Tiromancino

Da Wikipedia, l'ençiclopedia libara.
Jump to navigation Jump to search
Tiromancino
El cantante del grupo Federico Zampaglione
El cantante del grupo Federico Zampaglione
Informasion xenerałi
Paexe d'orixene Roma
In atività dal 1989
Xenere muxicałe Alternative Rock
Eticheta discografega
Discografia
Àlbun publicai 8
Studio 7
Live 1
Sito web

I Tiromancino xe un grupo itałian de Roma, da senpre guidà da Federico Zampiglione. La so muxega xe inprontà a ła comision tra forma de ła canson e rispèto a ła muxica lixiera itałiana, a ła riserca de sonorità non convensionałi.

Biografia[canbia | canbia el còdexe]

El grupo xe stà fondà 'ntel 1989 dal cantante Federico Zampaglione, che pì de tuti raprexenta esensialmente l'anema de sto grupo che no gà mai avùo 'na conpoxision fisa.

Durante i ani novanta i publica quatro albun, ne l'ordene Tiromancyno (1992) come el nome del grupo fin a sto disco), Insisto (1994), Alone Alieno (1995), Rosa spinto (1997). Xe nei primi laori fati se pol rimarcàr 'na forte atension verso sonorità sofistegàe. El son de łe chitare acustiche vien un mucio exaltà, dando cussì vita a un sound caldo che resta fin ad ancùo 'na carateristica fondamentałe del grupo. Durante i so primi 10 ani de atività i taca a godèr un fià de 'na serta fama, a ła cui cresìta contribuise cołaborasion de rimàrco sia in canpo muxicałe (vertaùra del tour eoropeo dei Morcheeba, che nei so videoclip (Ferzan Ozpetek, Valerio Mastrandrea, Paola Cortellesi).

'Ntel 1992 e 'ntel 1993 i xe el grupo de vertaùra del Ci vuole un fisico bestiale Tour 1992 e del Ci vuole un fisico bestiale 1993 Eoropa de Luca Carboni[1].


In Alone alieno e in Rosa spinto el 90% dei testi xe Francesco Zampaglione, Federico gà scrito nei do dischi Danneggia l'erezione, Corri e La storia, łe muxeghe xe al 50% de Federico e Francesco. Francesco se gà interesà anca de ła produsion inserìndo l'uxo de l'ełetronica e dei canpionatori nel sound dei Tiromancino. Ne La descrizione di un attimo, xe subintrà non soło cofà produtor ma anca soratuto Riccardo Sinigallia, amigo da senpre de Francesco. In sto disco ła partesipasion de Federico come autor xe cresùa notevolmente e xe el disco de un grupo parfetamente bałansà. Da In continuo movimento xe subintrài Andrea Pesce e Luigi Pulcinelli, in quałità de muxicisti, arangiatori e co-produtori co' Federico.

'Ntel 2000 i partesipa al Festival de Sanremo co' el singoło Strade. La svolta pa'l grupo riva co' l'incixion del quinto laoro: La descrizione di un attimo che contien el brano Due destini inserìo neła cołona sonora del film de Opzetek Le fate ignoranti. 'Ntel 2001 Federico slontana so fradèło Francesco e ła basista Laura Arzilli, sostituìndołi co' do turnisti.[2]. 'Ntel 2002 vien publicà In continuo movimento che contien el singoło più volte premià Per me è importante , restà a longo primo in clasifica. Ła maurità muxicałe de ła nova formasion xe patòca, łe sonorità acustiche deso se alterna a quełe ełetroniche dando vita ad anbientasion vełatamente psichedełiche.

'Ntel 2004 ese l'albun Illusioni parallele, in cui Zampaglione rafina ancora de più el so modo de cantàr e l'abiłità de cantante ch'el gà; anca in questo disco Federico Zampaglione. Andrea Pesce e Luigi Pulcinelli mostra oramai 'na otima capaçità conpoxitiva che se fonde ad un bagàjo muxicałe un mucio anpio; el brano Imparare dal Vento xe uno dei temi muxicałi prinsipałi del film de Lucini L'uomo perfetto.

'Ntel 2005 ese ła racòlta 95-05, un greatest hits che contien esensialmente brani che riva da albun publicà infra el 2000 e 'l 2004 e 2 canson de l'albun Alone Alieno riarangiàe par l'ocaxion. La racòlta vien conpletà da 2 inediti e ła cover Com'è profondo il mare cantàda co'l steso Lucio Dalla e publicàda precedentemente ne ła cołona sonora Paz!.

'Ntel marso del 2007, vien publicà l'albun L'alba di domani antisipà dal singoło omonemo, el disco contien oto brani inediti e tuta ła cołona sonora del film Nero bifamiliare scrito e direto dal steso Zampaglione.

El 6 xenaro 2008 vien anonsià ła so partecipasion al Festival de Sanremo co' el brano Il rubacuori che fa parte del dopio albun dal vivo Il suono dei chilometri, che al so interno gà 2 inediti. L'albun vien publicà co' łe połemiche de l'eticheta Deriva de propietà del steso Zampaglione co' distribusion Edel dopo aver dichiarà de aver ròto el contrato in escluxiva co'ła multinasionałe EMI. Ne ła primavera 2008 ese el novo singoło Quasi 40, segondo estrato de l'albun Il suono dei chilometri. A setenbre 2008 i gà risevùo el "Riccio d'Argento" par i "mejo testi de l'ano", oscar del live d'autor de ła rasegna Fatti di musica, creàda e direta da Ruggero Pegna, rivàda oramai a ła XXII edision. Sta qua xe ła del riconosimento de ła xurìa de "Fatti di musica" conposta da promoter muxicałi e xornałisti. "Par la capaçità de frontàr temi scoténti ed atuałi, destrani par la muxica popołar itałiana, riusindo a coniugarli co' conpoxision de gran inpato ed ełegansa, conquistando anca i consensi del publico a quełi de ła critica. Un straxordenario suceso in linea co' i contegnùi e l'inpegno sociałe ed umanitario de ła megio muxica d'autor itałiana".

El 26 otobre 2010 i Tiromancino torna co' un novo disco de inediti dal titoło L'essenziale antisipà da l'omonemo singoło e rejistrà tra l'Itałia (Roma, Cortale) e l'America (Los Angeles). L'albun mixà ai studi Henson a Hollywood, xe co-prodoto dal basista Saverio Principini, e vede ła cołaborasion de muxicisti de ła sena de Los Angeles quałi Simone Sello a łe chitare e Matt Laug a ła bateria. Drìo l'albun segue l'l'Essenziale tour che vede in alcune tape anca ła prexensa de Noemi e Giuliano Sangiorgi dei Negramaro[3]. .

Discografia[canbia | canbia el còdexe]

Albun[canbia | canbia el còdexe]


Racolte[canbia | canbia el còdexe]

Live[canbia | canbia el còdexe]

Singołi[canbia | canbia el còdexe]

Note[canbia | canbia el còdexe]

  1. Carboni, il filosofo del dopo yuppies - Il cantautore parla del tour e del nuovo disco, di Marinella Venegoni, pubblicato su La Stampa del 31 marzo 1992, pag. 20
  2. √ Francesco Zampaglione e Laura Arzilli: 'siamo stati cacciati dai Tiromancino' - Rockol
  3. Tour con Noemi e Giuliano Sangiorgi
  4. 4,0 4,1 4,2 4,3 4,4 4,5 4,6 italiancharts.com - Italian charts portal

Altri progeti[canbia | canbia el còdexe]

  • Collabora a Wikiquote Su Wikiquote ghe xe dełe citasion dei Tiromancino

  • Łigadure foreste[canbia | canbia el còdexe]