Gróstołi

Da Wikipedia, l'ençiclopedia libara.
Jump to navigation Jump to search

I grostołi, o anca gałani, i xe dolsi de Carneval.

Par farli se dopara: 500 grami de farina bianca, 100 grami de sucaro a veło, 30 grami de buro, 3 ovi intieri, 30 grami de sucaro semołà, 1/2 goto de vin bianco, 1 cuciarin de sałe, oio.

Se mete so ła farina in tondo e in meso se versa el buro, 3 roxi de ovo e na ciara, el sucaro semołà, el vin bianco e el sałe. Se mis-cia el paston prima col piron e dopo cołe man finkè nol vien beło suto e sodo, xontando, se xe el caso, 'naltro poco de vin. Se lasa stare el paston par mex'ora, coversendoło con un tavajoło. Se paxa dopo co 'n matareło, skisando el paston finkè nol diventa fin fin; co na rodeła dentà se taja dei riquadri ke se frixe in presa sul oio caldo. Quando ke i xe pronti, i grostołi i se serve con sora el sucaro a veło.