Formai

Sto articol al é scrit in belumat

El formai o formajo al è an derivà de 'l lat, otegnest a far precipitar la caseina. Al formai se pol magnarlo fresch o invecià.

Par far al formaj se met la lat inte te na cagliera e se 'l scalda a 25-33 °C; dopo se zonta al conaio, na sostansa chimica cavada fora da 'l stomech de i mamiferi che lata. El conajo al fa coaugular la caseina che la precipita te 'l fondo de la cagliera. Se bina cossì na pasta che la è al inisio de 'l formai. Sta pasta se la tira fora da la cagliera co na tela o co sistemi mecanici, po dopo se la met inte te i stanp e quela che no se loga inte la se ciama schiž.

Secont quant grassa o magra che la è la lat se à formai che se pol inveciar o che à da esser magnadi entro poch. Co se magna al formai se cognoss direti se la lat la è stata pastorizada o no: te 'l secondo caso al ciapa an udor da freschin e an gusto an fià agro.

Formai pi comuni in Veneto

• Piave (Italia-BL)
• Grana Padano (Italia-Pianura Padana)
• Formai cioch (Italia de 'l Nord)
• Dolomiti (Italia-BL)
• Asiago (Italia-VI)
• Montasio (Italia-Friuli)
• Mozzarella (Europa de 'l Sud)
• Fodom (Italia-BL)
• Talegio (Italia-BG)
• Emmental (Svizra)