Łìmena
 Łìmena |
|||||||||
|---|---|---|---|---|---|---|---|---|---|
|
|||||||||
| Stato: |  Itałia |
||||||||
| Regione: |  Vèneto
|
||||||||
| Provincia: |  Pàdova |
||||||||
| Coordinate: | |||||||||
| Altitudine: | 22 m s.l.m. | ||||||||
| Superficie: | 15 km² | ||||||||
| Abitanti: | 7.289 2007 | ||||||||
| Densità: | 484 ab./km² | ||||||||
| Comuni contigui: | Curtaroło, Pàdova, Piasoła, Vigodarzere, Viłafranca Padovana | ||||||||
| CAP: | 35010 | ||||||||
| Prefiso teł: | 049 | ||||||||
| Codice ISTAT: | 028045 | ||||||||
| Codice catasto: | E592 | ||||||||
| Nome abitanti: | limenesi | ||||||||
| Santo patrono: | San Fełise e San Fortunà | ||||||||
| Giorno festivo: | 14 de majo | ||||||||
  |
|||||||||
| Sito istitusionałe | |||||||||
Łìmena el xe un comune de 7.289 abitanti de ła provincia de Padova. A Łìmena dal fiume Brenta se staca el canałe Brenteła.
Cresesta, soratuto 'ntel secondo daspò-guera, da paéxe agrìcoła a séntro de produsion prinsipalmente industriałe, ła łocałità ła mostra na rica prexénsa de fàbriche e axiénde.
Par parici ani ła xé stada colpia da un tràfego (specialmente de mexi industriałi) davèro sofegante, cauxà dal'inexisténsa de na łigadura autostradałe che ła 'ndase da Pàdova al'ase Trénto-Bolzan (raxon che anca ancó ła òbliga pasar par ła Valsugana). Ancó parò ła situasion ła xé parecio mejorada, grasie al fato che i ga verto ('ntel 2005) na nova tangensiałe che ła scansa el traversamento del'abità da parte dei cami.
De conseguénsa Łìmena ła xé drio vìvare na spece de renasua che ła xe drio portarla sénpre de pì sul teren del setor tersiario, par quanto revarda łe atività de produsion de richesa pì tìpeghe (par exenpio na bona parte dei concesionari de automòbiłi de Padova i se ga spostai qua), e anca par i pì sìnplixi servisi par ła popołasion, come l'intratenimento (ła ga un grando cinema), e par i turisti (i ga verto alberghi co grande e moderne sałe par congresi).
Ła granda desminusion del tràfego e ła redusion, de conseguénsa, del'inquinamento, i projeti de difarénti òpare che łe mejorarà ła quałità de ła vita (come nuvi parchi e piase, pì l'edifegasion de nove caxe e nuvi quartieri drento i confini comunałi) e ła pìcoła distansa dal caołogo de provinsa (Łìmena infati ła xé el primo comun fora da Pàdova in diresion nord-ovest), i podariao spìnxer un nùmaro sénpre majore de persone o fameje a 'ndar a vìvare 'ntel comune.
[canbia] Evolusion demogràfega
Abitanti censii 
