Stocólma

Stocólma (SV) Stockholm
area urbana
Dati aministrativi
Stato	Svèsia
Rejon	Svealand
Contea	Stocólma
Comun	No prexente
Sìndico	Sten Nordin
Teritorio
Coordinae	59°21′00″N 18°04′00″E
Altitudine	51 m s.l.m.
Superfise	188 km²
Abitanti	871 952 (2011)
Densità	4 638,04 ab./km²
Altre informasion
Prefiso	+46-8
Provincia storega	Uppland, Södermanland
Locałixasion
Stocólma Stocólma
Sito istitusionałe

Stocólma (svedéxe: Stockholm [stɔkːɔlm] ) ła xe ła cavedal de ła Svezia. Ła xe ła séde de Governo e Parlamento, oltre che łógo de rexidénsa del cavo del stato, el re Carlo Gustavo XVI.

Co na popołasion de 788 269 abitanti (30-06-2007) , ła xe ła sità pì popołóxa sia de ła Svezia che de ła Scandinavia. Co na popołasion de 1.932.763 , l'àrea metropołitana di Stocólma xe ła pì grande de ła Scandinavia.

Aministrativaménte ła xe dividésta in ùndexe munisipałità. El séntro e ła gran parte dei sobórghi ad éło pi visini i xe conpréxi inte ła Munisipałità de Stocólma (750 000 abitanti).

Giografìa

Ła sità ła xe tacada su quatòrdexe ìxołe e su ła riva de l'arsipèłago onde che el łago Mälaren el sfóxa inte'l Mar Bàltego. El séntro de ła sità el xe situà virtualménte inte l'acqua. Propio par ste só caraterìstiche, ła sità ła xe ciamada ła "Venesia del Nord".

Łe só coordinae łe xe: 59°21'N, 18°4'E.

Clima

El clima de Stocólma el xe estremaménte vario da stajon a stajon a càusa de ła só latitùdene bastansa setentrionale Inte'l solstisio de inverno el dì el dura ca. 6 ore méntre durante el solstisio de istà el pol durarghine anca 18. I inverni quindi i xe tant frédi, scuri e nevóxi méntre łe istà mite e piovóxe. Ła tenperadura pi basa rejistrada ła xe stada -32 °C invése ła pi alta 36°.