Vincenzo Salemme

Da Wikipedia, l'ençiclopedia libara.
Jump to navigation Jump to search
Vincenzo Salemme
Vincenzo Salemme 2.jpg
Vincenzo Salemme inte el 2008
SitadinansaItałia
Nasimento24 de łujo 1957, Bacoli
Łéngue parlaeŁengua itałiana
Ocupasion
ator, comediografo, comico, regista, [senegiador]]
Educà aUniversità degli Studi di Napoli Federico II
Sito ufisiałe
IMDB: nm0758033 Allocine: 151295 Allmovie: p267500

Vincenzo Salemme (Bacoli, 24 łujio 1957) el xe un ator, comediografo, comico, regista e senegiador itałian.

Biografia[canbia | canbia el còdaxe]

Vincenzo Salemme se gà diplomà al Liceo Classico Umberto I de Napołi, par po' iscrivarse a ła Facoltà de Łetare e Fiłoxofìa a l'Università Federico II de Napołi. Inte el 1976 el xe stà scriturà da ła conpagnia teatrałe de Tato Russo e ga debutà come ator inte ła comedia Ballata e morte di un capitano del popolo, ciapà da un romanxo de Luigi Compagnone. Inte el 1977 el se ga trasferìo a Roma e'l xe entrà a far parte de ła conpagnìa de Eduardo De Filippo. Co ła conpagnìa de Eduardo De Filippo el ga partesipà a Quei figuri di tanti anni fa, come conparsa, Il cilindro, Il contratto e Il sindaco del rione Sanità che xe stàe drìoman trasmeteste da Rai Uno tra 'l 1978 e 'l '79.

Ła cołaborasion co ła conpagnìa de Eduardo De Filippo ga continuà fin 1984 (ano de ła morte de Eduardo) e xe andada vanti col fìo, Luca De Filippo, fin al 1992. Inte el 1990 el forma l'asociasion culturałe E.T., par provar a métarse in pròpio, formando na pròpia realtà teatrałe. El debuto avien al Teatro dell'Orologio de Roma co l spetacoło Sogni, bisogni, incubi e risvegli, pièce formada da do ati únisi: Buonanotte e Il signor Colpodigenio. El suceso sarà tałe da permeterghe ła formasion de na conpagnìa profesionałe, ła Chi è di scena.[1]

El 1991 el xe l'ano de A chi figli, a chi figliastri, spetacoło contegnente L'amico del cuore, Telefono azzurro e Passacantando. Ła prima comedia darà vita ad uno dei so film pì conosùi. Passacantando invese l'è un monołogo reałixà tramite na racolta de storie al femenin scriveste da Salemme. L'ano drìo xe ła volta de Lo strano caso di Felice C., da cui traxarà Cose da pazzi, altro film de suceso.[2] Ła comedia ła xera stà scrivesta inte'l 1989, ano de ła caxùa del Muro de Berlin e serca de serar chel dexaxio cauxà dal cròło de łe certese de tuti i comunisti de l'epoca.[2]

L'anno sucesivo xe ła volta de La gente vuole ridere, al cuało partesipa Stefano Sarcinelli e Francesco Paolantoni. Oltre ad èsar un omagio a ła vita teatrałe, el riciapa un tema tìpego del so mestro Eduardo, el confìn intra sogno e realtà.[3] El suceso sarà tałe da portar a na riprexa arcuanti ani drìo, inte'l 2005, co La gente vuole ridere... ancora. Xe de l'isteso ano Passerotti o pipistrelli. Co sta ópara Salemme uxa el mexo de l' handicap par inprofondir i dexaxi umani.

Scrive infati Paolo Petroni del Corriere della Sera "Anche questo Passerotti o pipistrelli, insomma, ripropone un modo di fare commedia con un occhio alla realtà". Anca sta ópara ła gavarà na traspoxision sinematogràfega : A ruota libera. Passerotti o pipistrelli rientrarà l'ano sucesivo, inte'l 1994, inte'l spetacoło Fatti unici per atti comici insenbre a L'ultimo desiderio, altro ato únego che par trama e stiłe, ricorda un mucio L'Amico del cuore.[4] El tema che łiga i do ati unisi xe cueło de l'amicisia. In sto steso ano el debuta al Festival de Benevento resitando inte ła comedia Galantuomo e Cafone di Biagio Belfiore direto da Giancarlo Sammartano[5]. El 1995 xe l'ano del gran suceso co ... e fuori nevica, nasesta da na idea de Enzo Iacchetti. Inte'l 1996 el scrive par Giobbe Covatta e Francesco Paolantoni Io&Lui.

Notasion[canbia | canbia el còdaxe]

  1. [http://corrieredelmezzogiorno.corriere.it/napoli/spettacoli/15_febbraio_04/salemme-raccontasogni-bisogni-incubi-risvegli-e218321c-ac56-11e4-8433-d65e5dfd00e8.shtml Salemme racconta sogni e bisogni, incubi e risvegli]. Lingambo vardà el 2015-07-26.
  2. 2,0 2,1 "Lo strano caso di Felice C." di Vincenzo Salemme. Lingambo vardà el 2015-07-26.
  3. SALEMME La gente vuole ridere. Lingambo vardà el 2015-07-26.
  4. TEATRO: FATTI UNICI PER ATTI COMICI. Lingambo vardà el 2015-08-01.
  5. Sito ufficiale di Vincenzo Salemme. Lingambo vardà el 2015-08-01.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN14985717 · ISNI (EN0000 0000 6656 6788 · SBN (ITIT\ICCU\PUVV\205772 · LCCN (ENn2003039617 · GND (DE1020321164 · BNF (FRcb14402081q (data) · WorldCat Identities (ENn2003-039617
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Vincenzo_Salemme&oldid=959024"