Partio Sociałista Italian
(it) Partito Socialista Italiano 
| |||||
|
|||||
 | |||||
| Dati | |||||
|---|---|---|---|---|---|
| Nome scursà | PSI | ||||
| Sorte | partio pułìtego | ||||
| Ideołozìa pułìtega | sociałismo (–1985) sosialdemocrasìa (1976–) Sociałismo liberałe (1985–) | ||||
| Istòria | |||||
| Creasion | 14 de agosto del 1892 | ||||
| Desołusion | 12 de novenbre del 1994 | ||||
| Atività | |||||
| Menbro de | Partio del Sociałismo Eoropeo Internasionałe Oparara Sociałista (1930–1940) | ||||
| Menbri | 674 057 (1991) | ||||
| Governo d'impresa | |||||
| Presidènsa | Filippo Turati Bettino Craxi Giuliano Amato Sandro Pertini Pietro Nenni Giacomo Mancini | ||||
| Altri | |||||
| Cołore | | ||||
.svg)
El Partio Sociałista Itałian (PSI) el xe sta on Partio pułitego fondà inte el 1892 e operante fin al 1994.
Durante el rexime fasista e, in partegołare, dopo ła metesta al bando de tuti i partii a ecesione del PNF, el PSI el ga continuà, inte i łimiti del posibiłe, ła so atività inte ła clandestinità, mentre ła diresion del Partio ła intentava de informarse so ła vita pułìtega del Stato e de influirghe da l'bando fransexe.
Łe orìxeni del movimento sociałista in Itałia
[canbia | canbia el còdaxe]In Itàlia ła crèsita del movimento operàio ła se ga dełineà so ła fin del XIX secoło. Łe prime organixasion de lavoradori łe xe łe società de mùtuo socorso e łe cooperative de tradision marxista e a fin sołidarìstego.
I primi a sostegnere ła nesesità de incanałar łe enerxie rivołusionàrie inte on'organixasion partitega i xe sta Bignami e Gnocchi-Viani co ła rivista " La Plebe". inte el 1881 Andrea Costa el ga organixà el Partio Sociałista Rivołusonàrio de Romagna, che el sostegneva, intrà l'altro, łe łote dei łavoradori, ła ajitasion par riforme economeghe e pułiteghe, ła partesipasion a łe ełesion aministrative e pułiteghe.
El Partio de Costa el ga catà on mùcio dificoltà anca se el xe sta bon de èsare ełexesto inte ła Camara dei Deputai cofà co el so primo deputà sociałista. Inte łe ełesion del 1882 a se ga presentà el Partio Operaio Itałian, ma sensa nisun suceso. Intrà-tanto el movimento operaio el se organixava in forme pì conplese: Federasion de mestiere, Camare del laoro, etc. Łe Camare de Laoro łe se ga trasformà in organixasion autonome e łe xe diventae el ponto de cato a łiveło sitadin e de tuti i laoradori.
El Partio da ła nàsita al rivo de ła Republega
[canbia | canbia el còdaxe]1892: fondasion del Partio
[canbia | canbia el còdaxe]So ste baxi inte el 1892 a xe nasesto a Genoa el Partio dei Lavoradori Itałiani che el ga ciapà l'eredità del Partio Operaio Itałian nasesto inte el 1882 a Miłan, ła Lega Sociałista Miłanexe - de ispirasion riformista, fondada inte el 1889 par inisiativa de Turati - e racuante łighe e movimenti itałiani che i se rifà al sociałismo de ispirasion marxista. Intrà i promotori de ła formasion del PSI a ghe xe Filippo Turati, Claudio Treves, Leonida Bissolati, Ghisleri, Ferri, tuti provenienti da l'esperiensa del Poxitivismo. Turati el xe l'erede del radicałismo democràtego; inte el 1885 a se xera metesto insieme co ła rivołusionaria Anna Kuliscioff; el conoseva łe opare de Marx e Engels, el xera atresto da ła socialdemocrasia todesca e da łe asociasion operaie łonbarde. Turati el considera el Sociałismo no dal ponto de vista insuresionałe, ma cofà on'ideałe da całar inte łe spesìfighe situasion storeghe.
A xe inte el 1893 che el Partio Sociałista el se dà on'autonomia e on nome ofisial (Congreso de Rejo Emìlia). inte l'otobre del 1894 el Partio el xe sta desfà par decreto a càuxa de ła represion crispina. In contrapoxision a ła represion a ghe xe sta na leansa democratego-sociałista inte łe ełesion del 1895.
1912: ła sision del PSRI de Bissolati
[canbia | canbia el còdaxe]El congreso straordinario, convocà a Rejo Emìlia, el ga fà aumentar łe divixion che łe traersava el Partio inte i rivardi de l'inprexa de Libia. A ga trionfà ła corente masimałista de Benito Mussolini e ła xe sta espełesta l'area riformista, che ła gavea a cao Bonomi e Bissolati. St'ùltemo, inte el 1911 el xera ndà al Cuirinałe par łe consultasion seventi ła crixi del Goerno Lusatti, cauxando el malcontento del resto del partio, anca cueło de Turati, esponente de rexalto de l'altra corente riformista. Bissolati e i soi, i ga dà vita al Partio Sociałista Riformista Itałian (PSRI).
1914: ła crixi de l'interventismo
[canbia | canbia el còdaxe]Co el s-ciopo de ła Prima guera mondiałe el Partio el se ga movesto par ła neutrałità de l'Itałia, ma co drento forte spacadure che łe ga catà on punto de mediasion inte ła formuła "no se aderise, no se sabota" de Costantino Lasari.
Partendo dai ani vinti, co l'emèrxare-sù del Partio Nasionałe Fasista, łe diverse àneme del movimento sociałista łe ga dà vita a tri difarenti partii.
La sision dei comunisti (1921), cueła riformista (1922) e ła clandestinità
[canbia | canbia el còdaxe]Inte el 1921 a se ga tegnesto Livorno el XVII congreso del partio. Dopo dì de forte debàtito, i masimałisti unitari de Serrati i ga sunà so 89 028 voti, i comunisti puri 58 783, e i riformisti consentrasionisti 14.695. I comunisti de Bordiga e Gramsci i xe ndai fora dal congreso e i ga fondà el Partio Comunista d'Itałia, co el fin de aderir ai 14 ponti de ła Internasionałe sociałista. Lenin, defati, el gaveva invità el PSI a conformarse al detà e a butar fora ła corente riformista de Turati, Treves e Pranpolini, risevendo parò ła contrarietà da parte de Giacinto Menotti Serrati che no el intendeva par njiente rónpare co calcheduna de łe voxe piì autorévołi (anca se minoritàrie) del partio.
Inte l'istà del 1922 Filippo Turati, sensa rispetar ła disiplina del partio, el xe ndà da Vittorio Emanuele III par łe consultasion par risòlvare ła crixi de goerno. Tutavia a no xe sta posibiłe rivare a on acordo co Giolitti, e el re el ga dà l'incarego a Facta. Par aver viołà el divieto de cołaborasion coi partii borghexi, ła corente riformista ła xe sta espełesta, a otobre, inte i dì cuà i ga precedesto ła Marcia so Roma. Turati e i soi, i ga dà vita al Partio Sociałista Unitario co segretàrio Giacomo Matteotti, copà dai fasisti inte el 10 de zugno 1924. Tra el 1925 e el 1926 Mussolini el ga vietà i partii de opoxision e costrinxesto a l'bando o al confin i sociałisti. A xe pròpio durante el exìlio che, inte el 1930, in Fransa, a ghe xe sta ła reunifegasion tra i riformisti de Turati e i masimałisti, guidà dal xóvane Pietro Nenni.
Ła rinàsita (1943)
[canbia | canbia el còdaxe]El 22 de agosto 1943 a nase a Roma el Partio Sociałista de Unità Prołetaria (PSIUP) che el ingrupa na parte granda de personałità influenti de ła sanca itałiana antifasista, cofà el futuro presidente de ła Republega Sandro Pertini, el scritor Ignaxio Silone e el intełetuałe Lelio Basso. A devegner segretàrio del Partio, el sarà Pietro Nenni.
El PSIUP durante ła Rexistensa el ga partesipà ativamente al Comità de Liberasion Nasionałe tacandose al Partio Comunista Itałian, co na połitega de unità de asion volxesta a modifegar łe istitusion in senso sociałista. Sta pułitega, no ben vedesta da ła drita del Partio guidada da Giuseppe Saragat, ła xera in bona parte łigada a ła preocupasion che łe divixion interiori a ła clase operàia łe gavarìa podesto favorir i movimenti de ła drita autoritària, cofà che xera capità inte el primo dopoguera col fasismo.
Da ła Costituente al sentro-sanca
[canbia | canbia el còdaxe]La sisione socialdemocràtega
[canbia | canbia el còdaxe]El 10 de xenaro 1947 el PSIUP el tołe ła denomenasion de Partio Socialista Italiano (PSI). El canbio de nome el njien inte on contesto de ła sision de ła corente socialdemocratega guidada da Giuseppe Saragat (sision de palaso Barberini), el cual el darà vita al Partio Sociałista dei Laoradori Italiani (PSLI), e el marcarà na profonda distansa dai comunisti (ormai definitivamente ingansai al stalinismo sovietego). El PSI invese, el ndarà vanti so ła strada de łe intexe co el PCI, e co st'ùltemo el desidarà anca de far on fronte comun, el Fronte Democràtego Popołare, in vista de łe ełesion de l'aprile 1948. Sta poxision "unitària" dei do partii de ła sanca italiana, l'ano dopo el farà parò perdere la corente de ła nova drita del partio socialista, corente a ła cuała xe a cao Giuseppe Romita, che inte el disenbre 1949 el se unirà a na parte dei socialisti democrateghi ndaxesti fora dal PSLI -parché in polemega co el so ecesivo "sentrismo"- dando vita a on novo partio che el torà el nome de Partio Sociałista Unitàrio (PSU).
Inte el majo 1951 El PSLI e el PSU i se fondarà inte el Partio Sociałista - Sesion Italian de l'Internasionałe Sociałista (PS-SIIS), che inte el xenaro 1952 el divegnarà Partio Sociałista Democràtego Italian (PSDI).
Dopo de ła granda sconfita del 48, ła lista del Fronte Democràtego Popołare no ła vegnarà altro prexentada, ma el PSI e el PCI i restarà aleai oncora par on mùcio de ani, inte ła opoxision, conduxendo la bataja contro de ła Leje Trufa.
I primi goerni de sentro-sanca: el "sentro-sanca orgànego"
[canbia | canbia el còdaxe]Na granda svoltada inportante inte ła storia PSI ła xe fata dal Congreso de Venèsia del 1957, co dopo ła invaxion soviètega de l'Ungaria, che ła porta a na spacadura col PCI, el partio el scumìsia vardar co favor a na leansa co i moderai de ła Democrasia Cristiana, rinforsando el ideałe sociałismo-democrasia e el PSI sbandona i ligami co el bloco soviètego.
Il PSI el torà isteso parte a na granda bataja insieme al PCI contro el Goerno Tanbroni
Inte el 1963 el PSI el va drento definitivamente al Goerno, co l'execudivo guidà da Aldo Moro. Co sto fato, parò, el Partio el njien segnà da na nova spacadura: la corente de sanca ła va fora dal partio e inte el xenaro del 1964 el da vita a on novo Partio Sociałista Italian de Unità Prołetària (PSIUP).
La curta esperiensa PSI-PSDI Unifegai
[canbia | canbia el còdaxe]el 30 de otobre 1966 el PSI e el PSDI, dopo racuanti ani de comun prexensa drento dei goerni de sentro-sanca, i se reunìfega drento el PSI-PSDI Unifegai.
Ma ła unità ła xe durada manco de du ani. Ła conponete PSI el 28 de otobre del 1968 ła ciaparà ła denomenasion de PSI, e ła conponente socialdemocràtega inte el lujo del 1969 ła ciaparà el nome de Partio Sociałista Unitàrio[ (PSU)]]], che inte el 971 el tornarà èsar Partio Socialista Democràtego Italian. Tuti sti pasaji e ste sision łe da on idea de ła granda problematega del PSI inte chełi ani, època inte ła cua ła ghe vive drento al Partio du àneme: una tendente a na coexion co el PCI so ideałi ispirai a Karl Marx (i xera chełi de majoransa) e n'altra che ła tende vołer sevir na pułìtega riformista e progresista che no ła vołe métar in discusion el sistema (i xera in menoransa).
Da Craxi a ła fin del PSI
[canbia | canbia el còdaxe]La segreteria de Bettino Craxi
[canbia | canbia el còdaxe]Inte el marso 1976 se ga vesto el XL congreso del PSI. Le corenti łe xera sìncue:
- area Francesco De Martino (42,7%)
- area Giacomo Mancini (19,8%)
- area Riccardo Lonbardi (17,8%)
- area Pietro Nenni (14%)
- area Gino Bertoldi (5,7%)
La majoransa ła xe stada costituia da na ałeansa intrà De Martino e Mancini e el prevedea el primo segretario.
Segretari
[canbia | canbia el còdaxe]Elenco dei segretari del PSI, dal 1943:
- Pietro Nenni (agosto 1943 - apriłe 1945)
- Sandro Pertini (apriłe 1945 - apriłe 1946)
- Ivan Matteo Lonbardo (apriłe 1946 - genaro 1947)
- Lelio Basso (genaro 1947 - zugno 1948)
- Alberto Jacometti (zugno 1948 - majo 1949)
- Pietro Nenni (majo 1949 - novenbre 1963)
- Francesco De Martino (novenbre 1963 - otobre 1966)
- Francesco De Martino e Mario Tanassi, co-segretari (otobre 1966 - otobre 1968)
- Mauro Ferri (otobre 1968 - lujo 1969)
- Francesco De Martino (lujo 1969 - apriłe 1970)
- Giacomo Mancini (apriłe 1970 - novenbre 1972)
- Francesco De Martino (novenbre 1972 - lujo 1976)
- Bettino Craxi (lujo 1976 - febraro 1993)
- Giorgio Benvenuto (febraro - majo 1993)
- Ottaviano Del Turco (majo 1993 - novenbre 1994)
Congresi
[canbia | canbia el còdaxe]Congresi dal 1892 al 1923
[canbia | canbia el còdaxe]- Fondasion de on novo Partio che unise diverse asociasion a du partii nati pochi ani prima. El novo Partio el vien ciamà Partio dei Łaoradori Italiani e el ciapa łe idee sociałiste come łinee guida.
- II Congreso - Reggio Emilia, 8-10 de setenbre 1893
- El Partio el canbia nome in Partio sociałista dei Laoradori Italiani (PsLI).
- El Congreso el vien tegnuo in clandestinità a cauxa del sioglimento par decreto vołuo da Crispi. El Partio el ciapa ła denominasion de Partio sociałista Itałian (PsI).
- A nase el giornałe sociałista L'Avanti!.
- Formasion de na corente del sociałismo riformista drento el partio.
- Il Tenpo de Miłan el diventa cuotidian de ła corente sociałista riformista.
- A prevałe łe istanse intransigenti e rivołusionarie del partio.
- A prevałe łe istanse integrałiste del partio.
- A prevałe łe istanse integrałiste e riformiste del partio.
- A prevałe łe istanse riformiste del partio.
- A prevałe łe istanxes riformiste del partio.
- XIII Congreso - Reggio Emilia, 7-10 de lujo 1912
- A prevałe łe istanse rivołusionarie del partio. Espulsion de cualche conponenti de ła frasion riformista che i va a fondar el Partio sociałista Riformista Itałian (PsRI).
- A prevałe łe istanse masimałiste del partio. Dichiarasion de opoxision a ła prima guera mondiałe.
- A prevałe łe istanse rivołusionari del partio, łigae al marxismo.
- A prevałe łe istanse rivołusionarie del partio. Formasion de on novo programa par el partio, sora l'onda de ła rivołusion de otobre in Rusia e sel suceso ełetoral in Itałia. Łota e concuista de łe 8 ore łaorative.
- El Congreso el se verse co forti discusion so ła łinea strategega e programatega. Ła frasion rivołusionaria ła va fora e ła forma el Partio Comunista d'Italia (PCd'I).
- El Congreso el se verse co forti discusion so ła łinea strategega e programatega. A ghe xe l'espulsion de l'a ła riformista del movimento che ła fonda el Partio sociałista Unitario (PsU).
Congresi in bando
[canbia | canbia el còdaxe]- XXI Congreso - Parigi, 19-20 lujio 1930
- XXII Congreso - Marseja, 17-18 apriłe 1933
- XXIII Congreso - Parixe, 26-28 zugno 1937
Congresi dal 1946
[canbia | canbia el còdaxe]- XXIV Congreso - Firense, 11-17 de apriłe 1946
- XXV Congreso - Roma, 9-13 de genaro 1947
- XXVI Congreso - Roma, 19-22 de genaro 1948
- XXVII Congreso - Genoa, 27 de zugno - 1° lujo 1948
- XXVIII Congreso - Firense, 11-16 de majo 1949
- XXIX Congreso - Bułogna, 17-20 de genaro 1951
- XXX Congreso - Miłan, 8-11 de genaro 1953
- XXXI Congreso - Turin, 31 de marso - 3 de apriłe 1955
- XXXII Congreso - Venèsia, 6-10 de febraro 1957
- XXXIII Congreso - Napułi, 15-18 de genaro 1959
- XXXIV Congreso - Miłan, 16-18 de marso 1961
- XXXV Congreso - Roma, 25-29 de otobre 1963
- XXXVI Congreso - Roma, 10-14 de novenbre 1965
- XXXVII Congreso - Roma, 27-29 de otobre 1966
- XXXVIII Congreso - Roma, 23-28 otobre 1968
- XXXIX Congreso - Genova, 9-14 de novenbre 1972
- XL Congreso - Roma, 3-7 de marso 1976
- XLI Congreso - Torino, 30 marso - 2 de apriłe 1978
- XLII Congreso - Pałermo, 22-26 de apriłe 1981
- XLIII Congreso - Verona, 11-15 de majo 1984
- XLIV Congreso - Rimini, 31 de marso - 5 de apriłe 1987
- XLV Congreso - Miłan, 13-16 de majo 1989
- XLVI Congreso (Straordenàrio) - Bari, 27-30 de zugno 1991
- XLVII Congreso - Roma, 11- 12 de novenbre 1994 - Desolvimento del Partio.
Iscrivesti
[canbia | canbia el còdaxe]- 1945 - 700 000
- 1946 - 860 300
- 1947 - 822 000
- 1948 - 531 031
- 1949 - 430 258
- 1950 - 700 000
- 1951 - 720 000
- 1952 - 750 000
- 1953 - 780 000
- 1954 - 754 000
- 1955 - 770 000
- 1956 - 710 000
- 1957 - 477 000
- 1958 - 486 652
- 1959 - 484 652
- 1960 - 489 837
- 1961 - 465 259
- 1962 - 491 216
- 1963 - 491 676
- 1964 - 446 250
- 1965 - 437 458
- 1966 - 700 964 (Co el PSDI)
- 1967 - 633 573 (Co el PSDI)
- 1968 - —
- 1969 - —
- 1970 - 506 533
- 1971 - 592 586
- 1972 - 560 187
- 1973 - 465 183
- 1974 - 511 741
- 1975 - 539 339
- 1976 - 509 388
- 1977 - 482 916
- 1978 - 479 769
- 1979 - 472 544
- 1980 - 514 918
- 1981 - 527 460
- 1982 - 555 956
- 1983 - 566 612
- 1984 - 571 821
- 1985 - 583 282
- 1986 - 593 231
- 1987 - 620 557
- 1988 - 630 692
- 1989 - 635 504
- 1990 - 660 195
- 1991 - 674 057
- 1992 - 51 224
- 1993 - -
- 1994 - 43 052
Note
[canbia | canbia el còdaxe]
Esponenti, iscriti iłustri e sinpatixanti
[canbia | canbia el còdaxe]Giornałi e riviste
[canbia | canbia el còdaxe]Varda anca
[canbia | canbia el còdaxe]
| Controło de autorità | VIAF (EN) 132541533 · ISNI (EN) 0000 0000 9068 6421 · LCCN (EN) n83051684 · BNF (FR) cb13319629v (data) · NDL (EN, JA) 00709249 · WorldCat Identities (EN) n83-051684 |
|---|