Piove de Saco
 Piove de Saco |
|||||||||
|---|---|---|---|---|---|---|---|---|---|
|
|||||||||
| Stato: |  Itałia |
||||||||
| Regione: |  Vèneto
|
||||||||
| Provincia: |  Pàdova |
||||||||
| Coordinate: | |||||||||
| Altitudine: | 5 m s.l.m. | ||||||||
| Superficie: | 35,63 km² | ||||||||
| Abitanti: | 18.066 majo 2006 | ||||||||
| Densità: | 500 ab./km² | ||||||||
| Frasion: | Corte, Tognana, Arzereło, Piovega | ||||||||
| Comuni contigui: | Arzergrande, Brùxene, Canpagna Lupia (VE), Canpołóngo Magior (VE), Codevigo, Pontełongo, Sant'Angeło de Piove de Saco | ||||||||
| CAP: | 35028 | ||||||||
| Prefiso teł: | 049 | ||||||||
| Codice ISTAT: | 028065 | ||||||||
| Codice catasto: | G693 | ||||||||
| Nome abitanti: | piovéxi | ||||||||
| Santo patrono: | San Martin de Tours | ||||||||
| Giorno festivo: | 11 de novenbre | ||||||||
  |
|||||||||
| Sito istitusionałe | |||||||||
Piove de Saco el xe un comune de 18.325 abitanti de ła provincia de Padova.
Indice |
[canbia] Istoria
El teritorio de Piove de Saco el jera abità forse xà in età paleovèneta e'l xé deventà soto i Romani n'inportante nodo stradałe e fluviałe. Infati par Plebs Sacci ghe pasava łe Vie Annia e Popilia e i fiumi Bachiłion e Àdexe. 'Ntei tinpi soto i łongobardi ła sità ła xé deventada sede de n'arimano (cao tribù), 'ntel'VIII sècoło ła xé pasada soto el controło dei carolingi par devégnare daspò, dal'880, teritorio del vescovado de Pàdova. In sto ténpo ła xé stada fortifegada coi terapiini che i caraterixa anca 'ntei jurni de ancuo l'aspeto a forma de quadriłàtaro.
'Ntel XIV sècoło Piove de Saco ła xé 'ndada soto l'influénsa dei siuri de Pàdova, i Cararesi, che i ga conpletà łe fortifegasion col'edifegasion de grande tore a łe porte de intrada, ma mantegnéndo sénpre ła despoxision orixenaria a forma de retàngoło. Con ła fine de ła signoria padovana, sta xona ła xé pasada 'nte łe man de ła Serenìsima e ła despoxision urbanìsega ła xé restada pì o manco sénpre queła, se no consideremo łe numaroxe viłe fate tirar su dai patrisi de Venesia, fin a ła fin del XVIII sècoło. In sti tinpi qua parici edifisi stòreghi, infrà i quałi el pałaso comunałe e łe porte de intrada, i xé stai butai xó, ma i ga tirà su de novo ła céxa de San Martin.
[canbia] Monuminti
- Ła tore majore, che ła xé l'ùnego toco che'l resta de ła fortifegasion cararexe, ancuo ła fa anca da canpaniłe par el domo de San Martin.
- El domo de San Martin el vien dal X sècoło e'l xé stà restorà parece volte, l'ùltima infrà el 1893 e'l 1903. Drénto ghe xé decorasion da parte de Zuan Batista Tiepolo (ła pała de ła Madona del Carmelo) e Giacomo Sansovin (altare del Santìsimo Sacramento).
- El pałaso munisipałe, tirà su col projeto de Giuseppe Jappelli, el xé stà fato al posto de queło orixenałe 'ntel 1818.
- El santuario de ła Madona de łe Grasie, che'l se cata a un chiłòmetro dal séntro, el xé stà fato 'ntel XV sècoło. El xé łigà a n'istoria de du fradełi che, otegnendo l'eredità, i ga litigà su n'imàxene de ła Vèrxene co Gesù. L'intervénto de un putełeto de n'ano el ga portà ła paxe infrà i du e łuri i ga portà l'imàxene 'ntel santuario.
[canbia] Aministrasion comunałe
Sìndico: Alessandro Marcolin (centrodestra) dal 22/06/2009
Sentrałin comunal: 049 9709111
Posta eletronica: segreteria@comune.piove.it
[canbia] Evolusion demografega
