Gibson Firebird

Da Wikipedia, l'ençiclopedia libara.
Infobox de Strumento muxicałe Gibson Firebird
Tipochitara eletrica Cànbia el vałor in Wikidata
CostrutorGibson Guitar Corporation Cànbia el vałor in Wikidata
Data1963 — prexente
Caratarìsteghe tècneghe
Tipo del bodySolid body
Union del mànegoNeck-thru, Set-in
Legni
BodyMògano
MànegoMògano e Noxa
TastieraÈbano o Pałisandro
Hardware
PonteTune-o-matic
Pickup1, 2 o 3 Humbucker o sanò single coil
Cołori dispunìbiłi
Cherry, Sunbrust, Èbano


Ła Gibson Firebird ła ze na ghitara de ła Gibson projetà inte'l 1963.

Ispirà a ła Explorer, ma co łinee pì tondezante, par evitar l'inpato "forte" che ga avùo co'l pùblego ła Explorer. Łe varsion inisiałe, asé de frente definìe orizinałe, łe venjiva definìe reverse (caovolzeste) propio par el só desenjo, che'l prezentava spałe mancanti asimétreghe co ła suparior par intiero mancante e na spała infarior un mucio pì pronunsiada, contrariamente a cuando che nase de sòłito (spała infarior pì picoła de ła suparior par fasiłitar l'aceso ai tasti alti).

Ła ze stà ła prima Gibson solidbody a doparar na sołusion costrutiva ciamada neck-through (alguni modełi i ze set-in) e anca ad uzar i mini-humbucker.

Modełi[canbia | canbia el còdaxe]

Ła fameja de modełi ła jera formà da 4 ghitare ed 1 baso. A difarensa de łe cuzine SG e Les Paul, Gibson ła ga uzà łe denominasion Stàndar, Custom e Junior par destinguer i modełi. Par ła prima volta A se ga doparà i nùmeri romani "I", "III", "V" e "VII" par difarensiarle:

  • Firebird I - 1 pickup. Conbinasion ponte invidà/tailpiece. Hardware cromà.
  • Firebird III - 2 pickup, ponte Tune-o-matic e Maestro stàndar Vibrola. Hardware cromato.
  • Firebird V - 2 pickup, ponte Tune-o-matic e Maestro "Lyre" Vibrola. Hardware cromà.
  • Firebird VII - 3 pickup, ponte Tune-o-matic e Maestro "Lyre" Vibrola. Hardware indorà.

Mestiero comersiałe[canbia | canbia el còdaxe]

Co ła Flying V e ła Explorer, ła Firebird ła ga avesto el conpito de risołevar ła Gibson de łe cative acue finansiarie inte łe cuałe ła nuava e de defénder l'azienda mericana dai atachi de ła Jaguar e de ła Jazzmaster, modełi de ła Fender, che ła continuava a sfornar continuamente ghitare de suceso. Defati inte'l 1962, ła ga ciamà come designer Ray Dietrich, un famozo designer de automobiłi cofà łe Packerds, ła Chrysler Airstream de'l 1935, ła Tucker Torpedo de'l 1948 e oncora algune Kaiser, Lincoln Continental Mark II e ła futurìstega Tucker Carioca. Dietrich el ze stà anca l'autor, oltra che de'l nome, anca de'l logo so'l batipena che'l ne contradistingue l'autentisità. Dietrich el ga sełiesto anca i cołori ispirandose ai cołori DuPont Lucite che i venjiva doparà par łe automobiłi. Un ano drio, inte'l 1963, ła Firebird I ła ga debutà so'l marcà dei strumenti muzigałi. 'Sta ghitara ła propone anca un novo tipo de costrusion, infati ła zera conponesta de do łenji desconpanji, uno par łe "ałe" łaterałi e uno par el mànego el cuało el jera e el ze un tòco únego co ła parte sentrałe de'l body.

Ła Fender in chel parìodo ła jera insuperabiłe, e ła Firebird l'è stà łicuidà scuazi suito. Nonostante tuto A ne ze stà sfornà n'altra varsion, conosùa come non-reverse, ma njanca st'altra ła ze riusìa a far resałir łe vendite. Anca de eła varie aziende łe ga fazesto na copia, anca se ła pì famoza e ła pì fedełe ła resta cueła de ła Epiphone, che ła ze de propietà de ła Gibson. Allen Collins, dei Lynyrd Skynyrd, el ze stà cołù che pì de tuti el ga łigà el só nome a'l modeło, uzándoła fin da fin ani 60 par tuti i 70. El ga scominsià ad intersarla co na Explorer soło a partir da'l '76.

Gałarìa de imàzeni[canbia | canbia el còdaxe]

Voze corełade[canbia | canbia el còdaxe]

Notasion[canbia | canbia el còdaxe]


Altri projeti[canbia | canbia el còdaxe]


Linganbi foresti[canbia | canbia el còdaxe]


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gibson_Firebird&oldid=1106485"