Łéngua finlandexe

Finlandese (suomi)
Parlà in:	Finlandia, Estonia, Svezia, Rusia e Norvegia
Regioni:	Nord Europa
Persone:	7 milioni
Clasifica:	non in top 100
Tipołogia:	SVO (ordine libero) agglutinante
Fiłogenexi:	Uraliche  Ugrofinniche   Finnopermiche    Finnovolgaiche     Finnosami      Baltofinniche       Finlandese
Statuto ofiçiałe
Stato:	Finlandia, Union europea, Republica de Carelia
Regolà da:	Kotimaisten kielten tutkimuskeskus
Codexe de clasificassion
ISO 639-1	fi
ISO 639-2	fin
SIL	FIN  (EN)
Estrato en lengoa
Dichiarassion Universałe de i Diriti de l'Omo - Art.1 Kaikki ihmiset syntyvät vapaina ja tasavertaisina arvoltaan ja oikeuksiltaan. Heille on annettu järki ja omatunto, ja heidän on toimittava toisiaan kohtaan veljeyden hengessä.
Łengoa - Elenco de łe łengoe - Łenguìstega

El finlandéxe l'è na łéngua ugrofìnica che ła vien doparà uficialmente 'nte ła Repùblica de Finlandia. Ła xe łigà co l'èstone e in parte co l'ungaréxe.

Pronomi

El finlandéxe no'l ga nisuna difarensa de xènare par maschil e feminil gnanca sui pronomi, fora che calche fórma speciałe interogativa o demostrativa par riferirse a łe robe invese che ai èseri viventi come fa el vèneto co "ci/chi?" (persóna) e " 'sa/cósa/ché?" (roba) o come ła difarensa fra "xe 'sto qua" (omo) e "xe questo" (el fato).

Declinasion

Parò el finlandéxe el ga na declinasion de ben quìndexe caxi e do nùmari (singołar/plural) che i se conbina faxendo un saco de fórme: serte łe xe intuitive parché basta tacar łe finałi una drio l'altra (sing: talo-talossa plur: taloi-taloissa), ma serte altre se fa pi fadiga ricordarle (sing: rakkaus-rakkaudessa).

Compleménti

Po dopo in finlandéxe, de łe volte, el stéso conpleménto el se traduxe in modi difarenti: par exenpio el conpleménto ojeto direto el pol aver tri caxi diversi (nominativo, genitivo o partitivo) traduxendo parfin el tenpo del verbo.

Verbi

Par exenpio ghe xe do tipi de pasà:

• caxo nominativo (pasà conposto): "luin kirja" (go łeto el/un łibro)
• caxo partitivo (inparfeto/progresivo): "luin kirjaa" (mi łezéa el łibro - xera drio łèzar un łibro)

Oben ghe xe el futuro, diverso dal prexente:

• caxo nominativo (prexente/progresivo): "luen kirja" (deso łezo el łibro - so' drio łèzar el łibro)
• caxo genitivo (futuro): "luen kirjan" (doman łezo el łibro - łezarò el łibro)