Salta al contegnùo

Nek

Da Wikipedia, l'ençiclopedia libara.



Infotaula de personaNek
Biografia
Nasimènto(it) Filippo Neviani Cànbia el vałor in Wikidata
Eror Lua: callParserFunction: function "

[[Categoria" was not found.

(52 ani)
Sassuolo (Itàlia) Cànbia el vałor in Wikidata
Dati personałi
Altri nomiEror Lua: callParserFunction: function " [[Categoria" was not found.
Atività
Laóro
Eror Lua: callParserFunction: function "

[[Categoria" was not found.

Atività 1986 - in atività
ZènareRock Cànbia el vałor in Wikidata
Influense
Sting (it) Traduzi Cànbia el vałor in Wikidata
Instrumento muxegałevoxe, baso, chitara, tastiera, bateria
Targheta discogràfega
Eror Lua: callParserFunction: function "

[[Categoria" was not found.

Àlbun18
Àlbun stùdio15
Àlbun dal vivo1
Àlbun compilation2
Repertòrio

Sito webnekweb.com Cànbia el vałor in Wikidata
IMDB: nm0624938










Facebook place: nekofficial
Twitter: nekofficial
Instagram: nekfilipponeviani


MySpace: nekofficial


Youtube: UCCi-QQ-IcZPtS-nJAq0Fc6Q









Spotify: 5mXMQJHLLfym1KyNcDrhoZ


iTunes: 7216820
Last fm: Nek
Musicbrainz: af02dd1f-b0cc-4210-bcb1-f34f0c578b5e
Songkick: 189602
Discogs: 168621


Allmusic: mn0000861140














Nek, a l'anàgrafe Filippo Neviani (Sassuolo, 6 de xenaro 1972), el xe un cantante, chitarista e basista itałian. Segondo i dati sertifegai da ła FIMI, Nek ga vendesto durante ła so carièra pì de 10 miłioni de dischi in tuto el mondo.[1]

Biografia[canbia | canbia el còdaxe]

Primi ani (1986-1991)[canbia | canbia el còdaxe]

L'exordio in canpo muxicałe de Nek xe avegnùo inte el 1986, cuando, insenbre a Gianluca Vaccari, el ga formà el duo country Winchester. inte el 1989 el xe deventà cantante e basista del grupo muxicałe rock White Lady, inte el cuało el ga conponesto łe so prime canson. Tałe grupo l'è nasesto inisialmente come cover band dei Police, par deventar drìoman na formasion co un pròpio repertorio personałe, tanto da insider el demo White Lady – The Demo.

inte el 1991 Nek ga abandonà el grupo, consentrandose so ła pròpia carièra da sołìsta; inte el steso ano el ga partesipà al Festival de Castrocaro prexentando el brano Io ti vorrei e ivando fin a ła sera finałe, vegnendo batùo da Bracco Di Graci. Nonostante ciò, el cantaudor ga firmà un contrato co l'eticheta discogràfega Fonit Cetra par ła reałixasion de tre album.

El periodo co ła Fonit Cetra (1992-1994)[canbia | canbia el còdaxe]

Inte el 1992 Nek el ga publegà el so primo album in studio, dal titoło omonemo e antisipà dal sìngoło Amami. L'ano sucesivo el ga cołaborà a ła scritura del brano Figli di chi, prexentà da Mietta e dai Ragazzi di Via Meda al Festival de Sanremo 1993 inte ła categoria Big; a tałe manifestasion ga ciapà parte el steso Nek, prexentando inte ła categoria Nuove proposte el brano In te, el cuało se ga clasifegà terso.

Contenporaneamente a ła so partesipasion, xe stà publegà el segondo album in studio, intitołà anca staltro In te e contegnente nove brani, de cui tre orixinariamente conparìi in Nek. inte el mexe de setenbre 1994 xe usìo invese el terso album Calore umano e drìoman el ga partesipà al Festival italiano 1994, clasifegandose al segondo posto col brano Angeli inte el ghetto.

El 1994 ga segnà anca el termene del contrato discografego co ła Fonit Cetra: Nek ga firmà cuindi un novo contrato discogràfego, staolta co ła Warner Music Italy.

El pasagio a ła Warner Music (1996-1999)[canbia | canbia el còdaxe]

inte el 1996 xe stà publegà el cuarto album in studio Lei, gli amici e tutto il resto, publega da novo l'ano drìo drìoman a ła segonda partesipasion de Nek al Festival de Sanremo 1997 co l'ałora inedito Laura non c'è[2], sto ùltemo el se ga clasifegà a ła sètema poxision. L'album, el cuało l'ha vendesto un miłion e mexo de copie inte el mondo, xera stà promovesto anca da tre ulteriori sìngołi: Tu sei, tu sai, Dimmi cos'è e Sei grande. In cuel'ano el ga partesipà al Festivalbar e el xe partio co ła tournée Lei, gli amici e tutto - Il tour, dal cuało xe stà sucesivamente publegà l'home video Nek Live: lei gli amici e tutto... il tour, contegnente el concerto tegnùo al teatro Smeraldo l'8 de magio 1997.

Dal suceso del brano Laura non c'è xe stà in pì traxesto el film Laura non c'è, par el cuałe Nek ga reałixà l'intièra cołona sonora, oltra a conparir inte i ùltemi sincue minuti del film inte el ròło de un fumetista.

inte el zugno 1998 el ga publegà contenporaneamente in Europa, America Łatina e Japon el cuinto album In due (comerciałixà anca in łengua spagnoła col tìtoło de Entre tú y yo), definìo da Nek «un disco monotematego: el parla tuto solche de amor». Senpre in chel'ano el ga partesipà al Festivalbar 1998 col brano Se io non avessi te. Oltra a Se io non avessi te, da l'album xe stàio ciapài come sìngołi Sto con te, Se una regola c'è e Con un ma e con un se.

La vita è, Le cose da difendere e The Best of Nek - L'anno zero (2000-2004)[canbia | canbia el còdaxe]

El 2 zugno 2000 ła xe ła volta del sesto album La vita è (usìo anca in łengua spagnoła col tìtoło de La vida es), dal cuało xe stà traxesti i sìngołi Ci sei tu, Sul treno e La vita è. A l'album xe seguìo un tour promosionałe.

El de 24 magio 2002 xe usìo el sètemo album in studio Le cose da difendere, da cui xe stà traxesti i sìngołi Sei solo tu (in doto co Laura Pausini), Parliamo al singolare e Cielo e terra. inte el zugno del steso ano Nek ga prexentà al programa radiofònego Yesterday ła version itałiana de My Heart and I, sigla del film La piovra cantada da Sting e conponesta da Andrea Griminelli co testo de Nek.[3]

Inte el 2003 Nek ga publegà ła prima compilation, dal tìtoło The Best of Nek - L'anno zero (reałixada anca in version spagnoła col tìtoło de Lo mejor de Nek - El año cero) e caraterixada da ła prexensa dei inediti Almeno stavolta e L'anno zero (brani componesti tuti do da Antonello De Sanctis e Daniele Ronda), oltra a tre riarangiamenti dei brani In te, Cuori in tempesta e Angeli inte el ghetto. Ła racolta xe stà promvesta dal L'anno zero Tour 2004 e inte el steso periodo el cantante l'è aparìo tra i ospiti de ła segonda edision de O'scià, serada muxicałe ideada da Claudio Baglioni.

Una parte di me e Nella stanza 26 (2005-2007)[canbia | canbia el còdaxe]

Nek in concerto inte el 2005.

Inte el 2005 Nek ga partesipà a Roma par el Live 8 e al Festivalbar 2005, vinsendo l'edision col brano Lascia che io sia, el cuało ga antisipà ła publicasion de l'otavo album in studio Una parte di me, usìo el 13 de magio 2005 del steso ano. L'album xe stà publegà anca in łengua spagnoła col tìtoło de Una parte de mí e inte el steso periodo xe stà publegà par ła soła Amèrica Łatina ła raccolta Esencial.

Da Una parte di me xe stà traxesti anca i sìngołi Contromano e L'inquietudine.

Inte el 2006 el cantaudor ga vinsesto el Premio Lunezia – Poesia Del Rock par el tałento de contar col rock inte el brano Nella stanza 26, el cui testo xe stà scrivesto da Antonello De Sanctis. Tałe brano ga antisipà ła publicasion del nono album Nella stanza 26, usìo anca in spagnoło come En el cuarto 26, sto ùltemo contegnente do ulteriori brani orixinariamente publegai in Una parte de mí: A contramano e Para ti sería... (sto ùltemo in doto co Raquel Del Rosario, cantante del grupo spagnoło El Sueño de Morfeo). I altri sìngołi estraxesti da l'album Nella stanza 26 xe stài Instabile e Notte di febbraio. Alcune canson de sto album xe stàe utiłixàe cofà sołone sonore inte el del 2007 de Simona Izzo Tutte le donne della mia vita.

Inte el 2007 el se ga exibìo ai Wind Music Awards e'l xe stà premià par łe vendite de l'album Nella stanza 26. In cheło steso ano l'ha partesipà, insieme a Ligabue, Samuele Bersani, Giorgia e Max Pezzali, al disco de cover-tributo dedicà a Lucio Battisti Innocenti evasion 2006 co ła canson Sì viaggiare conpletamente ri-arangià. Inte el isteso ano el ga cołaborà coi El Sueño de Morfeo al brano Chocar, prexente inte l'album Nos vemos in el camino.

Un'altra direzione e E da qui - Greatest Hits 1992-2010 (2008-2012)[canbia | canbia el còdaxe]

Dopo pì de do ani da l'usida de Nella stanza 26, Nek ga publegà el desimo album Un'altra direzione, stanpà in do difarenti edision: una stàndar contegnente 12 brani, tra cui el doto co Craig David in Walking Away, e na segonda conponesta da sìe. Oltra a Walking Away, i sìngołi estraxesti xe stài La voglia che non vorrei, Se non ami e Semplici emozioni. Un'altra direzione xe stà çertifegà disco de platino in Itałia par aver vendùo oltra 60.000 copie. L'album xe stà publegò anca in Mèsego co l tìtoło Nuevas direcciones.

Da na idèa de Jovanotti e Giuliano Sangiorgi dei Negramaro, Nek insieme a vari nomi de ła mùxica itałiana se ga inpegnà inte ła registrasion de Domani 21/04.2009, canson el cui recavado xe stà devołesto in socorso dei teremotai de l'Abruso drìoman al Teremoto de l'Aquila del 2009. El 27 novenbre del steso ano xe usìo l'album Q.P.G.A. de Claudio Baglioni, inte el cuało xe prexente un doto co Nek inte el brano Cosa non si fa.

Inte l'istà 2010 se ga desvolxesto el Summer Tour 2010 - Quartet Experience. El 16 de novenbre, vien publegà ła racolta E da qui - Greatest Hits 1992-2010. El łaoro, so dopio disco, contien ła cołesion dei sìngołi de Nek inte'i so vìnti ani de carièra, tre sìngołi (E da qui, Vulnerabile ed È con te, dedicada a so fìa Beatrice) e tre brani in vivo registrai inte el Summer Tour 2010 (più un cuarto contegnùo soło che inte l'edision de iTunes). Inte el steso ano el ga dotà co artista spagnoła Marta Sánchez inte el brano Levántate, incluxo inte el album de ła cantante De Par En Par. Vulnerabile xe el brano scrivesto da Andrea Amati, conponesto da Fabio Vaccaro e'l steso Fasano e cantà da Nek.

Inte l'otobre 2011 el ga publegà, in cołaborasion co L'Aura, el sìngoło Eclissi del cuore, cover in łengua itałiana de Total Eclipse of the Heart.[4]

A zugno del 2012 Nek deside de aderir (co i Nomadi, Francesco Guccini, Laura Pausini, Luciano Ligabue, Gianni Morandi e i Modena City Ramblers) al concerto Emilia: Live, che se ga tegnùo a Bołogna el 25 zugno al Stadio Renato Dall'Ara par rancurar fondi par ajutar łe popołasion colpìe dal sisma.[5]

Filippo Neviani (2013-2014)[canbia | canbia el còdaxe]

El 14 de marso 2013 Nek ga anuncià traverso Twitter ła publicasion del sìngoło Congiunzione astrale,[6] el cuało gavarìa antisipà l'usìda de un novo album in studio. Senpre traverso Twitter, el cantaudor ga rivełà ła data de publicasion de Congiunzione astrale, el 22 marso 2013, e l'inisio de ła promosion co na exibision dal vivo traverso el programa tełevixivo I migliori anni.[7] El 18 de marso, con un comunicà dal so sito uficiałe, el cantaudor ga anuncià el tìtoło de l'album, Filippo Neviani, e ła data de publicasion, fisada al 16 avrìl 2013.[8] Inte el zugno del 2013 el partesipa a l'album de Max Pezzali Max 20 dotando co łù inte el brano Nessun rimpianto. El segondo sìngoło, La metà di niente, xe stà publegà el 31 de agosto 2013.

A l'inisio de otobre 2013 Nek ga comunegà l'anułamento del tour in promosion a l'album a cauxa de un edema a łe corde vocałe che ghe costa un periodo di reoxo de almanco 60 dì.[9] El 6 de disenbre del steso ano el ga publegà Neroverdi, ino conponesto par l'Unione Sportiva Sassuolo Calcio, scuadra de cui el xe tifoso.[10]

El 28 de febraro 2014 prende el partesipa, insieme a tanti altri artisti, al "Teniamo Botta 2", concerto benefico par rancurar fondi a favor dei ałuvionai de ła Basa de Modena organixà da Radio Bruno.[11]

Dal 30 de marso al 6 de avrìl 2014 el partesipa insieme a Lorella Cuccarini, Marco Columbro, Giuseppe Vessicchio e Giovanni Muciaccia, a ła croxera sołidałe de Trenta ore par la vita in ocaxion del vintenałe de l'asociasion.[12]

L'11 de avrìl 2014 ese el terso e ùltemo sìngoło estraxesto Hey Dio,[13] che ga ciapà ła sètema poxision inte ła clasifega de ła muxega itałiana. El 4 de magio del steso ano el ga dotà durante el sesto serałe de Amici di Maria De Filippi co ła cantante Deborah Iurato inte i brani Sei solo tu e Lascia che io sia. A łujo 2014 el riseve el "Premio Lunezia Pop-Rock 2014" par el vałor musical-letterario dell'album “Filippo Neviani”[14] e el partesipa anca a l'Ischia Global Fest.

El 1º de setenbre el se exibise al Stadio Olimpico de Roma durante ła "Partita Interreligiosa par la Pace", avegnimento fortemente vołesto da Papa Francesco organixà da Fondazione P.U.P.I e da Scholas Occurrentes.

Prima di parlare, Unici e altre atività (2015-2018)[canbia | canbia el còdaxe]

El 14 de disenbre 2014 xe stà anuncià dal prexentador Carlo Conti ła partesipasion de Nek al Festival de Sanremo 2015 dal 10 al 14 febraro 2015 col brano Fatti avanti amore, sìngoło publegà l'11 febraro 2015[15] e antisipator del dodexexemo album del cantaudor, intitołà Prima di parlare e inisialmente prevedesto par el 10 de marso 2015. El 12 febraro el ga vinsesto el premio "Miglior esibizione cover" co ła reinterpretasion del brano Se telefonando de Mina, mentre inte ła serada concluxiva de ła manifestasion Fatti avanti amore el se ga clasifegà segondo, dadrìo a Grande amore de Il Volo. El brano ga tutavia vinsesto el premio come "Miglior arrangiamento"(Mejo arangiamento) e el "Premio Sala Stampa Lucio Dalla".

Drìoman ła manifestasion, Nek ga antisipà ła publicasion de Prima di parlare dal 10 al 3 de marso. L'album l'è costituìo da 12 brani, tra cui łe xa mensonàe Fatti avanti amore e Se telefonando. Sto ùltemo brano l'è stà drìoman estraxesto come segondo sìngoło l'8 de majo del steso ano[16] e'l xe stà prexentà dal cantante al Summer Festival 2015, otegnendo na candidatura par el Premio RTL 102.5 - Canzone dell'estate.

El 4 de setenbre xe stà publegà el terso sìngoło estraxesto da Prima di parlare, o sia Io ricomincerei, el cuało xe stà prexentà par ła prima volta in vivo el 19 de setenbre durante ła segonda pontada de l'ottava edizione del programa tełevixivo Ti lascio una canzone.[17]

El 6 de magio 2016 Nek ga publegà el sìngoło Uno di questi dì, co l'intension de antisipar el tredexeximo album in studio prevedesto par l'utuno del steso ano.[18] El disco, intitołà Unici, l'è stà prexentà da l'artitsta el 13 de setenbre traverso ła dichiarsion drìo:[19] Modeło:Citazione In concomitanza con l'annuncio, il cantante ha rivelato anche la pubblicazione del secondo singolo estratto dall'album, anch'esso intitolato Unici e pubblicato il 16 settembre.[20]

El 10 de febrraro 2018 el xe stà ospite de ła cuinta serada del 68º Festival de Sanremo, cantando insieme a Claudio Baglioni, Francesco Renga e Max Pezzali el brano Strada facendo.

Il mio gioco preferito (2019-prexente)[canbia | canbia el còdaxe]

Int'l 2019 Nek ga anuncià un novo projeto muxegałe intitołà Il mio gioco preferito (el me xogo preferìo), el cuało sarìa stà spartio in do parte.[21] El primo de cuesti, Il mio gioco preferito: parte prima xe stà publegà el 10 de majo e el xe stà antisipà dal sìngoło Mi farò trovare pronto, prexentà dal cantante al 69º Festival de Sanremo,[22] clasifegandose disnovexemo.[23] Un ulterior sìngoło ato a ła promosion del disco xe stà La storia del mondo, prexentà el 19 de avril.[24]

El segondo disco del projeto, Il mio gioco preferito: parte segonda, el xe stà rexo disponìbiłe el 29 de majo 2020.[25] El contien diexe brani, tra cui el sìngoło verxipista Perdonare e na nuova version de E da qui, sìngoło orixinariamente publegà diexe ani prima.

Inte el mexe de setenbre Nek ga partesipà in veste de condutore ai SEAT Music Awards 2020 par ła ripartensa de ła musica drìo ła pandemia de COVID-19.

Influense[canbia | canbia el còdaxe]

In un'intervista concesa al Corriere della Sera inte el 1998, Nek ga afermà che Sting ga avùo na inportante influensa sol so modo de fare mùxica, spiegando che "fin da putèło sercavo de imitarlo".[26]

Discografia[canbia | canbia el còdaxe]

Par savèrghene de pì, vardarse ła voxe Discografia di Nek.

Album in studio[canbia | canbia el còdaxe]

Album dal vivo[canbia | canbia el còdaxe]

Racolte[canbia | canbia el còdaxe]

Altre atività[canbia | canbia el còdaxe]

Filmografia[canbia | canbia el còdaxe]

Film[canbia | canbia el còdaxe]

Notasion[canbia | canbia el còdaxe]

  1. NEK/ Il cantante ze direttore artistico della Squadra dei Blu con J-Ax (Amici 2016, Ed. 15 serale prima puntata 2 aprile), Il Sussidiario. entrada il 31 dicembre 2016.
  2. https://www.youtube.com/watch?v=DAIxrSvq6bo
  3. Nek, un brano in anteprima a 'Yesterday' (ma cantato da Sting), Rockol, 4 zugno 2002. entrada il 2 ottobre 2016.
  4. "Eclissi del cuore" il nuovo singolo di L'Aura, in melodicamente.com, 29 de otobre 2011. entrada il 30 ottobre 2011.
  5. Guccini, Ligabue, Pausini, Nomadi e forse Vasco. Il 25 zugno un concerto pro terremotati – Il Fatto Quotidiano
  6. Nek, Primo singolo nuovo album, Twitter, 14 marzo 2013.
  7. Nek, Sabato 23 marzo ospite di Carlo Conte, Twitter, 15 marzo 2013.
  8. Congiunzione Astrale uscirà il 22 marzo!, nekweb.com, 18 marzo 2013 (archivià dal URL orizenałe il 22 marzo 2013).
  9. Davide Turrini, Nek, tour 2013 annullato: il cantante colpito da edema alle corde vocali, Il Fatto Quotidiano, 3 ottobre 2013. entrada il 15 ottobre 2016.
  10. Andrea Melli, Nek canta il suo Sassuolo: "Speri il mio inno dia la carica", la Repubblica, 6 dicembre 2013. entrada il 15 ottobre 2016.
  11. Comunicato stampa info e artisti su "Teniamo Botta 2", Radio Bruno. entrada il 15 ottobre 2016 (archivià dal URL orizenałe il 14 ottobre 2014).
  12. Nek a Trenta Ore in viaggio par la Vita
  13. Nek, arriva in radio singolo Hey Dio, ANSA, 10 aprile 2014. entrada il 15 ottobre 2016.
  14. Comunicato "Premio Lunezia 2014"lunezia.it.
  15. Massimo Recine, Nek - Fatti avanti amore (Radio Date: 11-02-2015), EarOne, 11 febbraio 2015. entrada il 9 aprile 2015.
  16. Massimo Recine, Nek - Se Telefonando (Radio Date: 08-05-2015), EarOne, 6 maggio 2015. entrada il 7 maggio 2015.
  17. Nek - "Io ricomincerei" - Ti lascio una canzone 2015, Rai, 19 settembre 2015. entrada il 6 dicembre 2015.
  18. Nek, il 6 maggio esce il nuovo singolo 'Uno di questi dì', Rockol, 29 aprile 2016. entrada il 7 maggio 2016.
  19. Giovanni Ferrari, Nek: il nuovo disco ze "Unici", Panorama, 13 settembre 2016. entrada il 15 settembre 2016.
  20. Massimo Recine, Nek - Unici (Radio Date: 16-09-2016), EarOne, 15 settembre 2016. entrada il 15 settembre 2016.
  21. "IL MIO GIOCO PREFERITO – PARTE PRIMA" È IL NUOVO ALBUM DI NEK, Radio Pico. entrada il 14 zugno 2019.
  22. Sanremo 2019, Nek - Mi farò trovare pronto (testo e video ufficiale), SoundsBlog, 6 febbraio 2019. entrada l'8 febbraio 2019.
  23. Sanremo 2019: la classifica finale e gli altri premi assegnati, Il Post, 10 febbraio 2019. entrada il 10 febbraio 2019.
  24. La storia del mondo di Nek, testo e video, Fox Life, 19 aprile 2019. entrada il 19 aprile 2019.
  25. Nek venerdì 29 maggio uscirà "Il mio gioco preferito – parte seconda", Radio web Italia, 15 maggio 2020. entrada il 4 zugno 2020.
  26. Pozzi Gloria, Nek: ho imparato tutto da Sting, Corriere della Sera, 12 zugno 1998. entrada il 1º febbraio 2016 (archivià dal URL orizenałe il 26 settembre 2015).

Altri projeti[canbia | canbia el còdaxe]


Linganbi foresti[canbia | canbia el còdaxe]



Controło de autoritàVIAF (EN85531504 · ISNI (EN0000 0003 6846 8876 · El vałore TO0V282405 de SBN no el xe mija bon. · Europeana agent/base/78433 · LCCN (ENno98130122 · GND (DE134791339 · BNF (FRcb140103400 (data) · BNE (ESXX1318054 (data) · WorldCat Identities (ENno98-130122
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Nek&oldid=1168664"