Massimo Ceccherini

Da Wikipedia, l'ençiclopedia libara.
Jump to navigation Jump to search

Massimo Ceccherini (Firense, 23 magio 1965) xe un ator, regista e comico itałian

Biografia[canbia | canbia el còdexe]

Fìo de un inbiancador, par ch'el so destin seguise el mistier che fasea so pare ma invese el gera tanto atrato dal mondo del spetacoło, el debuta in tełevision parteçipando a La Corrida de Corrado e par ani el porta 'vanti ła carièra del cabaretista in conpagnìa del so amigo Alessandro Paci, in particołar el scomissia a farse conossere dal publico tełevisivo nel programa de cabaret so Videomusic (po'TMC2) Aria fresca, presentà da un xovane Carlo Conti.

Nel fraténpo el riese a otegnìr ła prima parte in un film, Benvenuti in casa Gori del regista Alessandro Benvenuti, co'l quałe l'ano drìo xirarà anca el film Zitti e Mosca. 'Ntel 1994, al fianco de Paolo Villaggio, el recita in Cari fottutissimi amici co' regia de Mario Monicelli. El suceso popołar riva però co' a cołaborasion co' l'amigo Leonardo Pieraccioni, partesipando a tuti i so film, fora che Il pesce innamorato, Il paradiso all'improvviso e Finalmente la felicità (in sti ultimi do comunque xe conparso in curti camei).

El xe regista e senegiador de tre film: Faccia di Picasso, Lucignolo, La mia vita a stelle e strisce, dei quałi xe anca protagonista. Un quarto film, La brutta copia, xe stà girà finìo 'ntel 2002 xe restà intrigà ne ła bruta situasion finansiaria in cui xe restà coinvolto el suo produtor, Vittorio Cecchi Gori usìndo soło 11 ani drìo nel canałe sky cinema comedy de ła piataforma satełitare de Sky italia. 'Ntel 1998 el interpreta ła so personałisima revixitasion de ła favołaa de Pinochio co' Fermi tutti questo è uno spettacolo, Pinocchio in conpagnìa de Alessandro Paci e Carlo Monni. 'Ntel 2001 el prexenta co'Raffaella Carrà, Enrico Papi e Megan Gale el Festival de Sanremo, e 'ntel 2005, par 'na soła pontàda, Striscia la Notizia co' Pieraccioni.

'Ntel 2006 el parteçipa da concorente a ła quarta edision del reality show L'isola dei famosi - Honduras. Durante ła pontàda del 18 ottobre, inrabià par aver visto el concorente Raffaello Balzo magnàr a cauxa de ła sua debołesa fixica, pronuncia 'na bestèma in diretae cussì vien parà via da ła gara siben no'l fuse stà inquadrà. 'Ntel 2006/2007 el riciapa ła carièra teatrałe, partesipando a vari spetacołi tra i quałi ła tournée de Quei bravi racazzi co' Alessandro Paci. 'Ntel 2008 el parteçipa al film Un'estate al mare de Carlo Vanzina. 'Ntel 2009 el ripropone da nòvo Pinochio co' Alessandro Paci e Carlo Monni.

Filmografia[canbia | canbia el còdexe]

Ator[canbia | canbia el còdexe]

Regista, senegiador e ator[canbia | canbia el còdexe]

Teatro[canbia | canbia el còdexe]

Note[canbia | canbia el còdexe]


Altri progeti[canbia | canbia el còdexe]

  • Collabora a Wikiquote Su Wikiquote ghe xe dełe citasion de o su Massimo Ceccherini

  • Cołegamenti esterni[canbia | canbia el còdexe]