Torino Football Club

Da Wikipedia, l'ençiclopedia libara.
Infobox de Organizasion Torino Football Club
Flag of Italy.svg Ac-torino-old-2.png
Tipoclub de bałon
scuadra de bałon Cànbia el vałor in Wikidata
Vestiàrio
Caza
Trasferta
Tersa
Fondasion1906 Cànbia el vałor in Wikidata
SedeItàlia
Sede legałeTurìn
PresidenteItàlia Urbano Cairo
FederasionFIGC
ParonUrbano Cairo (it) Traduzi Cànbia el vałor in Wikidata
AłenadorItàlia Giampiero Ventura
StàdioStadio Olimpico (27.994)
SporBałon Cànbia el vałor in Wikidata
LigaSerie A Cànbia el vałor in Wikidata
InoCore Toro
Sito ufisiałe

Facebook place: TorinoFootballClub Twitter: torinofc_1906


El Torino Football Club (conosesto cofà el Toro) el xe un club de bałon italian, de ła sità de Torin. El xe stà fondà inte el 1906 e el ga xugà scuaxi senpre in Serie A.

Inte i ani '40 del '900 el Toro el ga visuo uno dei so momenti mejo vinçendo çincue scudeti consecutivi, ma el 4 de majo 1949 el reoplan che el riportava a Torin ła scuadra, dopo na amichevołe a Lisbona, el xe ndà doso a ła Baxełega de Superga. In sto inçidente, conosuo cofà ła tragedia de Superga, xe morti tuti i xugadori de cueło che oncora deso el vien ciamà el Gran Torin. Sto tragico avegnimento el vien ricordà ogni ano, co na sorta de pełegrinajo a Superga, da i tifoxi del Toro.

Istòria[canbia | canbia el còdaxe]

Ła fondasion[canbia | canbia el còdaxe]

El xugo del bałon el riva a Torin verso ła fin del otosento, pa' inisiativa de industriałi svisari e inglexi. Xà inte el 1894 ghe jera almanco do scuadre: el Internasionałe Torin e el Football Club Torinexe. Inte el 1900 el Football Club Torinexe el asorbe el Internasionałe Torin.

El 3 de diçenbre del 1906, inte ła bireria Voigt de via Pietro Micca, un grupo de disidenti de ła Juventus, guidai dal svisaro Alfredo Dick, che no i condividea ła svolta verso el profesionismo de ła socetà bianco-nera, i se alea col FC Torinexe. Nase cusita el Football Club Torin. El primo presidente el xe el svisaro Hans Schönbrod. Ła nova socetà ła adota el granata cofà cołore sociałe, al posto del xało-nero a striche verticałi del FC Torinexe. Canpo da xugo, fin al 1910 el xe el vełodromo Umberto I.

I primi pasi[canbia | canbia el còdaxe]

El primo incontro uficiałe el vien xugà el 16 de diçenbre del 1906 a Versełi contro ła Pro Versełi e el vien vinto 3 a 1 dal club torinexe. El primo derby co ła Juve el vien xogà inte el vełodromo Umberto I el 13 de xenaro del 1907: el Toro el vinse par 2-1. Un mexe dopo i granata i vinse anca ła rivinsità par 4-1.

Inte el 1912 entra a far parte del staf tenico Vittorio Pozzo. Inte el 1914 i granata i va in turnè inte ła Mèrica del Sud, su sie partie xogae el Toro ghi ne vinse sie. Col inìsio de ła Guera Granda vien sospexo el canpionato co manca na partia a ła fine: el scudeto el va al Genoa, el Torin el riva secondo a do ponti, e ghe mancava propio ła partia de ritorno co i xenovexi (andata vinta da i granata par 6 a 1).

Finia ła guera el canpionato el riscomisia inte el otobre del 1919. Inte ła stajon 1920/1921, co no existeva gnancora el giron ugnoło ma na serie de gironi rejonałi seguìi da cuatro gironi de semifinałe, el Torin el xe rivà, inte el so giron de semifinałe, parimerito col Legnan e xe sta cuindi nesesàrio un sparejo. Finìi i tenpi regołamentari 1-1 se ga dovesto ndar vanti co i suplementari (do e da mex'ora). Finìi i suplementari łe scuadre łe jera ncora in parità, el arbitro el ga cuindi fato scuminsiare un terso suplementare, ma dopo oto minuti łe do scuadre, de comun acordo, łe ga sielto de no proseguir e anca de no ripeter ła partia. Pare che sta partia ła sia ła pì longa mai xogà in Itałia.

El primo scudeto[canbia | canbia el còdaxe]

Inte el 1924 vien eleto presidente del Torin el conte Enrico Marone Cinzano. Da suito Cinzano el taca operar sol mercà pa' far na scuadra conpetitiva. Inte ła stajon 1926-27 vien inprimà el Stadio Filadelfia. Inte ła 'stesa stajon el Torin el vinse el so primo scudeto, ma el titoło el vien revocà pa' un tentativo de corusion de un tersin de ła Juve avegnuo in ocaxion del derby. Ła stajon sucesiva, 1927/1928 el Toro el se conferma canpion, e stavolta ghe vien asegnà el titoło.

A ła fełisità par ła vitoria del scudeto segue ła dełuxion par el abandono del presidente Cinzano. Inisia cusita un periodo de instabiłità co numaroxi canbiaminti de presidente e prestasion sportive no entuxiasmanti. Anpò da ła stajon 1936-36 taca na rinasita, co un terso posto in capionato drio dei canpioni del Bołogna e de ła Roma, ma co ła vitoria inte ła prima edision de ła Copa Itałia. Inte ła stajon 1936-37, par inpoxision del regime fasista, che no ghe comodava łe parołe foreste, el canbia el nome da Football Club a Asociasion Calcio.

El Gran Torin[canbia | canbia el còdaxe]

Search ballonicon2.svg Par savèrghene de pì, vardarse ła voxe Gran Torin.

Inte ła stajon 1939-40 el Torin el riva cuinto, ma el ano el vien ricordà par el arivo del presidente Ferruccio Novo che el cronpa ła socetà dal inxegner Cuniberti e che in pochi ani el costruise chel che el vien ricordà come el Gran Torin. Inte ła stajon 1942-43 el Toro el riese a vinsare scudeto e Copa Itałia.

Par colpa de ła seconda Guera Mondiałe el canpionato del 1944 el vien divixo in do gironi. El Canpionato Alta Itàlia el vien vinto da i Vixiłi del Fogo de Ła Spesia. Finia ła guera el canpionato el torna a ła normałità e el Toro el vinse cuatro scudeti drio fiła, rivando cuindi a sincue scudeti consecutivi (el canpionato del 1944 no'l ga un valor uficiałe). El Gran Torin el dominava i canpionati e i xogadori che i vestiva ła maja granata i jera el ase portante de ła nasionałe itałiana de bałon: se xe rivai diritura a 10 granata insieme in canpo co ła maja axura.

Capitan e leader de ła formasion torinexe el jera Valentino Mazzola. Ła formasion tipo ła jera: Bacigalupo; Ballarin, Maroso; Grezar, Rigamonti, Castigliano; Menti, Loik, Gabetto, Mazzola, Ossola. Ła serie de vitorie ła finise inprovixamente el 4 de majo del 1949 cuando che el reoplan che el riportava ła scuadra a Torin, dopo de na amichevołe a Lisbona, el xe ndà doso, a cauxa del całigo e de un guasto al altimetro, a ła Baxełega de Superga. In sto inçidente, conosuo cofà ła tragedia de Superga, xe morti tuti i xugadori (titołari e riserve) i tenici, do dirixenti, tri giornałisti che gheva seguio ła scuadra par el amichevołe e i menbri del ecuipajo. Pa' finir ła stajon 1948-49 mancava cuatro partie, e ła formasion granata łe ga xugae, e vinte, co łe giovaniłi (anca i aversari pa' rispeto i mandava in canpo i toxati) vinsendo cusita el canpionato.

I ani '50 - '60[canbia | canbia el còdaxe]

I ani sucesivi a ła tragedia i xe stai difisiłi pa' ła scuadra torinexe. Inte el 1959 ghe xe sta ła prima retrocesion in Serie B. Ła scuadra ła gheva ciapà el nome Talmone Torin, pa' motivi de sponsor. 'L ano dopo, co un novo presidente (che intrà łe altre robe el cava el sponsor dal nome de ła scuadra), el Torin el torna suito in Serie A.

Inte ła stajon 1964-65 el Toro riva terso in canpionato, guidà da Nereo Rocco. Idoło dei tifoxi l'ała de drita Gigi Meroni. El 15 de otobre del 1967 parò Meroni el vien tolto soto da na machina mentre el traversa ła strada in Corso Umberto I a Torin. A risolevar un fià i animi de ła scuadra e dei tifuxi riva ła vitoria de ła tersa Copa Itałia.

I ani '70 - '80[canbia | canbia el còdaxe]

Inte ła stajon 1971-72 el Toro el riva secondo in canpionato. 'L ano prima el gheva vinto da novo ła Copa Itàlia (ła cuarta).

Vintisete ani dopo de ła tragedia de Superga, inte ła stajon 1975-76 i granata i torna a vinsare el scudeto co do ponti de vantajo so ła Juve, dopo na gran rimonta. Xe el ano dei xemełi del gol Pulici e Graziani. Inte i do ani sucesivi el Torin el riva tute e do łe volte secondo.

Inte i ani '80 ła scuadra no ła disputa canpionati al vertise, a parte cheło del 1984-85 che ła vede seconda drio del Hellas Verona. A la fin del canpionato 1988-89 el Torin el retrosede pa' ła seconda volta in serie B.

I ani '90 e el fałimento[canbia | canbia el còdaxe]

Dopo na rapida risałita in Serie A co el tenico Fascetti, el Torin el se afida, pa' ła stajon 1990-91 al novo alenador Emiliano Mondonico che el porta ła scuadra al cuinto posto, otegnendo cusì ła cuałificasion a ła Copa UEFA. 'L ano dopo el Toro el riva terso in canpionato e in copa el riva a xogarse ła finałe contro el Ajax, dopo ver batuo in semifinałe el Real Madrid. Vinse i olandixi grasie a ła regoła dei gol in trasferta in caxo de parità: a Torin infati ła jera finia 2 a 2, el ritorno invese el xe sta un 0-0. 'L ano dopo i granata i vinse ła cuinta Copa Itałia, contro ła Roma. Anca in sto caxo decixiva ła xe stata ła regoła dei gol in trasferta (andata a Torin 3-0, ritorno a Roma 5-2 pa' i xało-rosi).

I ani sucesivi i xe de crixi pa' ła scuadra torinexe: sia par cuanto rivarda el lato sportivo che par el lato econòmego (se riva scuaxi a ła bancarota). Inte el 1995-96 el Toro retrosede pa' ła tersa volta in serie B. Stavolta no'l riusirà a tornar su suito ma ghe tocarà farse tri ani de B. El ritorno in A el riva inte ła stajon 1998-99 grasie al secondo posto in Serie B, el ano prima el Toro el gheva perso a i rigori el sparejo promosion contro el Perugia. Ma xà el ano dopo el tornarà da novo in B.

Dopo calche ano de "su e xò" tra la Serie A e ła Serie B, inte ła stajon 2004-05 i granata i torna in A dopo un novo sparejo contro el Perugia. Ma el Toro no'l podarà iscrivarse a ła masima serie pa' colpa dei debiti fati da łe ulteme gestion. Dopo na serie de ricorsi a ła justisia sportiva e aministrativa el Torin el vien dichiarà fałio. Nase cuindi na nova socetà che la dimanda el amision al Lodo Petrucci, che el garantise el trasferimento a ła nova socetà del titoło e dei meriti sportivi, in modo da evitar de dover ripartire da canpionati no profesionistisi, e ła invia łe pràteghe par l'iscrision al Canpionato de Serie B (el lodo el prevede che se posa iscrivarse al canpionato pena soto de cheło che se gavaria dovesto xugar). Ła nova socetà la vien suito riłevà da un novo presidente: Urbano Cairo, che el ano dopo el cronpa a l'asta łe cope e i cimeli de ła vecia socetà.

L'era Cairo[canbia | canbia el còdaxe]

El novo Toro el riusirà a risałir suito in Serie A, vinsendo i play-off de ła serie B (batindo Cesena e Mantova. Segue tre stajon consecutive in Serie A e po tre stajon in Serie B, co continui canbi de ałenador.

Cronistoria[canbia | canbia el còdaxe]

Cronistoria del Torin Football Club
  • 1887 A Torin nase łe scuadre del Football & Cricket Club Torin e dei Nobiłi Torin, st'ultema guidà dal Duca dei Abrusi.
  • 1891 Łe do scuadre se fonde e le da vita al Internasionałe Torin.
  • 1894 Fondasion del Football Club Torinexe.
  • 1898 'L Internasionałe perde contro el Xenoa ła finałe del primo canpionato itałian.
  • 1899 'L Internasionałe perde da novo ła finałe, senpre contro el Xenoa.
  • 1900 'L FC Torinexe asorbe l'Internasionale e, in finałe, el perde contro el Xenoa.
  • 1902 FC Torinexe batuo in semifinałe.
  • 1903 FC Torinexe eliminà.
  • 1904 FC Torinexe eliminà.
  • 1905 FC Torinexe eliminà par rinuncia.

  • 1906 Fondasion de ła socetà: el 3 de diçenbre, da ła fuxion del FC Torinexe co un fià de soci disidenti de ła Juventus, nase el Foot Ball Club Torin.
  • 1906-07 2° inte el Giron Finałe del Canpionato.
  • 1907-08 A cauxa del alto numaro de xugadori foresti in scuadra, no'l partesipa al Canpionato. El vinse ła Bała Dapples contro ła Pro Versełi (e, da detentor, el difendarà vitorioxamente par cuatro volte el titoło). Perde contro el Servette ła finałe del Torneo Internasionałe Stanpa Sportiva.
  • 1908-09 2° inte el Giron Ełiminatorio Piemontexe. Perde ła Bała Dapples in favor del Xenoa.
  • 1909-10 4° inte el Canpionato a Giron Ugnoło.
  • 1910-11 3° inte el Canpionato Ligure-Lonbardo-Piemontexe.
  • 1911-12 5° inte el Canpionato Ligure-Lonbardo-Piemontexe.
  • 1912-13 3° inte el Giron Ełiminatorio Piemontexe.
  • 1913-14 4° inte el Giron Ełiminatorio Piemontexe-Ligure.
  • 1914-15 2° inte el Giron Finałe del Canpionato del Nord Itałia, sospexo a na xornada dal termine prima de ła sfida co el Xenoa caolista.
  • Canpionato sospexo dal 1915 al 1919 a cauxa de ła Prima Guera Mondiałe.
  • 1919-20 4° inte el Grupo C del Giron Semifinałe Nasionałe.
  • 1920-21 1° a pari merito inte el Grupo C del Giron Semifinałe Nasionałe, rinuncia a łe Finałi.
  • 1921-22 9° inte el Giron B de Prima Divixion CCI.
  • 1922-23 2° inte el Giron A de Prima Divixion.
  • 1923-24 2° inte el Giron B de Prima Divixion.
  • 1924-25 6° inte el Giron A de Prima Divixion.
  • 1925-26 2° inte el Giron A de Prima Divixion.
  • 1926-27 1° in Divixion Nasional (titoło revocà)[1]. Cuarto turno de Copa Itałia.
  • 1927-28 Scudetto.svg Canpion d'Itàlia.
  • 1928-29 2° in Divixion Nasional dopo 'ver perso el sparejo col Bołogna.
  • 1929-30 4° in Serie A.
  • 1930-31 7° in Serie A.
  • 1931-32 8° in Serie A.
  • 1932-33 7° in Serie A.
  • 1933-34 12° in Serie A.
  • 1934-35 13° in Serie A.
  • 1935-36 3° in Serie A. Coccarda Coppa Italia.svg El vinse ła Copa Itàlia. Eliminà a i otavi de finale de ła Copa de l'Eoropa Sentrałe.
  • 1936-37 3° in Serie A. Eliminà a i otavi de finałe de Copa Italia. Par inpoxision del regime fasista la socetà ła canbia el nome in Asociasion Calcio Torin.
  • 1937-38 9° in Serie A. Perde ła finale de Copa Itàlia contro ła Juventus.
  • 1938-39 2° in Serie A. Eliminà a i otavi de finałe de Copa Itałia.
  • 1939-40 6° in Serie A. Eliminà a i otavi de finałe de Copa Itałia.
  • 1940-41 7° in Serie A. Riva fin a łe semifinałi de Copa Itałia.
  • 1941-42 2° in Serie A. Eliminà ai sediçeximi de finałe de Copa Itałia.
  • 1942-43 Scudetto.svg Canpion d'Itàlia. Coccarda Coppa Italia.svg Vinse ła Copa Itàlia (prima scuadra che vinse entranbi i tornei nasionałi inte ła 'stesa stajon).
  • Canpionato sospexo dal 1943 al 1945 a cauxa de ła Seconda Guera Mondiale: inte el 1944 il Torino Fiat el termina al 2º posto el Campionato de Guera "Alta Itałia" (torneo sensa scudeto in palio).
  • 1945-46 Scudetto.svg Canpion d'Itàlia.
  • 1946-47 Scudetto.svg Canpion d'Itàlia.
  • 1947-48 Scudetto.svg Canpion d'Itàlia.
  • 1948-49 Scudetto.svg Canpion d'Itàlia (eguaglià el record de łe sincue vitorie consecutive del Scudeto). El 4 de majo de 1949 xe el dì de ła Tragedia: el reoplan che el riportava caxa ła scuadra dal amichevole de Lisbona el se schianta a Superga (nisun sopravisuo).
  • 1949-50 6° in Serie A. Eliminà in semifinałe de Copa Latina (el vinse ła finałe par el terso posto).
  • 1950-51 17° in Serie A.
  • 1951-52 15° in Serie A.
  • 1952-53 10° in Serie A.
  • 1953-54 9° in Serie A.
  • 1954-55 10° in Serie A.
  • 1955-56 11° in Serie A.
  • 1956-57 7° in Serie A.
  • 1957-58 8° in Serie A. No'l supara łe cualificasion de Copa Itałia.
  • 1958-59 18° in Serie A. Retroceso in Serie B. El riva fin a i cuarti de finałe de Copa Itałia.
  • 1959-60 1° in Serie B. Promoso in Serie A. El riva fin a łe semifinali de Copa Itàlia (el perde ła finałe par el terso posto). El partesipa a ła sełesion vinsitrise de ła Copa de l'Amicisia Itało-fransexe.
  • 1960-61 12° in Serie A. El riva fin a łe semifinałi de Copa Itàlia (perde ła finałe par el terso posto). No'l supara ła faxe a gironi de ła Mitropa Cup.
  • 1961-62 7° in Serie A. Eliminà a i otavi de finałe de Copa Itałia. Perde ła finałe de ła Copa de l'Amicizia Itało-franco-svisara contro el Lens.
  • 1962-63 10° in Serie A. Perde ła finałe de Copa Itàlia contro l'Atałanta. El riva fin a łe semifinałi de ła Mitropa Cup.
  • 1963-64 7° in Serie A. Perde ła finałe de Copa Itàlia contro ła Roma.
  • 1964-65 3° in Serie A. El riva fin a łe semifinałi de Copa Itałia. El riva fin a łe semifinałi de Copa de łe Cope.
  • 1965-66 10° in Serie A. El riva fin al cuarto turno de Copa Itałia. Eliminà al primo turno de Copa de łe Fiere.
 
  • 1966-67 7° in Serie A. Eliminà al terso turno de Copa Itałia.
  • 1967-68 7° in Serie A. Coccarda Coppa Italia.svg Vince ła Copa Itàlia. El 15 de otobre el xugador Gigi Meroni, mentre el traversava a pie Corso Re Umberto, el viene tolto soto da do machine.
  • 1968-69 6° in Serie A. El riva fin al giron finałe de Copa Itałia. El riva fin a i cuarti de finałe de Copa de łe Cope.
  • 1969-70 7° in Serie A. El riva fin al giron finałe de Copa Itałia.
  • 1970-71 8° in Serie A. Coccarda Coppa Italia.svg Vinse ła Copa Itàlia. No'l supara ła faxe a gironi de ła Mitropa Cup.
  • 1971-72 2° in Serie A. El riva fin a i gironi semifinałi de Copa Itałia. El riva fin a i cuarti de finałe de Copa de łe Cope.
  • 1972-73 6° in Serie A. No'l supara łe cuałificasion de Copa Itałia. Eliminà a i trentadoeximi de finałe de Copa UEFA.
  • 1973-74 5° in Serie A. No'l supara łe cuałificasion de Copa Itałia. Eliminà a i trentadoeximi de finałe de Copa UEFA.
  • 1974-75 6° in Serie A. El riva fin a i gironi semifinałi de Copa Itałia. Eliminà a i trentadoeximi de finałe de Copa UEFA.
  • 1975-76 Scudetto.svg Canpion d'Itàlia. No'l supara łe cuałificasion de Copa Itałia.
  • 1976-77 2° in Serie A. No'l supara łe cuałificasion de Copa Itałia. El riva fin a i otavi de finałe de Copa dei Campioni.
  • 1977-78 2° in Serie A. El riva fin a i gironi semifinałi de Copa Itałia. El riva fin a i otavi de finałe de Copa UEFA. ła società ła ciapa el nome de Torin Calcio.
  • 1978-79 5° in Serie A. No'l supara łe cuałificasion de Copa Itałia. Eliminà a i trentadoeximi de finałe de Copa UEFA.
  • 1979-80 3° in Serie A. Perde ła finałe de Copa Itàlia contro ła Roma. Eliminà a i trentadoeximi de finałe de Copa UEFA.
  • 1980-81 9° in Serie A. Perde ła finałe de Copa Itàlia contro ła Roma. No'l supara ła faxe a gironi del Torneo de Cao del ano de ła Liga Calcio. El riva fin a i otavi de finałe de Copa UEFA.
  • 1981-82 9° in Serie A. Perde ła finałe de Copa Itàlia contro el Inter.
  • 1982-83 8° in Serie A. El riva fin a łe semifinałi de Copa Itałia.
  • 1983-84 5° in Serie A. El riva fin a łe semifinałi de Copa Itałia.
  • 1984-85 2° in Serie A. El riva fin a i cuarti de finałe de Copa Itałia.
  • 1985-86 4° in Serie A. El riva fin a i cuarti de finałe de Copa Itałia. El riva fin a ła seconda faxe del Torneo Estivo de ła Liga Calcio. Eliminà a i sediçeximi de finałe de Copa UEFA.
  • 1986-87 9° in Serie A. Eliminà a i otavi de finałe de Copa Itałia. El riva fin a i cuarti de finałe de Copa UEFA.
  • 1987-88 7° in Serie A. Perde ła finałe de Copa Itàlia contro ła Sanpdoria. Perde (4-2 a i rigori) el sparejo UEFA contro ła Juventus.
  • 1988-89 15° in Serie A. Retroceso in Serie B. No'l supara el secondo turno de cuałificasion de Copa Itałia.
  • 1989-90 1° in Serie B. Promoso in Serie A. Eliminà al primo turno de Copa Itałia.
  • 1990-91 5° in Serie A. El riva fin a i cuarti de finałe de Copa Itałia. Vinse ła Mitropa Cup.
  • 1991-92 3° in Serie A. El riva fin a i cuarti de finałe de Copa Itałia. Finałista in Copa UEFA: parejando łe finali de andata e ritorno co l Ajax (2-2, 0-0) el perde el trofeo par via dei gol subìi inte el incontro caxałingo.
  • 1992-93 9° in Serie A. Coccarda Coppa Italia.svg Vinse ła Copa Itàlia. Eliminà a i sediçeximi de finałe de Copa UEFA.
  • 1993-94 8° in Serie A. El riva fin a łe semifinałi de Copa Itałia. Perde ła finałe de Supercopa itałiana. El riva fin a i cuarti de finałe de Copa delle Cope.
  • 1994-95 11° in Serie A. Eliminà al terso turno de Copa Itałia.
  • 1995-96 16° in Serie A. Retroceso in Serie B. Eliminà al secondo turno de Copa Itałia.
  • 1996-97 9° in Serie B. Eliminà al secondo turno de Copa Itałia.
  • 1997-98 5° in Serie B dopo ła sconfitta a i rigori inte el sparejo pa' ła promosion contro el Perugia. Eliminà al secondo turno de Copa Itałia.
  • 1998-99 2° in Serie B. Promoso in Serie A. Eliminà al secondo turno de Copa Itałia.
  • 1999-00 15° in Serie A. Retroceso in Serie B. Eliminà al secondo turno de Copa Itałia.
  • 2000-01 1° in Serie B. Promoso in Serie A. Eliminà al secondo turno de Copa Itałia.
  • 2001-02 11° in Serie A. Eliminà al secondo turno de Copa Itałia.
  • 2002-03 18° in Serie A. Retroceso in Serie B. Eliminà al secondo turno de Copa Itałia. Eliminà al terso turno de Copa Intertoto.
  • 2003-04 12° in Serie B. Se ritira da ła faxe a gironi de ła Copa Itàlia par protesta contro el ałargamento de ła Serie B a 24 scuadre.
  • 2004-05 3° in Serie B, Vinse ła finałe dei płay-off contro el Perugia ma, a causa del disesto econòmego-finansiario, el vien escluxo da i canpionati el 15 de lujo. Eliminà a i otavi de finałe de Copa Itałia.
  • Agosto 2005: Na nova socetà denominà Torin Football Club ła aderise al Lodo Petrucci, e ła vien amesa a disputar ła Serie B.
  • 2005-06 3° in Serie B, Vinse i płayoff suparando in finałe el Mantova (2-4; 3-1). Promoso in Serie A. No'l disputa ła Copa Itałia.
  • 2006-07 16° in Serie A. Eliminà al secondo turno de Copa Itałia. I° Sentenario de ła socetà.
  • 2007-08 15° in Serie A. Eliminà a i otavi de finałe de Copa Itałia.
  • 2008-09 18° in Serie A. Retroceso in Serie B. Eliminà a i cuarti de finałe de Copa Itałia.
  • 2009-10 5° in Serie B, perde ła finałe płayoff de promosion contro el Bresia. Eliminà al terso turno de Copa Itałia.
  • 2010-11 8° in Serie B. Eliminà al terso turno de Copa Itałia.
  • 2011-12 2° in Serie B. Promoso in Serie A. Eliminà al terso turno de Copa Itałia.

Palmarès[canbia | canbia el còdaxe]

Trofei uficiałi[canbia | canbia el còdaxe]

Trofei xovaniłi[canbia | canbia el còdaxe]

[canbia | canbia el còdaxe]

Statisteghe[canbia | canbia el còdaxe]

Record[canbia | canbia el còdaxe]

Tifuxi[canbia | canbia el còdaxe]

Note[canbia | canbia el còdaxe]

  1. A seguito de łe decixion del Diretorio Federałe in merito a i fati rivardanti el Caxo Allemandi, el scudetto vinto dal Torin inte el Canpionato 1926-1927 el xe sta revocà e no pì asegnà.
Controło de autoritàVIAF (EN236593756 · LCCN (ENn99035182 · GND (DE7548852-8 · WorldCat Identities (ENn99-035182
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Torino_Football_Club&oldid=1079677"