Partito dei Veneti
{{
| Dati | |
|---|---|
| Sorte | partio pułìtego  |
El Partìo de i Vèneti (par vèneto) o Partito dei Veneti (par itałian), (scursà PdV) el xe un partìo pułitego vèneto.
El partìo el xe nasesto el 9 de avrił del 2019 e el xe formà da l'union de 10 partìi e movimenti independentisti e aotonomisti vèneti, pì altre łiste e reti sìveghe łocałi. El se ga prexentà a łe ełesion rejonałi vènete del 2020, co Antonio Guadagnini cofà candidà Presidente de Rejon. L'aspira ad èsar el pì grando partìo independentista e aotonomista teritoriałe del Vèneto.
I partìi e movimenti che i ło forma i xe: Independensa Vèneta, Semo Vèneto, Grupo Chiavegato, Grande Nord Vèneto, Rete 22 de Otobre, Vèneto Stato,Projeto Vèneto Autònomo, Bełun Autònoma Rejon Dołomiti, Prima el Vèneto e Pòpoło de San Marco.
Istoria
[canbia | canbia el còdaxe]El 12 de łujo del 2018 Independensa Vèneta e Semo Vèneto, a Pałaso Fero Fini (sede del Consejo Rejonal del Vèneto), i fa on manifesto de acordo par corar insenbre a łe ełesion comunałi del 2019 e inpenjarse a unir el fronte independentista vèneto par łe ełesion vènete del 2020.[1]
Dapò mezi de diàłogo e discusion co partii venetisti, IV e SV i se acorda co altri partii e el 9 de avrił del 2019 i sincue partii independentisti e autonomisti vèneti Independensa Vèneta, Semo Vèneto, Grupo Chiavegato, Vèneto Stato,Projeto Vèneto Autònomo (pì altre łiste e rete sìveghe łocai) i se unise inte el Partio de i Vèneti. El coordenador el deventa el Giacomo Mirto e el vixe-coordenador Daniele Visentin.
Fra el 7 e el 16 de majo łe vien fate łe prime asenblee pùbleghe par prexentar el novo partio inte łe provinsie vènete.
Inte el scumisio de otobre, se unise al PdV altri cuatro partii: Grande Nord Vèneto, Rete 22 de Otobre, Vèneto Stato,Bełun Autònoma Rejon Dołomiti e Prima el Vèneto. Łe sigle de l'union łe deventa nove.
El 19 de otobre el Partio dei Vèneti organixa ona convention al Palageox de Padoa par łansar in canpo el novo partio, che co i so pì de 1500 partesipanti, el sorprende łe spetatìe. Par ła convention el se unise al PdV on altro novo partio, el Pòpoło de San Marco, e cusìta i partii unìi i deventa 10.[2][3][4][5] Fra otobre e novenbre, co ła crésita del partio, i vien reorganixài i novi coordinamenti provinsiai, oncora e senpre pì radicài inte el teritorio.[6][7][8][9]
El 30 de novenbre ghe xe, in contenporanea inte łe provinsie del Vèneto, łe asenblee provinsiai del Partio de i Vèneti, che łe rixulta co pì de 2000 parsone prexenti.[10][11][12][13][14] El 21 fevraro del 2020 el Pòpoło de San Marco el va fora dal PdV par devergense sol candidà presidente.
El 12 de fevrer el Partio dei Veneti anunsa ła candidatura a mariga de Venesia del famoxo fioxofo Stefano Zecchi, sostenjùa anca da numaroxe asosiasion venesiane, cofà “Gruppo WSM”, "Europa Veneta" e “Cittadini Non Distratti ONLUS”, che łe intra inte el PdV. A'l programa del PdV par łe comunai de Venesia i judarà anca famoxe parsone cofà Philippe Daverio, Marco Tutino, Gabriele Lavia, Piergiorgio Odifreddi e Vera Slepoj, sostenjedori del partio.[15][16]
Ideołoxia
[canbia | canbia el còdaxe]El "Partio dei Veneti" el ciapa drento pułìdeghi e ełetori de tante aree, unìi dal fin de rivar al auto-goerno, de l'independensa e de ła tuteła de ła cultura e de ła łéngua vèneta e de i intaresi del popoło vèneto.
Auto-goerno e independensa
[canbia | canbia el còdaxe]El primo fin del Partio dei Veneti el xe cheło de rivar a na pì granda autonomìa par el Vèneto, co ła piena mesa in ato del articoło 2 del Statudo de ła Rejon Vèneto:
(VEC)2. Ła Rejon ła preserva e ła promove l’identità storega de’l popoło e de ła siviltà vèneta e ła ghe concor a ła vałorixasion de łe singołe comunidà.»
«1. L’aotogoerno de’l popoło vèneto el se atua inte łe forme respondente a łe carataristeghe e a łe tradision de ła so storia.— Art.2 del Statudo de ła Rejon Vèneto
Co ła desentrasion aministradiva, el ponta anca a pì autonomia par i comuni, łe comunidà montane, i conprensori e łe provinsie, co pì granda atension par i teritori spesiałi (cofà Venesia, el Łago de Garda, el Polexine) e łe xone montane (cofà el bełumat, ła Łesinia e l'Altopian de Axiago).
El segondo obietivo, che el deventarìa el primo se l'Itałia no ła vołese dar l'aotogoerno, el xe indir un referendum par l'independensa del Vèneto, par via istitusional, pasifega e democradega. Ła łezitimità de un referendum de sta sorta ła se gavarìa inte el prinsipio de aotodeterminasion de i popoi, reconjosùo da łe Nasion Unide.
Par ła fameja
[canbia | canbia el còdaxe]Par defendar e sostenjer ła fameja, el PdV el vol introdùxar el coefiçente de rexidensa par i rexidenti in Vèneto da almanco diexe ani. Cusìta el partio el ponta a l'introdusion de servisi publeghi e gratuiti de fixioterapìa, ostetrega, e suporto medego-psicołoxego par łe mari prima e inte i primi mexi dopo el parto, na baby-card vèneta de 500 € al mexe par i beni e servisi de i fioi inte i primi tre ani de vida, łibri e divixe gratuite par ła scoła de l'òblego, ła ridusion de łe slot-machine, juti par i dixàbiłi, juto a łe fameje co fioi par cronprar ła prima caxa.
Par el łaoro e ła dita
[canbia | canbia el còdaxe]El PdV par jutarghe ai vèneti inte el łaoro, el vol sbasar łe tase e senplificar ła burocrasia, soratuto par łe picenine e mèdie dite; liberałixar ła contratasion axiendałe (par na mejo redistribusion de ła richesa); introdùxar na forma de previdensa integrativa so model sud-tirołexe (łe pension che łe coresponde ai contribudi pagai, no łe vien tocàe); pì atension e vałorixasion par łe atività econòmeghe picenine-medie e famejari inte i sentri istòreghi, i cuartieri e i cei e medi comuni. El vol na revixion periòdega de łe pension de invałidità e indenità de dixocupasion e ła regołamentasion de i novi sentri comersiai.
Par ła rejonałixasion del fisco
[canbia | canbia el còdaxe]El PdV el vol el federałismo fiscałe co na pì forte jestion rejonal de łe tase vènete; crear na "Ajensìa Rejonal del Contribuente'; invertir l'ònere de ła prova; potensiar ła fiscałità comunałe e provinsiałe; sbasar l'IRAP par łe axiende co sede łegałe e operadiva in Vèneto e cavar ła faturasion ełetronega a łe axiende co manco de sincue dipendenti de manco de 80 euro de faturasion a l'ano.
Par na rinàsita cultural vèneta
[canbia | canbia el còdaxe]El PdV el vol defèndar el patrimonio culturałe, istòrego e identitario vèneto co l'introdusion del biłenguismo vèneto-itałian sol model sud-tirołexe e el insenjamento de ła istoria, cultura e łéngua vèneta a scoła. El Partio vol portar ła Sovraintendensa unjoła rejonałe par tut el patrimonio artìstego e monumental; ła recuałifegasion de tuto el patrimonio łigà a łe Viłe Vènete e dexviłupar rełasion culturałe stàbiłe co łe rejoni Alpin-Adriateghe.
Rołi
[canbia | canbia el còdaxe]- Coordinador: Giacomo Mirto
- Vixe-coordinador: Daniele Visentin
Notasion
[canbia | canbia el còdaxe]- ↑ https://www.qdpnews.it/veneto/25241-indipendenza-veneta-e-siamo-veneto-annunciano-alle-elezioni-comunali-2019-correremo-insieme Archivià il 13 de novenbre 2019 in Internet Archive.
- ↑ https://corrieredelveneto.corriere.it/veneto/pułìtega/19_ottobre_18/nasce-palasportil-partio-venetila-lega-ha-traditoci-candidiamo-noi-9bb6b85e-f173-11e9-9244-6ef8808eace4.shtml (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://www.ilfoglio.it/pułìtega/2019/10/19/news/padova-oppure-roma-salvini-dinanzi-al-veneto-e-allitalia-281415
- ↑ http://www.lindipendenzanuova.com/regionali-grande-nord-e-ufficiale-lista-comune-con-il-partio-dei-veneti (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ http://www.lindipendenzanuova.com/partio-dei-veneti-partenza-col-botto-per-la-futura-sudtiroler-volkspartei-del-veneto-ma-i-lombardi-hanno-capito-che-sono-in-ritardo (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://partiodeiveneti.com/nasce-coord-di-verona/ (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://partiodeiveneti.com/coordinamento-pdv-vicentino/ (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://partiodeiveneti.com/coordinamento-padova/ (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://partiodeiveneti.com/pdv-venezia/ (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://partiodeiveneti.com/30-tsunami-veneto/ (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ http://www.trevisotoday.it/pułìtega/tsunami-veneto-novembre-2019.html (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ http://www.veronaeconomia.it/2019/12/01/leggi-notizia/argomenti/pułìtega-congressi/articolo/tsunami-veneto-il-partio-dei-veneti-inizia-la-campanga-per-le-regionali.html Archivià il 19 de aprile 2021 in Internet Archive.
- ↑ https://partiodeiveneti.com/successo-tsunami-veneto/ (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://www.virgilio.it/italia/treviso/notizielocali/successo_del_partio_dei_veneti_lo_tsunami_veneto_riunisce_oltre_2000_partecipanti-60642981.html (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://partiodeiveneti.com/stefano-zecchi-sindaco-venezia/ (ligo ronpesto dispunìbiłe in Internet Archive; védarse el istòrego, la prima version e ła ùltema).
- ↑ https://www.veneziatoday.it/pułìtega/elezioni-comunali-2020/lista-candidati-partio-veneti-professor-zecchi-sondaggio.html (ligo ronpesto dispunìbiłe in Internet Archive; védarse el istòrego, la prima version e ła ùltema).
Łinganbi foresti
[canbia | canbia el còdaxe]- Sito ofisał (ligo ronpesto dispunìbiłe in Internet Archive; védarse el istòrego, la prima version e ła ùltema).
