Scorpions

Da Wikipedia, l'ençiclopedia libara.
Infotaula de personaScorpions
Scorpions - 01.jpg
Biografia
Nasimento
Morte
Formasion profesionałe
Supervizor dotorałe
Known by
Atività
Canpo de laoro
Ocupasion
Atività1965 - in atività
ZènareRock duro, heavy metal classico (it) Traduzi e power metal (it) Traduzi Cànbia el vałor in Wikidata
Influense
Infuensa
Mision spasiałe
Targheta discogràfega
Brain Records
Rhino Entertainment
RCA
Polydor Records
EMI
Mercury Records
PolyGram
BMG
Àlbun56
Àlbun stùdio18
Àlbun dal vivo7
Àlbun compilation31
Òpare in rezalto
Sèrie
Filmografia
Papers destacats
Repertòrio
Fiołi
Fradełi
Zenitori

Scorpions Logo.svg Cànbia el vałor in Wikidata

Sito webthe-scorpions.com… Cànbia el vałor in Wikidata
IMDB: nm1070263
Facebook place: Scorpions Twitter: scorpions Instagram: scorpions MySpace: officialscorpions Youtube: UCcvnDgwSH5Dl2b3Bxfz4OCQ scorpionsofficial Souncloud: scorpions-official Spotify: 27T030eWyCQRmDyuvr1kxY iTunes: 602212 Last fm: Scorpions Musicbrainz: c3cceeed-3332-4cf0-8c4c-bbde425147b6 Songkick: 295329 Discogs: 63552 Allmusic: mn0000299471

I Scorpions i ze un grupo muzegałe heavy metal de gran suceso, fondà inte'l 1965 inte ła sità de Hannover (a l'èpoga Zarmania Ovest) da'l ghitarista Rudolf Schenker.

Influensài łargamente da l'atmosfera dei ani sesanta, i Scorpions i ze deventà famozi inte i ani otanta co i brani Still Loving You, Rock You Like a Hurricane, No One Like You e Wind of Change, che i ga raprezentà un inportante ponto de refarimento par i sucesivi grupi de 'sto zènare muzegałe. Dopo sirca un desenio de declino el grupo el ga tacà da novo a produzer àlbunde granda cuałità cofà Unbreakable (2004), Humanity - Hour 1 publegà in tuto el mondo inte'l 2007 e Sting in the Tail, publegà inte'l 2010.

Tra i màsemi esponenti stòreghi del heavy metal, el grupo el ga vendesto in pì de sincuant'ani de atività pì de 100 miłion de dischi inte'l mondo[1] ed ła ze considarada come una de łe mazore reałtà muzegałe inte ła storia muzegałe todesca, europea e mondiałe par i zèneri hard rock ed heavy metal.

Biografia[canbia | canbia el còdaxe]

I ezordi (1965 - 1973)[canbia | canbia el còdaxe]

Michael Schenker, só fradeło del fondador Rudolf

Rudolf Schenker, ghitarista ritmico e mazor conpozidor de'l grupo, el ga fondà el so primo grupo muzegałe inte'l 1965. 'Sto grupo el ze restà anonemà par sìrca cuatro ani fin a cuando inte'l 1969 Schenker, daspò aver renomenà definitivamente el grupo Scorpions, el ga ingagià so fradeło menor Michael Schenker e el cantante Klaus Meine e i ga tacà parfesionar i so canoni muzigałi. inte'l 1972 el grupo, ormai pronto par l'ezordio ofisiałe inte łe sene muzegałe, el ga publegà el só àlbun de debuto, intitołà Lonesome Crow, co Lothar Heimberg a'l baso e Wolfgang Dziony a ła bateria. Durando el Lonesome Crow tour, i Scorpions ga sonà numaroze tape a'l fianco de'l grupo britanega UFO. 'Sto grupo el ga ofrìo un inportante ingagio come ghitarista prensipałe a Michael Schenker che'l ga desidesto perciò de łasar el grupo venjendo sostituìo tenporaneamente da Ulrich Roth.

Ła partensa de Schenker ła ga fazesto sì che i Scorpions i se desfase. inte'l 1973 Ulrich Roth el ga otenjesto na proposta da Rudolf de refondar el grupo ma el ghitarista el ga preferìo restar fedełe al só grupo, denomenà Dawn Road. Roth, che parò el vołeva łaorar co Schenker, ga invità el muzeghista a unìrse a'l so grupo. Co un poco de ezitasion, Rudolf el ga asetà e conpletà ła formasion de'l grupo afiacandose al basista Francis Buchholz e a'l baterista Jürgen Rosenthal. Dopo poche setemane el cantante Klaus Meine el ze stà insarìo inte'l grupo e ła formasion ła ga desidesto de renomenarse da novo Scorpions, sendo oramai un nome séłebre inte ła underground hard rock todesco grasie a ła presedente publegasion.

I primi àlbun (1974 - 1978)[canbia | canbia el còdaxe]

inte'l 1974 ła nova formasion dei Scorpions ła ga publegà Fly to the Rainbow, àlbun che'l ga otenjesto mazor suceso respeto a Lonesome Crow grasie anca a séłebri trase come "Speedy's Coming" e "Fly to the Rainbow". Poco dopo l'usida de'l disco, Jurgen Rosenthal el ga łasà el grupo par arołarse inte l'ezèrsito e el ze stà sostituìo da'l batarista belga Rudy Lenners.

Daspò un tour el grupo el ze tornà in studio de rezistrasion afiancà da'l séłebre produtor Dieter Dierks e inte'l 1975 el ga publegà un novo àlbun, intitołà In Trance. El disco el ga prezentà un son renovà conpletamente e i Scorpions i ga podesto fermamente stabiłizar el só sound hard rock, vadanjando senpre de pì l'aporto dei fans. Trase cofà "Dark Lady", "Robot Man" e "In Trance" le ze estàe séłebri inte ła storia de'l grupo.

Inte'l 1976 i Scorpions i ga publegà un novo àlbun, intitołà Virgin Killer, che'l ga fazesto vadanjar a'l grupo el só primo disco d'oro el cuało el ga resevesto pezante crìteghe a cauza de ła só coertina, ła cuała ła mostrava na toza preadołesente nùa patòca. Nonostante łe controversie, l'àlbun el ga vendesto un bon nùmaro de copie e el ga otenjesto òteme parołe da parte dei critisi. Inte'l 1977 Rudy Lenners el ga łasà el grupo a cauza de problemi de sałute e el ze stà sostituìo da Herman Rarebell.

El sèito de 'Virgin Killer, intitołà Taken by Force, el ze stà el primo àlbun dei Scorpions ad èsar publegà inte i Stati Unìi da ła RCA Records, l'eticheta intarnasionałe de'l grupo. El singoło "Steamrock Fever" el ga otenjùo un òtemo suceso radio e el ga parmetesto a l'àlbun de véndar na bona cuantità de copie. Roth no'l zera parò contento de'l łaor de l'eticheta discogràfega e, in dezacordo co i altri menbri, el ga desidesto de łasar el grupo durante el tour japoneze par unìrse al só novo grupo, i Electric Sun. Da'l conserto oltreoseano A ze stà comuncue reałizà un àlbun in vivo (live) intitołà Tokyo Tapes che'l ze stà publegà in tuto el mondo. Inte'l 1978, daspò na łonga serie de audision, Matthias Jabs el ze deventà el novo ghitarista dei Scorpions.

In sima al suceso (1979 - 1990)[canbia | canbia el còdaxe]

Rudolf Schenker, ła cołonna portante de'l grupo.

Inte'l 1979 i Scorpions i ga łasà ła RCA par firmar un contrato co ła Mercury Records. In azonta Michael Schenker, che'l jera stà calche setemana prima parà via dai UFO a cauza de ła só bała, el ze tornà inte'l grupo par un curto parìodo e el ga partesipà a łe rejistrasion de un novo àlbun. El disco, venjìo fora l'isteso ano co titoło Lovedrive, el ze considarà uno dei mejo prodoti de'l grupo. L'àlbun, che'l gavarìa dovesto èsar (in te i obietivi de'l grupo) el pì grando suceso Hard Rock mai reałizà in caza Scorpions, el ga sentrà in pien l'obietivo, e resta (dopo aver resevesto el premio par el mejo disco de l'ano, davanti ad adiritura Highway to Hell degli AC/DC) tutora uno dei mejo àlbun de senpre del cuinteto teutònego. Grasie a trase imortałi come "Loving You Sunday Morning", "Holiday" e ła strumentale "Coast to Coast". L'àlbun l'è stà provogadoriamente votà "Best album sleeve of 1979" da ła rivista Playboy grasie a ła só provocante coertina, inte ła cuała un omo oserva el seno nuo de na dona coverto solche da na sòrta de goma da mastegàr che ła se va a cołegar diretamente a ła só man. Lovedrive el ze montà a ła pozision n. 55 de łe clasifeghe meregane e el ga vendesto un gran nùmaro de copie in tuto el mondo.

Finìe łe rezistrasion Michael el ze stà convinsesto a restar inte'l grupo e Matthias Jabs el stà łisensià. Daspò un poche de setemane de tour, Michael el ze stà łisensià da novo a cauza de'l só alcołizmo e Jabs el ze tornà inte'l grupo. Inte'l 1980 el grupo el ga publegà l'àlbun Animal Magnetism, oncora co na cover provocante inte ła cuała na dona ła ze rafegurada in xanòcio de fronte a'l peto de un omo. El disco el raprezenta ła virada verso el pop metal, anca se za inte i ani setanta algune canson łe recalcava sto zènare. Nonostante òteme trase cofà "The Zoo" e "Make It Real", l'àlbun no'l ze stà ben acołiesto da ła crìtega. Daspò un poco de tenpo de 'sta usida, Meine el ga dovesto abandonar momentaneamente a cauza de problemi a łe corde vocałe.

I Scorpions.
I Scorpions in Concerto e el rełativo łogo sol sfondo.

El suceso de Blackout[canbia | canbia el còdaxe]

Inte el 1981 Meine ga perdesto ła voxe cusì gravemente che ghe xe stà anuncià che no'l gavarìa podesto più parlar coretamente. Durante ła convałesensa di Meine, el grupo band ga tacà łaorar a un novo album col contributo del cantante Don Dokken, ma ła riprexa de Meine xe stada straordenaria e, rientrà inte el grupo, ga conpletà łe registrasion de Blackout co ła voxe in perfeto órdene. Inte el disco Don Dokken ga cołaborà notevolmente a łe parti corałi par parmeter a Meine di no sforsarse masa e de conpletar cuindi łe so cure.

Blackout xe devegnesto uno dei best selling del grupo; el se ga poxisionà undexexemo in Inghiltera, primo in Xermania, inte i Stati Unii, in Fransa, in Japon, Austria, Svesia e Svizera. L'è devegnesto Disco de Platino grasie a łe canson come Dynamite, Can't Live Without You, When the Smoke Is Going Down, Arizona, Blackout e No One Like You.; xera stà prexentà durante el so segondo tour inte i Stati Unii d'America (suportai par l'ocaxion dai xovani Iron Maiden).

Inte el Blackout World Tour i Scorpions uxarà par ła prima e únega volta na mascotte inte i so concerti: xera ła cover de ła covertina de Blackout. Da Blackout fin pì tardi, inte i so concerti i Scorpions ga creà "ła piramida": tuti i conponenti formava na piramida umana, altre volte ła piramide ła xera formà noma che da Rudolf Schenker (senpre a ła sanca), Matthias Jabs (senpre a ła drèta) e Klaus Meine che el stava senpre so łe ganbe dei conpagni.

El 29 de majo 1983 el grupo l'a parteçipà al US Festival che se ga tegnesto al Glen Helen park a San Bernadino, Całifornia, in cuałità de co-headliners co i Van Halen davanti a ben 300.000 persone. In so conpagnia ga sonà anca altri famoxi grupi tra i cuałi: Judas Priest, Ozzy Osbourne, U2, The Clash e altri.

Ła sima: Love at First Sting[canbia | canbia el còdaxe]

Inte el 1984 el novo album, intitołà Love at First Sting, uno dei album pì vendesti de ła storia del rock, ga catapultà i Scorpions inte l'enpireo del Rock e łi ga trasformà in star internasionałi.

El disco ga scałà łe clasifeghe e xe deventà dopio platino ma xera stà da novo criticà a cauxa de ła so covertina che mostrava un omo baxar na dona faxéndoghe al steso tenpo un tatuajo so łe łache.

Tanti negosi ga refudà de vendar sto disco, e el fato xe deventà na gag del film satirico This Is Spinal Tap. MTV ga fato anca a łongo xirar i video de Rock You Like a Hurricane, Bad Boys Running Wild, Big City Nights e Still Loving You, contribuindo de fato al suceso del disco.

Inte el 1985 i Scorpions ga rejistrà el live album World Wide Live, che xe xonxesto a ła poxision n. 17 de łe clasifeghe mericane. Senpre inte el 1985 i Scorpions ga sonà al famoxo Rock in Rio tegnùo a Rio de Janeiro in conpagnia de altri storeghi grupi cuałi AC/DC, Iron Maiden, Queen, Whitesnake, Yes e Ozzy Osbourne.

Inte el 1986 i se ga exibio al Monsters of Rock, par ła prima volta in un paexe oltra ła cusìdita cortina de fèro, in un periodo inte el cuało i do blochi orientałe e ocidentałe xera oncora contraponesti da ła guera freda.

Savage Amusement e Crazy World[canbia | canbia el còdaxe]

I Scorpions al Gods of Metal el 2 de zugno 2007

Inte el 1988 el grupo ga rejistrà un novo album, intitołà Savage Amusement. L'album se ga piasà al nùmaro tre de łe clasifeghe anuałi statunitensi e al primo in cuełe Europee, e'l xe stà seguìo da enexemo tour mondiałe. El disco anca se'l prexentava un sound a trati pì visin a łe sonorità pop che se polo aconparar al stiłe dei Def Leppard, se ga rivełà un bon suceso e'l ga vendesto ben.

Durante el Savage Amusement touri Scorpions xera stai tra i primi grupi de l'ovest a sonar inte l' Union Sovietega co un concerto a San Pietroburgo. Inte el 1988 i Scorpions xe andai al Monster of Rock par ła segonda volta fasendo da headliner insieme ai Van Halen.

L'ano drìo ła band xe tornà da novo in Rusia par na aparision al Moscow Music Peace Festival e, come rexultado, ga otegnesto na otima popołarità in sta area: jera l'agosto 1989 e in conpagnia de altri grupi oçidentałi, cuałi Bon Jovi, Mötley Crüe, Skid Row, Cinderella e Ozzy Osbourne, se ga exibìo davnati a 260 miłe rock fan rusi, al Moscow's Lenin Stadium. Durante sta serie de exibision Meine sostegnerà de aver vedesto i soldai de l'Armada Rosa piànxer a łe note de Holiday e cuesto ghe chiede l'ispirasion che ło portarà a scrivar drìoman ła famoxa hit Wind of Change. Par seràr el contrato co ła caxa discografega EMI, i Scorpions i publega inte el 1989 un album antołoxego intitołà Best of Rockers 'n' Ballads in cui spica el brano inedito Can't Explain (cover dei The Who) e alcune version remixae dei so sucesi. L'album otien un inaspetà suceso vinçendo el disco d'oro (el sètemo de ła band) inte i States e ceusto parmete ai Scorpions de parteçipar al megaconcerto organixà da Roger Waters inte el 1990 e ciamà aponto "The Wall" par çełebrar ła caxùa del muro de Berlin cantando ła canson "In the Flesh". El grupo ga un ròło inportante tra i artisti ospiti, faxendo e conpagnando cuatro canson.

Vołendose definitivamente destacar dal son produxesto inte l'ùltemo album, i Scorpions ga łiçensià Dieter Dierks e i ga asumesto come nuovo manager Keith Olsen. Tornai in studio, drìo el trionfante tour europeo el grupo ga inçidesto Crazy World, disco che, grasie a un novo sound e a testi più parteçipi a ła travajada sena połitega del periodo, xe devegenesto un suceso de vendite: co ła soła Wind of Change, che xe stà publegà come sìngoło, el grupo xe riusìo a incasar na mostruoxa soma de danaro, sìrca 7 milion de dołari.

Ła bałàdaWind of Change xe stà ła canson hit del 1991 in tuto el mondo, ocupando ła poxision nùmaro 1 de łe hit parade de 11 nasion e riçevendo el World Music Award come mejo canson che un grupo todesco gabia mai fato.

I ani novanta[canbia | canbia el còdaxe]

I Scorpions in concerto a Ankkarock in Finlandia el 3 de agosto 2003

Inte el 1992 Francis Buchholz xe stà łicensià dal grupo a cauxa dei so grosi problemi col fisco todesco e'l xe stà sostituio da Ralph Rieckermann. El basista el conparise tutavi os ła covertina de l'album antołozego Still Loving You usio sol marcà in istà e contegnente na cołesion de ballads più l'inedito Living for Tomorrow.

Inte el 1993 i Scorpions i ga publegà Face the Heat col novo produtor Bruce Fairbairn. El sound del disco se ga rivełà pì metałego e ga fato sì che tanti fans, insodisfai, sbandonase el grupo. Nonostante sto fato i sìngołi Alien Nation e Under the Same Sun ga otegnuo un bon suceso, che no se pol aconparar parò a cueło razonzesot dal presedente Wind of Change.

Klaus Meine

In un'intervista so Face the Heat, Klaus Meine ga dizesto :

Klaus Meine
Go conponesto sta canson (Under the Same Sun) insenbre a Mark Hudson, un conpozidor statunitense; Bruce Fairbairn me ga dito «Klaus parcosa no ti conponi na canson insenbre a calchedun altro, par védar cosa che nase». Cusì A me so catà co Mark Hudson che el gaveva conponesto un paro de canson sol nostro ùltemo album. Łu el ze un gran pasionà dei Beatles come mi, co sta otega semo andai so un restorante itałian cantando canson dei Beatles, una drio chealtra. El paron del restorante ne ga dito «...A gavì da tornar doman de sera e cantar par nualtri, ve dazeremo da magnar a maca». El dì drio Mark el ze vegnuo catarme co na chitara da 30 dołari e el me ga fato sentir ła canson Under the Same Sun; gavevo ła me Video-camara e ghe go dito «Speta Mark che faso un video». Ła stesa sera semo andai in studio a Vancouver e ghemo sonà ła canson; cueło che se sente sol disco xe ła sesion orixinałe.

Inte el 1994 i Scorpions ga vinsesto par ła segonda volta el World Music Award, suceso anplifegà da un concerto in tributo a Elvis Presley, insenbre a Michael Jackson, tegnuo a Memphis. Inte el 1995 xe stà publegà un novo live album, Live Bites, el cuało ga documentà łe exibision dal Savage Amusement Tour del 1988 al Face the Heat Tour del 1994. Xe prexenti anca do brani inediti in version studio: White Dove e Heroes Don't Cry.

Prima de l'usida del tredezezemo disco da studio, Pure Instinct del 1996, el baterista Herman Rarebell ga łasà el grupo par fondar na caza discografega. Curt Cress ga sonà so l'album prima che James Kottak devengnese el sostituto permanente. Pure Instinct ga prezentà na notevołe cuantità de bałate e i sìngołi Wild Child e You and I ga otegnesto un suceso moderà.

Inte el 1999 xe stà publegà Eye II Eye che ga prexentà un canbio stiłistego del grupo, el cuałe ga utiłizà ełementi mixai de derivasion pop e techno.

El disco xe stà mal acoliesto dai fan e'l video del sìngoło To Be No. 1, ispirà a ła storia de Monica Lewinsky, xe restà sìnboło da l'insuceso de sto album. So ła cover de Eye to Eye jera prezenti solchè i menbri storeghi, o sia Jabs, Meine e Schenker.

Co ła cołaborasion de ła Berlin Philharmonic, el grupo ga publegà un novo album, Moment of Glory, che ga fato riaforir łe critiche so ła band, acuzà de aver imità l'idea de ła thrash metal band Metallica prezentada inte l'album live S&M, conponesto co ła cołaborasion de ła San Francisco Symphony.

I Scorpions se ga defendesto sostegnendo che sto projeto jera za nasesto inte el 1995 ma no i gaveva mai catà modo de reałizarse, ma comuncue el disco se ga rivełà scarso in cuałità e'l ga venduo poche copie.

Inte el 2001 i Scorpions ga publegà Acoustica, album live co revizitasion in ciave acustega dei so brani pì sełebri. Gnanca sto album, scarsamente prezià dai fan, xe riusìo a resołevar łe sorte del grupo[2][3][4][5][6].

Unbreakable (2004-2006)[canbia | canbia el còdaxe]

Inte el 2004 i Scorpions i ga desidesto de tornar al son dei veci tenpi e i ga publegà Unbreakable, disco che ga prezentà un son pì pezante e ben zestìo da trase come New Generation, Love 'em Or Leave 'em e Deep and Dark, che ga vendesto pì dei presedenti. L'album (che vede l'entrada in sena del novo basista Pavel Maciwoda) ga portà a un tour mondiałe intra el 2005 e el 2006 (fato in conpagnia dei Judas Priest): de sto tour spica ła data del concerto al Wacken Open Air Festival de l'edision 2006, concerto che se tien anualmente a Wacken, visin a Anburgo in Zermania. Intitołà A Night To Remember el concerto ga durà scuazi 3 ore co un totałe de 62.000 fans. Cheła sera al de fora de ła line-up corente de ła band (Rudolf Schenker, Klaus Meine, Matthias Jabs, James Kottak, Paweł Mąciwoda) jera prezenti anca Uli Jon Roth (chitarista del grupo intra el 1973 e el 1978), Michael Schenker (anca łu chitarista, inte el grupo intra el 1969 e el 1972 e 1979, fradèło minro de Rudolf Schenker), Herman Rarebell (baterista dal 1977 al 1995). Come ospite ghe xe stà anca Tyson Schenker, so fio de Michael e chitarista de otimo łiveło che ga sonà el famozo Bolero di Ravel. Sto concerto xe stà filmà. El DVD el xe stà meso in comersio ofisialmente el 10 de disenbre in tuto el mondo. L'altro grando momento de sto tour ga avùo łogo durante l'istà del 2006 (8 de łujo), co i Scorpions ga dazesto un gran concerto in Canada, a Québec par el Quebec City Summer Festival, davanti a pì de 80.000 persone. Senpre inte el 2006 i Scorpions ga publegà el DVD 1 Night in Vienna che ga prezentà 14 trase live e un documentario conpleto so'l grupo.

Humanity - Hour 1 e Sting in the Tail (2007-2010)[canbia | canbia el còdaxe]

El 25 de majo 2007 xe vegnùo fora in tuto el mondo un novo album del grupo, intitołà Humanity - Hour 1, el 21º dei Scorpions, che ga prezentà sonorità inedite par el grupo e pì visine al nu metal. El 2 de zugno 2007 i Scorpions se ga ezibìi, dopo 8 ani e asensa, in Itałia par sonar al festival Gods of Metal a l'idroscało de Miłan.

Ghe sarà Humanity Hour II?, parołe del cantante Klaus Meine: Cuesto xe ciò che tuti se xe drio domandar. Podarìa èsar, chi ło sa?, deso nialtri ghemo tacà el novo tour, el beło xe che łe canson vècie sta ben co cuełe nove. Ghe xe tanti fans łà fora, tra staltri ghe xe cuełi de vècia data e anca tozi zovani. Fin deso A ghemo sonà a Łondra e a Parize e łì ghe jera un mucio de zovani, el beło xe che cantemo canson che xe stae scriveste prima che i nasese, e cuesto xe tanto beło. Xe tanto beło védar ła zente che gode sentindo sta nova mùzega., [[#CITEREFCuesto xe ciò che tuti se xe drio domandar. Podarìa èsar, chi ło sa?, deso nialtri ghemo tacà el novo tour, el beło xe che łe canson vècie sta ben co cuełe nove. Ghe xe tanti fans łà fora, tra staltri ghe xe cuełi de vècia data e anca tozi zovani. Fin deso A ghemo sonà a Łondra e a Parize e łì ghe jera un mucio de zovani, el beło xe che cantemo canson che xe stae scriveste prima che i nasese, e cuesto xe tanto beło. Xe tanto beło védar ła zente che gode sentindo sta nova mùzega.|op. cit.]], Klaus Meine

Inte'l zenaro 2010 vien reportada dal sito de ła band ła notisia che al termano de ła łonga tournée Get Your Sting and Blackout World Tour che seguirà el novo album Sting in the Tail el grupo se desfarà definitivamente, serando drio suazi 50 ani ła so storia[7].

"Sting in the Tail" xe stà publegà el 17 de marso 2010 (14 marso in Gresa), e'l raprezenta l'ùltemo album in studio dei Scorpions. El prezenta un son desconpagno dai suoi direti predesesori, in cuanto el se avisina tanto ai soni Hard rock/Hard n'Heavy dei ani otanta, co un son fresco e neto e donca moderno, na sorta de "regało de adio" ai fans, in partegołar a cuełi de łonga data.

El 27 de marso 2010 i se ga ezibìi inte'l programa "Wetten Dass..?" insenbre al sopran finlandezo Tarja Turunen inte'l primo sìngoło del novo album: "The Good Die Young"!

Return to Forever e Born to Touch Your Feelings - Best of Rock Ballads (2014-presente)[canbia | canbia el còdaxe]

El grupo, pur anunciando inte'l zenaro 2010 el ritiro, co finise el 2014 anuncia ła publegasion de un novo album in studio che vien publegà inte i primi mezi del 2015; se trata de un album de brani scrivesti inte i ani 80, drìoman riprendesti e registrai tra el 2011 e'l 2014.

Inte'l 2015 i Scorpions ga anuncià el dizdotezemo àlbun in studio, intitołà Return to Forever e prevedesto par el 20 de febraro del steso ano. Par sto àlbun, el grupo ga reałizà 19 brani: 12 prezenti inte ła varsion standard e 16 in cueła deluxe. Ad antisipar ła publegasion xe stà el sìngoło We Built This House, publegà el 30 de zenaro par el download dizitałe.[8]

L'11 de marso 2016 ze venjesto fora in edision łimitada na riedision del àlbun denominada Tour Edition contenjente 3 dischi de cui el primo ze el CD conponesto da łe 19 trase registrae par sto àlbun, i altri ze do DVD che contien łe registrasion de do concerti del tour 2015; DVD 1 (Live in Brooklyn, 12 de setenbre 2015), DVD 2 (Live at Hellfest Francia, 20 de zugno 2015).

El 12 de setenbre 2016 Mikkey Dee, za baterista dei King Diamond e Motörhead, entra a far parte del grupo.[9] Dee jera za turnista dal zenaro 2016, cuando che'l gaveva sostituìo James Kottak.[9]

El 24 de novenbre 2017 ze stà publegà da ła RCA Records ła racolta Born to Touch Your Feelings - Best of Rock Ballads includesti tre novi inediti.

El 28 de avrìl 2020, i Scorpions ga publegà (so'l so canałe YouTube) na nova canson (un curtometrajo de 2 minuti e 16 segondi) intitołada Sign of Hope, ispirada a ła pandemia COVID-19. Tra el 2018 e'l 2020 el grupo ga łaorà a l'insizion de un novo àlbun de inediti che gavarìa da èsar publegà inte'l 2021.

Stiłe e influense[canbia | canbia el còdaxe]

I Scorpions inte'l 2018 in un concerto a Dessel, durando el Graspop Metal Meeting

El son hard rock/heavy metal produzesto dai Scorpions el ga ispirà racuante band sucesive a łori, cofà Krokus, Accept, Mötley Crüe, Iron Maiden e tanti altri, ma soratuto i conasionałi Bonfire, considarai i veri eredi de'l grupo todesco. I Scorpions i ga avesto un ròło notevołe de ispiradori, contribuìndo asé a ła nasita ds vari sotozènari de l'heavy metal e de'l rock in zenarałe. Inte ła só zoventù, Rudolf Schenker el ga dito un mucio influensà da grupi cofà i Rolling Stones, mentre Klaus Meine el ze stà influensà da grupi manco agresivi, cofà i Beatles. Da łe só notevołe influense dei ani sesanta, Rudolf Schenker el ga mantegnesto un modo de sonar setantian, a difarensa de Matthias Jabs che'l prezenta un stiłe fluido e vełose caratarìstego dei ani otanta.

El só primo àlbun Lonesome Crow, el ze fortemente orientà so'l rock psichedèłego ałora in voga in Zarmania (nomenà "Krautrock"). Co'l só segondo àlbun, Fly to the Rainbow, el grupo el scumisiarà a razonzer l'hard rock de cui A ze noti (tra cui spica el brano Speedy's Coming). Ma A ze co l'albun drio, In Trance, che i Scorpions i stabiłise definitivamente el só zènere: l'hard rock psichedèłego. In chel momento el só stiłe el zera ùnego grasie a'l ghitarista Ulrich Roth, łargamente influensà da Jimi Hendrix, co na vena di neo-clasisizmo che ła podeva èsar catà in Ritchie Blackmore dei Deep Purple a'l momento. Łe só influense łe ze vizibiłe: A se trata de grupi cofà Led Zeppelin, Deep Purple, Blue Öyster Cult e Alice Cooper.

In sèito a ła partensa de Roth el grupo el intraprendarà un ponto de zvolta par ła só cariera inte ła modernizasion de'l só zènare. El ponto de zvolta el ze avenjesto co Lovedrive, de'l 1979, e ła ze dovùa a'l contributo desizivo de'l novo ghitarista Matthias Jabs, co'l só son pì moderno de cueło de Roth e pì visin a un stiłe paragonabiłe a cueło de Eddie Van Halen. Cuesto el ze el son che'l se riunirà inte'l corso dei ani otanta, sinònemo de suceso intarnasionałe par el grupo.

I Scorpions i ze considarà inportanti esponenti de l'heavy metal, i ga infroensà racuanti grupi e i ga raprezentà el son heavy metal caratertìstego dei ani otanta. Le só canson inte ła so cristałinità, i só arpegi i ga influensà grupi cofà Dokken, Def Leppard, Ronnie James Dio, Bon Jovi. Lovedrive, Blackout e Love at First Sting i ze considarà intrà i pì grandi àlbun de heavy metal, mentre Tokyo Tapes e World Wide Live łe ze considaràe come parte dei mejo live rock. I Scorpions i ze stà nomenài ła 46a più grande band de hard rock di VH1. La rivista Rolling Stone ła ga definìo i Scorpions "ii eroi de l'heavy metal".

Formasion[canbia | canbia el còdaxe]

Search ballonicon2.svg Par savèrghene de pì, vardarse ła voxe Formazione degli Scorpions.


Formasion atuałe[canbia | canbia el còdaxe]

Ex menbri prensipałi[canbia | canbia el còdaxe]

Discografia[canbia | canbia el còdaxe]

Search ballonicon2.svg Par savèrghene de pì, vardarse ła voxe Discografia degli Scorpions.


Albun in studio[canbia | canbia el còdaxe]

Videografia[canbia | canbia el còdaxe]

Search ballonicon2.svg Par savèrghene de pì, vardarse ła voxe Discografia degli Scorpions#Videografia.


Notasion[canbia | canbia el còdaxe]

  1. (EN) Scorpions Forsee Fantastic Future Following Farewell, billboard.com, 1º febbraio 2010. entrada il 1º febbraio 2010.
  2. Recension di Acoustica su Truemetal.it (ligo ronpesto dispunìbiłe in Internet Archive; védarse el istòrego, la prima version e ła ùltema).truemetal.it.
  3. Rudolf Schenker su Dinosaur Rock Guitardinosaurrockguitar.com. entrada il 20 ottobre 2019 (archivià dal URL orizenałe il 2 ottobre 2008).
  4. Schenker brother Rudy e Michaeldeanguitars.com.
  5. Gli Scorpions su All Music Guideallmusic.com.
  6. The 100 greatest artist of Hard Rockvh1.com.
  7. Scorpions: "Disco, tour e poi ci sciogliamo"
  8. Claudia Attanasi, Scorpions - We Built This House (Radio Date: 30-01-2015), EarOne, 26 gennaio 2015. entrada il 29 gennaio 2015.
  9. 9,0 9,1 √ Mikkey Dee (Motörhead) è il nuovo batterista ufficiale degli Scorpionsrockol.it. entrada il 13 settembre 2016.

Bibliografia[canbia | canbia el còdaxe]

  • Christe, Lan. Suono della bestia. La storia completa del Heavy metal. HarperCollins 2003. ISBN 0-380-81127-8
  • Martin C. Strong. The great rock discography., Giunti, 1998. 1120 ISBN 88-09-21522-2
  • Walser, Robert. Running with The Devil. Wesleyan University Press, pgs. 2. ISBN 0-8195-6260-2.
  • M. C. Strong (1998). The great rock discography. Giunti, pg. 722. ISBN 88-09-21522-2.
  • Philip Dodd (2005). The Book of Rock: from the 1950s to today. Thunder's Mouth Press. ISBN 1-56025-729-6.
  • Scorpions Biography. www.bighairmetal.com. Retrieved on 2008-04-12.
  • All Music Guide review of the album. allmusic.com. Retrieved on 2007-05-18.
  • Klaus Meine podcast interview. Stuck in the 80s (2007). Retrieved on 2007-11-26.
  • Interview with Klaus Meine. Classic Rock Revisited (2007). Retrieved on 2007-11-17.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN153545381 · ISNI (EN0000 0001 1091 6387 · LCCN (ENn92004348 · GND (DE5168096-8 · BNF (FRcb139064042 (data) · WorldCat Identities (ENn92-004348
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Scorpions&oldid=1101960"