Monica Bellucci

Monica Bellucci

Monica Anna Maria Bellucci (Sità de Casteło, 30 de setenbre 1964) xe 'na atrice sinematografega e modèła itałiana.

Biografia

Nata a Selci Lama, in provincia de Perugia, da Pasquale Bellucci e Brunella Briganti, xe visùa a Lama frasion de San Giustino, fìn al trasferimento in Fransa. Ła gà tacà a laorare cofà modèła par pagarse i studi a ła facoltà de giurisprudensa de l'Università dei studi de Perugia anca se ła sbandona presto par dedicarse del tuto a ła paseréła.

Moda

'Ntel 1988 ła riva a Miłan, indove ła desfiła so łe pì inportanti pasaréłe soto contrato co' l'Elite Model Management. L'ano drìo ła deventa famoxa a Parixe e anca a New York. 'Ntel 1997 ła xe imortałà da Richard Avedon 'ntel Całendario Pirelli. Ła gà poxà pa'l całendario sexy de ła rivista Max (1999), fotografàda da Fabrizio Ferri e l'ano drìo xe ła protagonista del całendario sexy de GQ.

L'à sfiłà par Dolce&Gabbana, Fendi e tute łe più inportanti griffe mondiałi. Ła gà vadagnà ła covertina de ła rivista fransexe Elle e de Vogue. Inaxonta ła xe stà anca testimonial par Alessandro Dell'Acqua e Blumarine. 'Ntel 2003 senpre par Dolce&Gabbana ła deventa testimonial del profùmego Sicily. 'Ntel novenbre 2007 deventa testimonial par Intimissimi e recita nel cortometraggio Heart Tango, diretto da Gabriele Muccino. Senpre 'ntel 2007 ła deventa testimonial de Cartier par la łinea de xogèłi Délices.

Dal 2008 el stiłista John Galliano co'l make-up artist Tyen l'à vołesta cofà testimonial del roséto Rouge Dior (pa'l quałe l'atrice xe tut'ora testimonial), uno dei cavałi de bataja de ła maison fransexe Dior 'ntel canpo del maquillage. Testimonial par Dior anca par la linea de spòrte e asesòri, 'ntel 2010 ła gà vestìo i pani de 'na moderna Eva pa'l spot del strafamoxo profùmego Hypnotic Poison. 'Ntel 2010 l'atrive vien confermà Martini e da Dolce&Gabbana come protagonista de un novo spot tv (da l'atmosfera felliniana) pa'l slanso del novo aperitivo Martini Gold, nato dała cołaborasion tra i do stiłisti e 'l brand de bevande.

Sìnema

Monica Bellucci fotografà al Festival de Cannes 'ntel 2002

Ła carièra sinematografega taca nei primi ani novanta. El debuto avien 'ntel film Vita coi figli (regia de Dino Risi), co' Giancarlo Giannini mentre l'ano drìo xe ła protagonista del film La riffa de Francesco Laudadio, co' Massimo Ghini. 'Ntel 1992 fa ła so prima conparsa in un film in lengua inglexe: Dracula di Bram Stoker (direto da Francis Ford Coppola) nel ròło de una dełe tre concubine del conte Dracula. Ła torna in Itałia par xiràr ła comedia I mitici - Colpo gobbo a Milano, direta da Carlo Vanzina. Ła so popołarità però taca a cresàre 'ntel 2000 co' ła gira Malèna de Giuseppe Tornatore, che ła fa conosare prima in Eoropa e po' in America e soratuto quando che ła interpreta co' so marìo Vincent Cassel el film controverso de Gaspar Noé, Irréversible. 'Ntel 2003 ła xe ła comàre de ła 56ª edision del Festival de Cannes. Interpreta po' Persephone in Matrix Reloaded e Matrix Revolutions e ła veste i pani de Maria Maddalena ne La passione di Cristo direta da Mel Gibson.

Dopo l'esperiensa a l'estero, ła torna in Itałia dove xe infra i protagonisti de Ricordati di me de Gabriele Muccino, ròło grasie al quało riseve 'na nomination ai David de Donateło e vinse un nastro d'arxento. 'Ntel 2005 ła xe 'na teribiłe striga, direta da Terry Gilliam, ne I fratelli Grimm e l'incantevole strega e Daniela, 'na prostituta itałiana nel film Per sesso o per amore? de Bertrand Blier.

'Ntel 2006 Paolo Virzì ghe ofre el ròło de 'na baronesa goderecia e sinpatica, ròło dove ła rimarca co' ganga el so asento unbro, nel film N (Io e Napoleone), verxendo ła prima edision del Festival del Cinema de Roma. 'Ntel 2007 ła xe 'na fasinante fixioterapeuta che fa perder ła testa al personaxo interpetà da Riccardo Scamarcio in Eros, primo epixodio del film Manuale d'amore 2 - Capitoli successivi de Giovanni Veronesi. El regista fransexe Alain Corneau ła vołe invese biónda nel film noir Le Deuxième souffle, dove recita al fianco de Daniel Auteuil.

'Ntel 2008 partesipa al Festival de Cannes co' el film itałian fora concorso de Marco Tullio Giordana Sanguepazzo, dove veste i pani de Luisa Ferida, 'Ntel 2008 partesipa al Festival de Cannes co' el film itałian fora concorso de Marco Tullio Giordana Sanguepazzo, dove veste i pani de Luisa Ferida, ła diva małedeta de l'era fasìsta, mugèr de Osvaldo Valenti. El steso ano ła verxe ła tersa edision del Festival del Cinema de Roma, prexentandose co' el film L'uomo che ama de Maria Sole Tognazzi.

'Ntel Marso 2009 ghe vien conferìo el World Actress Award durante ła cerimonia dei Women's World Awards, che s'a desvòlta a Vienna. Al festival di Berlino del 2009 vien prexentà The Private Lives of Pippa Lee de Rebecca Miller, dove ła recita co' grandi nomi del sìnema internasionałe tra cui Robin Wright Penn, Winona Ryder e Keanu Reeves. 'Ntel steso ano ła prexenta al festival di Cannes el film fora concorso Ne te retourne pas direto da Marina De Van, film che vede ła partecipasion de naltra icona del cinema fransexe Sophie Marceau.

El 27 setenbre 2009 ła xe intra i firmatari de l'apèło revolto ai podéri sviseri pa'l rełàso del regista Roman Polanski, detegnùo in atexa de eser istradà nei Stati Unìi. A ła quarta edision del Festival del Cinema de Roma veste i pani deTosca, co' Andrea Bocelli, nel cortometragio firmà da Franco Zeffirelli, Omaggio a Roma, vołesto fìso dal comun de Roma par promóver l'imaxene de ła cavedàl 'ntel mondo. Nei film I fratelli Grimm e l'incantevole strega e Per sesso o per amore? ła xe stà dopià da Irene Di Valmo.

Ła parla l'itałian, el fransexe e l'inglexe. Nella Passione di Cristo ła gà par xonta recità in aramaico.

Vita privàda

El 3 agosto 1999 gà spoxà l'ator fransexe Vincent Cassel, conosùo 'ntel 1996 so'l set del film L'appartamento, co' cui l'à recità ancora in altri film. Dal marìo ła gà avùdo do fìe, Deva nata el 12 setenbre 2004 e Léonie, nata el 20 magio 2010. Ła se gà dicharà agnostèga.

Sìnema

• La riffa, regia de Francesco Laudadio (1991)
• Bram Stoker's Dracula (Dracula di Bram Stoker), regia de Francis Ford Coppola (1992)
• Ostinato destino, regia de Gianfranco Albano (1992)
• Briganti - Amore e libertà, regia de Marco Modugno (1993)
• I mitici - Colpo gobbo a Milano, regia de Carlo Vanzina (1994)
• Il cielo è sempre più blu, regia de Antonio Luigi Grimaldi (1995)
• Palla di neve, regia de Maurizio Nichetti (1995)
• L'appartement (L'appartamento), regia de Gilles Mimouni (1996)
• Come mi vuoi, regia de Carmine Amoroso (1997)
• Mauvais genre, regia de Laurent Bénégui (1997)
• Dobermann, regia de Jan Kounen (1998)
• A los que aman, regia de Isabel Coixet (1998)
• L'ultimo capodanno, regia de Marco Risi (1998)
• Le plaisir et ses petits tracas (Le plaisir), regia de Nicolas Boukhrief (1998)
• Méditerranées, regia de Philippe Bérenger (1999)
• Comme un poisson hors de l'eau (Come un pesce fuor d'acqua), regia de Hervé Hadmar (1999)
• Malèna, regia de Giuseppe Tornatore (2000)
• Under Suspicion, regia de Stephen Hopkins (2000)
• Franck Spadone, regia de Richard Bean (2000)
• Le pacte des loups (Il patto dei lupi), regia de Christophe Gans (2001)
• Irréversible (Irréversible), regia de Gaspar Noé (2002)
• Asterix e Obelix - Missione Cleopatra, regia de Alain Chabat (2002)
• Unruly - Nessuna regola, regia de Philippe Berenger (2002)
• The Matrix Reloaded (Matrix Reloaded), regia de Larry e Andy Wachowski (2003)
• The Matrix Revolutions (Matrix Revolutions), regia de Larry e Andy Wachowski (2003)
• Tears of the Sun (L'ultima alba), regia de Antoine Fuqua (2003)
• Ricordati di me, regia de Gabriele Muccino (2003)
• She Hate Me (Lei mi odia), regia de Spike Lee (2004)
• Agents secrets, regia de Frédéric Schoendoerffer (2004)
• The Passion of the Christ (La passione di Cristo), regia de Mel Gibson (2004)
• The Brothers Grimm (I fratelli Grimm e l'incantevole strega), regia de Terry Gilliam (2005)
• Combien tu m'aimes? (Per sesso o per amore?), regia de Bertrand Blier (2005)
• Striptease - Attrazione fatale (2006)
• Le concile de pierre (L'eletto), regia de Guillaume Nicloux (2006)
• N (Io e Napoleone), regia de Paolo Virzì (2006)
• Le Deuxième souffle, regia de Alain Corneau (2007)
• Manuale d'amore 2 - Capitoli successivi, regia de Giovanni Veronesi (2007)
• Shoot 'Em Up (Shoot 'Em Up - Spara o muori!), regia de Michael Davis (2007)
• Heart Tango, regia de Gabriele Muccino - cortometraggio (2007)
• L'uomo che ama, regia de Maria Sole Tognazzi (2008)
• Sanguepazzo, regia de Marco Tullio Giordana (2008)
• The Private Lives of Pippa Lee, regia de Rebecca Miller (2009)
• Ne te retourne pas, regia de Marina de Van (2009)
• Baarìa, regia de Giuseppe Tornatore (2009)
• Omaggio a Roma, regia de Franco Zeffirelli - cortometragio (2009)
• The Sorcerer's Apprentice (L'apprendista stregone), regia de Jon Turteltaub (2010)
• Manuale d'amore 3, regia de Giovanni Veronesi (2011)
• The Whistleblower, regia de Larysa Kondracki (2011)
• Un Été Brûlant, regia de Philippe Garrel (2011)
• Rhino Season, regia de Bahman Ghobadi (2012)

Tełevixion

• Vita coi figli, regia de Dino Risi - film TV (1990)
• Giuseppe, regia de Roger Young - film TV (1995)
• R.I.S. Roma - Delitti imperfetti,regia de Francesco Miccichè - serie tv (2011)

Premi e candidature

2003 David di Donatello: Nomination Mejo atrice non protagonista par Ricordati di me (1999); 2007 Nastri d'Argento: Nomination Mejo atrice non protagonista par N (Io e Napoleone) 2005 Nastri d'Argento: Nomination Mejo atrice non protagonista par La passione di Cristo 2003 Nastri d'Argento: Premio Mejo attrice non protagonista par Ricordati di me 2004 MTV Movie: Nomination Mejo baxo par Matrix Reloaded

Curioxità

• 'Ntel 2004 ła gà dopià el personajo de Kaileena ne ła version franséxe del sełebre videoxogo Prince of Persia: Spirito guerriero co' ła presenxa anca de Gabriel Garko, che invese gà dopià el protagonista ne ła version itałiana.
• Monica Bellucci xe xermàna del tenénte cołonèło dei Carabinieri Valerio Gildoni, medagia d'oro al vałor miłitàr.

Altri projeti

Commons

• So Commons ghe xe dei file multimediałi so Monica Bellucci

Cołegamenti esterni

• profilo twitter ufficiale
• Scheda su Monica Bellucci de l'Internet Movie Database
• Scheda su Monica Bellucci del Notable Names Database
• Scheda su Monica Bellucci di Film.it