Difarense intrà łe version de "Partito dei Veneti"
| [Version verifegà] | [Version verifegà] |
p Desfà el cànbio de 95.248.203.100 (discusion) e riportà a ła version antesedente de Alvixe el łion Targheta: Trar indrio |
Go cavà el file "Partito_dei_Veneti_Official.jpg", sicome el xe stà scansełà su Commons da JuTa parché: Source of derivative work not specified since 9 August 2020. |
||
| Riga 4: | Riga 4: | ||
|cołore = oro, sełeste, [[roso|ros]] |
|cołore = oro, sełeste, [[roso|ros]] |
||
|contrasto = |
|contrasto = |
||
|sinboło = |
|sinboło = |
||
|didascałia = |
|didascałia = |
||
|leader = |
|leader = |
||
Version de le 23:27, 17 ago 2020
| Dati | |
|---|---|
| Sorte | Eror Lua: callParserFunction: function " [[Categoria" was not found. |
| |
El Partìo de i Vèneti (par vèneto) o Partito dei Veneti (par tałan), (scursà PdV) el xe un partìo puidego vèneto, nasesto 'nte'l 2019.
El partido el xe nasesto el 9 de avrił de 'l 2019 e 'l xe formà da l'union de 10 partidi e movimenti independentisti e aotonomisti vèneti, pì altre łiste e reti sìveghe łocai. El se prexenta a łe ełesioni rexonai vènete de'l 2020 e co'l candidà goernador Antonio Guadagnini.El xe el pì gran partido independentista e aotonomista teritoriałe de 'l Vèneto.
I partidi e movimenti che i ło forma i xe: Independensa Vèneta, Semo Vèneto, Grupo Chiavegato, Grande Nord Vèneto, Rete 22 de Otobre, Vèneto Stado, Projeto Vèneto Autònomo, Bełun Autònoma Rejon Dołomiti, Prima el Vèneto e Pòpoło de San Marco.
Istoria
El 12 de łujo de 'l 2018 Independensa Vèneta e Semo Vèneto, a Pałaso Fero Fini (sede de 'l Consejo Rejonal de'l Vèneto), i fa on manifesto de acordo par corar insenbre a łe ełesion comunałi de 'l 2019 e inpenjarse a unir el fronte independentista vèneto par łe ełesion vènete de'l 2020.[1]
Dapò mezi de diàłogo e discusion co partidi venetisti, IV e SV i se acorda co altri partidi e el 9 de avrił de 'l 2019 i sincue partidi independentisti e autonomisti vèneti Independensa Vèneta, Semo Vèneto, Grupo Chiavegato, Vèneto Stado, Projeto Vèneto Autònomo (pì altre łiste e rete sìveghe łocai) i se unise 'nte'l Partido de i Vèneti. El coordenador el deventa el Giacomo Mirto e 'l vixe-coordenador Daniele Visentin.
Fra el 7 e 'l 16 de majo łe vien fate łe prime asenblee pùbleghe par prexentar el novo partido 'nte łe provinsie vènete.
'Nte'l scumisio de otobre, se unise a'l PdV altri cuatro partidi: Grande Nord Vèneto, Rete 22 de Otobre, Vèneto Stado, Bełun Autònoma Rejon Dołomiti e Prima el Vèneto. Łe sigle de l'union łe deventa nove.
El 19 de otobre el Partito dei Vèneti organixa ona convention a'l Palageox de Padoa par łansar in canpo el novo partido, che co i so pì de 1500 partesipanti, el sorprende łe spetatìe. Par ła convention el se unise a'l PdV on altro novo partido, el Pòpoło de San Marco, e cusìta i partidi unìi i deventa 10.[2][3][4][5] Fra otobre e novenbre, co ła crésita de'l partido, i vien reorganixài i novi coordinamenti provinsiai, oncora e senpre pì radicài 'nte'l teritorio.[6][7][8][9]
El 30 de novenbre ghe xe, in contenporanea 'nte łe provinsie de'l Vèneto, łe asenblee provinsiai de 'l Partido de i Vèneti, che łe rixulta co pì de 2000 parsone prexenti.[10][11][12][13][14]El 21 fevraro de'l 2020 el Pòpoło de San Marco el va fora da'l PdV par devergense so'l candidà presidente.
El 12 de fevrer el Partito dei Veneti anunsa ła candidatura a mariga de Venesia de'l famoxo fioxofo Stefano Zecchi, sostenjùa anca da numaroxe asosiasion venesiane, cofà “Gruppo WSM”, "Europa Veneta" e “Cittadini Non Distratti ONLUS”, che łe intra 'nte'l PdV. A'l programa de'l PdV par łe comunai de Venesia i judarà anca famoxe parsone cofà Philippe Daverio, Marco Tutino, Gabriele Lavia, Piergiorgio Odifreddi e Vera Slepoj, sostenjedori de'l partìo.[15][16]
Ideołoxia
El "Partito dei Veneti" el ciapa drento pułìdeghi e ełetori de tante aree, unìi da'l fin de rivar a'l auto-goerno, de l'independensa e de ła tuteła de ła cultura e de ła łengoa vèneta e de i intaresi de'l popoƚo vèneto.
Auto-goerno e independensa
El primo fin de'l Partito dei Veneti el xe cheło de rivar a na pì granda autonomìa par el Vèneto, co ła piena mesa in ato de'l articoło 2 de'l Statudo de ła Rejon Vèneto:
(VEC)2. Ła Rejon ła preserva e ła promove l’identità storega de’l popoło e de ła siviltà vèneta e ła ghe concor a ła vałorixasion de łe singołe comunidà.»
«1. L’aotogoerno de’l popoło vèneto el se atua 'nte łe forme respondente a łe carataristeghe e a łe tradision de ła so storia.— Art.2 de'l Statudo de ła Rejon Vèneto
Co ła desentrasion aministradiva, el ponta anca a pì autonomia par i comuni, łe comunidà montane, i conprensori e łe provinsie, co pì granda atension par i teritori spesiałi (cofà Venesia, el Łago de Garda, el Polexine) e łe xone montane (cofà el bełumat, ła Łesinia e l'Altopian de Axiago).
El segondo obietivo, che el deventarìa el primo se l'Itałia no ła vołese dar l'aotogoerno, el xe indir un referendum par l'independensa de'l Vèneto, par via istitusional, pasifega e democradega. Ła łezitimità de un referendum de sta sorta ła se gavarìa 'nte'l prinsipio de aotodeterminasion de i popoi, reconjosùo da łe Nasion Unide.
Par ła fameja
Par defendar e sostenjer ła fameja, el PdV el vol introdùxar el coefiçente de rexidensa par i rexidenti in Vèneto da almanco diexe ani. Cusìta el partido el ponta a l'introdusion de servisi publeghi e gratuiti de fixioterapìa, ostetrega, e suporto medego-psicołoxego par łe mari prima e 'nte i primi mexi dopo el parto, na baby-card vèneta de 500 € a'l mexe par i beni e servisi de i fioi 'ntei primi tre ani de vida, łibri e divixe gratuite par ła scoła de l'òblego, ła ridusion de łe slot-machine, juti par i dixàbiłi, juto a łe fameje co fioi par cronprar ła prima caxa.
Par el łaoro e ła dita
El PdV par jutarghe ai vèneti 'nte'l łaoro, el vol sbasar łe tase e senplificar ła burocrasia, soratuto par łe picenine e medie dite; liberałixar ła contratasion axiendałe (par na mejo redistribusion de ła richesa); introdùxar na forma de previdensa integrativa so model sud-tirołexe (łe pension che łe coresponde ai contribudi pagai, no łe vien tocàe); pì atension e vałorixasion par łe atività econòmeghe picenine-medie e famejari 'nte i sentri istòreghi, i cuartieri e i cei e medi comuni. El vol na revixion periòdega de łe pension de invałidità e indenità de dixocupasion e ła regołamentasion de i novi sentri comersiai.
Par ła rejonałixasion de'l fisco
El PdV el vol el federałismo fiscaƚe co na pì forte jestion rejonal de łe tase vènete; crear na "Ajensìa Rejonal de'l Contribuente'; invertir l'ònere de ła prova; potensiar ła fiscałità comunaƚe e provinsiałe; sbasar l'IRAP par łe axiende co sede łegałe e operadiva in Vèneto e cavar ła faturasion ełetronega a łe axiende co manco de sincue dipendenti de manco de 80 euro de faturasion a l'ano.
Par na rinàsita cultural vèneta
El PdV el vol defèndar el patrimonio culturałe, istòrego e identitario vèneto co l'introdusion de'l biłenguismo vèneto-itałian so'l model sud-tirołexe e 'l insenjamento de ła istoria, cultura e łengoa vèneta a scoła. El Partido vol portar ła Sovraintendensa unjoła rejonałe par tut el patrimonio artìstego e monumental; ła recuałifegasion de tuto el patrimonio łigà a łe Viłe Vènete e dexviłupar rełasion culturałe stabiłe co łe rejoni Alpin-Adriateghe.
Rołi
- Coordinador: Giacomo Mirto
- Vixe-coordinador: Daniele Visentin
Notasion
- ↑ https://www.qdpnews.it/veneto/25241-indipendenza-veneta-e-siamo-veneto-annunciano-alle-elezioni-comunali-2019-correremo-insieme
- ↑ https://corrieredelveneto.corriere.it/veneto/politica/19_ottobre_18/nasce-palasportil-partito-venetila-lega-ha-traditoci-candidiamo-noi-9bb6b85e-f173-11e9-9244-6ef8808eace4.shtml
- ↑ https://www.ilfoglio.it/politica/2019/10/19/news/padova-oppure-roma-salvini-dinanzi-al-veneto-e-allitalia-281415
- ↑ http://www.lindipendenzanuova.com/regionali-grande-nord-e-ufficiale-lista-comune-con-il-partito-dei-veneti
- ↑ http://www.lindipendenzanuova.com/partito-dei-veneti-partenza-col-botto-per-la-futura-sudtiroler-volkspartei-del-veneto-ma-i-lombardi-hanno-capito-che-sono-in-ritardo
- ↑ https://partitodeiveneti.com/nasce-coord-di-verona/
- ↑ https://partitodeiveneti.com/coordinamento-pdv-vicentino/
- ↑ https://partitodeiveneti.com/coordinamento-padova/
- ↑ https://partitodeiveneti.com/pdv-venezia/
- ↑ https://partitodeiveneti.com/30-tsunami-veneto/
- ↑ http://www.trevisotoday.it/politica/tsunami-veneto-novembre-2019.html
- ↑ http://www.veronaeconomia.it/2019/12/01/leggi-notizia/argomenti/politica-congressi/articolo/tsunami-veneto-il-partito-dei-veneti-inizia-la-campanga-per-le-regionali.html
- ↑ https://partitodeiveneti.com/successo-tsunami-veneto/
- ↑ https://www.virgilio.it/italia/treviso/notizielocali/successo_del_partito_dei_veneti_lo_tsunami_veneto_riunisce_oltre_2000_partecipanti-60642981.html
- ↑ https://partitodeiveneti.com/stefano-zecchi-sindaco-venezia/
- ↑ https://www.veneziatoday.it/politica/elezioni-comunali-2020/lista-candidati-partito-veneti-professor-zecchi-sondaggio.html
Łinganbi foresti
