Cortiu

Da Wikipedia, l'ençiclopedia libara.
Va a: navigasion, serca

Al cortiu in senso stret al è an spažio senža quert ligà a 'n edificio.

Funžion principal[canbia | canbia sorxente]

La so funžion principal la è quela de costituir an colegamento tra al edificio e 'l contesto (cortiu esterno) e/o tra anbienti diversi de na unica unità produtiva o abitativa.

Chiostro[canbia | canbia sorxente]

Te 'l caso che al sie conpletamente contornà da 'l edificio al gnen ciamà chiostro. Al cortiu serà alè tipico de i conventi, de žerti palaž citadini e de le case de i patriži in età romana. Ten sto caso al cortiu al perž al trafico de veicoli par ciapar pì che sia an ruolo de punto de incontro de la đent. de conseguenža al à an aspeto ligà pì a la estetica che a 'l utile, e žerte olte al pol er in mež na fontana e esser inerbà e infioretà come an jardin.

Fabrica[canbia | canbia sorxente]

Al cortiu de na fabrica al è just al oposto: la so funžion principal la è quela de gner traversà da međi de trasporto e al è dotà quasi senpre de an bel parchejo par le machine. Arent a na cura minužiosa par la so ražionalità in termini de fruižion, se donta anca an stciant de gusto par la estetica, inportante par la inmagine de la dita.

Casa Rural[canbia | canbia sorxente]

La casa rural tradižional la è te 'l stesso tenp na abitažion e anca na azienda produtiva, sichè al so cortiu al à na strututa che la è na via de mež tra quele citade prim: de solito al à la casa postada te la part pì insolada e la part rural in linea co la abitažion o da la part oposta. Ten qualche canton se cata anca le stie e al puner. Al pavimento al è ingiarà o asfaltà e, no senpre, se cata na fontana quadrangolar e longa te 'n posto in part de 'l cortiu, aonde che no la ghe intriga a quei che i à da far manovre co i car o co i trator.

Cortiu[canbia | canbia sorxente]

Te 'l caso che la casa rural la sie a ridoss de 'n paess, al cortiu al è serà da 'n cancel e al costituiss insieme a tuti i edifici dintorn na unica realtà, anca quela ciamada cortiu. La unità produtiva la è governada da na unica fameja granda, e co se diss "al cortiu de i...(soracognome)" se intende la unità ediližia, produtiva e familjar.

Altri projeti[canbia | canbia sorxente]