Salta al contegnùo

Giorgio Panariello

Pending
Da Wikipedia, l'ençiclopedia libara.
Infotaula de personaGiorgio Panariello

Cànbia el vałor in Wikidata
Biografia
Nasimènto30 de setenbre del 1960 Cànbia el vałor in Wikidata (64 ani)
Firense (Itàlia) Cànbia el vałor in Wikidata
Atività
Ocupasion
comediante, prexentador de tełevixion, senezador, ator, diretor de cine Cànbia el vałor in Wikidata
Segno
Cànbia el vałor in Wikidata
Sito webgiorgiopanariello.it… →  (2018) Cànbia el vałor in Wikidata
IMDB: nm0659094 Allocine: 185586 Rottentomatoes: celebrity/giorgio_panariello Allmovie: p215953
Youtube: UCinqO3H9Y9kPadpraJ0jVNg Musicbrainz: da34f3a3-1bf4-4a74-9d98-499a2898056d Discogs: 775686

Giorgio Panariello (Firense, 30 setenbre 1960) el ze un comico, imitator, atore e showman italian.

El ze stà el diretor artìstego e condutor de'l Festival de Sanremo 2006.

Biografia

[canbia | canbia el còdaxe]

I ezordi

[canbia | canbia el còdaxe]

Nasésto a Firense ma de orìzeni napołetane, el zera stà afidà a i noni so rechiesta de ła mare che ła ło ga zbandonà pochi dì drìo el parto. Giorgio Panariello el crese a Cinquale, frasion del comun de Montignoso. El gaveva un fradèło, Francesco, dito Franco, nasùo inte'l 1961 e moresto in sircostanse oncora poco ciàre ła note de Santo Stefano de'l 2011.

El se diploma a l'istituto alberghiero de Marina di Massa. Tra el 1979 e' l 1981 el łaora so un cantièr navałe de Viareggio, ma el sbandonarà sto łaoro par tacar a łaorar cofà deejay ed imitator a Radio Forte dei Marmi, e co Carlo Fontana, Cesare Tarabella, Claudio Fortini e Massimo Polacci i da vita a ła trasmision Radiosquillo, che proponerà anca in racuante discoteche de ła Versilia. In cheła trazmision A nase el parsonazo de Merigo e spopoła imitando, intrà i altri, el cantante Renato Zero. Sta espariensa finise inte el 1985.

El vive in Versilia fazendo vari łaori, tra cui el camarier in difarenti łocałi tra i cuałi La Capannina de Forte dei Marmi, e el crea un primo sodałisio co altri versiłiezi che i se afasa inte'l mondo de'l cabaret tra cui Franco Ginesi, Rino Rivieri, Adolfo Drago, Mario Bertoncini, Ennio Bongiorni e Umberto Mosti. Co st'altri el forma el grupo I Lambrettomani (da'l nome del scooter Lambretta), co i cuałi el riva a Firense indove che'l incontra, pròpio a na ezibision de'l grupo a l'L'Aloha de Fiesole, Carlo Conti e Leonardo Pieraccioni.

Só cavàło de bataja el ze l'imitasion de Renato Zero: in copia co Drago, inte'l ròło de l'autista, el crea un vero spetacoło itinerante inte łe noti viaregine. El scumisia ezibirse da soło co mazor frecuensa inte łe discoteche toscane, fin a rivar in trazmison par el zlanso de novi tałenti: A ze el cazo de Stasera mi butto, co'l cuało el riva in Rai inte'l 1991. Inte'l steso momento el taca un tirosinio teatrałe co do spetacołi inte i cuałi el proa a proponer parsonaji tìpegamente toscani: lo scolaro Simone, l'ubriaco Merigo e Mario il bagnino.

Carlo Conti, in vacansa a Vibo Valentia inte el 1986, incontra Panariello mentre imita Renato Zero e cusì ło prezenta inte'l so programa Succo d'arancia, indove debuta anca Leonardo Pieraccioni. I tre toscani [Fratelli d'Italia ze stato uno spettacolo e non era il nome del trio, che par altro ze esistito solo in quelle occasioni] 

che in Toscana furoreggia inte i teatri.[1]

El suceso

[canbia | canbia el còdaxe]

Insieme a Carlo Conti ael aparise oncora sol picoło schermo inte el 1994, inte ła trasmision Vernice fresca so Teleregione Toscana. L'ano sucesivo ła cubia ła otien maxor suceso co Aria fresca, trasmetesta senpre so Canale 10, Videomusic e dopo poche pontade trasferìa so Telemontecarlo grasie ai otimi ascolti. El do Panariello-Conti riese cusì ad arivar so ła Rai e insieme xe protagonisti dei programi Su le mani inte l'istà 1996 e Va ora in onda inte l'istà 1997.

Al sìnema

[canbia | canbia el còdaxe]

Entrà inte ła scudarìa dei novi comisi itałiani dei ani novanta, insieme ad Antonio Albanese, Aldo, Giovanni e Giacomo, Leonardo Pieraccioni e altri, soto l'egida del produtor Vittorio Cecchi Gori el debuta al sìnema inte el 1996 inte el ròło insołitamente dramatego de un marasial de na sitadina toscana inte i ani trenta in trepida atexa del Duce inte el film Albergo Roma, direto da Ugo Chiti e traxesto da ła so comedia teatrałe Allegretto... par bene ma non troppo. Al sìnema, dove che el conparise drìoman in un ròło briłante inte ła comedia de Umberto Marino Finalmente soli, el preferise el palcosenico, inisiando inte el 1997 co Boati di silenzio proponesto anca in videocaseta.

El se simenta anca cofà regista, dirixendo se steso in do film: inte el 1999 in Bagnomaria, antołoxia dei so personaxi, e l'ano drìo in Al momento giusto, dove che el interpreta un cronista che se cata par caxo inpegnà inte el scoop clamoroxo del cròło de ła Tore de Pisa. Inte el 2005 el torna sol gran schermo inte el film xirà da Pieraccioni Ti amo in tutte le lingue del mondo, uno dei canpioni de incaso inte el Nadałe de chel'ano. Inte el 2007 el interpreta Notte prima degli esami - Oggi de Fausto Brizzi e SMS - Sotto mentite spoglie de Vincenzo Salemme, col cuało torna a łaorar l'ano sucesivo in No problem.

Show, fiction, condusion e diresion artistega del Festival de Sanremo 2006

[canbia | canbia el còdaxe]

Inte el 2000, 2001 e 2003 el conduxe so Rai Uno lo show Torno sabato łigà a ła łotarìa Itałia, inte el cuało el se propone come show-man in monołoghi e doti canori e comici co personaxi famoxi, tra cui Renato Zero, Sophia Loren, Terence Hill, Luciano Pavarotti, Vasco Rossi, Stefano Santucci, Adriano Celentano, Andrea Bocelli, Eros Ramazzotti, Raffaella Carrà, Gianni Morandi e Claudio Baglioni in doto. Inte el 2003 el ospita anca l'amigo cantaudor Marco Masini, promovente l'album ...il mio cammino de ritorno so łe sene dopo l'anuncio del ritiro inte el 2001.

Dopo che el se ga dełeguà come ospite d'onor inte ła serada finałe del Festival de Sanremo 2003, inte el marso 2004 el afronta ła so prima tournée mericana, a New York.

El 16 de otobre 2004 el torna in tełevixion in direta dal Teatro Verdi de Montecatini Terme col show del sabo de sera Ma il cielo ze sempre più blu.

Inte el 2005 el reçita donca inte ła fiction Matilde co Sabrina Ferilli e inte el 2006 el prexenta el Festival de Sanremo, del cuało el ga anca el ròło de diretor artistego, afiancà da Ilary Blasi e Victoria Cabello: l'edision de chel'ano tutavia no ła otien el suceso sperà, co na mèdia de 8 380 000 tełespetadori e un share del 40,17%.

Teatro

[canbia | canbia el còdaxe]

Inte el 1994 el scrive e interpreta a teatro el spetacoło Fratelli d'Italia, afiancà da Leonardo Pieraccioni e Carlo Conti.

So'l palcosenico, senpre dal 2001, el inisia na cołaborasion col regista Giampiero Solari e col cantante Paolo Belli, xa conponente del conpleso Ladri di biciclette: inte ła primavera del 2003 el interpreta el so primo ròło serio, de monsieur Jordain, inte el Borghese gentiluomo de Molière. Inte el 2007 el se exibise col spetacoło Faccio del mio meglio e inte el 2011 el torna co Panariello non esiste.

Da febraro 2010 el porta in sena a teatro el spetacoło Ogni maledetta domenica, un esperimento de teatro a ła radio: łe oto serade previste del show, reałixà al teatro The Club de Roma, łe va in onda in direta radiofonega so łe frecuense de RTL 102.5; in sto novo łaoro Panariello prexenta na serie de novi personaxi afiancai ai clasici del so repertorio.

El ritorno in TV a Mediaset

[canbia | canbia el còdaxe]

Durante i Mediaset Night 2011, ła tradisionałe serada inte ła cuała i vertici Mediaset prexenta łe novità del pałinsesto uutunałe ai investidori publicitari e a ła stanpa, Piersilvio Berlusconi ga anuncià l'ingreso in scuadra de Giorgio Panariello che łaorarà a Mediaset inte ła stajon 2011/2012.[2] El so show, Panariello non esiste, parte cuindi el 5 de marso 2012, in prima serada so Canale 5. El show termena dopo cuatro apontamenti el 26 de marso 2012, risevendo otimi ascolti e critiche poxitive, ospitando anca, pontada par pontada, personaxi cofà Renato Zero, Claudio Baglioni, Joaquín Cortés, Martina Stella, Raffaella Carrà, Laura Pausini e tanti altri.

Atività recenti e el novo ritorno in Rai

[canbia | canbia el còdaxe]

Inte l'utuno 2012 el torna a teatro col spetacoło In mezzo@voi!, incentà so l'atuałità e so łe novità dei cusìditi social network. El spetacoło va vanti co diverse date fin al marso del 2013. Inte el steso periodo el cominsia łe riprexe de Un fantastico via vai film direto e interpretà da Leonardo Pieraccioni, indove el recita tra i altri co Maurizio Battista, Serena Autieri, Massimo Ceccherini e Marco Marzocca: el film vien fora inte łe sałe inte el disenbre 2013, a ridoso de łe festività nadałisie[3].

El 12 de avril 2014 el xe ospite de ła tersa pontada del serałe de Amici conduxesto da Maria De Filippi, andove el sarà da novo ospite el 27 de magio in ocaxion de ła pontada finałe.

El 16 de otobre 2014 ese inte łe sałe el film ...e fuori nevica, direto e interpretà da Vincenzo Salemme, co protagonisti oltre a Panariello Carlo Buccirosso, Maurizio Casagrande e Margareth Madè.

El 14 de febraro 2015 el xe ospite durante l'ùltema seràda del Festival de Sanremo conduxesto da l'amigo Carlo Conti, imitando Renato Zero co drìoman un monòłogo so l'atuałità; po' el riseve el "Premio Città di Sanremo". El so intervento segna el pico d'ascolti de ła seràda, co scuaxi 15 miłion de spetadori.

Da disenbre del 2015, e par altri do ani, el torna in TV so Rai 1 col spetacoło Panariello sotto l'albero, indove el ripropone alcuni so personaji de suceso e alcune imitasion intra łe pì riusìe.

El 5 e 6 de setenbre 2016 el exordise a l'Arena de Verona co Leonardo Pieraccioni e Carlo Conti col spetacoło "Pieraccioni, Conti e Panariello - Lo Show". Drìoman ghe sarà na tournée co tape inte i palasport de Assago, Roma, Firenze e Livorno.

El 7 de zugno del 2018 el ga conduxesto da piasa del Plebiscito de Napułi so Rai 1 Pino è, concerto speciałe in ricordo de Pino Daniele, morìo tre anni prima, a cui ga partesipà vari artisti de ła mùxica itałiana, tra cui Biagio Antonacci.

Controversie

[canbia | canbia el còdaxe]

Inte el łujo del 2009 Panariello xe stà ogeto de na połemica połitega: alcuni abitanti del comune de Montignoso, sitadina indove el comico ga vivesto a łongo (e vive oncora ancùo durante i sìe mexi estivi), i ga prexentà na rechiesta formałe al sìndico al fin che no'l confarise al showman ła sitadinansa onoraria par ła cuała xera stà verxesto l'iter. El motivo xe ła decixion del comico de cołaborar come consułente co l'ałora sìndico de Prato Roberto Cenni, esponente de spico del sentrodreta toscan. Panariello ga smentìo l'acuxa de èsar un traditor połitego, sostegnendo de èsar de sànca ma retener superai i stecati ideołoxeghi, e el ga motivà ła so sielta come detada da na antiga amicisia, dao che Cenni, inprenditor e aministrador dełegà de ła Sasch, xera stà uno dei primi finansiadori dei so spetacołi.[4]

Premi

[canbia | canbia el còdaxe]

Łibri

[canbia | canbia el còdaxe]

Inte el setenbre del 2008 xe usìo el so primo łibro Non ti lascerò mai solo, che conta ła storia de un omo che riese a canbiar vita e a scoèrxer i veri vałori de ła vita grasie a un cagnèto. El 26 de marso 2019 vien fora el so novo łibro publegà da Mondadori dal titoło Adesso tu. Se trata de un romanxo co ceni autobiografeghi.

Muxica

[canbia | canbia el còdaxe]

Panariello el xe anca un autore de canson, tra cui Questa vita (scrivesta co Massimo Miniati, chitarista dei Interno 31, e cantada anca in cubia co Giorgia a Torno sabato) e Che Natale sei (cantada insenbre a Petra Magoni).

Inte el 1988 el partesipa al projeto muxicałe disco dance "Mod. N.4" co Judicta e Judicta II; inte i do viniłi xe prexenti łe imitasion de Roberto Benigni e Francesco Nuti e ła voxe de papa Giovanni Paolo II.

Inte el 1989 el conparise inte el brano Mussolini disco dance, del grupo Mod. n.4, imitando ła voxe del Duce in una parodia de ła stòrega dichiarasion de guèra che ła deventa "dichiarasion de festa". El viniłe contien anca un monòłogo de Panariello.

Inte el 1992 vien fora un disco mix dove Giorgio canta na so version de Il Cielo so un łado mentre so chealtro łado na version dance co tute łe so imitasion e i so personaxi.

Inte el 1996 el publega el cd Aria Fresca, contegnente i brani muxicałi par ła trasmision omonema, cantà da Carlo Conti e Panariello steso, produxesto da Gianluca Sibaldi, Carlo Conti e Fernando Capecchi.

Imitasion e parsonaji

[canbia | canbia el còdaxe]

Giorgio Panariello el ga imità numarozi parsonaji famozi e imaginari, tra cui Magic Alberta, Mario il bagnino, Merigo, Simone, Renato Zero, Lello Splendor, Nando, Ficus, la signora Italia, Naomo (parodia de Flavio Briatore), el becaro Pio Bove, Il Pierre del Chiticaca di Orbetello, Raperino, Bruschetta, Julio Iglesias, Alessandro Del Piero e Sirvano.

Mario il bagnino

Uno tra i só personazi pì famozi el ze Mario, el bagnin del Bagno Maria de Forte dei Marmi, dove che'l łaora da senpre. Ła só datrora de łaor ła ze na serta Beatrice a cui, cuando che eła ła ło ciama, łu el responde "Oh Bige, ghe dige??". Ła só esclamasion tìpega ła ze "Mariannagane!". A ogni aparision Mario el se vanta de inprexe incredibiłi avegneste in mar, come salvataji de grupo o gare de ogni zènere vinte a man bassa. El só bomò el ze "G'ho una determinata potenza ne' bracci non indifferente!" El parsonajo el conparise anca inte'l film Bagnomaria.

Filmografia

[canbia | canbia el còdaxe]

Sìnema

[canbia | canbia el còdaxe]

Curtometragi

[canbia | canbia el còdaxe]
  • Più accecante della notte, regia de Diego Bonuccelli (2016)

Tełevixion

[canbia | canbia el còdaxe]

Teatro

[canbia | canbia el còdaxe]
  • 1992: Quaderni a quadretti
  • 1993: Vicini birichini
  • 1993: Fratelli d'Italia
  • 1994: La legge ze ovale par tutti
  • 1995: Panariello sotto l'albero
  • 1996: Panariello sotto l'albero... un anno dopo
  • 1997: Boati di silenzio
  • 1998: Nuovi boati di silenzio
  • 1999: Panariello Light
  • 2000: Prove di uno show
  • 2001: Panariello...chi?
  • 2002: Panariello d'estate
  • 2002: Chissà se sarà uno show
  • 2003-2004: Il borghese gentiluomo
  • 2004: Giorgio in scena
  • 2006-2007: Faccio del mio meglio
  • 2008: Del mio meglio Live
  • 2011: Panariello non esiste
  • 2012-2013: In mezz@voi!
  • 2014-2015: Panariello sotto l'albero - Vent'anni dopo
  • 2016-2020: Pieraccioni, Conti e Panariello - Lo Show
  • 2017: Il Panariello che verrà

Tełevixion

[canbia | canbia el còdaxe]

Videoclip

[canbia | canbia el còdaxe]

Canpagne publicitarie

[canbia | canbia el còdaxe]

Notasion

[canbia | canbia el còdaxe]
  1. ↑ Gigi Vesigna, Sorprese VIP, in Oggi, 5 zugno 2013, pp. 74-80.
  2. ↑ Davide Maggio, Mediaset, autunno 2011: Giorgio Panariello ze la new entry. Io Ballo diventa Baila, in Davide Maggio, 29 de zugno 2011. entrada il 29 zugno 2011.
  3. ↑ (IT) Distribuzione, mymovies.it. entrada il 6 novembre 2013.
  4. ↑ Traditi da Panariello: «Sta con la destra? Niente cittadinanza» - Cronaca - il Tirreno (ligo ronpesto dispunìbiłe in Internet Archive; védarse el istòrego, la prima version e ła ùltema).
  5. ↑ Insieme a Vincenzo Salemme, Loretta Goggi e Gabriele Cirilli par l'asensa de Carlo Conti

Altri projeti

[canbia | canbia el còdaxe]

Linganbi foresti

[canbia | canbia el còdaxe]


Controło de autoritàVIAF (EN) 220963360 · ISNI (EN) 0000 0003 6189 491X · El vałore VIAV098487 de SBN no el xe mija bon. · LCCN (EN) nb2001007802 · BNF (FR) cb14213569b (data) · WorldCat Identities (EN) nb2001-007802
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giorgio_Panariello&oldid=1179025"