Giografia de l'Algeria

Da Wikipedia, l'ençiclopedia libara.
Sahara algerino

L’Algeria la xe la seconda naxion pi grande de l’Africa. Co i so 2 381 741 km², l’Algeria la ga anca la pi grande estension de deserto dei paesi del Maghreb. Quatro quinti del so teritorio i fa parte del deserto del Sahara. L’Algeria la ga na costa longa bagná dal Mar Mediteraneo. La costa la xe separada dal deserto da montagne e da valate. Questi i se riunise in do sistemi ciamadi l’Atlante del Tell e l’Atlante sahariano.

Atlante del Tell[canbia | canbia el còdaxe]

L’Atlante del Tell el xe formá da varie cadene de montagne che le se sa formá in tel Pliocene. Se trata de montagne calcaree che le riva fin su la costa, formando promontori rociosi e spiage curte. I monti pi alti i xe l’ Ouarsenis (1983 m), el Babor (2004 m) e el Djurdjura (2308 m), che i se cata inte la region de la Picola Cabila e de la Grande Cabila. Le pianure de Annata e de Orano le fa parte del Tell.

Atlante sahariano[canbia | canbia el còdaxe]

Se trata de on sistema de montagne pi vecio del Tell (del Paleozoico) e chel ga subí na erosion forte. Le cime le xe pi base e no le va sora i 2000 metri. Se cate le cadene de monti Ksour, Amour, Ouled e Nanil, tuti soto i domila metri. Le do ecesion le xe i masici de l’ Aurès (2328 m) e de l'Ahaggar (3000 m). L’Atlante sahariano el disende verso el Tell e verso la Tunixia.

Le àcue[canbia | canbia el còdaxe]

I fiumi i se cata quasi solo che in tel Maghreb, che saria la fasa cosiera. I fiumi che i se buta in tel Mediteraneo (Tafna, Chelif, Soummam, Oued el-Kebir) i xe pereni, ma i xe curti e co poca acqua. El fiume pi longo, el Medjerda, el sparise suito in Tunixia. En te i altipiani se cata laghi salá e de le oasi pedemontane.

Clima[canbia | canbia el còdaxe]

So la costa se cata el clima mediteraneo, co inverni fredi e estate calde (media estiva la xe de 24 gradi). En tel deserto se cata temperature de 47 gradi, co grosa escursion termica dal di a la note. La piova la xe abondante so la costa (1000 mm a l’ano), e poca in tel interno (300 mm), co liveli minimi ance de soli 10 mm a l’ano.

Temperatura e piova[canbia | canbia el còdaxe]

Temperature e precipitazioni mensili


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giografia_de_l%27Algeria&oldid=1099874"