Muzeo Correr

Muzeo Correr
Nome inte ła łéngua orizenałe	(it) Museo Correr
Dati
Sorte	Muzeo de arte, muzeo de istòria e museo di un ente pubblico (it)
Costrusion
Vertura
Caraterìsteghe
Àrea	espozision: 3 818 m² espozision: 3 697 m²
Pozision
Rejon aministrativa	Venèsia (Itàlia)
Pozision	Piazza San Marco 52, 30124 Venezia
45°26′02.16″N 12°20′13.66″E
Atività
Fondador	Teodoro Correr
Zestor - oparador	Fondasion dei Muzei Sìveghi de Venèsia
Inpiegai	29 (2019)
Vizitanti anuałi	286 454 (2015)
Ligo web	correr.visitmuve.it

El muzeo Correr el ze on dei pì inportanti carateristeghi de ła sità de Venesia. El ze pozisionà intel sestier San Marco, rente ła piasa San Marco el fa parte de ła Fondasion dei Muzei Sìveghi de Venèsia. El muzeo spiega, inte łe varie sesion produtive łe rancurade de l'arte e ła siviltà venesiana.

Storia del muzeo

El muzeo orizenałe co el łasito del nobiłe venesian Teodoro Correr, morto intel 1830. Co el pasar del tenpo łe cołesion łe ze cresue e intel 1887 ze stà nesesario el trasferimento de łe cołesion a ła sede orizinaria de Pałaso Correr al Fontego dei Turchi.

Intel 1922 ze rivà el definitivo trasferimento inte ła sede de deso rente a l'Ała Napołeonega (o Fabrica Nòva), in piasa San Marco, e łe procuratie Nòve.

Ła figura de Teodoro Correr

Bernardino Castelli, Retrato de Teodoro Correr.

El muzeo el ciapa el nome da Teodoro Correr, nobiłe venesian, grando apasionà de l'arte e cołesionista chel gà dedicà granda parte de ła so vita a rancurare ópare de arte e ojeti rari e presiozi: tinti, statue antighe e moderne, codezi minià, documenti, monede, medaje, łibri, disinji e tanta altra roba. Granda e siora, ła rancurada ciapa corpo tra i ultemi ani de ła Repùblerga venesiana a chiłi drio de łe dominasion foreste.

El patrisio venesia el gà dichiarà che ła so intension de rendare dopabiłe el so patrimonio come muzeo: a ła so morte el ga donà a ła sità tute łe so rancurade, insieme al pałaso de fameja indove łe jera costudie.

Incrementà de nòve donasion Molin, tra ste chive łe rancurade de Molin, Zoppetti (co distinti materiałi de Canova), Tironi (tinti, majołighe, viri e bronzi), Cicogna, Sagredo e altre, ła cołesion Correr zà intel 1887 ła ze stà trasferia da ła caza de Teodoro Correr intel sestier de Santa Croze, inte ła zona de San Zuan Degołà e sistemà intel visin Fontego dei Turchi, afacià drito al Canal Grando. Ła caza del Correr ła ze restà in onji cazo sede de espozision de na parte de łe so cołesion. Intel 1922 el Muzeo Correr el vien definitivamente spostà in piasa San Marco invese al Fondego ze restà łe cołesion de storia naturałe, che łe saria na a onirse al nasente Muzeo de Storia Naturałe.

Ł'edifiso de deso

El Muzeo Correr e se prezenta su piasa San Marco

Ła projetasion e el prinsipio de ła reałizasion de l'Ała Napoleonega, co el fronte monumentałe e el portego in baso, i viene inte i ani che Venesia ła jera soto el Renjo de l'Itałia soto el poter de Napoleon apogià da el fiołasto Eugenio di Beauharnais.

Fin da łora sta parte de piasa San Marco ła jera ocupà da ła Ceza de San Ziminiàn (de orizene tanto antiga e riedifegà a metà del Sincuesento da Jacopo Sansovino) e da ła prołungada de łe Procuratie Vece e Nove, overosipia dei do łonghi edifisi che ła dełimitano da nord a sud.

Ł'edifiso intel łato meridionałe invese el ze stà projetà intel 1582 da Vincenzo Scamozzi a conpletamento del maestozo programa de riórdeno de ła piasa, scomisià dal Sansovino a metà Sincuesento e reałizà tra el 1586 e 1596 e conpletà da Baldassare Longhena sirca intel 1640.

Par voler de Napoleon, dal zenaro 1807 sto conpleso costruio a l'Ała, che da łu ciapa el nome, da ła Biblioteca Marciana e parte de l'edifiso de ła Zeca e dei Jardini Reałi, ze stà destinà a Reja. Inte i spasi de łe Procuratie Nòve tuti i interni i ze stà decorà in stiłe neoclasego.

Dal 1814 Venesia ła ze pasà a l'Austria e inte ła Reja, devenjesta intanto dotasion de ła corona asburzega, ze na star intel 1815 l'inperator Francesco I. A metà de l'Otosento łe decorasion łe ze stà fato de łe modifeghe tipeghe del stiłe Inpero par favorir i gusti de ła corte e in particołar de l'inperatrise Elisabetta de Baviera (conosua come Sisi), che ła ze na starghe deverse volte.

Dopo l'anesion de Venesia a l'Itałia, avenua intel 1866, ła Reja ła ze stà pasà a i re sabaudi.

Intel 1919 Vittorio Emanuele III re de l'Itałia ła gà ridà al Demanio del Stato col fin che ła venjese doprà dal Ministro de ła Publega Istrusion. E cosita che dal 1920 parte de l'area ze stà destinà al Muzeo Archeołozego Nasionałe, che prima jera intel Pałaso Dogal, e dal 1922 parte del Muzeo Correr.

Ła cołesion

El nucleo orizenario

Ła cołesion de Teodoro Correr no ła jera stà fondà par i criteri de struturasion; mostrà al publego a partir dal 1838, soło co el terso dei so diretori, Vincenzo Lazari ła vien ordinà secondo ła łozega muzeografega. Lazari el sudivide i materiałi par tipołozia /materiałe, łi catałoga, el se preocupa de integrar de nòve cołesion rivà da łasiti e donasion de altri patrisi venesiani, el aplega acuisti, far presia a restauri e strutura el muzeo da on łato come gabineto de studio, e inte l'altro on percoso de espozision de ojeti rełevanti fazendo na scelta – łe ze parołe de łu – "cuanto ghe jera mejo de in onji singola rancurada". A Lazari se gà anca par desgrasia ła distrusion de documenti e ojeti o so avizo no adeguà a ła tuteła de l'imàzene del donator, ma ze grasie al so łaoro che, inte ła seconda metà del secoło, łe guide de ła sità łe posta el muzeo tra łe mete de oblego dei vizitatori sapienti e dei studiozi.

Ła nasita dei Muzei Sìveghi de Venèsia

El continuo zontar de ojeti a ła cołesion Correr par i nòvi łasciti, donasion o conprade, senja ła sanca storia dei Muzei Siveghi de Venesia destinà intel tenpo a na serie sesion sudivizionà, fin a stabiłir el prezente grando sistema muzeałe de ła sità.

A partir dal 1897, el Comun de Venesia scomisia na cołesion munisipałe de arte moderna, in considensa co ła seconda edision Bienałe e intel 1902 el stabiłise come sede Ca' Pesaro, inportante pałaso baroco da poco donà a ła sità da ła duchesa Felicita Bevilacqua La Masa. Chive cata spasio anca i tinti del secondo Otosento che Pompeo Molmenti łasa a ła sità intel 1927.

Intel isteso tenpo al trasferimento, intel 1922, de łe cołesion de l'Ała Napołeonega, al Fondago dei Turchi ciapa spasio el Muzeo de Storia Naturałe. Intel 1923 vien conprà anca el Muzeo del vero co ła sede a Muran, in Pałaso Giustiniani. Chive ze stà cołegherà intel 1932, łe varie rancurade de veri. Intanto, intel 1923, na convension co el Stato vien dà al Comun de Venesia ła gestion del Pałaso Dogal. Intel 1931 vien łasà ła donasio a ła sità, ła caza natal de Carlo Goldoni, manman intel 1932 el Comin el conpra Ca' Rezzonico: el sarà destinà a Muzeo del Setesento venesian e chive donca catarà spasio, so projeto de Giulio Lorenzetti e Nino Barbantini, intel 1936, łe ópare setesentesche de ła cołesio Correr, oltre a altre asunsion. Intel 1945 Alvise Nicolò Mocenigo el gà donà ła so dimora a San Strae. Ła caza de Carlo Goldoni, cresuda dai fondi del Sentro Studi teatrałi, ła ze stà parecià e verta al publego intel 1952, intanto, intel 1956, Henriette Fortuny el łasa al Comun ła caza-atelier de Mariano e łe so cołesion. Intel 1975 verde al publego el Muzeo Mariano Fortuny e siè anni drio, a Buran, nase el Muzeo del Merletto inte l'antiga Scoła de Andriana Marcello. El Muzeo de Pałaso Mocenigo el verde al publego intel 1985 e chive, incorporà intel Sentro Studi de Storia del Tesuo e del Costume, se cołaga anca łe cołesion tesiłi de Teodoro Correr. Inte i ani Novanta el sistema muzeałe sivego se perfesiona rinovando e tacando ła strutura organizativa de tute łe sedi soto na onega diresion.

Percorsi

Ała Napołeonega (Sałe Neoclaseghe e cołesion canoviana)

Muzeo Correr, el Sałon da bało

Łe Sałe Napołeoneghe łe ze stà mese da on elegante sałon da bało che mostra decorasion tipeghe del stiłe inpero. Ła projetasion se gà par a Lorenzo Santi (1822), invese ła decorasion a Giuseppe Borsato (1837). Al sentro del sofito ghe ze l'afresco co ła Paze sircondà da Vertù e Geni de l'Ołinpo riferia a ła restaurasion scomisià dai Asburgo e drio łe visende napołeoneghe. Inte łe sałe che vien dopo ghe ze prezenti i grupi de scultura de Antonio Canova co Orfeo e Euridice e Dedalo e Icaro.

Apartamento de Sisi

Ła decorasion ła ze dei ani dei Asburgo, intel periodo 1836-1838, par ła vizita de Stato dei Sovrani Francesco Giuseppe e Elisabetta, Sissi, tra el nobenbre 1856 e zenaro 1857. Ł'inperatrise ła gà abità chve de nòvo par altri sete mizi, tra l'otobre del 1861 e majo 1862.

Ł'apartamento el ze organizà in deversi anbienti: Sała dei prensi setimanałi, Sała del Trono Lonbardo-Vèneto, Sała de łe udiense, Sała da banjo de l'inperatrise, Camara da łeto de l'inperatrise, Anticamera dei apartamenti, Sała ovałe (Sała dei pransi jornałieri).

Wunderkammer

Nove sałe del primo pian del Muzeo Correr łe ospita a ła prezente na "cołesion de łe maraveje" che sełebra el fasino de na posibile Wunderkammer łagunar. Ze prezente ojeti de arte sacra, tinte de proveniensa nordega, ecesion, testemonianse de ła pasion e del gusto par l'antigo tra i patrisi venesiani del Sincuesento.

Siviłtà venesiana

Libreria Pisani al Muzeo Correr

Rento a łe Procuratie Nòve vien prezentà łe varie senbolozie de ła Siviłtà venesiana par medo de łe sałe che mostra i tinti, monede, manufati de deverso zenere.

• Sała 8: libreria Pisani
• Sała 9-10: magistrature de ła Repùbega de Venesia (retrati de dozi, senatori e procurati de San Marco)
• Sała 11: cołesion numismatega e bandiere storeghe
• Sała 12-13-14: Venesia e mare, Bataja de Lepanto, ordinji scentifeghi par ła navigasion, Arsenałe
• Sała 45-46-47: łe feste venesiane, l'ultemo Bucintoro
• Sała 49-50: arti e mestieri venesiani

Secondo pian (Cuadreria)

Ła major parte se sirca 140 tinti esposti in Cuadreria ła jera de ła rancurada de Teodoro Correr. A el łaso de Correr (1830) riva łe tołe de Zuane Belin, Antonello da Messina, Cosmé Tura e Vittore Carpaccio. Dopo, el panorama pitorego de ła cuadrerie se gà slargà grasie a lasi vegnesto drio, donasion e conprade del Comun, che gà contribuio a prezentare in maniera conpleta el cresere de ła storia artistega łagunar.

El ałestimento de Carlo Scarpa

Par l'ałestimento de ła Cuadreria, al secondo pian de łe Procuratie Nòve, ła Diresion del Muzeo Correr, guidada dal mestro Giovanni Mariacher (1912-1994), se resolve a Carlo Scarpa.

Tra el 1957 e 1960 Scarpa el ze intervenjesto tacando a deversi anbienti de ła strutura streta e slungà de łe Procuratie Nòve (distribui so do ałi, ona afacià a piasa San Marco, l'altra a łe corte rento de l'ex Pałaso Reałe) criteri co funsion de vałorizar l'ópara de arte e el raporto de eła fonda co el vizitatore. Par i tinti so toła che ghea esposto Scarpa el ghea sełesionà senpleghi incornezadure de nogara, par łe pareti e i panełi el gà doprà toni ciari e łongo tuto el percorso vałorizando l'iłuminasion naturałe.

El patrimonio del Muzeo Correr

Reparto dei dezenji e de łe stenpe

El reparto dei dezenji e de łe stanpe del Muzeo Correr łe ze ona de łe pì inportanti istitusion intel mondo par ła grafega venesiana. El conserva 8.000 dezenji antighi e 40.000 inzion dal XV al XIX secoło.

Ła nasita de ła cołesion ła vien senpre intel 1830, grasie a el łaso testamentario de Teodoro Correr; intel pasar del XIX e del XX secoło ła cołesion ła ze cresua par conprade de tipołozia varia.

Ła sała numismatega, inte łe parede ghe ze postà łe storeghe bandiere de ła Repùblega de Venèsia (ła conosua Bandiera Contarina a sanca)

Cołesion numismatega

El Museo Correr el gà na inportante cołesion numismatega formà grasie a insiative de conosisti donatori che i fa parte de łe pì grande fameje venesiane. Eła ła conta de pì de 50.000 tochi. A ła baze spetante a Teodoro Correr, intel pasar de l'Otosento se gà zontà anca inportanti rancurade venjue da a Domenico Zoppetti (1850), Federico Garofoli (1861), Emmanuele Antonio Cicogna (1865), Ascanio Molin (1886) e dal conte Nicolò Papadopoli (1922). A sto ultemo vien el łaso pì inportante (17.367 tochi), fato da ezenplari de età medievałe e moderna.

Tra łe rancurade che łe forma l'inportanrte cołesion se cata grandi temateghe de ecełensa che vien da ła Gresa antiga, da ła Roma repùblegana e inperiałe , del mondo bizantin, medievałe e moderno. Se cata nanca on fondo de madaje, on picenin łoto de cartamoneda e na sesion de coni de ła zeca de Venesia.

Inte ła istesa sała, inte łe parede ze postà łe storeghe bandiere de ła Repùblega de Venesia, tra ste chive ła conosua Bandiera Contarina.

Biblioteca

Biblioteca del Museo Correr, fondo manoscriti

Rente a el Muzeo Correr, ła Biblioteca nase da ła donasion de Teodoro Correr intel 1830. Ła graanda rancurada de memorie storeghe e artisteghe del nobiłe venesian ciapava anca na inportante cołesion de pergamene, codezi, documenti, incizion e rare edision. Verta a el publego siè ani drio, intel 1836, ła rancurade ła ze creduda de łasi de nobiłi fameje venesiane de de conosudi studiozi come Emmanuele Antonio Cicogna che gà regałà ła so granda łibrerie a el Muzeo intel 1865.

Ghe ze na testimoniansa de na conservasion de rancurade łibrarie 12.000 manoscriti, 750 incunabołi, pasa 100.000 monografie e periodeghi, che raprezenta ła naturałe integrasion del materiałe esposto intel Muzeo: pergamene e codezi de sołito miniadi, archivi gentiłisi, incunabołi e rare edision venjeste fora da łe tipografie venesiane, carte topografeghe de ła łaguna e de ła tera ferma e portołani che i regała na łuminaria determinada de ła storia venesiana.

El ełemento serto de sostansa, in particołar el vałor de sto patrimonio, ła Biblioteca del Muzeo Correr ła trata on inportante roło de comnservasion.

Regołarmente cresua par metodo de ła sistematega acuizision de łe publicasion de setore se deferensia anca come istituto de reserca e documentasion spesiałistega inte ła storia de l'arte e storia vèneta fazendo deversi doveri de reserca e ajornamento profesionałe de studiozi, conservadori de muzei, mestri universitari e łaureadi de tuto el mondo.

Ł'atività de ła Biblioteca se conferma anca deso al stiłe de Teodoro Correr, che ga vołesto ła promosion de l'entrada łibera a łe rancurade: el fin ultemo de ła Biblioteca el ze defati asicurar na endrada continua a el contenudo intełetuałe de łe so cołesion.

Archivio fotografego

Ł'archivio fotografego, chel gà ła sede rente el Muzeo Correr, el conserva do fondi co reprodusion de ópare venjeste dal Muzeo Sivigo de Venesia (Fondo Muzeo) e co reprodusion de ópare deverse, vedue de ła sità o ópare de muzei fora a ła Fondasion dei Muzei Sivighi (Fondo Varie).

Ópare prinsipałi: someje

• 
  Zuane Belin, Cristo morto tenjù da do anzołi, 1460
• 
  Zuane Belin, Crocifision, 1455, 1460 sirca
• 
  Zuane Belin, Trasfigurasion, 1455-1460 sirca
• 
  Zuane Belin, Madona col Putin dormiente, 1460-1465 sirca
• 
  Vittore Carpaccio, Do dame veneziane, 1490
• 
  Vittore Carpaccio, Omo co ła bareta rosa, 1490-1493 sirca
• 
  Antonello da Messina, Cristo in pietà tenjù da tri anzołi, 1474-1476 sirca
• 
  Gentile Bellini, Retrato del Doze Giovanni Mocenigo, 1500
• 
  Vittore Carpaccio, Retrato del Doze Leonardo Loredan, 1501-05 sirca
• 
  Cosmè Tura, Pietà Cosmè Tura, 1460
• 
  Botega dei Enbriachi, Cofaneto nosiałe, da ła metà del XIV - prinsipio del XV sec.
• 
  Antonio Canova, Dedało e Icaro, 1779
• 
  Antonio Canova Eurydice, 1775-1776
• 
  Antonio Canova Orfeo, 1775-1776
• 
  Jacobello del Fiore, Madona col Putin, 1410 sirca
• 
  Cesare Vecellio, Retrato de fameja venesiana, 1560 sirca,
• 
  Pieter Brueghel el Zovane, Adorasion dei Maji, 1600 sirca

Bibliografia

• (IT) Touring Club Italiano-La Biblioteca di Repubblica, L'Italia: Venezia, Touring editore, 2004.

Voze corełade

• Piasa San Marco

Altri projeti

Altri progetti

• Wikimedia Commons

• Wikimedia Commons el detien imàjini o altri file so Muzeo Correr

Linganbi foresti

• Sito ufisałecorrer.visitmuve.it.