San Francesco de Sisa

Da Wikipedia, l'ençiclopedia libara.
Va a: navigasion, serca
Da tradure
Sta pajina o sexion ła xè sta parsialmente tradota da ła łengua itałiana
Te pui contribuir finendo ła tradusion o doparando altre fonti. Nó sta doparar programi de tradusion automatega. Dopara Tradoto da có te ghe finio.
Se inte ła pajina de modifega te cati del testo sconto, controła che el sia ajornà servendote dei cołegamenti a łe «altre łengue» en fondo a ła cołona de sinistra.
No babelfish.svg
Raffigurazione di San Francesco d'Assisi in un affresco di Cimabue nella Basilica di Assisi

San Francesco de Asìxi (Asìxi, 1181 o 1182 - Asìxi, 1226), patrono de Itałija, el xè un de i santi pì venerà de ła Cexa Catòłica. El xè anca dito "il poverello d'Assisi" (trad. "el poareto de Asìxi"), la sò tonba la xè meta de pełegrinajo par desine de miliaia de devoti ogni ano. La sità de Asìxi lo gà asunto come simboło de paxe.

Jòvani, fioło de Pica e de Piero[canbia | canbia sorxente]

Francesco el nase intel 1181 o 1182 da Piero Bernardon de' Moriconi e dała nobiłe Pica Bourlemont, inte na fameja de ła borghesia siora emergente de ła sità de Asìxi. Ła so màre eła se sarìa ciamada contenta averghe meso el nome de Jòvani (dal nome del'apostoło Jòvani) ma el pàre lo cìamò Francesco, in onore de ła Fransa; ła fameja grasie ai comerci in Provensa eła jera rica e benestante.

Eła so casa, eła jera in mezo de ła sità, eła gaveva tacà un negosio e magazin par i tesuti ch'el marcante el se procurava co i so viaji in Provensa (Fransa). Piero el vendea eła so rica mercansia in tuto el teritorio del Dogado de Społeto ch'el conprendeva anca eła sità de Asìxi. Oncò al posto de ła bitasion dei Bernardoni, ghe xè eła Cèsa Nova, fata intel 1615 a spese del re Fiłipo de Spagna.

Francesco el xè sta batisà inteła cèsa, catedrałe dal 1036, tirada sù in onor del patrono de ła sità, el martire Rufin.

Ghe xè diverse biografie soła vita jovaniłe de Francesco che no pòe esar considerà del tuto fidabiłi, xè però de rason pensar che el fuse stà indirisà dal pare a ciapar el so posto inte i afari de fameja.

Dopo de ła scoła da i canonisi de ła Catedrałe, che gavea spasio inteła cèsa de San Giorgio (quea che oncò xè deventà eła basiłica de Santa Chiara) a 14 ani el se ocupò deł'atività de comercio. Xè in sto periodo che, se fasìłe, el santo, zovane e rico marcante, el se rende conto del contrasto tra eła so richesa a rason de ła povertà dei poareti e miserabiłi che vivea in sità.

Eła guera[canbia | canbia sorxente]

Intel 1054 se ricorda de na prima guera tra Asìxi contra Perujia; tra łe do sità ghe xè tanta rivałità: Perujia xè guelfa, Asìxi invese, co Fołigno e Todi, eła xè ghibełina. Eła bataja pì famosa xè queła indove i asìxani xè sta batui a Cołestrada, visin de Perujia, intel 1202.

Anca Francesco, come tuti st'altri zovani, el conbate; ma el vien caturà e inprisonà par un ano in preson. Eła prisonia sarà per eło na esperiensa fondamentałe. Se dixe che eła partesipasion ai conbatimenti, eła vista de feriti e de mutiłasion, el'odor repełente de morti asà a marsir par tera, eło terorisa tanto che el ripensarà a tuto el so modo de vivar. Xè in sto modo ch'el scumisia ad sentir queła ch'eło ciama "l'esijensa insoprimibiłe de paxe donà da Cristo",

Eła guera finise intel 1203 e Francesco otien eła libartà grasie a on tratato so i prisioneri de guera che, in caso de małatia, i gaveva da eser liberai drio el pagamento di un riscato.

Francesco, na olta tornà a casa, el recupara in ciantin ała olta eła sałute pasando tante ore intełe tegnue del pare. Sti posti sconti fa in modo de risvejare in eło un asołuto e totałe amor par eła natura, che eła considara na opara mirabiłe de Dio.

El desiderio de justisia eło porta l'anno dopo (1204-1205) a tentar eła strada de ła crociata. Se trata de ndar a Lece ała corte de Gualtieri de Brienne, par movarse co i altri cavałieri ała olta de Jerusałeme. Partecipar come cavałiere a na crociata jera al ch'el tenpo un de pì alti onori par i cristiani de ponente. Tutavia rivà a Społeto el se mała oncora e così el torna casa convinto, come el contarà indopo, anca da na rivełazione noturna.

San Damian[canbia | canbia sorxente]

Na vista de panorama de Asìxi

Indopo dei fati de ła guera Francesco el jera conbià, el se compagnava speso còi poareti che domandava eła carità e strasoni. A Roma, indove ch'el vien mandà dal pare a vendare na partia de mercansia, el distribuìse i schéi guadagnà ai poareti, e anca el fa cambio col vestio de un ch'el domandava eła carità che el si mete anca eło a domandar inansi eła porta de San Piéro.

Da quando po, intel 1205 pregando inteła ceseta de San Damian el gà sentìo parlar el Crocefiso, i sitadini de Asìxi i pensava ch'el gavese dà de mato o ch'el se fuse małeà de na influensa małigna. A so dir, dała croce, eła vose del Cristo, ghe gavea dito par tri olte: "Francesco, va' e justa eła me casa che, come che te vedi, eła xè tuta en roina".


Altri projeti[canbia | canbia sorxente]