San Poło (sestièr)
San Polo (it)  | |
|---|---|
| Pozision | |
| Stato | Itàłia |
| Rejon | Vèneto |
| Sità metropułitana | Sità metropułitana de Venèsia |
| Comuni de l'Itałia | Venèsia |
| Zeografia | |
| Àrea | 0,43 km² |
|
| |
San Poło el xe un sestièr de Venesia, catà al séntro de ła sità lagunar. El ga 5.058 abitanti.[1]
El sestièr el tol el só nome da Canpo San Poło, el più grando de Venesia daspò Piasa San Marco e oncora prima da ła Céxa de San Poło, che ła ga dal nome al canpo.
Geografia
[canbia | canbia el còdaxe]El sestièr de San Poło el confina a nord e a ovest co queo de Santa Cróxe, dal qual el xe divixo dal Rio de San Stae, el Rio Marin, e ła seconda parte de Rio de ła Frescada, fin a tuta ła parochia de San Pantałon.
El sestier de San Poło el confina a sud anca co Dorsoduro, méntre, par quel chel resta del perìmetro, el xe sircuìo dal Canal Grando.
Ła xona, par storia, più inportante ła xe Rialto, che ła gera na volta unia al sestièr de San Marco de ancuo al qual ła se cołiga traverso el Ponte de Rialto.
Storia
[canbia | canbia el còdaxe]Ła xona coverta dai sestièri de ancuo de San Poło e Santa Cróxe ai prinsipi de ła storia de Venesia ła faxeva un'ùnega granda àrea ciamada Luprio. In sta àrea qua ła Serenìsima ła gaveva łe sóe sałine.
El sestièr de ancuo el covre parte del nùcleo orixenal de ła sità de Venesia: ła tradision ła vol che ła Ceza de San Giàcomo ła sia ła più antiga de Venesia e che ła sia stada fata xà ai prinsìpi del V sècoło.
Monumenti e Ceze
[canbia | canbia el còdaxe]Ła parte del sesier che ła xe, decixamente, de magior inportansa stòrega ła xe ła xona de Rialto, col só Ponte, el tìpego marcà de pése e verdura e ła Céxa de San Giàcomo de Rialto, drio ła tradision considerada ła più antiga de Venesia. Ła prima costrusion de sta Ceza infati ła par che ła vegna dai prinsipi del V sècoło, dónca prima che el nùcleo sitadin de Venesia el gabia ancor tólto forma.
De granda inportansa architetònego e artìstego łe xe anca ła Baxìłica de Santa Maria Glorioxa dei Frari e ła Céxa de San Roco.
Ghe xe anca dó Scółe Grande, ła Scóła Granda de San Roco, verta anca ai giórni de ancuo, e ła Scóła Granda de San Zuane Vangełista, co ła céxa tacada, tute e dó verte póche volte.
Note
[canbia | canbia el còdaxe]- ↑ Servisio de statìstega del sito del comun de Venesia Archivià il 6 de aprile 2009 in Internet Archive.
Varda anca
[canbia | canbia el còdaxe]| Sestièri de Venesia | |
| Canarégio · Castèło · Dorsoduro · Santa Cróxe · San Marco · San Poło |  |