Depeche Mode

Da Wikipedia, l'ençiclopedia libara.
Depeche Mode
Tierecke dm.jpg
MorteCànbia el vałor in Wikidata
Perìodo atività1980 Cànbia el vałor in Wikidata –
Discografia
Àlbun24
Stùdio14
In vivo4
Compilation6
ZènareIndie Rock, New Wave
Sito ufisiałe e Sito ufisiałe
IMDB: nm0220058
Facebook place: depechemode Twitter: depechemode Instagram: depechemode MySpace: depechemode Youtube: UCM-CWGUijAC-8idv6k6Fygw Souncloud: depeche_mode Spotify: 762310PdDnwsDxAQxzQkfX iTunes: 148377 Musicbrainz: 8538e728-ca0b-4321-b7e5-cff6565dd4c0 Songkick: 483507 Discogs: 2725 Allmusic: mn0000239921


I Depeche Mode xe un grupo muxicałe britanego formà a Basildon a Łondra inte el 1980. El grupo xe formà atualmente da Dave Gahan (voxe), Martin Gore (chitara e tastiere) e Andy Fletcher (tastiere, baso e portavoxe).

Ła formasion orixinałe conprendeva anca Vince Clarke (tastiere, chitara, cori, drum machine), el cuało ga łasà el grupo int'el 1981 par fondar i Yazoo e drìomai i Erasure. Drìo l'abandon de Clarke, Alan Wilder (tastiere, bateria, cori, baso, pianoforte, percusion) se xe unìo al grupo inte el 1982 par poi lasciarlo inte el 1995.

Afermai so ła sena synth pop inglexa ai inisi dei ani otanta, ła so fama se ga protrà e cresùa inte i ani. Traverso na proficua carièra łonga cuatro deceni, i ga abrasà co l'utiłixo de l'ełetronega pì de un xenere muxicałe, co łarghe concesion al pop rock e a ła new wave, soratuto inte ła segonda faxe, e na masisa incursion inte ła dance alternativa.

Co pì de 100 miłion de dischi vendesti in tuto el mondo[1][2], diversi grupi e artisti provegnenti da tuti i xeneri muxicałi influensai dai so łaori e numaroxe cover de łe so canson reałixae, i Depeche Mode xe uno dei grupi pì influenti de ła istòria de ła mùxega ełetronega. Ła famoxa rivista muxegałe britanega Q łi ga definii "ła band ełetronega pì popołar e łongeva che el mondo gabia mai conosùo"[3], e Rolling Stone "ła cuintesensa de ła mùxega ełetronega dei ani 80".

Istòria del grupo[canbia | canbia el còdaxe]

Composition of Sound: l'exordio[canbia | canbia el còdaxe]

Vince Clarke inte el 2011 co i Erasure.

Inte el 1976, Vince Clarke, Mark Pex e Andrew Fletcher forma un grupo che responde al nome de No Romance in China, sensa parò otegner tanto suceso. De conseguensa, inte el 1979, Vince fonda un novo grupo insenbre a Martin Lee Gore, cao de naltro grupo underground, i Norman and the Worms. Ła nova foramsion vien prima batixada French Look, e drìoman renomenada Composition of Sound, cuando anca Andrew se unise ai do. Parò, manca oncora un vero cantante, e cusì, cuando inte el 1980 Vince sente l'ałora sconosùo David Gahan cantar na reinterpretasion de Heroes de David Bowie in un łocałe, ghe propone de unirse a ła formasion, proposta che "Dave" aceta. Drìo sujerimento del novo rivà, el grupo canbia oncora na volta nome, asumendo cueło definitivo de Depeche Mode, ciapà da na omonema rivista de moda fransexe de l'epoca (Dépêche mode)[4], che pol èsar traduxesto cofà gaxetin de moda, ma che el viene de frecuente eroneamente traduxesto come moda pasexiera, moda vełoçe, moda pronta opur nova moda, a cauxa de ła confuxion de ła paroła fransexe dépêche col verbo se dépêcher (destrigarse, ciapar suxo).[5]

I Depeche Mode exordise ofisialmente in cao del 1980, partesipando a ła compilation Some Bizzare Album, reałixada da alcuni grupi emerxenti (fra staltri i Soft Cell, Blancmange, The The e Naked Eyes) col brano Photographic. In sto steso periodo, existeva na serie de grupi che ga fornìo al grupo de Basildon album cołetivi de tributi e compilation de cover, usìi, uno drìo chealtro, inte el xiro de pochi ani. El grupo dei Camouflage xe stà de seguro el grupo so cui i Depeche Mode ga exerçità maxormente ła so influensa: el trio todesco ga publegà el pròpio album de debuto, Voices & Images, intr'l 1988, che a łongo el xe stà credesto da tanti cofà na produsion łimità a l'area xermanega dei stesi Depeche Mode, soratuto par cuanto revarda el sìngoło de vertaura, The Great Commandment, finché i tre toxi no i xe conparìi in te'l rełativo videoclip; drìoman, i Camouflage ga sperimentà nove sonorità restando, parò, senpre visini al stiłe synth pop.

Dopo Photographic, i Depeche Mode, soto ła guida del produtor Daniel Miller, i publegarà i sìngołi Dreaming of Me (rivà al 57exemo posto inte ła Clasifega Britanega dei Sìngołi) e New Life (undexexemo inte ła medexema UK Top 75), cusì inaxonta al bon riscontro comerciałe, i gode anca de numaroxi pasaji radiofoneghi, grasie ai cuałi el grupo riese a publegar el primo de na łonga e fortunada serie de album intitołà Speak & Spell. Scrivesto prinsipalmente da Vince Clarke el contien ła famoxa hit Just Can't Get Enough, vero e pròpio tormenton che raxenta ła fiłastroca osesiva. Martin Gore partesipa al proceso conpoxitivo, scrivindo do canson, Tora! Tora! Tora!, e ło strumentałe Big Muff, cantandone po' un terso, intitołà Any Second Now (Voices). El suceso otegnesto pone parò el grupo de fronte a ła nesesità de na vita on the road, ipotexi no ben piaxesta a Vince Clarke (refratario a ła vita da "pop star")[6], che abandona cusì el grupo, fondando prima el do ełetropop dei Yazoo co ła cantante inglexa Alison Moyet, drìo el grupo The Assembly, e infin un altro, pì łonxevo do, i Erasure, co Andy Bell.

I primi sucesi[canbia | canbia el còdaxe]

Andà Vince Clarke, l'ùnego che pol coverxer el ròło de conpoxidor xe Martin Gore, che reciapa cusì in man i pròpi brani scrivesti a 16 ani, in piena adołesensa, coi cuałi, inte el 1982, i Depeche Mode publegarà el so segondo album, A Broken Frame. Vince se ofre de łasar ai Depeche Mode (che co sesto i refuda) un ùltemo brano dal titoło Only You, ma che deventarà na hit col so novo grupo, i Yazoo (co Alison Moyet). Par el conseguente tour, i Depeche Mode nesesita de un novo tastierista, cusì vien asumesto Alan Wilder, che, in cao de ła tournée, el deventa menbro a tuti i efiti del grupo.

Co sta formasion, e co un Gore ispirà pì che mai, i Depeche Mode produxe dischi al ritmo de scuaxi uno l'ano, fin al 1990. Inte el 1983 i publega Construction Time Again, che contien Everything Counts, uno dei so brani pì famoxi. Inte el 1984, i riese a sfondar anca in America Setentrionałe, col sìngoło People Are People, traxesto da l'album Some Great Reward, ła prima granda pièra miliar a 33 xiri del grupo, e na compilation omonema, postatamente publegada par el marcà merican.

Se conclude cusì, int'el 1985, ła prima faxe de ła so carièra, co ła racolta The Singles 81-85, che contien i do inediti Shake the Disease e It's Called a Heart, estraxesti par promover l'album, łixiermente modifegà par l'America Setentrionałe, inte ła scałeta e inte el titoło. Batixada da novo infati Catching Up with Depeche Mode, ła collection ła conprende anca i ładi B dei do sìngołi e un paro de sucesi minori, ometesti inte ła compilation internasionałe.

Music for the Masses[canbia | canbia el còdaxe]

I Depeche Mode a Oberhausen (Xermania), co i xe drìo cantar Black Celebration

Xa alcune trase de Some Great Reward permeteva ai fan dei Depeche Mode de capir che l'atmosfera intorno al grupo jera drìo canbiar: l'aria se faxeva pì rarefata, ła contegnùa sołarità dei primi ani xera drìo desconparir, par łasarghe posto al scuro e a un umor pì małinconego. Infati, inte el 1986 se verxe ła segonda faxe del grupo, co Black Celebration, disco dai toni pì cupi, gothic e dark, che caraterixarà tuta ła produsion drìo. Xe interesante notar che se trata de l'únego album dei Depeche Mode che ciapa el nome da na canson contegnùa al so interno. A partir da sto album, in partegołar co ła canson Here Is the House, Martin reciapa a sonar ła chitara, abandonada tenpo prima, cuando che el grupo gaveva optà par de łe sonorità pì sperimentałe ed ełetroneghe, mostrando de prefarirle a cuełe maxormente acusteghe.

Inte el 1987 co l'usisda de Music for the Masses (el titoło de sto disco nase da na idea de Gore che, mentre che el xera drìo vixionar dei dischi de mùxica, ga notà un disco dal titoło sujestivo: Music for the Millions) e dei sìngołi Strangelove, Never Let Me Down Again e Behind the Wheel i Depeche Mode se ga consacrà definitivamente anca inte i Stati Unii, co un xigantesco concerto al Rose Bowl de Pasadena, al cuało partesipa pì de 60.000 persone, imortałà inte el dopio disco 101 e inte el video VHS che porta el steso titoło e che el pol èsar considerà un vero e pròpio film, co ła regia de D. A. Pennebaker.

Violator e Songs of Faith and Devotion: da ła sima a ła crixe[canbia | canbia el còdaxe]

Co Violator, usio inte el 1990 e rejistrà a Miłan, uno dei dischi pì apresai, grasie a ła prexensa de do tra i brani pì famoxi del grupo, Enjoy the Silence (uno dei maxori sucesi comerciałi in asołuto, numaro 6 inte ła UK Top 75) e Personal Jesus (usìo come sìngoło sìe mexi prima de l'album), łe chitare łe deventa parte fondamentałe del sound de ła band. El tour che ne consegue (The World Violation Tour) se riveła un suceso stragrando. Inte el xiro de 8 ore xe stà vendesti 42.000 bilieti par el Giants Stadium de East Rutherford, e 48.000 par el Dodger Stadium de Los Angeles. In cocluxion del tour, parò, inisia un periodo de crixi dovesto al stress de un ano intièro de live sensa fermarse. Dave conose Theresa Conway e abandona fameja e grupo par trasferirse co èła a Los Angeles, inte el 1991.

Infati, da sto ponto de ła so carièra, i Depeche Mode scominsia a rałentar l'usida dei pròpi dischi, tanto che el sucesivo album, intitołà Songs of Faith and Devotion, vedarà el ciaro solchè inte'l1993. Con Alan Wilder improvixà baterista, acantonae tenporaneamente łe drum machine, una de łe caraterìsteghe peculiari de sto łaoro xe pròpio i soni "nèti" de na vera bateria, anca se pì volte procesai traverso i sintetixadori. L'otavo studio album del grupo xe usìo el 22 de marso 1993 e suito se ga destinguesto par łe so forti identità identità rock, grasie ai brani I Feel You, Walking in My Shoes e In Your Room che ga acostà el grupo al xenere alternative. L'album ga vendùo tra łe 4 e i 5 miłion de copie in tuto el mondo, scałando łe clasifeghe de tuti i paexi europei ed americani indove l'è devegnesto disco d'oro e de platino. Anpò soto ła mascàra del suceso i cuatro inglexi i jera drìo viver un periodo de crixe scominsià, come presedentemente spiegà, xa da ła fin del The World Violation Tour, co un agravà stato de depresion par Andy, na tosegodependensa da speedball par Dave e na continua inconprension intra Martin e Alan; tuto ciò a ła vixìlia de un tour de 14 mexi, el The Devotional Tour.

Devotional Tour - Exotic/Summer Tour[canbia | canbia el còdaxe]

Ła prima leg europea del The Devotional Tour, ła tournée promosionałe che gaveva el fin de promover l'album, ła scominsia a Lilla el 19 de majo 1993 par concludarse co un gran concerto al Crystal Palace de Łondra el 31 de łujo 1993 davanti a 35.000 persone. Dave, Martin, Andy e Alan i parte col so entourage de 18 persone, 80 adeti a ła manutension ed un consejer spirituałe. Ła segonda leg de ła tournée coverxirà na prima volta i Stati Unii, termenando col ritorno in Europa par na mini-serie de concerti tegnùi in Irlanda e int'el Regno Unìo. El The Devotional Tour rejistra inte i USA un otemo riscontro de pùblego, ma Dave xe senpre pì debiłità e desfà da l'uxo de eroina e da łe fadighe dei concerti. L'8 de otobre del 1993, durante ła tapa de New Orleans, el ga infarto dovùo ad overdose de eroina e'l xe recoverà a l'ospeal indove el vien reanemà. Fenìi i concerti inte el Regno Unìo, i Depeche Mode i se feram par sìrca un mexe e mexo vanti de tornar a exibirse in Àfrega, Axia, Merega Łatina e Stati Unii inte l'anbito de chel tour mejo conosùo soto el nome de The Exotic Tour/Summer Tour. Vanti de inbarcarse in sta nova aventura, Alan Wilder pasa calche setemana ai Windmill Lane Studios de Dublin par mixar i brani de l'album Songs of Faith and Devotion Live e ła trasa audio del novo video live de Anton Corbijn intitołà Devotional. Calche setemana drìo, el se trasferise co Daryl Bamonte e'l produtor Steve Lyon ai Logic Studios de Miłan par pareciar i brani da proponer inte i sucesivi concerti del novo tour.

I Depeche Mode, ormai, i dividesti e i so raporti fora dei concerti no i existe. Cusì, mentre Alan el xe senpre pì convinsùo de abandonar el grupo, Martin Gore continua a rifugiarse inte l'acol ed Andrew Fletcher cae darecào in una fonda depresion che ło menarà a sbandonar el tour ed èsar sostituìo da Daryl Bamonte a partir da ła prima data braxiłiana de l'Exotic Tour (el 4 de avril 1994 a San Paolo). Cuanto a Dave Gahan, par eło seita el periodo stremamente difisiłe, che ło portarà oncora a sfiorar ła morte. Ła tournée inpé ła seita e co staltra i dexastri: Dave se ronparà do costołe butandose inte el pùblego durante l'ùltemo concerto del tour al Deer Creek Music Center; Alan risciarà ła vita calche setemana drìo el fenimento del tour a cauxa de un aereo miłitar sciantà a poche sentinere de metri da łu mentre ch'el jera drìo parcorer na strada co ła so auto; Martin el sarà senpre pì de frecuente vitima de crixi epiłetiche. El cantante dei Primal Scream Bobby Gillespie confesarà ani drìo de èsar restà imatonìo dal masiso uxo de droghe de Dave. El tour sec onclude ad Indianapolis l'8 de łujo 1994, dopo 154 concerti e 14 mexi de xiro del mondo, łasando i cuatro inte ła crixi pì difisiłe che i gabia mai afrontà. Dave inte l'istà del 1995 proarà el suicidio col tajo de łe vene dovùo a dei ałusinoxeni e poco tenpo drìoman el divorsiarà da ła so segonda mujer.

El abandon de Alan Wilder, ła crixe de Dave e ła renasita co Ultra[canbia | canbia el còdaxe]

A cauxa dei rapoti personałi pexantemente deteriorai indrento al grupo e a łe inconprension oramai a l'ordene del dì, daspò 13 ani pasai in te'l grupo Alan Wilder deçide de sbandonarla definitivamente. Ła deçixion, da łu steso definìa irevocabiłe, ła vien comunicada a Dave via fax (vista l'inposibiłità de rintrasar el frontman oramai conpletamente asente par via del masiso uxo de droghe), e de persona ai altri, durante na riunion convocà da Alan stesso e che se gà tegnesta a Łondra. A tuto ciò fa imediato seguito un comunicà stanpa inte ła cuała l'isteso Wilder no'l sparagna dure criteghe ai so oramai ex conpagni de grupo Martin Gore ed Andy Fletcher, sìbne nisun vegna sità esplisitamente. Na deçixion inatexa che ciapa tuti inpreparai Martin e Fletch, i cuałi deçide tutavia de seitar sensa sercar alcun sostituto.

Cusì, suparà el choc inisiałe, i tre entra in studio inte l'otobre 1995 afidandose a ła produsion de Tim Simenon e del so personałe grupo de cołaboradori. Siben l'incixion de łe baxe muxicałi seite regołarmente, łe condision psicofixeghe di Dave ghe consente de ultemar ła rejistrasion vocałe de un ùgnoło brano. Drìo sujerimento de Martin, Dave torna a Los Angeles par sercar de suparar i pròpi problemi e curar ła so pexante tosegodependensa, ma el 28 de majo 1996 na overdose de speedball (un mix łetałe de cocaina ed eroina) ło mena prategamente a ła morte clinega par tre minuti vanti de èsar oncora na volta miracołoxamente rianemà (par cui xa in pasà el xera stà soranomenà The Cat, el gato, dal team de paramedeghi de l'ospeałe West Hollywood). Salvà in extremis e parà via da l'ospeałe, el vien ricoverà in un sentro speçiałistego andove el riese a dexintesegarse conpletamente par po' raxonxer el resto del grupo ai RAK Studios e seitar łe rejisrasion vocałe de Ultra.

Par ła reałixasion dei video promosionałi (ad ecesion de cueło de Home, direto da Steven Green), łe photo sessions e l'artwork del'album, i tre se afida uncòra na volta ad Anton Corbijn. El primo sìngoło estraxesto dal novo disco el xe Barrel of a Gun (i cui primi versi non reciapa par gnente, come da tałuni eroneamente credesto, łe prime parołe pronunçiae da Gahan al resvejo da l'ùltema overdose[7]) seguìo da It's No Good. El 14 de apriłe 1997 vien fora Ultra che se piasa a ła poxision nùmaro 1 in Regno Unìo, Spagna e Xermania e al nùmaro 5 inte i USA. Daxeste łe precarie condision de sałute de Gahan, oncora non conpletamente ristabiłìo e a cui el grupo ghe vol evitar posìbiłi recadùde, par ła prima volta inte ła storia dei Depeche Mode a ła publegasion de un disco no va drìo nisun tour promosionałe, via che do mini concerti, tegnùi respetivamente a l'Adrenaline Village de Łondra el 10 de apriłe e al Shrine Exposition Hall de Los Angeles el 16 de majo del isteso ano. In sti do spetacołi col grupo sona Dave Clayton ai sintetixadori e Christian Eigner a ła bateria.

The Singles 86-98, Exciter e Remixes 81-04: dal 1998 al 2004[canbia | canbia el còdaxe]

Ła band ła se riunise co Tim Simenon e'l so "team" inte i primi mexi del 1998 par rejistrar el novo sìngoło Only When I Lose Myself che farà parte de ła nova racolta The Singles 86-98, sequel de ła preçedente The Singles 81-85. Par promovarla, a l'usida del disco va drìo un tour promosionałe ciamà The Singles Tour, che parte a setenbre in Estonia e el se conclude el 22 de disenbre inte i Stati Unii, par un totałe de 60 concerti in sołi 3 mexi. A conpagnar el grupo sol palco ghe xe Peter Gordeno a łe tastiere e Christian Eigner a ła bateria.

Inte el periodo drìo, Martin Gore vive, par ła prima volta da cuando el xe el prinçipałe song-writer (conpoxidor) del gruppo, un periodo de crixe de ispirasion, e par rexolverla el se afida a l'ajuto de Paul Freegard e Gareth Jones. Na volta superaà, i Depeche Mode i pol finalmente tornar in sała d'incixion, e inte el 2001, a cuatro mexi dal so ùltemo album in studio, vien fora Exciter, produxesto da Mark Bell, conosùo soratuto par ła so frutuoxa cołaborasion co łe çełebre artista islandexa Björk. Exciter xe preçedesto dal sìngoło Dream On; a cui ghe seitarà drìo i sìngołi I Feel Loved, Freelove, na bałada eterea, e Goodnight Lovers.

El suecesiv The Exciter Tour vedarà come "turnisti" i riconfermai Peter Gordeno e Christian Eigner. El tour, spartio in una prima leg mericana e in una segonda europea, el scominsia el 4 de xugno a West Hollywood in Całifornia e el finse el 5 de novenbre a Mannheim in Xermania. Ad imortałarlo ghe pensarà oncora na volta Anton Corbijn che recipaparà i do concerti tegnùi a Parixe el 9 e 10 otobre del 2001 da cui vegnarà estraxesto un dopio DVD intitołà One Night in Paris. El tour gavarìa dovesto seitar inte l'istà del 2002, e come confermà dal promoter Roberto De Luca, i Depeche Mode gavarìa dovesto èsar i headliner de una de łe seradea de l'Heineken Jammin' Festival de Imoła. Anpò, raxon personałi costrenxe el grupo a scançełar tuti i inpegni prevedesti.

Inte el 2003 i Depeche se tol na pauxa. Gahan publegarà el so primo album da sołista, Paper Monsters, mentre Gore stanparà Counterfeit². Inte el trienio 2002/2003/2004 łe VHS de ła band The Videos 86-98, 101 e Devotional vien publegae da novo in DVD arichìi da contegnùi speciałi. El grupo el tornarà a riunirse verso fin del 2004, par łaorar a l'iminente usìda de ła racolta Remixes 81-04.

Playing The Angel: i DM i torna in çima al mondo (2005)[canbia | canbia el còdaxe]

I Depeche Mode al Wireless Festival, 2006

De łì a breve i Depeche Mode i torna in studio, conpagnai par ła prima volta dal produtor Ben Hillier. Dave Gahan chiede ed otien de poder contribuir a ła stexura de l'album co brani pròpi, segnando na picoła rivołusion inte el modus operandi de ła band. El novo disco el se ciama Playing the Angel, e'l xe publegà inte l'otobre del 2005, segnando na nova era par el terseto de Basildon. A l'album ghe va drìo infati un tour de 124 date indoor e outdoor. El Touring the Angel toca anca l'Itałia co 4 date: łe prime due, indoor, al Forum de Asago, el 18 e el 19 de febraro 2006, ła tersa, outdoor, a l'Heineken Jammin' Festival de Ìmoła el 16 de xugno 2006, e ła cuarta, anca staltra outdoor, el 17 de łujo 2006, al Stadio Ołinpego de Roma. Cuanto a sta ùltema, verta dai scosexi Franz Ferdinand, vede ła parteçipasion de sìrca 40.000 persone.

Cuanto ai do concerti tegnùi ad Assago, staltri i vien filmai integralmente soto ła regia de Blue Leach ed utiłixai par ła publegasion de un dopio DVD, usìo el 25 de setenbre 2006 col titoło Touring the Angel: Live in Milan.

Dal 2006 al 2008[canbia | canbia el còdaxe]

El 13 de novenbre 2006 vien fora inveçe do edision desconpagne, CD audio e CD audio/DVD video, un primo Best of del grupo, coerentemente intitołà The Best of Depeche Mode, Volume 1, contegnente l'inedito Martyr.

Durante el bienio 2006/2007, xe stai rimasterixai i primi 10 album de studio. Łe publegasion łe prexenta na confesion speciałe par cołesionisti, inte i cuałi, 'rente el CD, ghe xe anca un DVD, contegnente remix ed exibision live del periodo, più un documentario de sìrca mexora, co interviste e filmai rari.

Inte el 2007, Fletcher e Gore se ga inpegnà in racuante tournée come deejay, mentre Gahan ga publegà l'album da sołista Hourglass.

Sounds of the Universe: 2009-10[canbia | canbia el còdaxe]

Sounds of the Universe xe stà publegà in Itałia el 17 de avril 2009. El titoło del disco xe stà anuncià el 15 de xenaro 2009 sol sito uficiałe de ła band[8]; xe stà antisipà dal sìngoło Wrong. Sounds of the Universe ga suito ciapà ła sima de łe clasifeghe itałiane e de cuełe de altri 19 paexi[9], piasandose al segondo posto in cuełe inglexi e al terso in cuełe mericane.

In una conferensa stanpa tegnùa a Berlin el 6 de otobre 2008, durante ła cuała xe stà posìbiłe scoltar in anteprima mondiałe brevi snippet de Wrong e Peace, ła band ga anuncià łe date del nuovo tour, el Tour of the Universe.

Durante el World Première Echo Awards che se ga svolxesto a Berlin el 21 de febraro 2009 xe stà prexentà in anteprima mondiałe el novo sìngoło Wrong. Wrong xe seguìo da Peace, publegà el 15 de xugno 2009 e el 7 de disenbre xe stà publegà el novo sìngoło Fragile Tension seguìo da Hole To Feed.

El Tour of the Universe xe partio el 6 de majo 2009 al Rockhal de Esch-sur-Alzette, Łusenburgo, par po' rivar par ła prima volta in Israełe (a Tel Aviv el 10 de majo). El 14 de majo, tutavia, i Depeche Mode xe stai costreti a scansełar diverse date del tour ed a spostarne altre poiché a Dave Gahan, vitima de na gastroenterite a ła vixilia del concerto al Terra Vibe de Atene, xe stà caxualmente riscontrà un tumore cativo a ła vesìga al stadio inisiałe. Prontamente operà, el steso Gahan xe guarìo e el ga riciapà ła tournée da l'8 de xugno co ła segonda data al Zentralstadion de Łipsia.[10]. Cusì el tour xe andà vanti faxendo tapa par ła prima volta in alcuni tra i pì grandi stadi de calcio europei cofà el Stade de France de Parixe, l'Olympiastadion de Berlin e cueło de Monaco de Baviera, insenbre a partesipasion a racuanti festival de mùxica. Durante sta prima leg europea, el tour ga fato tapa in Itałia el 16 de xugn al Stadio Olimpico de Roma e el 18 al Stadio Giuseppe Meazza de Miłan concerti co ła partesipasion de 44,070 spetadori a Roma e 57,544 a Miłan.

Verso ła fin de łujo, i Depeche Mode riva in Nord America indove i tien concerti in palasport ed anfiteatri, co ła soła ecesion de ła partesipasion al Lollapalooza de Chicago, el 7 de agosto, e de łe do date del 3 e 4 de otobre al Foro Sol de Sità del Mèsego.

Suito drìoman el grupo fa ritorno in America Meridionałe e America Centrałe, posti che il trio inglexe no'l vixitava da l'Exotic Tour inte el 1994, otegnendo un discreto suceso inte i ipodromi, autodromi e festival de mùxica łocałi. A fin de otobre ła band torna in Europa dove el tour sevita in vari palasport europei. Durante sta segonda leg europea, el grupo riprendarà uficialmente łe date del 20 e 21 de novenbre al Palau Sant Jordi di Barcellona par pubblicarne un video e un album dal vivo entrambi intitolati Tour of the Universe: Barcelona 20/21.11.09. Durante sta nova leg europea, i Depeche Mode fa oncora vixita a l'Itałia, presixamente el 25 de novenbre al Futurshow Station de Bołogna e el 26 al Palasport Olimpico de Turin, faxendo rejistar do concerti a l'insegna del tuto exaurìo davanti a 12.880 spetadori a Bołogna e 10.758 a Turin.

Tra xenaro e febraro 2010 el gurpo recupera alcune de łe date inisialmente programae ad inìsio tour e anułae drìo el ricovero de Dave Gahan, e ne xonta de nove. Tra staltre, ła piasè inportnate ła xe sensa dubio cueła del 17 de febraro inte el cuało i Depeche Mode se exibise a ła Royal Albert Hall de Łondra, devolvendo l'intièro recavà al Teenage Cancer Trust, na organixasion inglexa che rancura fondi par toxi małai de cancro. El concerto segna el ritorno de Alan Wilder sol palco co'i so ex conpagni de grupo: se trata de na aparision a sorprexa par conpagnar Martin Gore al pianoforte so Somebody. Alan asistarà anca a ła sucesiva data del grupo a ła O2 de Łondra tra el pùblego in tribuna.

El tour se conclude co do date a ła Esprit Arena de Düsseldorf, a l'inisio prevedeste par el 4 e 5 de xugno 2009 e spostae al 26 e 27 de febraro 2010.

Pauxa post Sounds Of The Universe[canbia | canbia el còdaxe]

El 4 de marso 2010 el trio ga riçevùo el premio de mejo grupo internasionałe ai Echo Wards 2010, xontando n'altra perla a ła so carièra. Drìo el feniménto del Tour of the Universe, i tre torna a dedicarse a pien a łe lso fameje e a i so projeti personałi: Dave el xe tornà a New York andove el ga adotà James Nicholas Rogers-Gahan, fiòło de so mujer; Fletch el xe tornà a vestir i pani de special dj par varie discoteche inglexi; Martin el xe tornà anca łu da ła so fameja.

El 6 de xugno 2011, vien fora ła segonda racolta de remix del grupo intitołada Remixes 2: 81-11. Ła compilation ła vegnarà conpagnà da na version de Personal Jesus remixada da Tor Ermansen del do de produsion Stargate. Ła racolta ła vede anca ła parteçipasion dei ex menbri del grupo, Vince Clarke e Alan Wilder, che contribuise co dei remix de Behind the Wheel e In Chains.

Inte l'isteso ano, i Depeche Mode vien sełesionà da Q par parteçipar co na cover de So Cruel dei U2 a ła compilation de tributo a l'album del 1991 de ła rock band irlandexa Achtung Baby, AHK-toong BAY-bi Covered.

El 24 de xenaro 2013 xe stà anuncià el nome e ła tracklist del novo album. El novo album, se ciamarà Delta Machine e vegnarà fato vegner fora inte el mexe de marso de l'steso ano. El sìngoło Heaven usirà, inveçe, el primo del mexe de febràro.

Delta Machine: 2012–2015[canbia | canbia el còdaxe]

A novenbre del 2011, Andy Fletcher dichiara che i Depeche Mode tornarà in studio inte el marso del 2012 par rejistrar cueło che sarà el so tredexexemo album. A so volta, ad inìsio 2012, Martin Gore dichiara che el disco vegnarà publegà inte i primi mexi del 2013. El 23 de otobre 2012, el grupo tien na confarensa stanpa a Parixe indove el prexenta un brano del novo album, el cui titoło Angel vien riveła soło calche tenpo drìo, e'l anuncia łe date de ła prima leg del novo tour ciamà Tour 2013.

Inte el disenbre del 2012 el grupo anuncia de èsar pasà co ła Columbia Records e che el novo album vegnarà publegà el 25 de marso del 2013. El 24 de xenaro 2013 el grupo riveła el titoło de l'album, overosìpia Delta Machine, e anca el tour vien renomenà The Delta Machine Tour. El 1º de febraro del steso ano, vien publegà el primo sìngoło Heaven in download dixitałe, in contenporanea col video del brano so Vevo. A marso Andy Fletcher anuncia che el segondo sìngoło ciapà fora da Delta Machine sarà Soothe My Soul[11]. L'11 de marso i Depeche Mode i tien un concerto promosionałe al Live On Letterman andove, inaxonta a łe xa famoxe Heaven e Angel, i prexenta altri brani dal novo album come Should Be Higher, Soft Touch/Raw Nerve e Soothe My Soul.Pì tardi i sarà ospiti anca al Late Show with David Letterman andove i promovarà el disco e i sonarà Heaven.

Delta Machine vien publegà el 22 de marso in Xermania e Irlanda, el 25 in Fransa e inte el Regno Unìo, el 26 in Itałia e inte i Stati Unii de America e el 27 in Japon e in Australia. El 28, el grupo publega el video muxegałe de Soothe My Soul, segondo sìngoło ciapà fora da l'album.

Notasion[canbia | canbia el còdaxe]

  1. Depeche Mode Prepares For Tour Of The Universe, Billboard, 23 marzo 2009. URL vardà il 26 giugno 2012.
  2. Depeche Mode, Fan of Music. URL vardà il 26 giugno 2012.
  3. Depeche Mode: The Best Of, Volume 1, Bestof.depechemode.com. URL vardà il 26 giugno 2012.
  4. (EN) What does the name Depeche Mode mean?quora.com.
  5. (EN) www.eightyeightynine.com - Depeche Mode - the real origin of the band's nameeightyeightynine.com.
  6. (EN) Why did Vincent Clarke leave Depeche Mode?quora.com.
  7. Nelle principali e più attendìbiłi biografie internazionali scritte sui Depeche Mode, nonché in tutte le interviste concesse dalla band, non c'è alcuna traccia o menzione di questo aneddoto. C'è il pesante sospetto che questo equivoco, riportato solo da siti italiani e in uno special televisivo di MTV Italia, sia stato generato da un'errata interpretazione della recension scritta dal giornalista Cameron inte el febbraio del 1997 par Beat Magazine e ripresa all'epoca da diversi siti di fan italiani. Cameron scriveva "Do You mean this horny creep" are Dave Gahan's first words back from the dead, ma sembra evidente che il giornalista si riferisse alle prime parole cantate da Gahan inte el brano, e non a quelle che lo stesso avrebbe pronunciato al proprio risveglio dall'overdose. Tra l'altro, Martin Gore, autore del testo di Barrel of a Gun, apprese di quei drammàteghi fatti alla radio, e non essendo quindi presente al momento del risveglio di Gahan, in nessun modo avrebbe potuto sapere quali parole quest'ultimo pronunciò al suo risveglio
  8. DEPECHE MODE ANNOUNCES THE RELEASE OF SOUNDS OF THE UNIVERSE APRIL 21, 2009depechemode.com.
  9. Depeche Mode hit top spot in 20 countriesmusicweek.com.
  10. Dave Gahan operato par un tumore, Corriere della Sera, 28-0d-09. URL vardà il 05-06-09.
  11. Interview: Andy Fletcher - Depeche Mode (by Beta News Agency) - YouTube
Controło de autoritàVIAF (EN157068849 · ISNI (EN0000 0001 2369 9115 · LCCN (ENn92022921 · GND (DE5232289-0 · BNF (FRcb13902911r (data) · BNE (ESXX126818 (data) · WorldCat Identities (ENn92-022921
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Depeche_Mode&oldid=1041237"