Giuseppe Tornatore

Giuseppe Tornatore

(1990)
Biografia
Nasimènto	27 de majo del 1956 (68 ani) Bagheria (Sicìlia)
Dati personałi
Rełijon	Ateismo
Atività
Ocupasion	diretor de cine, montador, produtor de cine, senezador, diretor
Atività	1985  –
Òpara
Òpare in rezalto (1988) Nuovo cinema Paradiso (it) (2009) Baarìa (it)
(2007)  Premio del pubblico al miglior film europeo (it) , premià par La sconosciuta (it) (1995)  Leone d'argento - Gran premio della giuria (it) , premià par L'uomo delle stelle (it) (1990)  BAFTA a ła mejo scenejatura orizenałe, premià par Nuovo cinema Paradiso (it) (1990)  BAFTA al mejo film anglòfono, premià par Nuovo cinema Paradiso (it) (1989)  European Film Academy Special Jury Award (en) , premià par Nuovo cinema Paradiso (it) (1989)  Grand Prix Speciale della Giuria (it) , premià par Nuovo cinema Paradiso (it) (1989)  Golden Globe par el mejo film stragnero

Giuseppe Tornatore, (Bagheria, 27 de majo, 1956) el ze un rezista, senejador, produtor sinematogràfego e montador italian, noto anca par el so inpenjo sìviłe, oltra che par diversi film che ga otenjesto un notevołe suceso de pùblego in Italia e a l'estero.

Tra i vari premi el ga vinsesto un Golden Globe, un Grand Prix Speciale della Giuria al Festival de Cannes del 1989 do premi BAFTA e dieze David di Donatello. El so film Nuovo Cinema Paradiso ga vinsesto l'Oscar al mejo film in łengua foresta.

Biografia

Scominsi

Nasesto a Bagheria, in provinsa de Pałermo, el 27 de majo 1956, so fiòło de Peppino Tornatore, un sindacałista de ła CGIL, fin da zovane el manifesta na forte atrasion pa'ła resitasion e ła rezìa. A sołi sèdeze ani el riese métar in sena a teatro òpare de maìstri cofà Luigi Pirandello e Eduardo De Filippo. El se ga diplomà co el masimo dei voti al łiceo clàsego Francesco Scaduto de Bagheria. Prima de dedicarse conpletamente al sìnema el frecuenta calche łesion a ła facoltà de łétare a Pałermo. Daspò i scominsi a teatro, drìoman el se avisina al mondo de ła sètema arte traverso serte espariense documentarìsteghe e tełevizive: in partegołar el documentario (in superoto) Il carretto. Immagini di un'antica cultura (1979). Inte'l 1979 el ze ełezesto consejer comunałe a Bagheria co'l P.C.I.. El so ezordio avien so ła Rai el 5 de marso 1981, co'l documentario Ritratto di un rapinatore.

Drìoman el reałiza, sénpre par ła redasion sisiliana de Rai Tre, Incontro con Francesco Rosi (1981), Le minoranze etniche in Sicilia (1982, vinsidor de un premio al Festival de Salerno), Diario di Guttuso (1982), e Scrittori siciliani e cinema: Verga, Pirandello, Brancati e Sciascia (1983). Inte'l 1984 el cołabora co Giuseppe Ferrara par Cento giorni a Palermo, del cuało el ze produtor, oltra che co-senejador e rezista de ła segonda unità. Do ani drìoman el ezordise cofà rezista so'l grando scherma co Il camorrista, tratesto da l'omonimo romanzo de Giuseppe Marrazzo e insentrà so ła storia del noto boss de ła camora Raffaele Cutolo (inte'l film ciamà 'O Professore 'e Vesuviano).

El film riseve na bona acoliensa sia da parte del pùblego sia da ła critica e Tornatore vinse el Nastro d'arzento al mejo rezista ezordiente. L'incontro co'l produtor Franco Cristaldi porta a ła zèneze de Nuovo Cinema Paradiso, film che otien suceso in tuto el mondo, donando notorietà intarnasionałe al rezista, e che vede el inisio de na prołìfega cołaborasion co'l conpozidor Ennio Morricone. Daspò serti inprevisti, intrà i cuałi vari taji e ła proiesion blocada dopo el primo fin de setimana in tute łe sałe italiane, el film se azudega el gran premio de ła zurìa al Festival de Cannes e l'Oscar al mejo film foresto. Inte'l 1989 ghe vien conferìo el Premio Flaiano par ła senejadura pa'l łaor zvolzesto so Il camorrista e Nuovo Cinema Paradiso.

I successi dopo l'Oscar

Inte'l 1990 el zira Stanno tutti bene, film che conta del viazo de un pare sisilian a ła riserca dei fiòłi sparzesti in tuta Italia, intarpretà da Marcello Mastroianni. Inte'l 1991 el cołabora al film cołetivo La domenica specialmente co l'epizodio Il cane blu. Inte'l 1994 el zira Una pura formalità, prezentà in concorso al Festival de Cannes, che raprezenta un ponto de zvolta inte'l stiłe del rezista, che canbia radegalmente. Inte'l film A conparise do star cofà el rezista Roman Polański (inte'l ròło de ator) e Gérard Depardieu. Inte'l 1995 el torna zirar un documentario, Lo schermo a tre punte, inte'l cuało el conta ła so Sisilia. Sénpre inte'l 1995 el dirize L'uomo delle stelle, co Sergio Castellitto inte'l singołar ròło de "ładro de sonji".

El film el vinse el David di Donatello e 'l Nastro d'arzento al rezista del mejo film, nonché el Gran Premio de ła Zurìa al Festival de Venesia. El film ze anca candidà ai Oscari inte ła sesion rełativa al mejo film in łengua non ingleze. El resta folgorà dal monołogo teatrałe de Alessandro Baricco Novecento e el taca pensar a na traspozision sinematogràfega. Daspò na łonga "zestasion" A vede ła łuze La leggenda del pianista sull'oceano, co protagonista l'ator ingleze Tim Roth, conpanjà da novo da ła cołona sonora de Ennio Morricone. Anca sto film se azudega artanti premi: el David di Donatello, L'Efebo d'oro (1999), el Ciak d'oro par ła rezìa e do Nastri d'arzento, uno pa'ła rezìa e uno pa'ła senejadura. Del 2000 el ze Malèna, film co Monica Bellucci che raprezenta na coprodusion itało-statunitense e che se avałe, ancora na volta, de łe mùzeghe de Ennio Morricone.

Ritorno so'l schermo

Daspò na pauza durà un cuincuenio el zira inte'l 2006 La sconosciuta, che l'ano sucesivo se azudega tre David de Donatello. El film ze stà sernìo par raprezentar l'Italia al Premio Oscar 2008, inte ła sełesion par łe candidature cuałe mejo film foresto. Inte'l 2007 el dirizesto el spot de Banca Monte dei Paschi di Siena, ideà da l'azensia Catoni Associati. Inte l'isteso ano, durando ła Serimonia dei Oscar, A vien prezentà un so curtometrajo dedegà al 50º aniversario del Mejo Film Foresto. Un montajo indove core tante imàjini de sìnema intarnasionałe premià a Hollywood.

El ga firmà inte'l 2009 ła rezìa del film Baarìa (nome sisiłian del so paeze nadałe Bagheria), ła cuała trama conta na parte de vita vivesta inte ła so sità de orìzene. El film, venjesto fora el 25 de setenbre, ga verzesto ła 66ª Mostra intarnasionałe d'arte sinematogràfega de Venesia inte ła conpetision ofisiałe. Ła Łiga anti vivisesion, inte'l propro ròło de conponente par łeje de ła "Comision de revizion sinematogràfega", ga criticà ła sielta de Tornatore de copar un anemałe so'l set par disanguamento sensa ricorer a efeti spesiałi o a łe tècneghe de solievo dal dołor prevedeste in Italia. Tałe sena ła ze stà zirà in teritorio tunizin. El film zera stà pres-sełesionà cofà film par raprezentar l'Italia ai Oscar 2010, ma no'l ga suparà łe sełesion sucesive e no'l ze rivà al cuinteto finałe. El pùblega anca el łibro Baarìa, il film della mia vita, par Rizzoli.

Anni 2010

Tornatore el ga risevesto ła laurea honoris causa in tełevizion, sìnema e novi media da l'Univarsità IULM de Miłan el 1º de disenbre 2010. El ga risevesto inte'l 2011 el Premio Federico Fellini 8 1/2 par l'esełensa artìstega al Bif&st de Bari. L'isteso ano el pùblega par Bompiani el łibro La menzogna del cinema, co ła trascrision de l'intarvento a l'univarsidà in ocazion de ła łaurea honoris cauza. Senpre inte'l 2011 el ga reałizà el curtometrajo sełebrativo par ła caèna de granda distribusion ałimentar Esselunga. Inte'l 2013 A vien fora el film sucesivo La migliore offerta, co Geoffrey Rush, Jim Sturgess, Sylvia Hoeks e Donald Sutherland. El film el ze zirà tra Bolsan, Viena, Trieste, Parma, Miłan, Praga e ła canpanja visin a Roma. Sto film el vinse numarozi premi in Italia e non soło. El ze inpenjà inte'l 2013 inte ła pre-produsion del novo film produzesto ancora na volta da ła Paco Cinematografica che gavarìa da védarlo so'l set inte'l febraro del 2014. El film, venjesto fora inte'l 2016 co bona acoliensa de pùblego e dal tìtoło La corrispondenza, el conta ła storia d'amor a distansa tra na studentesa intarpretada da Olga Kurylenko e un profasor pì grando, inparsonà da Jeremy Irons.

Acuze de mołestie sesuałe

El 3 de novenbre 2017, in piena era #MeToo e inte l'anbito del cazo Harvey Weinstein, el vien acuzà da Miriana Trevisan de mołestie so ła rivista Vanity Fair. A stando al raconto de ła soubrette, èła ła sarìa stà mołestà inte'l studio del rezista vint'ani prima (1997).

So'l cotidian la Repubblica Tornatore el ga dichairà de aver ła cosiensa a posto e de recordar soło un incontro cordiałe: «partanto A respinzo łe insinuasion moveste inte i me confronti reservandome de azir inte łe conpetenti sedi a tuteła de ła mia onorabiłità». So'l cotidian Il Messaggero Margherita Buy ło ga defendesto, definendoło un zentiłomo.

Nesuna denuncia formałe ła ze stà mai sporzesta da ła soubrette par mołestie; inte'l 2018, Giuseppe Tornatore ga invese cità Miriana Trevisan in zudisio - ancora in corso - danansi el Tribunałe de Roma pa'l risarcimento dei dani da defamasion.

Filmografia

Rejista e senejador

Łongometraji

• Il camorrista (1986)
• Nuovo Cinema Paradiso (1988)
• Stanno tutti bene (1990)
• Il cane blu, episodio di La domenica specialmente (1991)
• Una pura formalità (1994)
• L'uomo delle stelle (1995)
• La leggenda del pianista sull'oceano (1998)
• Malèna (2000)
• La sconosciuta (2006)
• Baarìa (2009)
• La migliore offerta (2013)
• La corrispondenza (2016)

Curtometraji

• Stella gemella (1996)
• 50º aniversario Oscar Mejo Film Foresto (2007)
• Il mago di Esselunga (2011)

Documentari

• Ritratto di un rapinatore (1981)
• Incontro con Francesco Rosi (1981)
• Le minoranze etniche in Sicilia (1982)
• Diario di Guttuso (1982)
• Scrittori siciliani e cinema (1984), serie TV in cuatro epizodi
• Lo schermo a tre punte (1995)
• Riccardo Freda (1996), epizodio de ła serie Ritratti d'autore
• L'ultimo gattopardo - Ritratto di Goffredo Lombardo (2010)
• Ennio: The Maestro (2020)
• Devotion (2020)

Produtor

• Cento giorni a Palermo, regia de Giuseppe Ferrara (1984)
• Il figlio di Bakunin, regia de Gianfranco Cabiddu (1997)
• Il manoscritto del Principe, regia de Roberto Andò (2000)

Montador

• Una pura formalità, regia de Giuseppe Tornatore (1994)

Publegasion

• Nuovo Cinema Paradiso, Sellerio 1989
• Baarìa, Mondadori Electa, 2009
• Il collezionista di baci, Mondadori Electa, 2014
• La migliore offerta, Sellerio, 2013
• La corrispondenza, Sellerio, 2016
• Diario inconsapevole, HarperCollins Italia, 2018
• Leningrado, Sellerio, 2018
• Ennio, un maestro, co Ennio Morricone, HarperCollins Italia, 2018

Premi e riconosimenti

Golden Globe

• 1990 - Mejo film foresto par Nuovo Cinema Paradiso
• 2000 - Nomination mejo film foresto par Malèna
• 2010 - Nomination mejo film foresto par Baarìa

Premio BAFTA

• 1991 - Mejo film foresto par Nuovo Cinema Paradiso
• 1991 - Nomination mejo rezista par Nuovo Cinema Paradiso
• 1991 - Mejo senenjadura orizenałe par Nuovo Cinema Paradiso
• 2000 - Nomination mejo film foresto par Malèna

David de Donatello

• 1987 - Nomination mejo rezista ezordiente par Il camorrista
• 1989 - Nomination mejo film par Nuovo Cinema Paradiso
• 1989 - Nomination mejo rezista par Nuovo Cinema Paradiso
• 1996 - Nomination miglior film per L'uomo delle stelle
• 1996 - Miglior regista per L'uomo delle stelle
• 1996 - Nomination migliore sceneggiatura per L'uomo delle stelle
• 1999 - Nomination miglior film per La leggenda del pianista sull'oceano
• 1999 - Migliore regista per La leggenda del pianista sull'oceano
• 1999 - Nomination migliore sceneggiatura per La leggenda del pianista sull'oceano
• 1999 - David scuola per La leggenda del pianista sull'oceano
• 2007 - Miglior film per La sconosciuta
• 2007 - Migliore regista per La sconosciuta
• 2007 - Nomination migliore sceneggiatura per La sconosciuta
• 2010 - Nomination mejo film par Baarìa
• 2010 - Nomination mejo rezista par Baarìa
• 2010 - Nomination mejo senejadura par Baarìa
• 2010 - David giovani per Baarìa
• 2011 - Nomination miglior documentario di lungometraggio per L'ultimo gattopardo: Ritratto di Goffredo Lombardo
• 2013 - Miglior film per La migliore offerta
• 2013 - Migliore regista per La migliore offerta
• 2013 - Nomination migliore sceneggiatura per La migliore offerta
• 2013 - David giovani per La migliore offerta
• 2016 - David giovani per La corrispondenza

Nastro d'argento

• 1987 - Miglior regista esordiente per Il camorrista
• 1989 - Nomination regista del miglior film per Nuovo Cinema Paradiso
• 1989 - Nomination miglior soggetto per Nuovo Cinema Paradiso
• 1991 - Nomination miglior soggetto per Stanno tutti bene
• 1995 - Nomination regista del miglior film per Una pura formalità
• 1995 - Nomination miglior soggetto per Una pura formalità
• 1996 - Regista del miglior film per L'uomo delle stelle
• 1996 - Nomination migliore sceneggiatura per L'uomo delle stelle
• 1999 - Regista del miglior film per La leggenda del pianista sull'oceano
• 1999 - Migliore sceneggiatura per La leggenda del pianista sull'oceano
• 2000 - Miglior produttore per Il manoscritto del Principe
• 2007 - Regista del miglior film per La sconosciuta
• 2007 - Nomination migliore sceneggiatura per La sconosciuta
• 2010 - Nastro dell'anno per Baarìa
• 2011 - Nastro d'argento speciale per i documentari per L'ultimo gattopardo: Ritratto di Goffredo Lombardo
• 2013 - Regista del miglior film per La migliore offerta
• 2013 - Nomination migliore sceneggiatura per La migliore offerta

Ciak d'oro

• 1995 - Miglior montaggio per Una pura formalità
• 1999 - Miglior regista per La leggenda del pianista sull'oceano
• 2013 - Miglior regista per La migliore offerta

Festival di Cannes

• 1989 - Nomination Palma d'oro par Nuovo Cinema Paradiso
• 1989 - Grand Prix Speciale della Giuria par Nuovo Cinema Paradiso

European Film Awards

• 1989 - Nomination miglior film giovane per Nuovo Cinema Paradiso
• 1989 - Premio speciale della Giuria per Nuovo Cinema Paradiso
• 2007 - Nomination miglior regista per La sconosciuta
• 2007 - Premio del pubblico al miglior film europeo per La sconosciuta
• 2010 - Nomination premio del pubblico al miglior film europeo per Baarìa
• 2013 - Nomination miglior film per La migliore offerta
• 2013 - Nomination miglior regista per La migliore offerta
• 2013 - Nomination miglior sceneggiatura per La migliore offerta
• 2013 - Nomination premio del pubblico al miglior film europeo per La migliore offerta

Taobuk Award

• 2016 - Premio a ła cariera

Bibliografia

• Giuseppe Tornatore. Uno sguardo dal set a cura di Ninni Panzera, Silvana Editoriale, Cinisello Balsamo 2007
• L'isola di Tornatore a cura di Ninni Panzera, Silvana Editoriale, Cinisello Balsamo 2010
• Le Madonie, cinema ad alta quota di Sebastiano Gesù e Elena Russo, con introduzione di Francesco Novara e presentazione di Pasquale Scimeca, Giuseppe Maimone Editore, Catania 1995 (Nuovo Cinema Paradiso e L'Uomo delle Stelle)
• Antonio La Torre Giordano, Luci sulla città - Palermo nel cinema dalle origini al 2000, ASCinema - Archivio Siciliano del Cinema, prologo di Goffredo Fofi, prefazione di Nino Genovese, Caltanissetta, Edizioni Lussografica, 2021, ISBN 978-88-8243-518-9

Altri projeti

Altri progetti

• Wikimedia Commons

• Wikimedia Commons el detien imàjini o altri file so Giuseppe Tornatore
• el detien schemi gràfeghi so

Linganbi foresti

• Tornatóre, GiuseppeTreccani.it – Enciclopedie on line, Istituto de ła Ençiclopedia Italiana.
• Simone Emiliani, Tornatore, Giuseppe, in Ençiclopedia Italiana, VI Appendice, Istituto de ła Ençiclopedia Italiana, 2000.
• Opere di Giuseppe TornatoreopenMLOL, Horizons Unlimited srl.
• (EN) Opere di Giuseppe TornatoreOpen Library, Internet Archive.
• Registrazioni di Giuseppe TornatoreRadioRadicale.it, Radio Radicale.
• (EN) Giuseppe TornatoreMusicBrainz, MetaBrainz Foundation.
• (EN) Giuseppe TornatoreInternet Movie Database, IMDb.com.
• (EN) Giuseppe TornatoreAllMovie, All Media Network.
• (EN) Giuseppe TornatoreRotten Tomatoes, Flixster Inc.
• (DE, EN) Giuseppe Tornatorefilmportal.de.