Monséłexe
 Monséłexe |
|
|---|---|
 |
|
| Stato: |  Itałia |
| Regione: |  Vèneto
|
| Provincia: |  Pàdova |
| Coordinate: | |
| Altitudine: | 9 m s.l.m. |
| Superficie: | 50 km² |
| Abitanti: | 17.603 31-12-09 |
| Densità: | 352 ab./km² |
| Frasion: | Maréndołe, Montexeli, Ca' Odo, San Cosma, San Bórtoło, San Giacomo, San Martin, Càrmine, Tore |
| Comuni contigui: | Arquà Petrarca, Baon, Bataja, Este, Galsignan, Parnumia, Posonovo, San Piero Viminario, Sant'Ełena, Solesin, Triban |
| CAP: | 35043 |
| Prefiso teł: | 0429 |
| Codice ISTAT: | 028055 |
| Codice catasto: | F382 |
| Nome abitanti: | monsełexani |
| Santo patrono: | San Piero |
| Giorno festivo: | 2 de novenbre |
  |
|
| Sito istitusionałe | |
Monséłexe el xe un comun de 17.603 abitanti 'nte ła provincia de Padova. Séntro de rełevansa de ła Basa Padovana, ła se cata ai pie dei cołe de ła Roca, al de sora del quałe ghe xé un casteło, tirà su 'ntel'Alto Medioevo e dal grando vałor artìstego. Da sto edifisio parte na sinta de muri fata da tri sirci che i toe drénto tuto l'abità.[1].
Oltra al casteło, a Monséłexe se cata un fià de céxe inportanti dedicade a San Poło, San Stin, San Martin e San Tomà. Ghe xé anca dó viłe vènete, na dei Contarini e st'altra dei Marcello.
Indice |
[canbia] Storia
El signifegà del nome "Monséłexe" el podaria vegnere da mons silicis, łigà al'estrasion de ła piéra de sèłexe dal cołe intorno al qual a se cata el paéxe, o da mons elicis (monte del'èłexe), dal nome del'àlbaro.
Ła lexenda ła cónta che Monséłexe ła saria stà fondada parfin da Osicela, un dei compagni de Antenore, méntre ghe xé n'altra version che ła fa risałire l'orìxene al scontro infrà altri du personaji del mito ła regina Egina e'l gigante Sarpedone.[2] In ogni caxo se sa che i primi insediaminti i xé oncora de prima, 'ntel'età del fero.
'Ntel'Età de Mezo ła sità ła xé nasesta bastansa présto respeto ai altri séntri minuri del teritorio. I Bizantini i xé stai i primi a fortifegare el cołe de ła Roca, 'ntel VI sècoło, che'l ga avùo n'inportansa stratèjica soto i Franchi. El sistema de mura el xé sta infin parfesionà da Ezelin da Roman e daspò dai Cararexi, chei ga vosùo che Monséłexe ła fuse l'avanposto defensivo meridionałe de Pàdova.
'Ntel 1405 ła sità ła xé pasada soto ła Repùblica de Venesia, deventando łógo de sojorno par patrisi de łe fameje Marcello (a ła quałe ghe partegneva anca el casteło[3]), Duodo, Nani e Pisani.[4] Durante sti tinpi ła sità ła ga visto i sui muri decorai secondo el gusto rinasimentałe e, un sècoło daspò, 'ntel '600, el séntro ornà da ełeminti barochi.[4]
Daspò l'intrada 'ntel'Itałia, Monséłexe ła xé cresesta dal pónto de vista agrìcoło e industriałe afermàndose, grasie a ła só poxision, come un dei séntri più inportanti de ła Basa Padovana.[4]
[canbia] Aministrasion comunałe
Sìndico: Francesco Longhi (sentrodrita) dal 22/06/2009
Sentrałin comunal: 0429 786911
Posta eletronica: urp@comune.monselice.padova.it
[canbia] Evolusion demografega
Abitanti censii 
[canbia] Personaji łigai a Monséłexe
- Guido Guinizzelli, poeta bołognese, qua morto
- Angiola Baggi, atora
- Fabio Rossato, muxicante
