Difarense intrà łe version de "Partito dei Veneti"
| [Version verifegà] | [Version verifegà] |
p Alvise Morosin el ga spostà ƚa pàgina Partido de i Vèneti a Partito dei Veneti |
|
(Nisuna difarensa)
| |
Version de le 17:17, 7 mar 2020
| Dati | |
|---|---|
| Sorte | Eror Lua: callParserFunction: function " [[Categoria" was not found. |
| |
Partido de i Vèneti o Partito dei Veneti, par tajan, (scursà PdV) el xe on partido pułidego vèneto, nasesto 'nte 'l 2019.
El partido el xe nasesto el 9 de avrił de 'l 2019 e 'l xe formà da l'union de 10 partidi e movimenti independentisti e aotonomisti vèneti, pì altre łiste e reti siveghe łocai. El se candida a łe ełesion de'l Vèneto 'nte 'l 2020.
I partidi e movimenti che i ło forma i xe Independensa Vèneta, Semo Vèneto, Grupo Chiavegato, Grande Nord Vèneto, Rete 22 de Otobre, Vèneto Stado, Projeto Vèneto Aotonomo, Bełun Aotonoma Rexon Dołomiti, Prima el Vèneto e Popoło de San Marco. El xe el pì gran partido independentista e aotonomista teritoriał vènetista de 'l Vèneto. In pochi mexi i ga ciapà rento, oltra a i poideghi de i partidi de fondasion, poideghi, parlamentari, inprenditori e marigài vèneti.
Istoria
El 12 de łujo de 'l 2018 Independensa Vèneta e Semo Vèneto, a Pałaso Fero Fini (sede de 'l consejo rexonał vèneto), i fa on manifesto de acordo par corer insenbre a łe ełesion comunai de 'l 2019 e inpenjarse a unir el fronte independentista vèneto par łe ełesion vènete de 'l 2020.[1]
Dapò mexi de diałogo e discusion co partidi vènetisti IV e SV i se acorda co altri partidi e cusìta el 9 de avrił de 'l 2019 i sincue partidi independentisti e aotonomisti vèneti Independensa Vèneta, Semo Vèneto, Grupo Chiavegato, Vèneto Stado, Projeto Vèneto Aotonomo, pì altre łiste e reti siveghe łocai, i se unise 'nte 'l Partito dei Vèneti. El coordenador el deventa el Giacomo Mirto e 'l vixecoordenador Daniele Visentin.
Fra el 7 e 'l 16 de majo łe vien fate łe prime asenblee publeghe par presentar el novo partido 'nte łe provinsie vènete.
A inisio otobre i se unise a 'l PdV altri cuatro partidi: Grande Nord Vèneto, Rete 22 de Otobre, Vèneto Stado, Bełun Aotonoma Rexon Dołomiti e Prima el Vèneto. Łe sigle łe deventa nove.
El 19 de otobre co ła convention de Padoa el vien łansà in canpo el novo partido, che co i so pì de 1500 spetadori el sorprende łe spetatie. Par ła convention el se unise a 'l PdV on novo partido, el Popoło de San Marco, e cusìta i partidi unìi i deventa 10.[2][3][4][5] Fra otobre e novenbre, co ła crésita de 'l partido, i vien reorganixài i novi coordinamenti provinsiai, 'ncora pì radicài 'nte 'l teritorio.[6][7][8][9]
El 30 de novenbre ghe xe, in contenporanea 'nte łe provinsie de'l Vèneto, łe asenblee provinsai de 'l Partido de i Vèneti, che łe xe on gran suceson co pì de 2000 parsone prexenti.[10][11][12][13][14]
El 21 febraro 2020 el Popoło de San Marco el ze na fora dała coałision dopo che zera venjesto fora, sul Corriere del Veneto, el nome del probabiłe candidato ałe ełesion regionałi. El Popoło de San Marco el ga afermà ca ghe ze stà inconpatibiłità inte el metodo doparà par ła dezinjasion de el candidato e de i conseguenti difarenti contenuti ideołogeghi. [15]
Ideołoxia
El Partito dei Veneti el ciapa rento poideghi e ełetori de tante aree poideghe, unìi da'l obietivo de'l aotogoerno, de l'indepenedensa e de ła tuteła de ła cultura, de ła łengoa vèneta e de i interesi de i vèneti.
Aotogoerno e independensa
El primo obietivo de'l Partito dei Veneti el xe ła piena atuasion de'l articoło 2 de'l Statudo de ła Rejon Vèneto, des no atuà mia:
(VEC)2. Ła Rejon ła preserva e ła promove l’identità storega de’l popoło e de ła siviltà vèneta e ła ghe concor a ła vałorixasion de łe singołe comunidà.»
«1. L’aotogoerno de’l popoło vèneto el se atua 'nte łe forme respondente a łe carataristeghe e a łe tradision de ła so storia.— Art.2 de'l Statudo de ła Rejon Vèneto
Co ła desentrasion aministradiva, ponta anca a pì aotonomia par i comuni, łe comunidà montane, i conprensori e łe provinsie, co pì atension par i teritori spesai cofà Venesia, el Łago de Garda, el Połexine e łe xone montane cofà Bełun, ła Łesinia e 'l Altopian de Axiago.
El segondo obietivo, che el deventaria el primo se l'Itaja no ła vołese dar l'aotogoerno, el xe indir un referendum par l'independensa de'l Vèneto, par via istitusional, pasifega, łexitema e democradega traverso el prinsipio de aotodeterminasion de i popoi, e far de'l Vèneto na republega independente e sorana da'l Stado tajan.
Par ła fameja
Par defendar e sostenjer ła fameja el PdV vol introdur el coefisente de rexidensa par i rexidenti in Vèneto da almanco diexe ani. Cusìta el partido ponta a'l introdusion de servisi gratuiti de fixioterapista, ostetrica, e suporto psicołoxego-medego par łe mari prima e 'nte i primi mexi dapò el parto, na baby-card vèneta de 500 € a'l mexe par i beni e servisi de i bòcia 'nte i primi tre ani de vida, tuti i łibri e łe divixe gratuite par ła scoła de'l obligo, ła ridusion de le slot-machine, juti par i dixabiłi, juto a łe fameje co fioi par conprar ła prima caxa.
Par el łaor e l'inprexa
El PdV par judar i vèneti 'nte'l łaor el vol sbasar łe tase łe senplificar ła burocrasia, soratut par łe cee e medie inprexe, łibarałixar ła contratasion axiendal (par ła mejo redistribusion de ła richesa), far ła previdensa integrativa so model sud-tirołexe (łe pensioni che łe corisponde a i contributi pagài no łe vien tocàe), pì atension e vałorixasion par łe atività economeghe cee-medie e famejari 'nte i sentri istoreghi, i cuartieri e i cei e medi comuni, revixionar. El vol na revixion periòdica de łe pension de invałidità e indenità de dixocupasion e ła regołamentasion de i novi sentri comersiai.
Par ła rexonałixasion de'l fisco
El PdV vol tenjer el 90% de łe tase vènete in Vèneto, crear na "Axensia Rexonal de'l Contribuente', invertir l'onere de ła prova, potensiar ła fiscałità comunal e provinsiał, sbasar l'IRAP par łe axiende co sede łegał e operadiva in Vèneto e cavar ła faturasion ełetronega a łe axiende co manco de sincue dipendenti de manco de 80 eoro de faturasion a'l an.
Par na rinasita culturał vèneta
El PdV vol defendar el patrimonio culturał, istorego e identidario vèneto co l'introdusion de'l biłengoixmo vèneto-tajan so'l model sud-tirołexe e 'l insenjament de ła istoria e cultura vèneta. El Partido vol portar ła Sovraintendensa unjoła rexonał par tuto el patrimonio artistego e monumentał e ła recuałifegasion de tut el patrimonio łigà a łe Viłe Vènete e sviłupar relasioni culturai stabiłi co łe rexoni alpino Adriatege.
Rołi
- Coordinador: Giacomo Mirto
- Vixecoordinador: Daniele Visentin
Notasion
- ↑ https://www.qdpnews.it/veneto/25241-indipendenza-veneta-e-siamo-veneto-annunciano-alle-elezioni-comunali-2019-correremo-insieme
- ↑ https://corrieredelveneto.corriere.it/veneto/politica/19_ottobre_18/nasce-palasportil-partito-venetila-lega-ha-traditoci-candidiamo-noi-9bb6b85e-f173-11e9-9244-6ef8808eace4.shtml
- ↑ https://www.ilfoglio.it/politica/2019/10/19/news/padova-oppure-roma-salvini-dinanzi-al-veneto-e-allitalia-281415
- ↑ http://www.lindipendenzanuova.com/regionali-grande-nord-e-ufficiale-lista-comune-con-il-partito-dei-veneti
- ↑ http://www.lindipendenzanuova.com/partito-dei-veneti-partenza-col-botto-per-la-futura-sudtiroler-volkspartei-del-veneto-ma-i-lombardi-hanno-capito-che-sono-in-ritardo
- ↑ https://partitodeiveneti.com/nasce-coord-di-verona/
- ↑ https://partitodeiveneti.com/coordinamento-pdv-vicentino/
- ↑ https://partitodeiveneti.com/coordinamento-padova/
- ↑ https://partitodeiveneti.com/pdv-venezia/
- ↑ https://partitodeiveneti.com/30-tsunami-veneto/
- ↑ http://www.trevisotoday.it/politica/tsunami-veneto-novembre-2019.html
- ↑ http://www.veronaeconomia.it/2019/12/01/leggi-notizia/argomenti/politica-congressi/articolo/tsunami-veneto-il-partito-dei-veneti-inizia-la-campanga-per-le-regionali.html
- ↑ https://partitodeiveneti.com/successo-tsunami-veneto/
- ↑ https://www.virgilio.it/italia/treviso/notizielocali/successo_del_partito_dei_veneti_lo_tsunami_veneto_riunisce_oltre_2000_partecipanti-60642981.html
- ↑ https://www.facebook.com/davide.lovat/posts/2638666419565645
Łigami foresti
