Diałeto vèneto łagunar

El vèneto venesian o lagunar el xe ła variante vèneta parlà inte ła xona de ła Laguna veneta.

Difarense co altre varianse vènete

• clìtego sogeto ti al posto de ła fórma xenerałe te: ti ti parli (ti te parli), ti no ti vien miga (ti no te vien miga)
• secónda persona verbałe precixa de ła tersa soło al futuro: ti sentirà = el sentirà (ma prexente ti senti ≠ el sénte), ti parlarà = el parlarà (ma prexente ti parli ≠ el parla)
• secónda pers. precixa de ła tersa al prexente de puchi verbi curti: ti va, ti fà (fórma xenerałe "te vè, te fè")
• ùnica variante che ga perso ła coniugasion interogativa: ti sa? (sastu? sàtu? sètu? sèto?), ti vien? (viento? vientu?)
• el cioxoto invese el ga ancor łe vecie interogative màgnistu? (màgnito? màgnitu?), sastu?, vostu? (votu? voto? vutu? vuto?) doparàe anca dai pi vecioti
• ła L-tajà ła vien leta come evanesente ("e" curtìsima o semimuta): bała se leze bàea, ciàcołe se leze ciàcoe, xeło se leze xeo
• mancansa de interdentałi: zsavata se leze savata, sinque se leze sinque
• nomi e verbi in -i ma sensa metafonexi come el veronéxe: i mónti (i munti), i ségni (i signi)

Slavismi

Conponenti slave le se ritrova anca inte l’antroponimia e inte la toponomastega urbana de Venezia: anche se no li xe slavismi tout court, questi elementi i testimonia la pasada prexensa de xenti balcaniche, come xà Tassini (1872) oserva inte le so Curiosità veneziane.

• Muci (muchi): serbocroato muči (taci), inperativo de mučati (taxere), a so volta da muk (silensio)

• Zima: serbocroato e sloveno zima (inverno, freddo)

Bibliografìa

• Giuseppe Tassini, Curiosità veneziane - ovvero Origini delle denominazioni stradali di Venezia, VIII edizione, Venezia, Filippi Editore, 1970.

Altri projeti

Altri progetti

• Wikisource

• Wikisource el detien na voxe dedegada a vèneto lagunar
• el detien schemi gràfeghi so