Fax

Da Wikipedia, l'ençiclopedia libara.
Jump to navigation Jump to search
Un terminale telefax
El sono de on envio de Fax(Canon I-Sensys L-140)

El fax, telefax o anca scrito in lengua veneta Facs, l'è on servisio telefonego chel consiste n'te la traxmision (envio e recesion) de imajini fise (de solito copie de documenti). Da on ponto de vista tecnoloxego el jera on standard de telecomunicasion. El fax, par estension, l'è anca l'imajine fisa (che de solito el xé on testo) inviada e/o riçevua. Senpre par estension el fax l'è anca l'aparecio telefonego che invia e riçeve l'imajine fisa.

El fax el dopara la linea telefonica par enviar o riçevare informasion. La linea no l'è na linea speçifega, l'è la stesa doparada par le comunicasion vocali.

Sia el mitente che el destinataro i ga da ver on aparecio fax, chel fa la funsion de traxmision e riçesion.

Vardà el fato che njien doparada la linea telefonega, ogni fax, envià o riçevuo, l'è identifegà co on numaro de telefono, che l'è el steso de la linea (de solito el steso del telefono, dipende se se opera co tecnoloxie P2P o altro).

La tecnega che njien doparada dal fax par riçevare le imajini, l'è la stesa de chela de na stanpante. Co la njien inviada, na imajine la njien scannerixada, e la diventa on codaxe che al riçevidore, el segnal vegnarà decodifegà e pronto par esar stanpà n'te la stesa manjiera conpagno a come chel jera partio.


Voxi corelade[canbia | canbia el còdexe]