Casera
Co la parola casera se intende prim de tut na stansa destinada a la produsjon del formai, de proprietà privata e funsjonal a un unico staol.
Par estensjon al ciapa sto nome anca tut al casament che ghe n'è dintorn de la casera. Te i ultimi ani la parola la gnen doperada anca par indicar na casa rural abandonada o doperada tenporaneamente.
La casera
[canbia | canbia el còdaxe]La casera de solito la ze na stanseta co i atresi soliti del caser. Al aredamento de solito al consiste te un larin aonde che gnen cosesta la lat inte na caljera. Pol esserghe anca qualche rensin o qualche scafal. Qualche olta 'te el larin de la casera gnen anca infumigà le poine. Al larin no el ga senpre an camin, e comunque al fun e i udor i resta 'te la stansa, sichè se sent senpre al udor de formai e i mur i ze scuri. De le olte la casera la gnen doperada anca come cosina par al vacher, e lora la pol er anca al secer, an armer, na arsela e na tola.
Casament
[canbia | canbia el còdaxe]Se se ciapa in considerasjon la casera come casament, se pol notar che de solito al ze fat su a seti portanti de sass. I soler i ze de legn (de solito laress) co i trau incasradi 'te i mur. Al quert al ze fat co i materjai pì diversi. Na casera la ze fata de solito da na cosina, una o pì canbere (che le pol anca esser ricavade 'te un sopalco), da la casera, da la stanfia (caneva fresca fata aposta par stajonar al formai e cener al botiro). La cosina e la casera le pol anca costituir an unico vano. Arent a la casera de solito ghe n'è al cesso e al casel.
Al conplesso de la casera (come costrusjon), del cesso, del casel e del staol che de solito ghe n'è arent al ciapa al nome de majolera.
Articoli ligadi
[canbia | canbia el còdaxe]