Sintetixador

El sintetizador (scurtà anca in synth da'l tèrmene in ingleze synthesizer) el ze un stromento muzègałe che'l partien a ła fameja dei ełetròfoni. El ze un paraménto capase de zenerar da sò posta senjałi audio, soto el contròło de un muzeghista o de un sequencer. A se trata de un strumento che'l pol zenerar imitasion de strumenti muzègałi reali o crear soni ed efeti non ezistenti in natura. Atualmente catemo anca sintatizadori virtuałi (VST, AU, RTAS stàndar zlansà inte'l 1997), che i asolve a 'sto conpito par intièro a łivèło software e che i se puza so schede interne o esterne cołegàe a un personal computer.

El sintetizador el ze zenaralmente comandà par mezo de na tastiera sìmiłe a cueła de'l pianoforte, comuncue no manca reałizasion destinàe a èsar zestìe co'l fià, ła presion, łe corde de na ghitara o altri tipi de controller de nova concesion cofà cuełi a razi infrarosi, a zesti e a onde serébrałe.