Dorsoduro

Da Wikipedia, l'ençiclopedia libara.
Jump to navigation Jump to search
Poxision de Dorsoduro 'ntel séntro stòrego de Venesia.

Dorsoduro el xe un dei Sestièri de Venesia. El 12 de disenbre del 2007 el gaveva 15.586 abitanti (dei quai 4.763 i sta a ła Zueca e 1.535 a Saca Fìxoła).

El nome forse el saltaria fóra dal fato che ła zona ła gera na volta particołarixada da un terén fermo (co ła schena dura), manco pien de pałui che da altre parte.

Geografia[canbia | canbia el còdaxe]

El confina a nord coi sestièri de Santa Cróxe e San Poło, chei se cata vanti al Rio Ca' Foscari e all Rio Malcanton; a est ghe xe el Canal Grando; a sud el se fasa sul canal de ła Zueca, de fronte a st'ìxoła che ła xe dal'aministrasion considerada parte del sestièr anca se ła ga na numerasion sìvica sóa.

El sestièr el xe cołigà al sestièr de San Marco traverso el ponte del'Academia.

Ła fondamenta de łe zàtare, un dei posti più piéni de xente de Venesia.

Storia[canbia | canbia el còdaxe]

Ła parte a ovest del sestièr ła xe costituia dal'ìxoła Mendìgoła, che ła xe stada intrà łe più antighe xone de ła sità che ła xe stada abitada, desferénti sècołi prima che Rialto ła devegnése séntro vital de Venesia (810).

Indove ghe gera st'ìxoła qua el xe stà daspò tirada su l'inportante Céxa de San Nicołò dei Mendigoli che ła xe del XI sècoło.

Łe ìxołe tacade łe xe stade edificade daspò, fin chei xe rivai a ła Ponta de ła Dogana, che ła tol sto nome perché qui ghe gera ła Dogana de Venesia.

L'ùltema àrea bonifegada ła xe stada ła parte che ła va da ła Dogana da Mar e el monestièr (in pràtega, indove ancuo ghe xe ła baxełega de Santa Maria de ła Sałute).

Vanti al Canal Grando se pol véder Piasa San Marco ma l'ùnega maniera per rivarghe ła xe traversar el ponte del'Academia.

Monumenti e céxe[canbia | canbia el còdaxe]

Céxa dei Gavoti

Daspò San Marco, Dorsoduro el xe el sestièr de Venesia indove se cata più muxei inportanti.

El muxeo prinsipal el xe ła Gałeria del'Academia, ordenà dal pitor Giambattista Piazzetta 'ntel 1750, e spostada in sti edifisi qua da Napoleon 'ntel 1807.

De granda inportanza ła xe anca ła Cołesion Peggy Guggenheim de arte moderna e contenporànea, a Pałaso Venier dei Leoni, che na volta el gera anca abitasion privada de ła sàntoła mericana, e el muxeo de arte contenporànea Pónta de ła Dogana - Fondasione François Pinault, chel governa anca ła cołesion de Pałaso Grassi, verto 'ntel 2009[1].

Qua ghe xe anca Ca' Rezonico, col muxeo del Setesénto venesian, Ca' Dario, famóxa per ła fin tràxica de paréci sói paróni, e ła Scóła Granda dei Carmini.

Łe céxe più inportante łe xe ła Baxełega de Santa Maria de ła Sałute, ła céxa de Santa Maria de ła Corona dei Gavoti, ła céxa de San Nicołò dei Mendìgoli e ła céxa de l'Anzoło Rafael.

I xe da véder anca el squero de San Trovaso e canpo Santa Malgarita, lógo de incontrada per venesiani e studénti.

Note[canbia | canbia el còdaxe]

  1. Sito ufsial del muxeo Pónta de ła Dogana
Sestièri de Venesia
Canarégio · Castèło · Dorsoduro · Santa Cróxe · San Marco · San Poło
Venezia-Stemma.png


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Dorsoduro&oldid=952572"