Elisa

Da Wikipedia, l'ençiclopedia libara.
Infobox de personajo Elisa
ElisaMechanical.jpg
SitadinansaItàlia
Nasimento19 de disenbre 1977, Monfalcon
MorteCànbia el vałor in Wikidata
Łéngue parlaeitalian
Perìodo atività1996 Cànbia el vałor in Wikidata –
Discografia
Àlbun20
Stùdio10
In vivo2
Compilation6
ZènareRock alternativo, Pop Rock, Pop, Dance
StrumentoVoze Cànbia el vałor in Wikidata

Sito ufisiałe
IMDB: nm1321879
Twitter: elisatoffoli MySpace: elisatoffoli Youtube: UCQTeLNXJiX12TzVTJr7diww Spotify: 2ARH58Hit3yC6ziGdhma23 Last fm: Elisa Musicbrainz: 8d173bdf-c83e-42d7-8355-c8d6f0d10c0e Discogs: 65897 Allmusic: mn0000176256


Elisa, a l'anagrafe Elisa Toffoli (Trieste, 19 disenbre 1977), ła xe na cantante, conpoxidora, połistrumentista, muxicista e produtora discogràfega itałiana.

Durante ła so carièra ła ga invià anca progeti in cuałità de regista de videoclip, atora teatrałe, fotografa, dopiadora e scritora.

In oltre vinti ani de cariera, dopo ła reałixasion de diexe album in studio, sìe compilation, do album dal vivo, sincue album video, sincuantun sìngołi e artanti video mùxegali, ga vendesto pì de 5,5 miłion de dischi sertifegai da M&D e FIMI, avendo suceso anca in Europa e in Nord America [1][2]. Inte łe clasifeghe itałiane e internasionałi, ła ga ciapà diexe volte ła top ten co i so album, concuistando cuatro volte ła prima poxision, mentre par cuanto revarda i sìngołi, ła ga ciapà ła top-ten sèdexe volte, co sìe nùmari uno, vadagnando conplesivamente un disco de diamante, un disco multiplatino (come menbro del grupo Artisti Unìi par l'Abruso), cuarantacuatro dischi de platino e nove dischi d'oro

  • 1 Diamante (pì de 600.000 copie çertifegae)
    • Soundtracks '96-'06.
  • 1 multiplatino (masima çertifasion raxonxìbiłe par łe vendite record de pì de 562.000 copie, par el sìngoło de benefiçensa in cołaborasion co altri artisti)
  • 26 dischi de platino (pì de 2.035.000 copie çertifegae)

Biografia[canbia | canbia el còdaxe]

Elisa Toffoli in una iłustrasion de Giovanni Guida

Nasesta a Trieste e cresùa a Monfalcone (el pare se gaveva trasferìa par raxon de łaoro) [3], Elisa ła xe una de łe poche cantaudore itałiane a scrivar ła scuaxi totałità dei so testi in inglexo; ła ga cantà anca in spagnoło (in te i brani Háblame e Sentir sin embargo), fransexo (Pour que l'amour me quitte), sloveno (Lintver main theme) e curdo (el brano Kuminist), oltra che in itałian.

El suceso in anbito discografego xe rivà a 19 ani co l'album d'exordio Pipes & Flowers, ma ła notorietà al gran publico xe rivà a 23 ani grasie a ła vitorioxa partesipasion al Festival de Sanremo 2001 co ła canson Luce (tramonti a nord est).

Co so mario, Andrea Rigonat, anca łu conponente del grupo, ła ga do fiòłi: Emma Cecile, nasùa el 22 de otobre 2009 e Sebastian, nasùo el 20 de majo 2013.[4]

Elisa crede in cueło che ła fa, ła xe na pontilioxa come nialtri cantaudori che se semo fati amar inte i ani sesanta sostegnedo a tuti i costi łe nostre idee., op. cit., Gino Paoli[5]

L'infansia (1977-1994)[canbia | canbia el còdaxe]

Ła aona de Itałia inte ła cuała ła crese risente de svariae culture, come mostra el fato che ła cantaudora ga parenti rusi e fransexi. Fin da xovane ał se dedica a ła mùxega (oltre che a ła dansa, a ła pitura e a ła recitasion), sfrutando el clima culturałe partegołare de ła xona de confin co l'area balcanega e l'Europa orientałe. Łe so prime influense muxegałe, reciapae drìoman in alcuni brani e video, łe xe Dolores O'Riordan, Björk, Tori Amos, Alanis Morissette, Sarah Vaughan, Aretha Franklin ed Ella Fitzgerald. Inaxonta ła scolta un mucio i Doors łexendo e amirando i testi de Jim Morrison e łe poexie de Rudyard Kipling.[6] A l'età de ùndexe ani ła scive i so primi testi e ła conpone mełodie. A tredexe ani, alternando el łaoro de scianpista inte ła botega de peruchera de ła mare,[7] ła taca exibirse come corista, cantante e muxicista in vari grupi łocałi, sperimentando difarenti xeneri muxicałi.[8] Inte el 1992, a cuindexe ani, ła aparise in una pontada de ła trasmision tełevixiva Karaoke conduxesta da Fiorello, che in chei dì ła faxeva tapa a Gorisia,[9][10] cantando Questione di Feeling[11]. Drìoman ła cołabora cofà corista a ła reałixasion de l'album reggae War Mongers dei Positive Men.

Pipes & Flowers, l'album de exordio (1995-1999)[canbia | canbia el còdaxe]

Search ballonicon2.svg Par savèrghene de pì, vardarse ła voxe Pipes & Flowers.

A sedexe ani Elisa incontra a un provin Caterina Caselli, ła cuałe, poxitivamente inpresionada da ła so voxe e da i so testi, un ano drìo ła ghe concede ła posibiłità de firmar el so primo contrato discografego co ła Sugar Music, eticheta da eła istea xestìa. Inte el 1996, a disdòto ani, ła parte par Berkeley (Całifornia) indove, insenbre a Corrado Rustici (produtor de Zucchero Fornaciari, Francesco De Gregori, Claudio Baglioni e cołaborador, in pasà, de Whitney Houston e Aretha Franklin), ła łaora a łe canson de l'album de exordio.

L'album vien antisipà de alcuni mexi dal sìngoło Sleeping in Your Hand, publegà in cao a magio del 1997. Pipes & Flowers vien infin publegà el 22 de setenbre 1997 e in poco tenpo el concuista el cuadruplo disco de platino in Itałia. Elisa xe autora o coautora de tuti i testi, scrivesti in inglexe, e anca de łe mùxiche. Par sto so debuto inte el 1998 ła vinse ła Targa Tenco e el PIM (Premio Itałian de ła Mùxica). Elisa scominsia po' a farse conoser anca traverso alcune exibision dal vivo: a ła prima edision de l'Heineken Jammin' Festival de Imoła e drìoman cofà special guest durante i tour de Eros Ramazzotti e Zucchero Fornaciari, verxendo alcuni dei so concerti.

Drìo ła publegasion de l'album in mexa Europa, ła taca na serie de cołaborasion co produtoir forèsti e itałiani che porta a ła reałixasion de varie canson. Ła prima a èsar publegà xe Cure Me, produxesta da Darren Allison (Skunk Anansie, Spiritualized) e publegà come sìngołi a ła fin del 1998. Par l'ocaxion Pipes & Flowers vien fora in una nova edision che conprende anca sta canson. Łe altre, dal sound pretamente ełetronego che se pol conparar al stiłe de Björk, vegnarà invese tegnùe in serbo par èsar po' publegae inte el segondo album.

El 1998 xe l'ano che scominsia na łonga a volte frutuoxa sinbioxi tra łe canons de Elisa e el mondo del sìnema: łe canson A Feast for Me e So Delicate So Pure łe vien inserìe inte ła cołona sonoara del film par ła TV Amiche davvero!! de Marcello Cesena, mentre l'ano drìo Cure Me vien includesta inte ła cołona sonora del film La prima volta de Massimo Martella.

Elisa ga dichiarà de aver ciamà el disco Pipes & Flowers dao che ła ga ła pasion par ła Street Art e i grafiti, cualmentre ła xera sołita dexegnar volti e fiori (flowers) che simava fora da tubi (pipes) tridimensionałi.

Asile's World e ła vitoria a Sanremo (2000-2001)[canbia | canbia el còdaxe]

Search ballonicon2.svg Par savèrghene de pì, vardarse ła voxe Asile's World.

A tre ani de distansa da l'album de debuto, el 5 de majo 2000, xe vegnuo fora Asile's World, el segondo album de l'artista. Come antisipà dal sìngoło Gift, l'album segna na neta cuanto inatexa inversion de rota respeto a łe sonorità de Pipes & Flowers. Asile's World, produzesto da cuatro difarenti produtori tra cui Howie B e Roberto Vernetti, A xe infati un prodoto caraterixà da aranxamenti ełetroneghi (cofà inte el brano "A little over zero" andove Gaudi sona el theremin e el minimoog), conponesto tanto da senplise pop cuanto da pure sperimentasion ełetroneghe che se discosta fortemente dal zenere pop rock, predomenante invese inte el album presedente.

Nonostante Elisa no apresa partegołarmente łe gare canore, inte el 2001 Caterina Caselli ghe propone de partesipar a ła 51ª edision del Festival de Sanremo. Ła cantaudora ła se prezenta sol palco del Teatro Ariston co ła so prima canson in itałian, Luce (tramonti a nord est), brano non pensà par el Festival e scrivesto da ła stesa Elisa co ła cołaborasion de Zucchero Fornaciari e produzesto da Corrado Rustici.[12] Ła cantaudora zułiana, conpagnada dai archi del Solis String Quartet, ła riva al primo posto de ła conpetision e ła se azudega anca el premio de ła critica, mentre ła zuria de cuałità, presiededùa da Gino Paoli, introduze un premio postatametne par èła, mejo interprete del Festival.[13] Revardo a ła partesipasion al Festival, Elisa ga dito[12]: Son vegnùa parchè el xe l'avegnimento muxicałe itałian pì seguìo. E mi vołeva proponer non mi, ma ła canson. In sto modo, in sincue minuti, 15 miłion de persone ła ga scoltada. No me sento in gara., op. cit.

Drioman a ła partesipasion al Festival vien fora na nova edision de l'album Asile's World contegnente anca el brano sanremeze. Drioman Elisa tornarà a Sanremo come ospite inte el 2007 e indrioman inte el 2010, inte ła serada del zioba, dedicada a çełebrar el sesantezemo anivarsario de ła kermesse.

Inte el steso ano, in ocazion de ła vertura del Futurshow, Elisa canta a Bołogna davanti a vintimiłe persone, inserìa in un cast intarnasionałe conprendente Manu Chao e Tricky. Ła se ezibirà po' al concerto de Natale in Vaticano, dotando co Tiziano Ferro in Happy Xmas de John Lennon.

Then Comes the Sun ed Elisa (2001-2002)[canbia | canbia el còdaxe]

Search ballonicon2.svg Par savèrghene de pì, vardarse łe voxe Then Comes the Sun e Elisa (album).

Xe ła dansa pì dolse che mi gabia mai bałà, ciò che sento xe ła muxica che me core inte łe vene, ła xe faxesta de łe noti, del mar, dei canpi, del profumo del sfalto cuando che piove, op. cit., da Fairy Girl, 2001

Antisipà dal sìngoło Heaven Out of Hell, el 9 de novenbre 2001 vien fora el terso album de Elisa, Then Comes the Sun. L'album, produzesto da Corrado Rustici e caraterizà da sonorità pop acusteghe co alcune evazion inte el rock e inte l'ełetronega, muzegalmente se reveła pì senplise del presedente, ma dai testi pì intimisti.

In sto pariodo ła cantante riseve racuanti premi e riconosimenti: inte'l steso zorno del slanso del so terso àlbun Elisa vien ełezesta mejo artista italiana ai MTV Europe Music Awards di Francoforte[14] (tutora ła rezulta èsar l'únega artista femeniłe ad aver risevùo sto premio), el 26 de novenbre 2001 ła se azudega tre premi ai Italian Music Awards[15], drìoman ła vien premià al Premio Italiano della Musica come mejo atista femeniłe e mejo sìngoło Luce (tramonti a nord est)[16] e a disenbre 2002 ła otien tre nomination ai Italian Music Awards.

Xe in pì numaroze łe aparision a eventi e programi tełevizivi: el 5 de zenaro 2002 ła xe tra i super ospiti so Rai Uno del programa Un Ponte fra le stelle, ła Befana dei putełi vitime de łe guere e del terorismo, reałizà co'l Patrosinio del l'Alto Comissariato delle Nazioni Unite per i Rifugiati, in primavera ła canta al concerto del Primo Majo e al Pavarotti & Friends, indove ła dota co'l çełebre tenor inte'l brano Voglio vivere così (col sole in fronte) e infin, par el segondo ano consecutivo, ła se ezibise al concerto de Nadałe in Vaticano.

Alla fine di febbraio 2002 Elisa canta l'Inno di Mameli, riarrangiato da Michele Centonze (Jovanotti, Pavarotti) in versione jazz, durante la cerimonia di chiusura dei XIX Giochi olimpici invernali tenutisi a Salt Lake City (USA) che prevedeva il passaggio di consegne a Torino, dove, nel 2006, si sarebbero svolti i XX Giochi olimpici invernali. In seguito, Maurizio Gasparri, esponente di Alleanza Nazionale, rivela il suo disappunto per questa interpretazione dell'inno nazionale e ne nasce una piccola polemica.[17]

Inte l' agosto 2002, mentre l'àlbun Then Comes the Sun otiene el triplo disco de platino in Italia, vien publegà un greatest hits de ła cantautora par el marcà europeo, intitołà senplisemnte Elisa, che contien canson dai primi tre àlbun, in prevałensa da Then Comes the Sun. L'àlbun vien fora in pì de vinti nasion fra cui Zermania, Spagna e Paezi Basi e'l ze antisipà dal sìngoło Come Speak to Me, varsion ingleza de Luce (tramonti a nord est).

Inte'l meze de otobre Elisa debuta al Teatro Massimo de Pałermo come protagonista de Ellis Island, na òpara muzegałe so'l tema de l'imigrasion, co mùzeghe de Giovanni Sollima, ła regia de Marco Baliani, Todd Reynolds e i testi de Roberto Alajmo.

Lotus (2003)[canbia | canbia el còdaxe]

Search ballonicon2.svg Par savèrghene de pì, vardarse ła voxe Lotus (Elisa).

Nel 2003 Elisa torna a cantar in italian: ła interpreta na nova version de Almeno tu nell'universo, una de łe pì famoze canson de Mia Martini, desconparìa inte'l 1995. Ła canson, scrivesta da Bruno Lauzi e Maurizio Fabrizio, ze 'l tema prensipałe del film Ricordati di me de Gabriele Muccino. El videoclip ze firmà dal regista Richard Lowenstein, conosùo par aver direto in pasà anca i U2. Almeno tu nell'universo vien fora el 14 de febraro 2003 in contenporanea co'l film e concuista suito el primo posto de ła clasifega italiana.[18]

Drìoman vien fora el sìngoło Nessuna certezza dei Tiromancino, indove Elisa canta co Federico Zampaglione e Meg dei 99 Posse. Sénpre inte'l 2003 Elisa cołabora al disco Poco mossi gli altri bacini dei Avion Travel.

So'l finir del 2003 vien fora Lotus, el primo àlbun par intièro acùstego de ła cantaudora gorisiana, antisipà dal sìngoło Broken. El nuovo łaoro contien alcuni dei sucesi de Elisa in version acùstega, tre cover (Femme Fatale dei Velvet Underground, Hallelujah de Leonard Cohen e Almeno tu nell'universo, che in sta ocazion vien rejistrà in una nonva version acùstega) e sìe brani inediti. L'àblun ze seguìo da un łongo tour acùstego che porta Elisa par diversi teatri italiani. A l'inisio del 2004 vien fora un omonemo DVD contenjente el showcase de prezentasion de l'àlbun e un documentario so ła so reałizasion.

Pearl Days e łe cołone sonore (2004-2006)[canbia | canbia el còdaxe]

Search ballonicon2.svg Par savèrghene de pì, vardarse ła voxe Pearl Days.
Elisa in una tapa del Pearl Days Tour

Inte ła cultura de ancò, cusì rumoroza e vełose, A gavemo bezogno de artisti veri che esprima rode de łe cuałe no gavemo gnanca el tenpo de parlar. Artisti cofà Elisa.[19] , [[#CITEREFInte ła cultura de ancò, cusì rumoroza e vełose, A gavemo bezogno de artisti veri che esprima rode de łe cuałe no gavemo gnanca el tenpo de parlar. Artisti cofà Elisa.[19] |op. cit.]], Glen Ballard

Pearl Days, el cuinto àlbun de Elisa vegnùo fora el 15 de otobre 2004, prezenta sonorità rock pì enerzeghe respeto ai so łaori presedenti e in neto ràdego co'l pì intimista Lotus. El CD, antisipà dal sìngoło Together el 17 de setenbre, xe produzesto da l'american Glen Ballard, za produtor de Alanis Morissette e Anastacia, che dà un sound asè intarnasionałe a l'àlbun.

Notasion[canbia | canbia el còdaxe]

  1. Elisa, un kamikaze fragile alla conquista dell'America, Steppin' on water, love is required, elisa usa, elisa stateswakeupnews.eu. entrada il 24 luglio 2012 (archivià il 21 febbraio 2014).
  2. Elisa chiude il Festivalguer 2007, http://notizie.alguer.it/, 5 agosto 2007. entrada il 9 luglio 2012 (archivià il 22 febbraio 2014).
  3. Elisa Toffoli, Elisa - Sito UfficialeElisa Toffoli. entrada il 26 luglio 2019 (archivià il 26 luglio 2019).
  4. Biografia di Elisaelisatoffoli.com. entrada il 3 maggio 2015 (archivià il 16 maggio 2015).
  5. Mancano cantautori ribelli, in Corriere della Sera, 28 ottobre 2001. entrada il 29 luglio 2009 (archivià dal URL orizenałe).
  6. Anfiteatro delle Cascine: Bandabardò ed Elisa • Nove.Firenze.itnove.firenze.it. entrada l'11 maggio 2009 (archivià il 16 luglio 2011).
  7. Gigi Vesigna, La gavetta dei VIP?, in Oggi, 12 zugno 2013, pp. 94-98.
  8. Tutto il mondo di Elisa dentro un libro, Espresso.repubblica.it. entrada il 29 luglio 2009 (archivià dal URL orizenałe il 17 zugno 2008).
  9. Elisa dieci anni fa, Video Mediaset. entrada il 27 dicembre 2011 (archivià dal URL orizenałe il 10 zugno 2012).
  10. Dal karaoke a Sanremo, Rai.tv, 4 maggio 2008. entrada il 27 dicembre 2011 (archivià dal URL orizenałe il 2 aprile 2015).
  11. Elisa: 10 cose che (forse) non sapete, in Snap Italy, 2 dicembre 2016. entrada il 27 marzo 2018 (archivià il 27 marzo 2018).
  12. 12,0 12,1 Luce (Tramonti a Nord-Est), Galleriadellacanzone.com. entrada il 1º luglio 2009 (archivià dal URL orizenałe il 24 aprile 2014).
  13. Elisa: "Il successo? Un film horror Sono una provinciale tra gente di città" - Persone - Repubblica.itrepubblica.it. entrada il 2 gennaio 2008 (archivià il 24 dicembre 2007).
  14. la Repubblica/spettacoli: Robbie Williams e Jennifer Lopez i migliori artisti per Mtvrepubblica.it. entrada il 2 gennaio 2008 (archivià il 24 dicembre 2007).
  15. Italian Music Awards i vincitori dell'edizione 2001 Archivià il 28 settembre 2007 Data inte l'URL no conbazante: 28 setenbre 2007 in Internet Archive.
  16. P.I.M. 2002, Elisa e Vasco trionfano Archivià il 19 dicembre 2007 Data inte l'URL no conbazante: 19 disenbre 2007 in Internet Archive.
  17. Rai News: le ultime notizie in tempo reale – news, attualità e aggiornamenti
  18. Italiancharts: Almeno tu nell'universo, italiancharts. entrada il 27 marzo 2010 (archivià l'11 settembre 2012).
  19. Elisa, nuovo album rock: «Voglio cantare la vita per denunciare la guerra», Corriere della Sera, 14 ottobre 2004. entrada il 4 luglio 2009 (archivià dal URL orizenałe il 19 giugno 2015).

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN32198009 · ISNI (EN0000 0001 2320 2527 · SBN (ITIT\ICCU\UBOV\514853 · LCCN (ENno2011102338 · GND (DE135290538 · BNF (FRcb14035527z (data) · WorldCat Identities (ENno2011-102338
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Elisa&oldid=1080706"