Niccolò Fabi

Niccolò Fabi

Biografia
Nasimènto	16 de majo del 1968 (56 ani) Roma
Dati personałi
Formasion	Università degli Studi di Roma "La Sapienza" (it)
Atività
Ocupasion	muzisista, conpozidor de canson, conpozitor, cantante, cantautor
Atività	1995 - in atività
Profesori	Roberto Antonelli (it)
Instrumento muzicałe	Voze
Targheta discogràfega	Virgin Records, Universal Music Group
Àlbun	12
Àlbun stùdio	11
Àlbun compilation	1
Repertòrio
Pop, Funk
Sito web	niccolofabi.it

Niccolò Fabi (Roma, 16 de majo 1968) el xe un cantaudor e chitarista itałian.

Biografia

El nase a Roma inte el 1968. El xe łaureà in fiłołoxìa romanxa a l'Università dei Studi de Roma "La Sapienza", co na texi so ła codicołoxìa valutada co el masimo dei voti. Da xovanisim el ga tacà łaorar come asistente al palco, inte el tour del 1986 de Alberto Fortis. El frecuenta l'anbiente muxicałe grasie a so pare, Claudio Fabi, famoxo produtor discografego dei ani setanta. El xe stà baterista inte i "Fall out", cover band che proponeva soło tòchi dei Police. Grasie a łe exibision dal vivo inte i vari łocałi romani, el ga modo de conoser Daniele Silvestri, Max Gazzè, Federico Zampaglione e Riccardo Sinigallia; xe grasie a sto ùltemo, che el ga portà dei demo a varie caxe discografeghe, che Niccolò otien un contrato co ła Virgin.

I ani novanta

El suceso del so primo album sìngoło Dica (1996) ghe verxe ła strada del Festival de Sanremo 1997 ndove el vinse el Premio de ła Critica inte ła Categoria Nove Proposte co Capelli. Poco dopo ese el so primo album Il giardiniere, seguìo dal sìngoło omonemo usìo inte el 1997. L'ano drìo el xe da novo al Festival co Lasciarsi un dì a Roma seguìo da l'album Niccolò Fabi. El inside co l'amigo Max Gazzè el brano Vento d'estate, che vinse Un disco par l'estate.

Oltra a Lasciarsi un dì a Roma e Vento d'estate, el CD ga Il male minore, cover in itałian de Barely breathing de Duncan Sheik, e ła cołaborasion co Frankie hi-nrg mc so Immobile, so ła baxe produxesta dal DJ e beatmaker Ice One (atualmente DJ Sensei) e da ła produtora Julie P (atualmente cao del grupo Sound Factory).

I ani domiłe

Niccolò Fabi inte el 2006.

Inte el 2000 ese Sereno ad ovest, strasinà dal sìngoło Se fossi Marco. L'ano sucesivo vien fora inte i paexi de łengua spagnoła na so racolta co alcuni brani dei presedenti album cantài in spagnoło come Si fuera, Viento del norte e Dejarse in Roma.

Inte el 2003 ese La cura del tempo che contien łe canson È non è, Il negozio d'antiquariato e Offeso in doto co Fiorella Mannoia. Inte el 2004 el ciapa parte a Lampedusa a ła segonda edision del Festival O' Scià, ciamà da Claudio Baglioni a dotar co łù. L'ano dopo el partesipa a l'album La fantastica storia del pifferaio magico de Edoardo Bennato interpretando el brano Non ze amore.

Inte el 2006 ese Novo Mesto, che contien i sìngołi Costruire, Oriente ed Evaporare. Sto steso ano el partesipa a Sanremo come ospite dei Zero Assoluto inte ła serada dei doti par ła rivixitasion de Svegliarsi la mattina. Inaxonta sto steso ano no'l partesipa al Festivalbar ciapando parte invese el 18 de magio a MusicAfrica. El 3 de novenbre del steso ano el publega ła so prima racolta dal titoło Dischi volanti 1996-2006, che ese in do version, un dopio cd che contien i mejo brani de 10 anni de cariera e tre inediti, e na edision a tiradura łimitada che contien i do cd, un DVD co alcuni video clip e version live de alcune canson. L'usìda de ła racolta ła vien antisipà dal sìngoło Milioni di dì. Sucesivamente a ła publicasion de ła racolta Fabi intraprende el "Dischi volanti tour" 21 date inte l'intimità dei club sparpagnài in xiro par l'Itałia.

Inte el febraro del 2007 el publica l'album Dentro par el mercà spagnoło, che rancura i brani traxesti dai so presedenti łaori La cura del tempo e Novo Mesto in version spagnoła. Tra i sìngołi estraxesti, Es no es (version spagnoła de È non è) e Ponerse alas (Mettere le ali). Inte ła verta del steso ano el partesipa al Progetto par il Darfur in Sudan, inte el cuało el xe coinvolxesto in numaroxi concerti e come testimonial del Salam International Hospital de Emergency.

Inte el novenbre del 2008 el publica Violenza 124, rexultado derivà da ła comision de sete difarenti realtà muxicałi, dai Mokadelic a Boosta, pasando par Roberto Angelini. El 21 de avril 2009 el partesipa co altri 55 artisti itałiani a ła registrasion del brano Domani 21/04.2009, scrivesta da Mauro Pagani e ripublicà in favor de ła ricostrusion e del restauro del conservatorio Alfredo Casella e de ła sede del Teatro Stàbiłe d'Abruzzo de L'Aquila. El 29 de magio del steso ano el publica el sesto album in studio, Solo un uomo, antisipà da l'omonemo sìngoło.

I ani 2010

El 3 de łujo 2010 so fia Olivia, de 22 mesi, mor par na meninxite fulminante a l'ospeal pediatrego Bambino Gesù de Roma. In so memoria el deside de organixar, insieme a ła conpagna Shirin Amini, un concerto co fini benefisi, ("Parole di Lulù") el 30 de agosto a Mazzano Romano (Roma), al cuało ga ciapà parte tanti artisti de ła mùxega itałiana (tra cui Elisa, Paola Turci, Marina Rei, Cristina Donà, Pilar, Tosca, Fiorella Mannoia, Max Gazzè, Daniele Silvestri, Samuele Bersani, Pacifico, Simone Cristicchi, Pier Cortese, Alex Britti, Jovanotti, Giuliano Sangiorgi, Claudio Baglioni, Gianni Morandi, Luca Barbarossa co Neri Marcorè, Enrico Ruggeri, Subsonica, Mokadelic, Paolo Belli, Paolo Vallesi, Alberto Fortis e tanti altri). El 18 de novenbre 2010 ad Ancona, el ga risevùo el "Premio Zamenhof 2010 - Le voci della pace" par aver meso ła so muxica e ła so voxe par l'Afrega, par łe popołasion pì povare, in partegołar dei pì vulnerabiłi, i putèłi, reałixando spetacołi e canson par costruir 20 scòłe in Sudan e un novo ospeàl pediatrego in Angoła. El srive par Serena Abrami el brano "Lontano da tutto", co cui ła partesipa a Sanremo Giovani 2011.

Avril, magio e zugno del 2011 xe i mexi del Solo Tour. Fabi se exibise, par ła prima volta, da soło co l'ajuto de strumenti e loop station. El 4 de magio 2011 vien publegà el vołume 30.08.2010 Immagini e parole di Lulù curà dal cantante e da Shirin Amini, fotografa e mmma de Olivia, par łe edision Kowalsky. El vołume contien drento łe someje scatae durante el concerto al Casale sul Treja. Pì de 40 date par el tour de istà del 2011. Na superband ło conpagna durante sto łongo xiro: Roberto Angelini, Gabriele Lazzarotti, Fabio Rondanini, Andrea Pesce, Andrea di Cesare, Cristiano De Fabriitis, Puccio Panettieri, Matteo Pezzolet. Inte el 2011 el scrive co Laura Pausini l'inedito Inte el primo sguardo, brano prexente inte l'album Inedito de l'artista romagnoła.

Inte el łujo del 2012 el riseve, a Marina di Carrara, el Premio Lunezia Elite - segnałasion antołoxega par el vałor Musical-Letterario del brano Costruire. El 7 de setenbre 2012 ese inte łe radio el sìngoło Una buona idea, che antisipa l'usida del so sètemo album Ecco in vendita dal 9 de otobre 2012. Ła promosion del disco sarà portada vanti co un inedito set live che ło vede conpagnà da Pier Cortese e Roberto Angelini, amisi e muxicisti d'ecesion.

Tra xenaro e marso 2013 el xe in tour col grupo stòrego e ła xonta de Pier Cortese a cori, chitara e ipad. I concerti i xe stai verti da Roberto Angelini. Inte el marso del 2013, drìo łe Ełesion połiteghe, insieme ad altri so cołeghi, el aderise al progeto "Riparte il futuro" firmando ła petision che ga el fin de revixionar ła łexe anti-corusion modifegando ła norma sol scanbio ełetorałe połitego-mafioxo (416 ter) éntro i primi sento dì de atività parlamentar. Inte el magio del 2013 el xe stà invità dal Cao del Senato, Grasso, a ła xoranda contra łe mafie a Pałermo. Candidà ai Nastri d'Argento par ła canson orixinałe "Il Silenzio" scrivesta co i Mokadelic par el film "Pulce non c'è", co ła regia de Giuseppe Bonito, traxesto da l'omonemo łibro scrivesto da Gaia Rayneri. Inte el xugnod del 2013 el taca un tour estivo, exibindose in avegnimenti cuałi: Note Roxa de Rimini, Sherwood de Padoa, Festambiemte de Grosseto, Carroponte de Miłan, Cavea de l'Auditorium de Roma, GruVillage de Torin, La notte de ła Taranta a Melpignano e tante altre. Inte el otobre del 2013 el so disco "Ecco" vinse ła Targa Tenco (aseganda dopo votasion indeta dal Club Tenco tra sìrca 200 xornałisti muxicałi itałiani) cofà mejo disco de l'ano.

Niccolò Fabi insieme a Max Gazzè e Daniele Silvestri live a Łondra inte el 2014.

Inte el 2014 el fonda co Daniele Silvestri e Max Gazzè el supergrupo Fabi Silvestri Gazzè, publegando l'album Il padrone della festa a cui sevita un tour europeo (Cołonia, Berlin, Parìxe, Łondra, Bruxelles, Łusenburgo, Amsterdam, Vałénsia, Madrid, Barcełona) a setenbre del 2014 e un tour inte i pałaseti del sport itałiani tra novenbre e disenbre 2014.

Tra febraro e marso 2015 el organixa un secret tour in sołitaria che toca picołi łocałi. Inte l'apriłe 2015 el publega insieme a Daniele Silvestri e Max Gazzè na version inedita del sìngoło Canzone di Anna,inserìa a l'interno de "Il padrone della festa live", cofaneto che contien: dopio cd live, dvd live (concerto al Palaottomatica) e dvd extra (contegnùo speciałe e inediti). El progeto FabiSilvestriGazzè se conclude co do avegnimenti : el 22 de magio 2015 a l'Arena de Verona e el 30 de łujo a Capannelle par el festival Rock in Roma. L'istà del 2015 ło vede in concerto col GnuQuartet.

Da febraro 2016 el xe docente de ła sesion Canson de l'Oficina de łe Arti Pier Paolo Pasolini, progeto de alta formasion de ła Rejon Lasio inte l'anbito de ła canson, del teatro e del multimediałe, coordenà respetivamente da Tosca, Massimo Venturiello e Simona Banchi, inte i cuałi si acede par bando publego. El 15 de łujo 2016, a Marina di Carrara, el riçeve el "Premio Lunezia Canzone d Autore" par el vałor musical-łeterario de l'album "Una somma di piccole cose". El 20 de setenbre 2016, co "Una somma di piccole cose", el se axudega da novo ła Targa Tenco par ła categoria 'Album de l'ano'.

El 27 de marso 2017, "Una somma di piccole cose" vien çertifegà disco d'oro. El 2 de avril 2017 el xe testimonial de ła canpagna nasionałe #sfidAutismo17, exibindose sol palco del Teatro Politeama a Pałermo e cantando par ła prima volta dal vivo "Il Silenzio". El 13 de zugno 2017 ese "Il giardiniere 2017", nova version del brano del 1997 che farà parte de ła racolta "Diventi Inventi 1997-2017" in usida el 13 de otobre. El 30 de agosto 2017, durante el tour co cui el çełebra i so vinti ani de carièra e dì che coinçide col conpleano de ła fia desconparìa, el gavarìa dichiarà de vołerse tor na pauxa inte ła so vita artistega. Ła concluxion de sta faxe de ła so carièra sarìa avegnesta col termene del tour 2017 previsto par el 26 de novenbre al Palalottomàtega de Roma. Lo stesso Fabi ha smentito questa interpretazione della sua dichiarazione.

L'11 de otobre 2019 ese el so undexexemo album Tradizione e tradimento, conposto da nove brani.

Discografia

Da sołista

Album in studio

• 1997 – Il giardiniere
• 1998 – Niccolò Fabi
• 2000 – Sereno ad ovest
• 2001 – Niccolò Fabi
• 2003 – La cura del tempo
• 2006 – Novo Mesto
• 2007 – Dentro
• 2009 – Solo un uomo
• 2012 – Ecco
• 2016 – Una somma di piccole cose
• 2019 – Tradizione e tradimento

Racolte

• 2006 – Dischi volanti 1996-2006
• 2017 – Diventi Inventi 1997-2017

Sìngołi

• 1996 – Dica
• 1997 – Capelli
• 1997 – Il giardiniere
• 1997 – Rosso
• 1998 – Parlami sempre
• 1998 – Lasciarsi un dì a Roma
• 1998 – Vento d'estate (co Max Gazzè)
• 1998 – Il male minore
• 2000 – Se fossi Marco
• 2000 – Qualcosa di meglio
• 2003 – È non è
• 2003 – Il negozio di antiquariato
• 2003 – Offeso (co Fiorella Mannoia)
• 2006 – Costruire
• 2006 – Oriente
• 2006 – Evaporare
• 2006 – Milioni di dì
• 2007 – Mi piace come sei
• 2009 – Solo un uomo
• 2009 – La mia fortuna
• 2009 – Aliante
• 2009 – Parole che fanno bene
• 2010 – Parole parole (con Mina)
• 2012 – Una buona idea
• 2013 – Lontano da me
• 2013 – Indipendente
• 2016 – Ha perso la città
• 2017 – Il giardiniere 2017
• 2017 – Diventi Inventi
• 2019 – Io sono l'altro

Co Fabi Silvestri Gazzè

• 2014 – Il padrone della festa

Cołaborasion

• Con Edoardo Bennato: Non ze amore
• Con Jarabe de Palo: Mi piace come sei
• Con Jorge Drexler: Agua (cover in castigliano di Acqua)
• Con Mina: Parole parole
• Con Daniele Silvestri: Sornione
• Con Fiorella Mannoia: Mimosa (in Fiorella, antologia)
• Con Zibba e Almalibre: Farsi male (in Muoviti svelto)
• Con Ron: Il mondo avrà una grande anima (in La forza di dire sì)

Videografia

• 2010 – Parole di Lulù

Voxe corełade

• Fabi Silvestri Gazzè

Altri projeti

Altri progetti

• Wikimedia Commons

• Wikimedia Commons el detien imàjini o altri file so Niccolò Fabi
• el detien schemi gràfeghi so

Linganbi foresti

• Sito ufisałeniccolofabi.it.
• Niccolò Fabi / Niccolò Fabi (altra versione) (canale ufisałe)YouTube.
• (EN) Niccolò FabiGoodreads.
• Niccolò FabiLast.fm, CBS Interactive.
• (EN) Niccolò FabiAllMusic, All Media Network.
• (EN) Niccolò FabiDiscogs, Zink Media.
• (EN) Niccolò FabiMusicBrainz, MetaBrainz Foundation.
• (EN) Niccolò FabiWhoSampled.
• (EN) Niccolò FabiSecondHandSongs.
• (EN) Niccolò Fabigenius.com.
• (EN) Niccolò FabiInternet Movie Database, IMDb.com.