Giorgio Benvenuto

Giorgio Benvenuto - a ł'anagrafe Antoniogiorgio Benvenuto - (Gaeta, 8 de diçenbre 1937) xe un połitego e sindacalista itałian.

El xe senador dal 2006. El xe sta deputato 'ntel 1996 e rieleto 'ntel 2001. El xe sta segretario generałe deła Uilm (Union Italiana Lavoradori Metalmecanici, aderente ała UIL) e el ga fondà con Carniti e Trentin ła FLM (Federazione Lavoradori Metalmecanici) che ła riuniva łe categorie dei łavoradori metalmecanici de UIL, CISL e CGIL.

'Ntel 1971 el xe sta tra i firmatari del documento publicà sol setimanałe L'espresso contro el comisario Luigi Calabresi.

'Ntel 1976 el xe sta ełeto segretario generałe deł UIL, sucedendo a Raffaele Vanni, dove el xe restà fin al 1992 quando el xe sta nominà Segretario Generałe del Ministero dełe Finanse.

'Ntel febraio 1993 Giorgio Benvenuto el xe sta ełeto segretario del PSI, sucedendo al dimisionario Bettino Craxi. El xe restà ała segreteria del PSI fin al majo deło steso ano.

Vegnù fora dal PSI el xe sta tra i fondadori de Ałeanza Democratica insieme a Giorgio Bogi, Ferdinando Adornato e Willer Bordon.

In ocasion dełe ełesion połiteghe del 1996 co Ałeanza Democratica el ga aderio al projeto de ł'Union Democratica de Antonio Maccanico che al magioritario el se presenta 'nte ł'Ułivo e al proporsionałe el presenta liste col Partito Popołare Italian de Gerardo Bianco. El vien eletto e va dentro el grupo "Popołari e Democratici - L'Ułivo".

Ai scuminsi 1998 el lasia el gruppo par aderire al grupo dei Democrateghi de Sanca.

Sucessivamente el xe entrà a far parte deła Diresion Nasionałe dei DS come capo del movimento Riformatori par l'Eoropa che ła xe una dełe conponenti che ga fondà i DS.

El xe sta candidà al Senato co i Democrateghi de Zanca par łe ełesion połiteghe del 2006 risultando ełeto in Łonbardia.

El 6 de giugno 2006 el xe sta ełetto Presidente deła Comision Finanse del Senato deła Republica.

Prèdecesòr:	Segretario del PSI	Sucesor:
Bettino Craxi	1993	Ottaviano Del Turco