Canpo San Tomà

Campo San Tomà, el ze un picoło canpo de Venesia, situà inte'l sestier de San Poło, a pochi pasi dal canpo dei Frari.

Descrision[canbia | canbia el còdaxe]

A pianta retangołar, el ga inte'l só sentro un poso. So i só cuatro ładi A se afasa, oltra a numaroze boteghe e łocałi tìpeghi^[1] (ładi nord e sud), do edifisi de vałor stòrego-architetònego:

ła Scołeta dei Całegheri (łado ovest): costruìa so'l fenir del XV sècoło so i resti de na presedente scoła tresentesca, ła zera sede de ła corporasion dei całegheri (o scarperi). So ła fasada va sengnałada ła łuneta a sesto acuto co basoriłievo de Pietro Lombardo, raprezentante San Marco che guarise el savatìn Aniano.

ła ceza de San Tomà (łado est): situada davanti a ła scołeta, ła ga na fasada resałente al 1742 (che ga sostituìo cueła orizenaria sìesentesca); al só interno òpare pitòreghe de Jacopo e Vincenzo Guarana.