Gibson SG

Da Wikipedia, l'ençiclopedia libara.
Infobox de Strumento muxicałeGibson SG
Gibson SG.jpg
Tiposolid body (it) Traduzi e chitara eletrica Cànbia el vałor in Wikidata
CostrutorGibson Guitar Corporation Cànbia el vałor in Wikidata
Data1961 — prexente
Caratarìsteghe tècneghe
Tipo del bodySolid body
Union del mànegoSet-in
Legni
BodyMògano
MànegoMògano
TastieraÈbano o Palisandro
Hardware
PonteFixed o Gibson vibrà
Pickup1, 2 o 3 Humbucker; 1 o 2 P-90s; difarenti version entry level łe ga avesto pickup single coil.
Cołori dispunìbiłi
Prinsipalmente cołor sarexa ma anca naturałe, cołor noxa, bianco, nero, mògano, vari cołori spesałi e burst.

Gibson SG ła xe na łinea de chitare ełetreghe solid body produxeste da ła Gibson a partire dai anni sesanta. Ła sigla SG sta par "solid guitar". Sta łinea ła ga raprexentà un tentativo de rinovar ła fameja de ła łexendaria Gibson Les Paul (che inte el tenpo ła jera stà estendesta e ła includea xa inte i primi ani sesanta na vasta gama di modełi sia conomisi sia profesionałi), soratuto al scopo de reaxir a l'avento de ła Fender Stratocaster, che col so corpo łixiero ła gaveva contribuìo notevolmente al cało de łe vendite de ła Les Paul, difati ła SG ła ga un corpo sutiło da 1,35" (35 mm sìrca), ma se dixe che łe orixenałe łe gavese un corpo pì de frecuente da 1,5" (38 mm sìrca)[Fonte nesesària]. Se trata de un strumento inpiegà estensivamente dai muxicisti hard rock che condemànco ga savesto retajarse dei nobiłi spasi anca in anbito blues, ponesto che Duane Allman utiłixava scuaxi escluxivamente na Gibson SG par l'inprovixasion col slide.

Breve storia e modełi[canbia | canbia el còdaxe]

El 1961 el xe un periodo difiçiłe par ła Gibson. Ła Fender, storega concorente, ła xe riusìa ad ocupar bona feta del mercà co i so prodoti, intrà cui łe Telecaster e łe Stratocaster, pì conomeghe,łixiere e versatiłe. E xe pròpio par el pexo, ła forma, ma soratuto el sound versatiłe e cuindi adatà par tuti i xeneri de ła Stratocaster, che spinxe ła Gibson a sviłuparna nova chitara. Ricalcando el stiłe e el karma de ła vecia Les Paul, prodoto de ponta de ła caxa costrutora, vien donca rełixà ła "Les Paul Solid Guitar", drìoman rinominà SG (da Solidbody Guitar).

L'idea de asociar al novo modeło el vecio nome Les Paul xe servìo par dar na łinea de continuità sol nome del famoxo chitarista ideator de ła Les Paul. Anca łe version de ła SG ga ricalcà cuełe de ła mare: inte el 1961 ła xe stà comerçiałixà inte łe do version "Stàndar" e "Custom", pròpio cofà łe version de ła Les Paul. Ła "Custom" ła gaveva ła tastiera in ebano, el corpo in mogano e łe rifinidure placàe in oro, e dal '61 al '63 ghe jera ła stesa targheta de indentifegasion de ła Les Paul Custom, o sia sensa ła disitura "SG". Ła "Stàndar" ła diferiva par łe tastiere in pałisandro e, inaxonta, noma che ła "Stàndar" ła gavea ła marca "Stàndar" co ła xonta de ła scrita "SG".

Inte el 1965 ła SG xera stà sotoponesta a un restyling inportante. El batipena xe devegnesto do volte pì łargo al fin de riséver tuti i pick-up. Modełi col batipena orixinal ga continuà a èsar produxesti soto el nome "Vintage". Ancora uncò exista na łinea "Vintage" che riproduxe esteticamente łe SG orixenałi, co ełetronega axornada.

Inte'll 1968 (ano che xe tornà ad èsar comerçiałixà ła Les Paul) l'è stà introduxesto un novo modeło conomego de SG, ła "Junior", tutora in produsion. Ła "Junior" cusì cofà ła "Les Paul Junior" ła xera dotà de un únego pick-up tipo "P-90", o sia "single coil" o sia a bobina ùgnoła diversamente dai pick-up PAF "humbucker" adotai dai altri tipi de SG. I "P-90" i xera dotà de na partegołar forma che ghe vałeva racuanti soranomi: in Itałia "saponette", inte i Stati Unii "soapbar" (e anca dogears co vide de fisagio łaterałe inte ła version montada so łe semiacusteghe). Ła "Junior" xera stà dotà anca de ła łeva vibrà. Scuaxi contenporaneamente a ła "Junior" xera stà produxesta ła "Special" dotà de do "P-90" e de ła clàsga łeva vibrà tipo "Vibrola". Anca staltra guałìva a ła "Junior" ła vien riproponesta inte ła corente produsion Gibson inte ła serie "reissues".

Tipi de Gibson SG[canbia | canbia el còdaxe]

  • Gibson SG Stàndar
  • Gibson SG Custom
  • Gibson SG Special
  • Gibson SG The SG
  • Gibson SG Supreme
  • Gibson SG Menace
  • Gibson SG Goddess
  • Gibson SG '61 Reissue
  • Gibson SG GT
  • Gibson SG Angus Young Signature
  • Gibson SG Tony Iommi Signature
  • Gibson SG Robby Krieger Signature
  • Gibson SG Junior
  • Gibson SG Vintage
  • Gibson SG Doubleneck
  • Gibson SG-Zanda Signature
  • Gibson SG-X
  • Gibson SG Bigsby
  • Gibson SG Special Faded 3 pickups
  • Gibson SG G 400
  • Gibson SG ZOOT
  • Gibson SG Eric Clapton Fool
  • Gibson SG Z
  • Gibson SG Robot
  • Gibson SG Roxy
  • Gibson SG Diablo
  • Gibson SG Derek Trucks signature
  • Gibson SG Melody Maker
  • Gibson SG Deluxe
  • Gibson SG Pro
  • Gibson SG Firebrand
  • Gibson SG 200
  • Gibson SG 100

Chitaristi che uxa o che i ga uxà ła SG[canbia | canbia el còdaxe]

Angus Young (AC/DC), çełebre chitarista, ła cui imàjine ła xe łigà a ła Gibson SG

Tanti intra i pì famoxi chitaristi uxa o i ga uxà ła SG, alcuni łigando el pròpio nome indisołubilmente al strumento, cofà Angus Young dei AC/DC, Tony Iommi dei Black Sabbath e Robby Krieger dei Doors; tanti altri utiłixandoła in periodi łonghi o curti de ła pròpia carièra, tra cui Pete Townshend dei Who, Frank Zappa, Carlos Santana, Sister Rosetta Tharpe, Jerry Garcia dei Grateful Dead, Eric Clapton cuando ch'el miłitava inte i Cream, Jimi Hendrix, Duane Allman dei The Allman Brothers Band, John Cipollina dei Quicksilver Messenger Service, Frank Marino dei Mahogany Rush, Derek Trucks, Bernard Sumner dei Joy Division, Gillian Gilbert dei New Order, Mike Oldfield, Gary Clark Jr., Thom Yorke dei Radiohead, Stephen Stills dei Crosby, Stills, Nash & Young, George Harrison e John Lennon dei Beatles, Keith Richards e Mick Taylor dei Rolling Stones, The Edge degli U2, Max Cavalera dei Sepultura, Greg Hetson dei Bad Religion, Richie Sambora dei Bon Jovi, Billy Corgan dei The Smashing Pumpkins, Zakk Wylde, John Frusciante dei Red Hot Chili Peppers, John McLaughlin, Bill Frisell, Lenny Kravitz, Joe Perry dei Aerosmith, Brian Molko dei Placebo, Adrian Smith dei Iron Maiden, Frank Hannon dei Tesla, Stef Burns, Dexter Holland dei The Offspring, Tim McIlrath dei Rise Against, Allan Holdsworth, Robb Flynn dei Machine Head, Ian MacKaye dei Fugazi, Kelly Jones dei Stereophonics, Ryan Peake dei Nickelback, Daron Malakian dei System of a Down, Lily Lazer dei HIM, Zal Cleminson dei Nazareth, Jepson dei The Ark, Massimo Riva de ła Steve Rogers Band e chitarista de Vasco Rossi, Mick Box dei Uriah Heep, Jimmy McCulloch dei Wings, Todd Rundgren, i Nameless Ghouls Alpha e Omega dei Ghost, Vinnie Stigma degli Agnostic Front e Jake Kiszka dei Greta Van Fleet.

Curioxità[canbia | canbia el còdaxe]

Ła Gibson SG in Itałia ła xe anca conosùa co el soranome "Diavoletto", par via de łe do stremità inpontìe del corpo che recorda do picołi còrni.

Notasion[canbia | canbia el còdaxe]


Bibliografia[canbia | canbia el còdaxe]

  • Ken Achard, The History and Development of the American Guitar, Westport, CT, Bold Strummer Ltd., 1989, ISBN 978-0-933224-18-6.
  • Walter Carter, Gibson Guitars: 100 Years of an American Icon, Los Angeles, General Publishing Group, 1994, ISBN 978-1-881649-39-7.
  • Paul Day, Carter, Walter; Hunter, Dave; Verheyen, Carl, The Ultimate Gibson Guitar Book, New York, Metro Books, 2011, ISBN 978-1-4351-3756-1.
  • A. R. Duchossoir, Gibson Electrics: The Classic Years, Milwaukee, WI, Hal Leonard, 1998, ISBN 978-0-7935-9210-4.
  • A. R. Duchossoir, Gibson Electric Steel Guitars: 1935-1967, Milwaukee, WI, Hal Leonard, 2009, ISBN 978-1-4234-5702-2.
  • Joe Spann, Spann’s Guide to Gibson: 1902-1941, Anaheim Hills, CA, Centerstream Pub., 2011, ISBN 978-1-57424-267-6.

Voxe corełade[canbia | canbia el còdaxe]

Altri projeti[canbia | canbia el còdaxe]

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gibson_SG&oldid=1036394"