Iron Maiden

Da Wikipedia, l'ençiclopedia libara.
Jump to navigation Jump to search
Iron Maiden
Logo iron maiden.png
IronMaidencollage2.jpg
Paexe de orìxaneRegno Unio
In atività dal1975-in atività
Xènaro muxicałeHeavy metal
Eticheta discografegaParlophone, BMG
EMI
Sanctuary
Columbia
Capitol
Epic
Sony Music
Universal
Discografia
Albun34
Stùdio16
En vivo11
Racolte7
Sito webhttps://ironmaiden.com/
IMDB: nm1442043
Facebook place: ironmaiden Twitter: ironmaiden Instagram: ironmaiden MySpace: ironmaiden Youtube: UCaisXKBdNOYqGr2qOXCLchQ Spotify: 6mdiAmATAx73kdxrNrnlao Musicbrainz: ca891d65-d9b0-4258-89f7-e6ba29d83767 Songkick: 438390 Discogs: 251595 Allmusic: mn0000098465

I Iron Maiden i xe un grupo muxegałe heavy metal britànego; i se gà forma a Łondra inte el 1975, so inisiativa del basista Steve Harris. I xe considarà uno dei grupi pì inportanti e influenti del xenere.

I ga publegà el so primo albun inte el 1980, deventando un dei grupi pì raprexentadivi de ła sena metal de chel periodo. Dopo ła publegasion del segondo albun, Killers, el cantante Paul Di'Anno xe stà sostituìo da Bruce Dickinson e int'el 1982 i ga publegà The Number of the Beast łaór tra i pì inportanti del grupo, e ùltemo co el baterista Clive Burr, sostituìo drìoman da Nicko McBrain. Inte'i ani otanta i ga avùo suceso a łivèło comerciałe co i albun Piece of Mind, Powerslave, Somewhere in time, Seventh Son of a Seventh Son, çertifegài dischi d'oro e de platino inte'i Stadi Unìi.

El so ùltmeo albun, The Book of Souls (2015), ga otegnuo un òtemo suceso raxonxendo ła cuarta poxision in te ła Billboard 200, cofà el presedente albun The Final Frontier, avendo avùo ła prima poxisión in varie nasion del mondo.

I ani dei scumisi[canbia | canbia el còdaxe]

Steve Harris e Paul Di'Anno in concerto al Manchester Apollo int'el 1980
I Iron Maiden durante un concerto dal vivo

El grupo xe stà fondà a Leyton in te'l 1975 dal basista Steve Harris che gaveva za fato parte de grupi cofà i Gypsy's Kiss e Smiler. Vardando el film L'omo da ła màscara de fero indove che ghe gera un strumento de tortura dito Verxene de Norinberga o "verxene de fèro" (in inglexe Iron Maiden) da cui el ga avuo l'idea de ciamar el grupo. Ła prima formasion ła jera formà da Harris al baso, Dave Sullivan e Terry Rance a łe chitare, Paul Day a ła voxe e Ron Matthews (Rebel) a ła baterìa. So'l finir de l'ano Sullivan el vien sostituìo da Dave Murray, che rivava dai Evil Ways, un grupo de ła scoła de Hackney indove che sonava anca Adrian Smith I se ga proponesto cofà alternativa ai Sex Pistols e Clash grupi che a cuel' epoca jera tanto famoxi, anca se 'l so xenare refleteva soło in parte el mondo del punk rock. Vien curà da łòri anca ła parte senoegrafega a parte cheła muxegałe e i so concerti i xe conpagnài da efeti pirotecneghi, xenaralmente produxesti dai vari menbri del grupo. Int'el 1978 el grupo trova na so formasion tipo e na so stabiłità grasie anca al fato che entra in grupo el cantante Paul Di'Anno e de Doug Sampson a ła baterìa che gaveva xa sonà co Harris inte' i Smiler.

Int'el łujo Rod Smallwood (famoxo talent scout dei Judas Priest, ga fato sonar i Iron Maiden prima come spàła dei Motōrhead el 3 Setenbre e po' cofà atrasion prinsipałe de Marquee Club de Łondra el 19 Otobre. A sto concerto gera prexente anca Brian Shephard, el diretor de ła EMI.

Vien ingagià un segondo chitarista Tony Parsons, insidendo do novi brani, Sanctuary e Wrathchild par ła racolta de Metal for Muthas, publegada el 15 Febràro 1980 da ła Sanctuary Records. Drìoman sto chitarista par problemi de sałute ga dovesto łasar el grupo, vegnindo sostituìo da un altro, Gary Edwards. Sampson conparirà solchè int'el brano Burning Ambition łado B de Running Free. Drìoman Harris ga reclutà anca Dennis Stratton come segondo chitarista dopo che Adrian Smith gaveva rifiutà, el so grupo i Urchin gavea un bon sucéso. Stratton ga fato anca entrar un novo baterista inte el grupo, Clive Burr che ciaparà el posto de Edwards. El 8 de Febràro vien publegà el sìngoło Running Free, che ga raxonxesto el 34° posto inte łe clasifeghe britaneghe e gà portà el so grupo a sonar inte ła trasmision Top of the Pops de ła BBC.

I primi albun e i tour (1980-1981)[canbia | canbia el còdaxe]

Paul Di'Anno

Co’ ła nova formasion vien publegà, el 14 avrìl 1980, l'omonemo albun d'exordio del grupo, che ga raxonxesto ła cuarta poxision ‘nte łe clasifeghe britàneghe grasie a brani cofà Prowler, Running Free, Phantom of the Opera e Iron Maiden. Drìoman el grupo xe partìo par el primo tour ofisiałe, dapò i se ga exibìo anca cofà grupo de suporto par el grupo Judas Priest ‘ntel so British Steel Tour e indrìoman, ‘ntel resto de l’Europa, ga faxesto da suporto a ła tournée de Unmasked dei KISS.

A xugno xe stà publegà el sìngoło Sanctuary, che no xe stà incluxo inte l’edision europea de l’albun, a cauxa de ła coertina de l’albun ghe xe stà połèmeghe parchè gera raprexentà el personaxo de Eddie che inbrandiva un cortèło so łe spoje del primo ministro inglexe de cuel tenpo, Margaret Thatcher; sta ùltema, ła coertìna xe stà sindicà (censurà) e i òci de ła Thatcher xe stài covèrti da ‘na łinea negra.

Drìo de sto tour Stratton ga sbandonà el grupo par ponti de vista desconpagni da cuełi dei altri menbri, e parchè el sentiva pì łigà a un altro tipo de rock mełòdego stìłe Fleetwood Mac respeto a l’heavy metal, e drìoman el fondarà i Lionheart. Inte’l so grupo xe entrà cusì Adrian Smith, so amigo de infansia de Dave Murray e xa chitarista dei Urchin.

L’8 novenbre xe stà publegà el sìngoło Women in Uniform, cover dei austriałiani Skyhooks, co’ ancora Stratton cofà chitarista. So ła coertìna conpariva da novo ła Thatcher che ła jera armà de mìtria e sconta dadrìo de un muro spetando de vendegàrse de Eddie che spasixa a braseto co’ do sguìnse.

Ła nova formasion ga tacà ła registrasion del segondo albun Killers, che xe stà publegà ‘ntel 1981. Ła produsion de sto albun ła jera stà afidà a Martin Birch, xa produtor de altri grupi cofà Deep Purple e Rainbow. L’albun, grasie a canson cofà title track, Wrathchild e Murders in the Rue Morgue, el ga avesto bone recension, anca se no’l xe riusìo a sorpasar el suceso che gavea avùo el primo albun, raxonxendo cusì el 12° posto inte łe clasìfeghe del Regno Unìo.

Partindo par un tour a łivèło mondiałe, el grupo xe stà atrasion prensipałe in alcuni festival in Europa e in Japon, e vari altri concerti inte’i Stati Uniti. Da i concerti che i gavea fato vien estraxesto un EP dal tìtoło Maiden Japan e xe stà anca registrada par ła prima volta ‘na so exibision in vivo drìoamn publegada el cui tìtoło jera Live at the Rainbow.

In cuel periodo el conportamento del cantante Paul Di'Anno, che faxeva uxo de alcol e droghe, ga tacà crear problemi, soratuto cuando che se desvolxeva i concerti, conprometendo ła riusìda del tour. Par sta raxon el xe stà łisensià dal grupo anca se èło sostegnìva de èsar andà via par so vołontà. Paul Di’Anno formarà prima i Lonewolf, pì tardi nomenai come Di'Anno, e drìoman i Gogmagog, i Battlezone e infìn i Killers, oltra a cantar co’ i Praying Mantis.

L'arivo de Dickinson e The Number of the Beast (1982)[canbia | canbia el còdaxe]

Bruce Dickinson

Slontanà dal grupo Paul, jera nesesario catar un novo cantante. ‘Ntel 1981, el grupo , al Reading Festival, ga asistìo a l’exibision dei Samson che gera drìo aver un gran suceso e ‘na òtema partesipasion de publego grasie annca al cantante Bruce Dickinson, che a chel tenpo jera soranomenà "Bruce Bruce" o "Air Raid Siren" ("sirena de ataco aereo"). Xe stà desidesto de ingagiar Dickinson che, dopo alcune setemane, xe entrà inte’l grupo. ‘Ntel 1982 xe scumisià ła rejistrasion del novo albun che xe stà publegà pochi mexi drìoman, The Number of the Beast, presedùo dal primo sìngoło Run to the Hills. El disco ga prexentà ełementi renovai respeto ai do presedenti albun e’l xe stà caraterixà da nove e arichìe sonorità respeto ai presedenti dischi, grasie soratuto a łe capasità de ła voxe de Bruce.

Sto albun xe al dì d’ancò retegnùo tra i pì inportanti produxesti in anbito metal e tra i pì influenti del xenere. ‘Ntel disco xe prexenti alcuni dei brani pì conosùi del grupo, come Children of the Damned, 22 Acacia Avenue, Hallowed Be Thy Name, Run to the Hills e l'omonemo The Number of the Beast. L’albun ga raxonxesto el primo posto inte łe clasìfeghe britàneghe.

Come altri grupi anca łòri i ga subìo acuxe de satanismo da alcune organixasion rełijoxe, che, in ocaxion de l’usìda del terso albun, ga proà a boicotarne ła destribusion, rivando al ponto de bruxarne artante copie in pùblego. In realtà el brano che dà el tìtoło a l'albun e soratuto el so testo introdutivo xe stà ciapà dal łibro bìblego de l'Apocałise; sto testo in orìxebne gavarìa dovesto èsar contà da l’ator Vincent Price ła cui rechiesta ‘conomega parò, «non manco di 25.000 sterline», xe stà retegnùa masa oneroxa e ‘l grupo xe stà costreto a ingaigar un imitador par l’incixion brano. El grupo no ga faxesto tanto caxo a łe połèmeghe e xe partìo par un novo tour, The Beast on the Road, in cui i xe stài el grupo prinsipałe par scuaxi tute łe tape, via che ‘nte i Stati Unìi indove so alcune date i ga verto ai Rainbow, a Ozzy Osbourne e ai 38 Special. Anpò, el 29 xugno a New York se ga rejistrà el tuto exaurìo e in ocaxion del show xe conparìe nove senografie che rodava intorno a un xigantesco putinòto de Eddie.

El suceso mondiałe (1983-1985)[canbia | canbia el còdaxe]

Dave Murray e Adrian Smith in concerto durante na data del tour The Beast on the Road

Fenìa ła tournée, el grupo se ga ciapà un periodo de repoxo a łe Bahamas indove l’ha registrà el cuarto albun, Piece of Mind (1983), suìto seguìo dal World Piece Tour. Al disco ga partesipà el novo baterista Nicko McBrain, ex cołaborador de Pat Travers e dei Trust, inserìo ‘ntel grupo in drìo ła defesion de Clive Burr, usìo par problemi de stress e de sałute.

Muxegalmente l'albun ga prexentà nove influense sonore ciapàe dal rock progresivo, co’ brani pì mełodisi e struturalmente pì conplesi e risercai.

Gran parte de ste novità xera dovùe pròpio al stìłe pì tècnego e rafinà del novo baterista. Dickinson, grasie a ła so łaurea in storia e łetaradura, ga conponesto testi asè colti cofà ad exenpio Revelations o Flight of Icarus. L'albun xe stà tanto apresà, e’l brano The Trooper xe deventà una de łe canson piasè conosùe del grupo.

Senpre a łe Bahamas, el cuinteto ga registrà inte’l 1984 el cuinto albun, Powerslave, che ga avùo un stragrando suceso, raxonxendo ła segonda poxision de ła Official Albums Chart britànega e reprexentando sonorità più dure ma conservando al steso tenpo i trati rock progresivo inserìi inte’l presedente.

L'album fu influenzato dalla civiltà egizia, con frequenti riferimenti nei testi alla cultura e alle credenze di questo popolo antico. I so sìngołi (ùgnołi), Aces High e 2 Minutes to Midnight, insenbre a ła title track e a ła trasa concluxiva The Rime of the Ancient Mariner, ispirada a l'omonemo poemeto de Coleridge, deventarà presto clàseghi del grupo e vegnarà sonàe dal vivo in numaroxi concerti. El brano Flash of the Blade ga fato parte, tra l'altro, de ła cołona sonora de Phenomena, un film de Dario Argento.

El so sucesivo tour mondiałe, el World Slavery Tour, xe stà el pì łongo mai sostegnùo dal grupo durando tredexe mexi, par un totałe de 360 concerti. A łe date del tour se ga xontà anca ła parteçipasion, come atrasion prinçipal, al festival Rock in Rio, andove i ga sonà davanti a un publico stimà tra i 250.000 e i 350.000 spetadori. Durante łe cuatro serade de "tuto exaurìo" a ła Long Beach Arena xe stà invese rejistrà el Live After Death (1985), considarà da ła stanpa de setor uno dei pì grandi dischi dal vivo inte ła storia del xenere.

Łe inovasion (1986-1988)[canbia | canbia el còdaxe]

Dopo un łungo periodo de repoxo durante el cuało paromo dei conponenti del grupo se gà dedegà a łe respetive fameje. El grupo xe tornà in studio de registrasion e, ‘ntel 1986, xe stà publegà l'albun Somewhere in Time, disco che ga evidensià ‘na evołusion muxegałe par el grupo; ła moda del periodo, che prevedeva un łargo uxo dei sintetixadori, de cui ga fato granod uxo anca inportanti artisti heavy metal cofà Ozzy Osbourne, Judas Priest e KISS, gà influensà anca i Iron Maiden che gà afiancà par ła prima volta tałi soni a łe chitare e al baso, mantegnendo comuncue un stìłe senpre duro co’ al so interno i stiłemi progressive de łe so ùlteme produsion.

Inportante xe rexultà el contributo de Adrian Smith, che ga parteçpià in maniera patòca a ła conpoxision dei testi e de łe mùxiche cofà ad exenpio in Wasted Years, caraterixada dal çełebre riff inisiałe; altri brani che xe devegnesti famoxi xe stà Heaven Can Wait e ‘l segondo sìngoło, Stranger in a Strange Land.

Łe vendite xera stàe tałe da xontar el terso posto inte łe clasìfeghe britàneghe, ma łe critiche verso sta svolta no ga tardà a rivar.

El tour sucesivo, Somewhere on Tour, ga rejistrà el tuto exaurìo in tante nasion e ga prexentà exibision senpre pì spetacołoxe, dominàe da efeti speçiałi, łuxi e foghi de artifisio.

Dopo do ani de concerti el grupo xe tornà in studio a rejistrar e, ‘ntel 1988, xe stà publegà Seventh Son of a Seventh Son, disco inte’l cuało xe ancora prexenti sintetixadori, ‘conpagnai però da un notevołe inasprimento del stil del grupo co’ anca ła voxe de Dickinson pì dura e tajente. A cauxa de esplisiti referimenti a Satana inte i testi, se gà ipotixà che i menbri del grupo i fuse satèłiti (seguasi) de l’ocultista Aleister Crowley, fegura paraltro retegnùa fasinante da Bruce Dickinson, tanto che’l cantante ghe dedicarà el film Chemical Wedding. El disco ga raxonxesto el primo posto de łe clasìfeghe britàneghe, trainà da sìngołi cofà Can I Play with Madness, The Evil That Men Do e The Clairvoyant, proposti par ła prima volta dal vivo inte’l Seventh Tour of a Seventh Tour.

Discografia[canbia | canbia el còdaxe]

  • Iron Maiden (1980)
  • Killers (1981)
  • The Number of the Beast (1982)
  • Piece of Mind (1983)
  • Powerslave (1984)
  • Somewhere in Time (1986)
  • Seventh Son of a Seventh Son (1988)
  • No Prayer for the Dying (1990)
  • Fear of the Dark (1992)
  • The X Factor (1995)
  • Virtual XI (1998)
  • Brave New World (2000)
  • Dance of Death (2003)
  • A Matter of Life and Death (2006)
  • The Final Frontier (2010)
  • The Book of Souls (2015)
Controło de autoritàVIAF (EN141909049 · ISNI (EN0000 0001 2324 5420 · LCCN (ENn91119210 · GND (DE5232500-3 · BNF (FRcb13904134p (data) · WorldCat Identities (ENn91-119210
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Iron_Maiden&oldid=961101"