Mika Salo
  | |
| Biografia | |
|---|---|
| Nasimènto | (fi) Mika Juhani Salo 30 de novenbre del 1966 (56 ani)Helsinki (Finlàndia) |
| Mòrte | |
| Atività | |
| Ocupasion | |
| Atività | |
| Spor | automobiłismo
|
| Partesipante in | |
24 Ore di Le Mans (it)  |
|
  | |
.JPG)
Mika Salo (Helsinki, 1966) xe un pilota automobilistego finlandese, ex-pilota de Formula 1.
La so cariera in Formula 1 ła scominsia co scuderie pì picołe, dove el se fa notar par alconi exploit, anca se isołai.
I primi ani in Formula 1[canbia | canbia el còdaxe]
A Montecarlo, inte el 1997, el riva 5° inte el GP dominà da ła Ferrari de Michael Schumacher soto ła piova, par ła prematura interusion de ła corsa: sto risultà el xe stà dovuo al gaver fato l'intero GP fin ała sospension sensa far pit-stop: cusità al ga posuo risałir ła clasifega. Quei xe stai i unixi do punti de l'ano sia par Mika sia par ła Tyrrell, i ultimi punti de ła gloriosa scuadra inglese.
Inte el 1998 Salo forma, co Pedro Diniz, ła copia de piłoti del'Arrows, revitałisada da Damon Hill l'ano prima ma mołada dal motorista Yahama e sensa pì el vantajo de ła gomatura Bridgestone. I unixi punti de Salo i xe vegnui, come l'ano prima, dal Gran Premio di Monaco doe, causa tanti ritiri inportanti e on arrivo co soło 11 piloti, el xe rivà quarto (davanti anca al canpion del mondo Jacques Villeneuve).
El 1999[canbia | canbia el còdaxe]
Par el 1999 Salo nol ga on ingajo inisial inte on team de Formula 1.
Rinpiaso ala BAR-Supertec[canbia | canbia el còdaxe]
Par tri gare, a cavało de Montecarlo (doe el se ficà tra ei guard-rail al Loews), el sostituise Ricardo Zonta ała BAR (che ga rilevà la Tyrrell), sfiorando i punti a Imola (7°) e in Spagna (8°).
Sostituto de Schumacher[canbia | canbia el còdaxe]
La so granda ocasion ła riva doendo sostituir Michael Schumacher ała Ferrari, dopo l'insidente de Silverstone. Contrariamente ałe atese, no'l xe el tester Luca Badoer el presielto, ma propio Sało, valutà in quel momento come on dei piloti piassé prometenti suł marcà.
In sie gare, dopo gaver debutà co on 9° posto in Austria, Salo ghe dà mostra de otime capasità ma rendimento altalenante. Ała seconda gara, in Germania, el se qualifega 4° (davanti al conpar Eddie Irvine, 5°) e el se porta comodamente al comando del GP, che el podaria vinser in sioltesa ma el moła ła poxision a Irvine, senpre pì in lota par el Mondial. En Ungheria el aranca inte el grupo, in Belzo el xe sfortunà e el sfiora i punti (7°), a Monza el surclasa Irvine e el xe terzo; ała so oltema gara, al Nurburgring, el ga da ritirarse par problemi mecanixi.
El moła ła Ferrari co 10 punti (quasi on terzo de tuti quei catai in cariera), i onixi do podi in Formula 1, ła sodisfasion de verghe contribuìo al Canpionato Costrutori e on contrato che el lo lega ala Ferrari in maniera indireta par i ani dopo.
La conclusion dela cariera in Formula 1[canbia | canbia el còdaxe]
I primi efeti del contrato i se ga inte el 2000, co la partecipasion a un antro Mondial de Formula 1 co la Sauber-Ferrari. L'anata xe buona, visti i mezi. I sie punti che el conquista i deria da do quinti posti (le so predilete Montecarlo e Hockenheim) e altretanti sesti (Imola, Austria), e quando el ariva al traguardo (tri ritiri), el xe senpre inte i primi 10.
Par i do ani sucesivi el se acorda co Toyota par el debuto asoluto del costrutor giaponexe de automobili inte el Mondial. El 2001 el trascore interamente un colaudi, lontan dai Gran Premi e colmo de problemi tecnixi (causa anca na monoposto conpletamente sbaià e ona seonda non iresistibil). Inte el 2002 el se rivede al via ma, salvo do punti (el xe sesto al debuto in Australia e ala tersa gara, in Brasil) a inìsio mondial, el resto el xe on calvario che raramente el vee conpetitivo. Oltre ala sodisfasion par i primi punti par la Toyota resta poco altro. El xe l'epilogo in Formula 1.
La cariera extra-F1[canbia | canbia el còdaxe]
Inte el 2003 el core ala 12 Ore de Sebring co l'Audi R8, el prototipo piassé vinxente del decenio. Co esa gavrebe dovuo corer anca la 24 Ore de Le Mans, ma el so equipagio el termina la gara ala prima ora par problemi col carburante. El core, inte el fratenpo, in America, inte ła CART col team PK Racing.
Ricordando el legame co la Ferrari, Salo el xe coinvolto co altri piloi de spico apena ritirai, come Johnny Herbert, inte el svilupo dela Maserati MC12 Gran Turismo, che el segna el rientro dela casa modenese inte łe corse. Prima de disputar le olteme quatro gare dela stagion inte el FIA GT co la Maserati debutante, vinsendone do, el debuta inte el canpionato ala 24 Ore de Spa co la Ferrari 575.
El 2005 el xe stà quasi de pausa, co sol do partecipasioni a gare del'American Le Mans Series (ALMS) co la Maserati MC12, le cui prestasioni le zè stae limitae e i risultai scarsii.
Inte el 2006, al contrario, Salo el xe stà tanto impegnà su do fronti: quel merican de l'ALMS co el team Risi Competision, co la nova Ferrari F430 par la clase GT2, e quel eoropeo del FIA GT co l'AF Corse e la medesima vetura, par la stesa clase.
La famiglia[canbia | canbia el còdaxe]
La famiglia Salo la risiede tualmente a Montecarlo. Moier de Mika la xe Noriko, giaponexe, sposà inte i primisimi dì del periodo ferarista. Da lei ga avù el fiol Max e la fiola Mai.
Risultai completi in Formula 1[canbia | canbia el còdaxe]
Wikimedia Commons el detien imàjini o altri file so Mika Salo
el detien schemi gràfeghi so
