Xona de l'Euro

Ła zona del'Euro l'è queła zona econòmica fata dai Paixi Europèi (e só teritori) che i ga decixo de métar da parte łe monéde nasionałi e sostituirle co un scheo soło vałido par tuti.

Ocio!: Ła xona de l'euro no l'è mìa exatamente l'Union Europèa parché ghe xe Stati de l'UE che i tien el só scheo nasionałe (sterlina in Regno Unìo, Corona in Svezia) e ghe xe Stati che dòpara l'euro seben che no i fa mìa parte de l'UE (Vatican, Andora, Serenìsima Repùblica de San Marin, Prinsipato de Mònaco, Montenégro, Kosovo...)

Ła xona de l'Euro in axuro.

In pi, l'euro el vien doparà anca inte i teritori geograficamente no-europèi ma dependenti da un Stato UE (Guyana Franséxe in sudamèrica, Ceuta e Melilla inte el nordàfrica...)

Ntel 2007 inte ła zona euro ghe xera trédexe stati menbri, co piesè de 316 miłioni de abitanti:

Stato	Adosion de l'euro
Àustria	1° de genaro 1999
Belzo	1° de genaro 1999
Finlàndia	1° de genaro 1999
Fransa	1° de genaro 1999
Zermània	1° de genaro 1999
Irlanda	1° de genaro 1999
Itàłia	1° de genaro 1999
Łusenburgo	1° de genaro 1999
Paezi Basi	1° de genaro 1999
Portogało	1° de genaro 1999
Spagna	1° de genaro 1999
Gresa	1° de genaro 2001
Slovènia	1° de genaro 2007

Ntel 2008 e inte el 2009 ł'union monetaria ła se xe estesa a altri tri paexi de ł'Union:

Stato	Adosion de l'euro
Cipro	1° zenaro 2008
Malta	1° zenaro 2008
Slovàchia	1° zenaro 2009