg Spagna orejas
Flag of Sweden.svg Svèsia klenäter
Flag of Hungary.svg Ongarìa csöröge
Flag of Ukraine.svg Ucraina вергуни (verhuny)
bandiera Braxiłe Cueca-virada


Notasion[canbia | canbia el còdaxe]

  1. «La storia delle chiacchiere di Carnevale». La Cucina Italiana. URL verto in data 31 gennaio 2018.
  2. Claudia Cerulli, Carnevale Italiano , Long Bridge Pub, 2010, 9780984272327

Altri projeti[canbia | canbia el còdaxe]

Bibliografía[canbia | canbia el còdaxe]

  • Pellegrino Artusi, La scienza in cucina e l'arte di mangiar bene, 1891.
  • Gino Brunetti (a cura di), Cucina mantovana di principi e di popolo. Testi antichi e ricette tradizionali, Mantua, 1981.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gróstołi&oldid=919751"