Giografia de l'Egito

Da Wikipedia, l'ençiclopedia libara.
Va a: navigasion, serca
Mapa de l'Egito


L’Egito el xe on paexe del nord Africa, e l’unico chel confina co l’Axia. A nord se cata el mar Mediteraneo e a est el canal de Suez e el Mar Roso. El confin co Israele el xe en teritorio axiatico. Libia e Sudan i xe i do paexi africani che confina co l’Egito.

Dati generali[canbia | canbia sorxente]

Area:
Totale: 1 001 450 km²
Tere: 995 450 km²
Acque: 6 000 km²

Confini de tera:

Totale: 2 665 km
Paesi confinanti: Strisia de Gaza 11 km, Israele 266 km, Libia 1 115 km, Sudan 1 273 km

Linea de costa: 2 450 km

Punti estremi:

Punto pi baso: Depressione di Qattara -133 m s.l.m.
Punto pi alto: Monte Caterina 2 629 m s.l.m.

Morfologia[canbia | canbia sorxente]

L'Egito dal satelite

El teritorio de l’Egito el xe quasi tuto desertico. Solo longo el Fiume Nilo se cata vegetasion. El del ta del Nilo el xe grande e fertile. L'Egitto se pol dividare en quatro regioni naturali:

Valle del Nilo e Delta[canbia | canbia sorxente]

La val del Nilo la traversa tuto el paexe da sud a ord. El Nilo el entra en te l’Egito a Wadi Halfa e el va a formar el lago artificiale de Nasser. La diga de Assuan, che la forma el lago al xe a 180 metri sul livel del mar. Da Assuan al Cairo, el fiume el pasa en mezo al deserto e rente de tanti sentri archeologici. Dopo chel ga pasà el Cairo, el Nilo el scominsia a verzarse fora e formae el delta. I do rami prinsipali del delta i xe quei de Roseta e quel de Damieta, tuti e do longi circa 240 km.


I deserti[canbia | canbia sorxente]

El deserto orientale el taca a sud-est del delta e el va fin al Sudan, co el mar Roso chel fa da confine a est. Co i so 222 000 km² el xe on quarto de la superfice del paexe. Le precipitasioni le xe poche ma la piova la se fa vedar. No ghe xe torenti, ma se cata acqua.

Da la val del Nilo a la Libia se cata l’altro grande deserto egisiano. EL deserto osidentale el xe grando 700 000, pi de do olte l’Italia. El xe costituio de teritorio sabioso, piato co poche montagne. Le oasi le xe le sole fonti de acqua. Quasi tute le oasi le se cata rentro le depresioni del deserto. La depresion i granda la xe quela de Qattara (- 133 m). Parte de sto deserto el xe coltivà co l’irigazion alimentada da le acque dl Nilo.

El Sinai[canbia | canbia sorxente]

La penisola del Sinai la xe pare de l’Egito, anca se la se cata en Axia. La penisola la confina co el mar Roso, el Mar Mediteraneo, la strisia de Gaza e Israele (Golfo de Aqaba). La penisola la ofre sentri balneari su la costa osidentale, i rilievi pi alti del paexe (monte Caterina e monte Sinai). La parte orientale del Sinai la fa parte de la Rift Valley, la vale pi longa de la tera.