Cagliari Calcio

Da Wikipedia, l'ençiclopedia libara.
Infotaula d'organitzacióCagliari Calcio
Dati
Sorteclub de bałon


scuadra de bałon

Cànbia el vałor in Wikidata
Creasion1920 Cànbia el vałor in Wikidata
Atività
SporBałon Cànbia el vałor in Wikidata
LigaSerie A (2016–2022)


Serie B (2022–)

Cànbia el vałor in Wikidata
StàdioUnipol Domus (it) TraduziCajari (Sardegna) . 16 233 Pictograms-nps-services-theater4.svg Cànbia el vałor in Wikidata
Atività
Governo d'impresa
PresidènsaTommaso Giulini (it) Traduzi Cànbia el vałor in Wikidata
AłenadorClaudio Ranieri (it) Traduzi (2023–) Cànbia el vałor in Wikidata
PropietàrioFluorsid Group (it) Traduzi Cànbia el vałor in Wikidata

Sito webcagliaricalcio.com Cànbia el vałor in Wikidata

Facebook place: cagliaricalcio Twitter: CagliariCalcio Instagram: cagliaricalcio
Pozision

El Cagliari Calcio, mejo conosùo come Cagliari, ła ze na sosietà calsìstega itałiana co sede inte ła sità de Cajari. Fondada inte' 1920, ła ze l'ùnega scuadra de ła Sardenja ad aver miłità in Serie A o in Serie B.

El ga vinsesto, prima scuadra de'l Mezojorno, el canpionato itałian de Serie A inte'l 1969-1970[1] dopo aver ciapà ła segonda pozision inte'l 1968-1969.[2] El ga vinsesto el canpionato itałian de Serie B inte'l 2015-2016 e el canpionato itałian de Serie C inte el 1951-1952 .[3] El ga ciapà el 2º posto inte łe finałe co "torneo a l'itałiana" de ła Copa Italia 1968-1969,[4] e le ga vinsesto ła Copa Italia Serie C inte'l 1988-1989.[5] In canpo europeo el ga ciapà i otavi de finałe de Copa Canpioni inte'l 1970-1971[1] e el ze stà semifinałista de ła Copa UEFA 1993-1994.[1]

El Cagliari el ze al 17º posto so 65 scuadre inte ła clasifega de ła tradision sportiva dei club che i ga zogà in A, al 14º posto inte ła clasifega perpetua e el rezulta anca ła 8ª scuadra d'Itałia par nùmaro de sostenjidori.[6] El zogador sìnboło de'l club, Gigi Riva, el ze el mejo marcador de ła nasionałe itałiana co 35 rede in 42 partìe,[7] e el ze stà par tre volte caocanonier de ła Serie A.[8] Ła formasion sarda ła ze anca, insenbre a Calcio Genoa, Calcio Bologna, Calcio Napoli e Calcio Verona, tra łe sołe scuadre itałiane ad aver vinsesto i canpionati nasionałi de prima, segonda e tersa serie.[9]

Storia[canbia | canbia el còdaxe]

Orizene (1902 - 1939)[canbia | canbia el còdaxe]

La prima partìa reportada da łe croniche ła vien desputada inte'l1902 tra un grupo de studenti cagliartiani e na scuadra di marineri zenoezi, andà in sena a Piazza d'Armi e vinsesta dai łiguri parché pì forti e pì àbiłi.[10] Scuazi oto ani daspò na conpàzene izołana, ła Società Ginnastica Amsicora, ła va Torin par zogar un torneo contro łe pì esperte squadre de'l continente, riusindo a remediar soło pezanti sconfite, anpò cueła espariensa ła buta łe baze par ła creasion de un club calcìstego cagliaritan. El 30 majo 1920 el chirurgo Gaetano Fichera el fonda el "Cagliari Football Club": ła prima gara de ła storia de'l sodałisio cagliaritan ła ze datà 8 setenbre 1920, cuando so'l canpo de'l stadio Stallaggio Meloni i cagliaritani i afronta e i bate ła Torres. El novo nato club drioman el ciapa parte a'l "Torneo Sardo" desputà contro ła Torres, l'Ilva Maddalena e l'Eleonora d'Arborea. El Cagliari, soto ła guida de l'ałenador-zogador Giorgio Mereu, el se inpone vitoriozamente so łe altre conpàzene. Mereu, de profesion avocato, drioman el deventa el novo presidente de'l Cagliari sucedendoghe a Fichera. Inte'l 1926 el Cagliari el indosa pa'ła prima volta ła diviza co i cołori roso e blé.[10] Inte ła segonda metà dei ani 1920, drio de na łonga crize finansiari, ła sosietà ła vien reorganizada da l'ałora podestà de ła sità Vittorio Tredici e da l'avocato Carlo Costa Marras: A vien desidesto de doparar zogadori non izołani (miłitari e non), provenienti da'l resto d'Itałia. Inte'l 1925 ła scuadra ła canbia inpianto e ła se trasferise a'l Campo di via Pola. Inte'l 1928 ła guida de ła scuadra ła ghe vien afidà a l'ałenador ungareze Róbert Winkler, el cuało el se dezinpenja anca cofà portier o sentrocanpista.[10]

El primo torneo ofisiałe a cui el Cagliari el se iscrive el ze ła Divizion Meridionałe, inte'l ziron łasiałe-unbro. La scuadra ła razonze łe finałe, ma ła perde contro Modeło:Calcio Lecce, Modeło:Calcio Palermo e Foggia.[10] Daspò el 5º posto de'l 1930, riva Ernest Erbstein, altro ałenador ungareze ma de stansa inte ła penizoła za da arcuanti ani, e co łu so ła banca el Cagliari el vinse el ziron F de Prima Divizion e el pol cusì aceder par ła prima volta a'l canpionato de Serie B.[10]

A cauza, parò, de ła mancansa de resorse finansiarie, la sosietà ła ze obligada a cédar i só tochi mejo, tra cui propio Erbstein. L'ano sucesivo Al ze ełeto presidente Aldo Pacca, ma ła sosietà ła fałise: inte'l 1935, retroceso so'l canpo in C, el Cagliari el se desfa a cauza de tanti debiti. Da łe só sénare nase l'"Unione Sportiva Cagliari", che ła ciapa l'eredità sportiva de ła vecia sosietà, repartindo da'l Canpionato Rejonałe Sardo.[10] Inte'l 1937 el club se iscrive a'l canpionato de Serie C, sfiorando par poco ła retrocesion. Inte'l 1938, l'ałora presidente Mario Benditelli el reciama a ła guida de ła scuadra Winkler, portando i rosoblé a'l cuinto posto. Inte'l 1939, dopo el segondo adio de Winkler, ła scuadra ła se pozisiona a'l sesto posto grasie a'l sentrocanpista Mariolino Congiu, che'l dezvolze el roło de zogador-ałenador, prima che ła segonda guera mondiałe ła ferme i canpionati de calcio. L'atividà ła sevita co tornei a caratar rezonałe, inte'l fratenpo Banditelli el zbandona ła sosietà.[10]

  1. 1,0 1,1 1,2 La Storia, cagliaricalcio.com. entrada l'8 agosto 2016.
  2. Riva di nuovo capocannoniere, in Corriere della Sera. entrada il 15 novembre 2012.
  3. Primi della classe!, cagliaricalcio.com, 20 maggio 2016. entrada l'8 agosto 2016.
  4. Storia della Coppa Italia, in Corriere della Sera. entrada l'8 agosto 2016.
  5. Albo d'oro Coppa Italia Lega Pro, lega-pro.com. entrada l'8 agosto 2016.
  6. Marco Iaria, Serie A, un appassionato su tre tifa par la Juve. Ecco la classifica dei sostenitorigazzetta.it. entrada il 24 agosto 2019.
  7. Classifica Marcatori, figc.it. entrada il 15 novembre 2012 (archivià dal URL orizenałe il 31 luglio 2013).
  8. I cannonieri, cagliaricalcio.net. entrada il 15 novembre 2012 (archivià dal URL orizenałe il 26 marzo 2014).
  9. "A","B" e "C", tris di primati: solo quattro squadre come il Cagliarisardegnasport.com, 20 maggio 2016. entrada il 21 maggio 2016 (archivià dal URL orizenałe il 24 maggio 2016).
  10. 10,0 10,1 10,2 10,3 10,4 10,5 10,6 Eror: <ref> nisun testo par el marcador La storia2

Notasion[canbia | canbia el còdaxe]


Notasion[canbia | canbia el còdaxe]


Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN317284878 · LCCN (ENno2011012097 · GND (DE7736941-5 · WorldCat Identities (ENno2011-012097
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cagliari_Calcio&oldid=1104939"