Łéngua gałisiana

Łéngua gałisiana

lingua galega e galego
Nome locaƚe	lingua galega
Tipo	łéngua e łéngua viva
Parlà in	Spagna Portogało
Autòctono de	Gałisia, Bragança, El Bierzo (it) , Provincia de Zamora, Trás-os-Montes e Alto Douro (it) , Minho (it) e gàłeghi
Parlanti
Totałe	3-4 milioni (1/2 milion de emigrai intra Amèrica Sud e Europa) (2012 )
Caratarìsteghe
Scritura	alfabeto latin
Clasifegasion lenguìstega
łéngua umana łéngue indoeoropee łéngue itàłeghe łéngue romanze łéngue romanze osidentałi łéngue gało-ibèreghe łéngue iberoromanze łéngue ìbero-osidentałe łéngue gałego-portoghezi
Regoƚà da	Accademia Reale Galiziana (it)
Istòria	history of the Galician language (en)
Còdazi
ISO 639-1	gl
ISO 639-2	(B)glg, (T)glg
ISO 639-3	glg
SIL	GLN
Glottolog	gali1258
Linguasphere	51-AAA-ab
Ethnologue	glg
IETF	gl
Destribusion zeogràfega
Difusion zeografega del Galizian in Galizia.

El gałisian o anca galego (dal nome nativo galego) el ze na lengua romanza.

La provien dal latin e da l'antigo gałàego-portogheze, e la xe nasesta inte la banda ovest de la provinsa romana de Gallaecia che la ciapava el teritorio de la Gałìsia atual, el nord del Portogało e teritori arente a est. Chel'altra lengua nasesta inte sto teritorio la xe la lengua lionese, relativamente arente al gałisian.

Sècoli XIX e XX

A la fin del XIX sècoło se verìfega el movimento łiterario conosuo come Rexurdimento, grasie al cuałe, par via de autori come Rosalía de Castro, Curros Enríquez, Valentín Lamas Carvajal o Eduardo Pondal, el galisian el deventa na łéngua łiteraria, anca se squaxi soło doparà inte la poexia. Inte i primi ani del XX sècoło el scumisia a èsar doparà inte i comisi dai partii del nasionałismo galisian. Inte el 1906 xe sta fondà la Real Academia Gallega, istitusion incaricà de la protesion e de la difuxion de l'idioma.

Łéngua co-ofisiałe

Inte el Statuto de Autonomia del 1936 el galisian el vien reconosuo come łéngua co-ofisiałe, insieme al castełan. In dogni modo, dopo la Guera Siviłe vien un periodo che fa sì che inte i ani quaranta squaxi tuta la łiteratura galisiana la vegna scrita da Amèrica. Tutavia, durante i ani setanta ghe xe un inportante canbiamento, e dal 1978 el galisian el vien reconosuo come ofisiałe in Galisia da la Costitusion Spagnoła e dal Statuto de Autonomia del 1981.

Al dì de oncò, l'uso del galisian rispeto al castełan el xe de magioransa inte łe zone rurałi, mentre el xe minor inte łe grandi sità, par via de l'influensa del castełan. Nonostante duto, drio el studio più reçente su łe abitudini łenguìsteghe de la popołasion galisiana, el vien doparà da sirca l'otanta par sento de la xente, e par un censimento del 2001, el pol parlar galisian el 91,04% de la popołasion.

Seben che el sia l'idioma piasè parlà par sentua tra i idiomi propri de łe rejioni spagnołe, el ga manco reconosimento sociałe de, par exenpio, el catałan, che anca sto cua el ga sufrìo połitiche sentrałiste, de seguro parché da la fin de l'Età de Mezo el xe sta identificà dai stessi galisiani come la łéngua dei contadini e dei sèti più basi de la soçietà, come che xe suceso al łionéxe, parlar del Regno de León, ma che dopo la ga patìo la represion e l'influensa del castełan. emarginà e identifegà par sècołi come na łéngua rurałe e dei contadini, perdendo el so ròło inte łe istitusion e inte la drita aministrasion, fin a la recuperasion de la fin del XIX sècoło.

Bisogna anca tegner conto che la Galisia la ga risevù pochi imigrati, a difarensa de altre xone de la Spagna con łéngua propia (come la Catałogna, la Comunità Vałensiana, łe Baleari e i Paexi Baschi) che i ga risevù tanti imigrati che i vegniva da rejon de łéngua castełana, i cuałi i ga influensà de brito łe rispetive mape łenguìsteghe. Inte la pràtega, bona parte dei galisianofoni i parla na varietà poco curà de galisian, che la inserise tanti castełanismi de łèsico, fonètega e proxodia, anca se la mantien de łe costrusion e n'esensa propiamente galisiana, anca se inte i anbienti urbani de sołito se parla na vera sgnapa de castełan e galisian ciamà tradisionałmente castrapo.

Łéngua gałisiana, Łéngua veneta e Łéngue romanze

Łéngua łatina	Łéngua gałisiana	Łéngua portogheze	Łéngua spagnoła	Łéngua ocitana	Łéngua siçiłiana	Łéngua łeonéze	Łéngua vèneta	Łéngua franseze	Łéngua italiana	Łéngua łombarda	Łéngua arpitana
facere	facer	fazer	hacer	far	fari	facere	far	faire	fare	fà	fâre
factum	feito	feito	hecho	fach	fattu	feichu	fato	fait	fatto	fat	fêt
filius	fillo	filho	hijo	filh	figghiu	fiyu	fiol	fille	figlio	fiö	fily
ferrum	ferro	ferro	hierro	fèrre	ferru	ferru	fero	fer	ferro	ferr	fèr
fames	fame	fame	hambre	fam	fami	fame	fame	faim	fame	fam	fâm
planum	chan	chão	llano	plan	chianu	chanu	pian	plein	piano	pian	pllan
pluere	chover	chover	llover	plòure	chioviri	chovere	piòvar	pleuvoir	piovere	piöv	plovêr
clavis	chave	chave	llave	clau	chiavi	chave	ciave	clef	chiave	ciav	clâf
noctem	noite	noite	noche	nuèch	notti	nueiche	note	nuit	notte	nòt	nuet
multum	moito	muito	mucho	molt	muttu	mueitu	molto	beaucoup	molto	molt	tot
oculus	ollo	olho	ojo	uèlh	occhiu	güeyu	òcio	oeil	occhio	öcc	uely
vetulus	vello	velho	viejo	vièlh	vecchiu	vieyu	vecio	vieux	vecchio	vècc	viely
guccius	porco	porco	cerdo	pòrc	porcu	gochu	porseło	cochon	maiale	porscel	pòrc
pessulāre	pechar	fechar	cerrar	pessugar	chiùdiri	pechare	serar	fermer	chiudere	serà	cllôre

Altri progetti

• Wikimedia Commons

• Wikimedia Commons el detien imàjini o altri file so gałisian
• el detien schemi gràfeghi so

Łéngoe indoeuropee · Łéngue romanze

Latin † · Latin volgare † Romanzo insulare: Sardo (Sardo campidanexe · Sardo logudorexe) Romanzo ocidentałe Grupo iberico: Aragonexe · Asturian · Gałisian · Leonexe (Mirandexe) · Portoghexe · Spagnoło/Castiglian Gruppo galo-romanzo: Catałan · Francexe · Furlan · Francoprovensal · Ladin · Ocitan · Romancio · Vałon · Vèneto Romanzo orientałe Grupo italian: Corso · Gałurexe · Sasarexe · Itałian (Diałeti itałiani) · Napołetan Grupo siciłian: Siciłian Grupo balcanico: Rumeno · Dalmatico † · Istrioto Romanzo meridionałe: Mozarabico †