Luciano Ligabue

Da Wikipedia, l'ençiclopedia libara.


Luciano Ligabue (Correggio, 13 de marso 1960) xe un [[cantante |cantante]], [[scritor |scritor]], [[regista |regista]] e scenexator [[Itàłia |itałian]].


Infotaula de personaLigabue
Biografia
NasimèntoEror Lua: callParserFunction: function "

[[Categoria" was not found.

(64 ani)
Coregio (Itàlia) Cànbia el vałor in Wikidata
Dati personałi
Atività
Ocupasion
Eror Lua: callParserFunction: function "

[[Categoria" was not found.

Atività 1986
ZènareRock Cànbia el vałor in Wikidata
Pseudònemo Eror Lua: callParserFunction: function " [[Categoria" was not found.
Instrumento muxegałevoxe, chitara
Àlbun16
Àlbun stùdio9
Àlbun dal vivo4
Àlbun compilation2
Repertòrio
Pop, blues

Sito webligabue.com Cànbia el vałor in Wikidata
IMDB: nm0509870


Allocine: 75920

Rottentomatoes: celebrity/luciano_ligabue


Allmovie: p264972








Facebook place: Ligabue
Twitter: ligabue
Instagram: ligabue_official


MySpace: ligabuemusic


Youtube: UCjS3AJDotyaER6SoGbVLVFQ









Spotify: 7H8ZC8uHJMPZGLMApRRNIz




Musicbrainz: d5b0dc28-2f22-4f7d-adfb-ebbc30fa6d48
Songkick: 74367
Discogs: 900001


Allmusic: mn0000265733














Ligabue a'l PałaOłinpico de Torin a setenbre 2010

Biografia[canbia | canbia el còdaxe]

Łe orizene e i primi sucesi[canbia | canbia el còdaxe]

Nevodo de Marcello Ligabue, eroe de ła Rezistensa emiłian[2], dopo che'l ga otenjùo el diploma de ragioneria el fa i łaori pì disparà, infrà i cuałi cueło de'l bracénte e de'l metalmecànego, cuindi rajonier, condutor radiofònego, comersiante, promoter, zogador de bałon (inte łe serie infariore) e consejèr comunałe[3]; inte'l 1986 co dei só amighi el fonda el grupo amatatoriałe Orazero, che'l ciapa el nome da'l só brano e co'l cual da'l 1987 el partesipa a difarenti concorsi provinsiałi e nasionałi co brani orizenałi cofà Sogni de Rock'n Roll, Anime in plexiglass, Sarà un bel souvenir, Bar Mario e Figlio d'un cane.

Ła prima trasa "ofisiałe" de Ligabue ła resałe al 1988, ano de insizion co i Orazero, de ''Anime in plexiglas/Bar Mario'', el singoło el vede el ciaro drìo ła vitoria de un concorso muzegałe provinsiałe, par grupi co baze inte ła Provinsia de Reggio Emilia da'l nome "Terremoto Rock". El singoło in viniłe a 45 ziri, publegà in poche copie, el ze ancùo introvabiłe. Uno dei primi singołi stanpài el porta el nome de Eroi di latta, che in faze de produsion de'l primo àlbun Ligabue, el venjarà staformà in Balliamo sul mondo.

El vien scoverto da Pierangelo Bertoli, che include el só brano Sogni de Rock'n Roll in un só àlbun, Tra me e me, inte'l 1988 e l'ano drìo ''Figlio d' un cane'' inte'l Albun Sedia Elettrica e, senpre, inte'l 1989 ło propone al só produtor Angelo Carrara par insìder un disco, ''Ligabue'' che'l sarà so'l mercà inte el magio 1990 e che orizenariamente el zera intitołà "... e no ze obligatorio èsar eroi"[4].Par reałizar el só primo àlbun che'l venjarà fora inte'l Ligabue se avałe de ła cołaborasion de'l só novo grupo o Clan Destino, che curarà co łu i arangiamenti dei brani e che sarà al só fiànco inte i conserti e inte i łaori drìo in studio de rezistrasión. Inte'l steso ano el cantante el partesipa a'l Festivalbar 1990 co'l tòco Balliamo sul mondo, resevendo el Disco Verde, premio destinà a'l mejo cantante emerzente de ła kermesse.

Ze de'l novenbre 1991 l'usida de'l segondo disco, Lambrusco coltelli rose & popcorn che ripete el suceso de l'àlbun de l'ezordio, co dei singołi cofà Libera nos a malo e Urlando contro il cielo.

Inte'l łujo de'l 1992 el se ezibise par ła prima volta al Montreux Jazz Festival. Senpre in cueł' ano el taca ła só cołaborasion co el Club Tenco' par el cual el partesipa a serte publegaison e el inside el brano Variazioni su temi tzigani in omagio a'l poeta e cantador ruso Vladimir Vysotskij.

Ła crize[canbia | canbia el còdaxe]

El terso àlbun, Sopravissuti e sopravviventi, el vien fora inte'l 1993 e vien rezistrà oncora co i Clan Destino. 'Sto àlbun el pol esar ła firma a ła salìa definitiva de l'artista; se pol capirlo da ła rezistrasion de cuałità netamente megio e da na mazor cura par łe canson da'l ponto de vista strumental; ma el disco no'l vien apresià, cofà i presedenti, soratuto da łe radio che łe trazmetarà soło che'l singoło Ho messo via. El vien considarà un łaoro pì intimista e scuro dei predesesori e łe vendite łe ghe ne risente. Drìoman el venjarà asé rivałutà dai fan, ma so'l momento el cauza a l'autor un parìodo critico, inte'l cuało el ronpe co'l vecio produtór e co ła vecia band.

Inte'l 1994 el pùblega A che ora ze la fin del mondo?, el só cuarto àlbun, che'l ga a'l só interno 8 tòchi che Ligabue definise "scagie spantegàe". Ła trasa de vertaùra ła ze na cover de It's the end of the world as we know (and I feel fine) dei R.E.M. che deventa A che ora ze la fin del mondo? co un testo che evoca el ròło asunto da ła tełevizion ne ła vita locałe de łe persone ciapando spunto da ła vitoria ełetorałe de l'ałora prexidente de ła Fininvest, Silvio Berlusconi. Łe altre canson xe vecie B-sides, łe do version de Gringo ('91 e '94). L'han detto anche gli Stones, cantàda co i ałora semisconosùi Negrita, e ła bałada Male non farà scrita da łu ma xa insixa dai Timoria; ghe xe po' Fuoritempo, anca staltra scrita da łu steso ma xa insixa dai Rats e na version live de Urlando contro il cielo. In più su sto album xe anca prexente Cerca inte el cuore, scrita a 4 man col tastiera de ałora dei Clan Destino Gianfranco Fornaciari.

Senpre inte'l 1994 co Valerio Soave, el fonda l'eticheta Mescal, che deventarà po' infrà łe pì ative inte'l panorama rock itałian, produzendo i primi brani de La Crus, Massimo Volume, Modena City Ramblers e Stefano Belluzzi.

Ła consacrasion[canbia | canbia el còdaxe]

Ła svolta inte ła cariera de Luciano Ligabue riva inte el 1995, coła publicasion de Buon compleanno Elvis el disco che rendarà popołar el cantante emiłian inte el panorama muxical itałian. Scuaxi tuti i tòchi de sto album, che prexenta de łe sonorità un mucio visine ad un rock'n roll de stanpo 'merican, deventarà, infati clasici del so repertorio e sfondarà intra el publico xovanil, a partir da Vivo,morto o X e Hai un momento Dio? pasando par Leggero fin al rivar a Certe Notti, brano votà dai łetori de ła rivista muxicałe Tutto cofà "ła mejo canson dei ani novanta"[5], vinsidór inaxonta de ła Targa Tenco come mejo canson de l'ano. El disco, considarà dai più come el vertice conpoxitivo de l'artista, vendarà 1 200 000 copie, risevendo el Disco de platino europeo IFPI e vinsendo tre premi de l'ałora Premio Italiano della musica PIM.

Ligabue durante el concerto Ellesette del 20 disenbre 2007

Inte el 1996 el se exibise al Pavarotti & Friends co na stranba version de Certe Notti, duetando col parón de caxa Luciano Pavarotti.

Senpre del 1996 xe ła so segonda partesipasion al Montreux Jazz Festival, sta volta co l'ex Rolling Stones Mick Taylor come special guest, col cuało el fa anca alcune cover.

El momento d'oro del cantante continua inte el 1997 co ła publicasion de Su e giù da un palco', dopio disco rejistrà dal vivo co ła xonta de tre inediti : Il dì di dolore che uno ha, Tra palco e realtà e l'Ultimo tango a Memphis, sta ultima cover de Suspicious Minds de Elvis Presley. El pregio de no esar stà ritocà in studio vien in parte conpensà negativamente dal fato de eser un collage de tochi rejistrà in vari concerti. Anca sto album sfonda el muro del miłion de copie vendùe, e xe el primo live itałiàn a rivar sto rexultàdo[6]. El 1998 el publica ła cołona sonora del so primo film da registra Radiofreccia contenente tra l'altro Ho perso le parole, Metti in circolo il tuo amore e "Siamo in onda". El secondo CD de l'òpara xe na racolta de brani forèsti inserìi inte el fim; xe prexenti artisti come David Bowie, Iggy Pop, Lou Reed, Lynyrd Skynyrd che raprexenta el retrotera muxicałe e ła fonte de ispirasion del cantante, co cantadóri cofà Bob Dylan e Neil Young.

Inte el 1999 co Jovanotti e Piero Pelù, che ga péna mołà i Litfiba, inside Il mio nome ze mai più, brano pasifista dal qual vien prodoto un singoło el cui recavàdo va in beneficensa: i tre se firma LigaJovaPelù. Publico e critica se divide intra chi che plaude l'inisiativa e chi invese sotołinea ła retorica e'l prexunto antiamericanismo del tòco e del video xontà, che comunque a ła fin rexultarà el più vendùo de l'ano.

Inte el steso ano vien fora el sesto disco Miss Mondo, a quatro ani de distansa da Buon Compleanno Elvis. Sto łavoro prexenta tanti spunti, a partir dai arangiamenti (par exenpio, in due canson, vien introdoti i archi), fin a rivar ai testi, che sbandona ła strutura del "raconto" e ponta diriti a ła disiłuxión personałe de l'artista, che se interoga su queo che ghe capita intorno. Anca sto album xe un suceso grasie a l'autobiografica Una vita da mediano, a Si viene e si va ed a Almeno credo. El video de sta ultima canson riprende un sełebre mini-film de Bob-Dylan Subterranean homesick bluesrejistrà co ła cołaborasion e l'aparision de nùmaroxi artisti itałiani, infra i cuałi ła scritrice Fernanda Pivano.

Senre inte el 1999 se exibise a Dublino, davanti a un partèr internasionàl, ai MTV Europe Music Awards co L'odore del sesso trata da Miss Mondo.

I primi ani domiłe[canbia | canbia el còdaxe]

Ligabue sona a l'Arena de Verona el 25 setenbre 2008. Drìo de łù el baterista Michael Urbano

Inte el 2000 el scrive na canson a quatro man co Francesco Guccini (che, tra l'altro ga resità in Radiofreccia. El tòco, intitołà Ho oncora la forza finise inte el album Stagioni de Guccini e riseve ła Targa Tenco come megio canson de l'ano. Sto brano, su'l prinsìpio conparso soło che in version acustega su un CD par el fan club, sarà po' riciapà dal steso Ligabue, che ghe ne canbiarà alcune strofe e ło insidarà cofà brano inedito, par la rancùra Secondo Tempo inte el 2008.

Senpre inte el 2000 el vien premià col Tełegato cofà mejo intrèpito de l'ano al concorso Vota la voce e riseve, inaxónta, el Premio Lunezia par ła canson L'odore del sesso.

El primo album del novo miłenio, Fuori come va? del 2002, torna a propóner un Ligabue clasego che recalca un mucio dei stereotipi muxicałi parcorsi inte i ani presedenti. Anca sto album otien na otima controłarìa par quanto riguarda łe vendite. Grasie ai singołi Tutti vogliono viaggiare in prima, Questa ze la mia vita ed Eri bellissima. El "Liga" vinse el Festivalbar 2002 e fa incèta de premi (mejo artista mas-cio, mejo album e tour) a l'edision dei italian music awards che organixava ła FIMI.

Inte el 2003 ese el secondo live. Giro d'Italia registrà durante el tour teatrałe che Ligabue ga tegnùo co i so musicisti insieme a Mauro Pagani e al conpianto D. Rad dei Almamegretta. El disco prexenta na apresàbiłe revixatasion semi-acustega de bona parte del repertorio de l'artista, un mucio apresà oltra che dal publico, anca da ła critica che, in controtendensa rispeto al presedente disco, ga inpegnìo de ełogi sta insìda discografega. A l'album, infati, xe stà atribuìo el "Premio Ciampi cofà mejo album de l'ano. De Giro d'Italia l'è sta publegà anca na version a tiradùra limità (50 000 copie più ulteriori 10 000 stanpà dopo un ano) co un terso CD bonus, che gà, óltra a varie cansón, dei reading ed un monołogo.

El 2 łujo del 2005, Ligabue riséve l'invito de Bob Geldof a partesipar al Live8 dove el se exibise danànsi a łe miàre de spetadóri préxenti al Sirco masimo de Roma

10 setenbre 2005: el Campovolo[canbia | canbia el còdaxe]

Par savèrghene de pì, vardarse ła voxe Campovolo.
Ligabue a l'arena de Verona. Dadrìo de łù el chitarista Niccolò Bossini e na parte de ła łocuèstra de 70 ełementi

El 10 setenbre 2005, par sełebràr i 15 ani de atività e tornà su'l palco dopo na asensa durà sirca 2 ani e mexo el se exibise a l'aeroporto "Campovolo" de Reggio Emilia danànsi a sirca 180 000 persone ( 165.264 spetadóri, fonte SIAE[Fonte nesesària]

), record eoropeo par un concerto a pagamento de un singoło artista[7]. Su quatro difarenti palchi, el se exibise insieme a ła Banda (el grupo che sona co łù da Buon Compleanno Elvis), ai Clan Destino e co Mauro Pagani. El show dura dobòto tre ore, anpò, a cauxa de problemi audio da łe bande de uno dei 4 palchi, un nùmaro inprecixà (ne l'órdene de alcune miàre) de spetadóri desìde de łasàr ansitenpo el concerto. Un fià de dì dopo l'artista remete na letara de scuxe ai fan atraverso el so portàłe Ligachannel.

L'otavo disco, Nome e cognome (2005), ese el 16 setenbre del steso ano e propone un Ligabue che inte i testi va 'vanti su ła sia de "intimista" (e el titoło de l'albun xe da sto pónto de vista, na dichiarasion de intènti), mentre muxicalmente prexenta de łe sonorità un mucio visine a quełe de un rock anglosasone. Alcuni testi del disco vien prexentài durante el concerto de Campovolo, indove ła granda afluensa al publico antisipa queło che deventarà naltro suceso discografego. In sto album xe prexenti brani che xe deventài dei sucesi cofà Il dì dei dì, L'amore conta, Le donne lo sanno, Cosa vuoi che sia e Happy Hour (col cuałe el Liga vinsarà anca el Festivalbar, e che vegnarà sielto da Vodafone par i spot publicitari de l'istà drìo) el DVD che ese par ricordàr l'avegnimento Campovolo deventa el primo DVD muxicałe a vendare pì de 100 000 copie in Itałia.

El 2006 in tour[canbia | canbia el còdaxe]

El 7 febraro 2006 scominsia el so novo tour articołà in quatro parti: inte el mexe de febraro, el cantante emiłiàn se exibise inte i club, e par ricreàr l'atmosfera dei scominsi, el se fa conpagnàr dai Clan Destino, inte el mexe de marso afronta i pałaseti co La Banda, durante l'Istà i stadi co La Banda e i Cland Destino, par po' tornàr a otobre inte i teatri co parte de ła Banda e Mauro Pagani, e co Giovanni Allevi cofà so ospite in alcune date. Par contàr sta esperiensa ese Nome e cognome tour 2006, un cofaneto de 5 DVD che ga al so interno la registrasion de un concerto par ogni fase del tour e ulteriori contenuti speciałi.

A marso 2006 el partesipa a ła Cerimonia de Vertaùra dei IX Xoghi Paraołimpici invernałi de Torin 2006, indove el se exibise in mondovixión co Il dì dei dì.

El 20 otobre 2006 vien fòra Gli ostacoli del cuore, brano scrito da Luciano espresamente par Elisa (co ła cuała el canta ne ła parte finałe) e utiłixà cofà primo singoło estràto dal Greatest Hits de ła cantante. El steso Ligabue dichararà che sta cansón gaveva pensaà de fargheła cantàr ad Elisa pròpio inte el muménto che ła ga scrita, sensa aver ciamà ancòra ła cantante[8]. Inaxónta Ligabue reałixa el videoclip de sta cansón 'fa regista e ghe apare anca cofà protagonista co visin ła stesa Elisa.

A novenbre ła SIAE e ła critica ghe atribuise, par la seconda vòlta, el Premio Ciampi.

The best of Liga (El mejo del Liga)[canbia | canbia el còdaxe]

Ligabue durante el concerto Eliesette del 17 disenbre 2007

Inte el setenbre 2007 Ligabue anuncia el so ritorno sol palco inte i pałaspòrt, col tour ElleSette: 7 concerti al PalaLottomatica de Roma inte el mexe de novenbre e altri 7 Datch Forum de Asago a Miłan inte el mexe de disénbre.

Oltra al tour, el 2007 vede ła publicasión, el 16 novenbre, de ła prima parte del best of Primo tempo. L'album, balsà avalìo al primo posto de łe clasifeghe[9] contien un CD co 16 sucesi del periodo 1990-1995 più do inediti: Niente paura (resta in sima a ła clasifega airplay par tuto el so periodo de programasión) e Buonanotte all'Italia e un DVD che rancura tuti i videoclip del periodo.

Inte el april del 2008 tàca el so European Tour inte i club de łe maxóri sità del vecio continente che ga cofà tape Amsterdam, Madrid, Barsełona, Parixe, Anburgo, Monaco, Berlin, Zurigo e Londra, dobòto tute sold-out. In ocaxión de sto tour e del Best of el produtór Corrado Rustici decide de refàr la band sostituìndo Antonio Righetti e Roberto Pellati co Kaveh Rastegar e Michael Urbano, richiesta un fià patìa da parte de Luciano[10]. Inte l'Istà 2009 ripete l'esperiensa eoropea, co un minór nùmaro de date, ma in spasi pì grandi, infra i cuałi el prestigióxo Olympia de Parixe.

El 29 magio ese Secondo Tempo, baxà so ła produsion muxical dal 1997 al 2005. El singoło de łancio de ła racolta, Il centro del mondo, se soma ad altri do inediti: Ho oncora la forza, scrita co Francesco Guccini inte el 2000 e Il mio pensiero. Anca in questo caxo insénbre ac CD xe prexente un DVD co i videoclip reałixà inte el steso periodo tenporałe.

Inte l'Istà 2008 Ligabue xe protagonista col so novo tour Elle Elle Stadi 2008 co oto concerti in sete cità diverse d'Itałia, mentre inte l'autuno del steso ano, infra setenbre e otobre, el se exibise a l'Arena de Verona in sete dati, co 70 ełementi de ła Łocuèstra sinfonega de l'Arena direta dal mestro Marco Sabiu.

Dai concerti de l'Arena xe de 2008 xe stà tirà xo un album live, Sette Notti in Arena publicà el 5 zugno 2009, cotenente un DVD co łe riprexe video de l'intièro concerto e un CD cołe sołe cansón che Ligabue ga cantà conpagnà da ła łoquèstra.

Dopo el suceso de l'ano precedente ripete l'esperiens a l'Arena de Verona anca inte el 2009; dopo un novo tour primaveriłe inte i maxori club eoropei, infati, dal 19 setenbre al 4 otobre el cantante de Correggio tien 10 date ne l'anfiteatro veronexe. Stavolta parò i primi do concerti xe "Solo Rock'n Roll". So'l palco co Ligabue ghe xe soło che ła band par un spetacoło che xe pretamente dal saòr rock e sensa "infrastruture multimediałi" e parte de l'incàso sarà devołùo in beneficensa par el taramoto in Abruso: ne łe sucesive oto date (questa parte del tour se ciamarà "Sette Notti in Arena... non bastano" co referimento al 2008) se exibirà conpagnà, come inte el 2008, da ła Łoquéstra de l'Arena, direti da Marco Sabiu. In questa ocaxion Ligabue deventa el primo artista ad exibirse par diexe consecutive a l'Arena de Verona col record de oltra 140 000 spetadori prexenti.

Ligabue a l'Arena de Verona co xe drìo cantàr Piccola stella senza cielo co ła coreografia de Elena Burani, in alto, come inte i concerti de ElleSette

El 2010: Arrivederci, mostro![canbia | canbia el còdaxe]

A xenaro 2010 el cantante ga rivełà ai so fans de esar al lavoro par publicàr un novo album de inedite entro l'istà, e de progetàr un novo tour inte i stadi. El lancio uficiàl del disco, previsto inisialmente, par el 7 magio[11], xe stà programà par l'11 magio 2010, steso dì inte el cuało vint'ani prima xe insìo el primo album, Ligabue[12]. El 15 april 2010 xe el Ligabue Day[13], ribatixà Liga Day. Oltre 100 sałe çinematografeghe in tuta Itałia ga trasmeso el concerto live de Ligabue tegnùo al Stadio Ołinpico de Roma inte el 2008. La vixion xe stàda antisipàda da na direta via satełite a schermi unifegà, ne ła cuała el cantante de Correggio ghe ga regałà ai so fans na intervista e l'ascolto in anteprima del novo singoło, Un colpo all'anima, in rotasion radiofonega dal dì drìo ed estrato dal novo album Arrivederci, mostro!.

Ligabue in un'intervista spiega łe so motivasion del titoło del novo album[14]:

La covertìna del novo album riciapa ła someja de Erik Johansson Fishy Island[14][15][16].

Ligabue al PałaOłinpico de Torin a setenbre 2010

In ocaxión del so 50° conpleano, 13 marso 2010 xe stà publicà el testo de Inte el tempo, anca questo brano prexente inte el nòvo album.

A pòche ore da ła so usìda del primo singoło del novo album, Un colpo all'anima, xe intrà diretamente al primo posto de ła clasifega dei brani più vendùi online so iTunes[17] e ga debutà a ła prima posision de ła clasifica uficiałe singołi FIMI. El novo album xe rivà suìto in sima a łe clasifeghe dei albun ne łe boteghe e in download digitałe, e xe restà par tante setimane a cavało infra el primo e el secondo posto.

El 9 lujo xe partio el novo tour "Ligabue: Stadi 2010". El tour estivo xe fenìo el 18 setenbre, dopo na serie de concerti al PałaOłimpico de Torin. In altri pałasport xe stà reałixà el tour invernałe a disenbre.

El 30 novenbre 2010 xe usìo al cofaneto Arrivederci, mostro! (Tutte le facce del mostro), contenente, oltre a ła version orixinałe de l'albun, anca na edision acustega dei stesi brani e un DVD live che ripercore ła prima parte de tour, co na canson par ogni sità vixità[18]. In seguito a l'insìda de ła version acustega de l'albun e ad alcuni aceni a na tournée teatrałe, el 14 disenbre xe stàe rexe note łe date del novo tour: in ogni sità visità intra xenaro e marso 2011 ghe sarà uno o più concerti, ogni sera canbiando teatro.

El ritorno al Canpovoło[canbia | canbia el còdaxe]

Dopo i numarozi tour dei ani precedenti, che se gaveva concluso a marso 2011 e dopo un novo Ligabue Day, el 23 marso 2011[19], Ligabue el ga desidesto de partesipar a un soło conserto inte'l resto de l'ano tornando a l'aeroporto Canpovoło de Regio Emiłia el 16 lujo, sìe ani daspò ła prima volta. El só conserto el ze stà ciamà Campovolo 2.0.

In st'altra ocazion, l'area de'l conserto ła ze stà disponesta par un nùmaro de spetadori łimità a 110000, par evitàr problemi tecnici e par réndar el fluso e' l defluso de'l pùblego pì azevołe. In 'sto cazo A ze stà istałà un soło palco, łongo 80 metri che gabia 600m de schermi ziganti[20]. Gera anca disponibiłi: na xona indove podèr montàr su łe coltrine par la note, un enorme parchegio e un spasio lestìo postataménte par i fan: el LigaVillage[21]. Dal concerto vegnarà trato un disco, Campovolo 2.011[22], che sarà publicà el 22 novenbre 2011[22], e un film in 3d, in programasion ne łe sałe dal 7 disenbre del steso ano[22].

La setimana sucesiva al concerto de Campovolo 2.0 14 àbun incixi da Ligabue[23] xe intrài ne ła Top 100, çinque dei cuałi tra i primi 15 posti[24] ( record par la discografia itałiana[Fonte nesesària]

). Intanto, ne ła top chart DVD, ai primi 10 posti se poxisiona 3 so DVD[23].

El 21 novenbre xe insìo in tute łe radio Ora e Allora, singoło che ga antisipà l'insìda de l'albun live Campovolo 2.011, publicà el 22 novenbre sia ne łe boteghe tradisionałi (in version 3CD) e digital store e el 6 disenbre in version 4 LP. El CD debuta diretamente al primo posto de ła clasifica FIMI[25] e contien tre inediti (M'abituerò, Sotto bombardamento e Ora e allora), i primi do dei cuałi sonài anca a Campovolo.

Cariera sinematografega[canbia | canbia el còdaxe]

El esordise cofà rezista inte'l 1998 co Radiofreccia storia łezermente autobiografega e piena de małinconìa so l'ultimo dì de trazmision de na radio privà, ła cui vita trascore a paso conpanjo co cueła de un grupo de amighi. El Film el vien prezentà fora concorso a'l Festival de Venesia, el otien gran consenso de rimàrco e pùblego, e vinse 3 David de Donateło (el steso Ligabue cofà mejo rezista ezordiente, a Stefano Accorsi cofà mejo ator protagonista e infin par la mejo cołona sonora), 2 Nastri d'Arzento, un Globo d'Oro e tre Ciak d'Oro.

El bis lo concede quatro ani pì tardi co Da zero a dieci, storia xenerasionałe su quatro amighi che se ritrova dopo vint'ani par un weekend a Rimini par far el ponto a asegnàr un vòto a łe so vite. El film, sfiorixà par seràr ła Semaine de la critique al Festival de Cannes, no scòde el suceso de publico e critica del film precendente e porta al regista soło che ła candidatura a un Nastro de Arzento.

Inte el 2003 el vien premià co ła Groła de Oro par la filmografia.

A inìsio 2006 el otien un inportante riconosimento internasionałe par Radiofreccia: el film vien proietà inte i Stati Unii ed intra ne l'archivio sinematografego permanente del MoMA, el Muxeo d'Arte Moderna de New York.

El 16 novenbre del 2006 el Premio Videoclip Itałian, organixà in cołaborasion co l'Università IULM de Miłan, ghe dedica al cantador na intièra xornàda dal titoło Luciano Ligabue, Artista Totale:Dal videoclip al Cinema, inte el corso del qual vien proietà i so film e tuta ła so videografia.

Inte el novenbre del 2006 el dirixe anca el so primo video muxegałe: l'è quel de Gli ostacoli del cuore, canson scrita da łù par Elisa.

Inte el 2009 el xe uno dei 5 conponenti de ła xurìa, presiedùa da Ang Lee, de ła 66° Mostra internasionałe d'arte sinematografega de Venesia che asegna el prestigioxo Łion d'oro.

Inte el łujo del 2010, el xe infra i ospiti del Giffoni Film Festival, el festival anuałe del sinema par toxati, dove ch'el tien, danànsi a na giuria de teenager che riva da 43 nasion, ła sesion xornałiera de Masterclass, al termine de ła cuała ghe xe conferìo el "Premio Truffaut".

Senpre inte el 2010, a setenbre, el torna inte łe sałe sinematografeghe co el film-documentario "Niente paura - come siamo, come eravamo e le canzoni di Luciano Ligabue", direto da Piergiorgio Gay, che conta, atraverso łe so canson e i contributi de l'artista emiłiàn e łe testimonianse de volti noti, e non, e ła storia recente de l'Italia[26].

El 23 novenbre ghe xe stà consegnà al Pałaso del Quirinałe dal Prexidente de ła Republica Giorgio Napolitano, el Premio De Sica par la so atività de regista[27][28].

El 7 disenbre 2011 xe usìo ne łe sałe sinematografeghe "Campovolo 2.0 - IL FILM 3D" film xirà durante el concerto avegnimento del 16 łujo 2011 a l'aereoporto de Campovolo a Reggio Emilia. El film ripercore non soło ła seràda concerto ma anca łe tape fondamentałi de ła vita de Luciano.

Cariera łeteraria[canbia | canbia el còdaxe]

El otien gran suceso de critica e publico co ła racolta de quarantatré raconti Fuori e dentro il Borgo (1997) vinsendo tra l'altro el Premio Elsa Morante e el Premio Sità de Fiexołe. Ogni ano dal 1994 vien publicà altri raconti sol diario de ła Smemoranda.

El so primo romanxo, La neve se ne frega, ariva inte el 2004, prexentà a Torin in ocaxion de ła Fiera Internasionałe del Libro, da Francesco Piccolo, a Roma, da Alessandro Baricco, a Miłan da Fernanda Pivano. El libro che scode un mucio de autorévułi consensi e conferma łe doti narative de l'artista emiłian, risbalsa subito in sìma a łe clasifeghe de vendita e, conplesivamente, se atesta a squaxi 200 000 copie vendùe. La neve se ne frega inaxonta vinse el Premio speciałe Fregene 2004, el Premio Fernanda Pivano e el Premio Giuseppe Giacosa. El 1° marso 2008, in ocaxion de ła fiera Mantova Comics, vien prexentà ła graphic novel del libro, senixà da Matteo Casali e dexegnà da Giuseppe Camuncoli.

El 28 Magio 2004 a Ligabue ghe vien asegnà ła łaurea honoris causa da l'Università de Teramo in Editoria. Comunicasion Multimediałe e Xornałismo. Par l'ocaxion el tien na łesion dotorałe dal titoło Il tempo dell'emozione, ne ła cuała el despiega el significà ch'el atribuìse al pròpio modo de comunicàr atraverso muxica, scritura e çinema.

El 3 otobre 2006 ese Lettere d'amore inte el frigo, racolta de 77 poexie scrite inte el 2003, col cuało Luciano serca de dar sfogonarse a queło che xe stà par lu un periodo particołàr de ła so vita sensa l'obligo de dover misiàre paròłe e muxega o de esare conprensìbiłe ad ogni costo. Prexentà da l'autor in un mucio de atenei itałiani, el libro intra suìto ai primi posti ne łe clasifeghe de vendita e scòde tanti consensi sia intra el publico (alcune de ste poexie, infati, xe łete da l'autor, durante el tour teatrałe), che intra ła critica[29].

El 13 april 2012 el publica na nova racòlta de 13 raconti intitołà Il rumore dei baci a vuoto.

L'inpegno sociałe e połitico[canbia | canbia el còdaxe]

Videomesagio de Luciano Ligabue durante el V-Day a Bołogna

Da senpre de "sànca", Ligabue xe stà par qualche mexe consegier comunal par el PDS[3], ciapando parte soło che a sìe sentàe consegiari[30], poco prima de ciapàr in modo definitivo ła strada del suceso cofà artista. Ła so sensibiłità par i temi sociałi xe comunque oncora viva e se manifesta (oltra a łe inisiative benefiche inte łe cuałe el partesipa[31]) anca a l'interno de łe so canson, dei so libri e dei so film. Merita de eser cità, a tal propoxito, i brani A che ora ze la fin del mondo? del 1994 (cover de "It's the end of the world" dei R.E.M.), Buonanotte all'Italia del 2007 e Gringo (in 2 version, una del 1991 e una del 1994, brano ispirà da ła figura de Ronald Reagan.

Ła so conosùa riservatesa, inaxonta, no ghe ga inpedìo de partesìpar a inisiative dal forte vałor połitico e sociałe. Se ricorda, infati, łe so partecipasion al concerto del Primo Magio inte el 1996 e inte el 2006.

Inte el 1999 el registra el brano Il mio nome ze mai più (i cui proventi xe stài destinài ad Emergency) co Jovanotti e Piero Pelù par dar un forte segnałe pasifista in opoxision a ła decixion del governo de ciapàr parte a ła guera del Kosovo.

Inte el lujo del 2005 el ciapa parte al Live8, organixà par sensibiłixàr i cai de goerno osidentałi so' łe temàteghe che rivarda el terso mondo.

Ła canson Una vita da mediano xe stà utiłixà cofà cołona sonora par la prexentasion de ła candidatura de Romano Prodi a Prexidente del Consejo inte el 2006[32].

Inte l'istà del 2007, atraverso ła difuxion par 24 ore de na cover del brano anbientałista de Pierangelo Bertoli Eppure Sofia, dà el so apòxo morałe al Live Earth, manifestasion organixà da Al Gore par la salvaguardia de ła sałute de ła Tera (la reałixasion vegnarà po' uxà inte el 2008, cofà cołona sonora de un spot del Ministero de l'Anbiente).

Senpre inte el 2007, l'8 setenbre, el partesipa al V-Day de Beppe Grillo co un video inte el cuało el critica el sistema pułiitego in Itałia. In ocasion del so tour Ellesette, ne l'inverno del 2007, el partesipa al projeto [[Lifegate (ecołogia)|Inpato Xero de LifeGate permetendo ła creasion de 125.906 m2 de foresta ne ła Costa Rica[33]. Tałe inpegno par LifeGate xe rinovà ad ogni tour de l'artista, asocià, inaxonta, a ła creasion de na community de Car pooling che consenta de trovar dei conpagni de viagio par raxonxer la locałità del tour, riduxendo, cussì łe emision de CO2 e el trafego[34].

Inte el 2008, inveçe, el tien do concerti (voxe e chitara) contro ła mafia par l'asociasion Libera de Don Luigi Ciotti.

Inte el 2009, el insìde, co altri so cołeghi itałiani, el ugnòło Domani 21/04.09 scrito e prodoto da Mauro Pagani, el cui recavàdo xe destinà al fondo benefico "Salviamo l'arte in Abruzzo" (Salvemo l'arte in Abruso).

El 21 Setenbre 2009 el firma l'apeło par la łibartà de stanpa in Itałia slansà, so łe pajine e sol sito internet del quotidiano La Repubblica dai giuristi Franco Cordero, Stefano Rodotà e Gustavo Zagrebelsky, in seguito a ła citasion in gudisio del steso xornałe da parte del premier Silvio Berlusconi[35].

In ocasion de łe proteste e de łe manifestasion de l'autuno 2010, descaenàe da ła proposta de reforma del sistema scołastico e universitario del DDL Gelmini, el esprime ła pròpia sołidarietà a risercatori e studenti dichiarando che, finalmente, i xoveni zera drìo manifestàr l'angosa par el pròpio futuro. Da segnałàr, tra l'altro, sia un convegno a l'Università de Regio Emiłia[36], sia a Livorno, a marxene de ła proiesion del documentario Niente paura[37].

El 12 avrìl 2011 el partesipa, co l'onorévołe Rita Borsellino, a un incontro-dibatito 'rente ła sede de Bruxelles del Parlamento eoropeo dal titoło "L'Italia che non si arrende. L'Italia che non ha paura di guardare al futuro e all'Europa" (L'Itałia che no se arende. L'Itałia che no ga paura de vardàr al futuro e a l'Eoropa).

Premi e riconosimenti[canbia | canbia el còdaxe]

Muxica[canbia | canbia el còdaxe]

Ligabue durante un concerto Solo rock'n roll a l'Arena de Verona inte el 2009

Note[canbia | canbia el còdaxe]

  1. (IT) Aldo Vitali, L'intervista "incriminata", in TV Sorrisi e Canzoni, 26 novembre 2003. entrada il 3 aprile 2011.
  2. (IT) Giuseppina Manin, Ligabue: divento attore par mio nonno partigiano, in Corriere della Sera, RCS, 14 novembre 1997, pp. 35. entrada il 20 ottobre 2011.
  3. 3,0 3,1 (IT) Le Iene - Intervista: Luciano Ligabue, in Le iene, Mediaset, 23 novembre 2011.
  4. dal libreto del CD, inte ła riedision 2009 publicà in edicoła dal Corriere della Sera.
  5. (IT) Ligabue:biografia, Warner Music Italy.
  6. (IT) Un milione di copie par "Su e giù da un palco", in Ligachannel, 29 maggio 2006. entrada il 30 gennaio 2010.
  7. (IT) Ligabue inte el Guinness dei primati, in Rockit.it, 1º settembre 2005. entrada il 30 gennaio 2010.
  8. (IT) Testimonianza audio-video di Ligabue su "Gli ostacoli del cuore", in Elisaweb.net.
  9. (IT) 31-12, singolo e album in vetta!, in Ligachannel. entrada il 30 gennaio 2010.
  10. (IT) Daniele Soragni, Il mio rock che parla d'amore (intervista), in TV Sorrisi e Canzoni, 25 zugno 2008. entrada il 29 zugno 2010.
  11. (IT) Il 7 maggio esce il nuovo disco di Luciano!, in Ligachannel. entrada il 12 marzo 2010.
  12. (IT) ARRIVEDERCI, MOSTRO!, in Ligachannel. entrada il 16 marzo 2010.
  13. (IT) Katia Riccardi, I cinquant'anni di Ligabue e il cinema diventa rock, in La Repubblica, 14 aprile 2010. entrada il 29 zugno 2010.
  14. 14,0 14,1 (IT) Ligabue, co "Arrivederci, mostro!" supero le mie ossesion, Adnkronos.
  15. (EN) fishy island by ~alltelleringet, in deviantART. entrada il 19 aprile 2011.
  16. (IT) Ai confini della realtà, in Focus.it.
  17. (IT) "Un colpo all'anima": 1º posto!, in Ligachannel, 16 aprile 2010. entrada il 24 novembre 2010.
  18. (IT) Dal 30/11: Arrivederci, mostro! (Tutte le facce del mostro) - cofanetto 2CD + 1DVD, in Ligachannel, 19 novembre 2010. entrada il 24 novembre 2010.
  19. (IT) Il 23 Marzo Ligabue Day 2011 Nei Cinema Di Tutta Italia, in Yahoo Notizie, 25 febbraio 2011. entrada il 17 aprile 2011.
  20. (IT) Tutto su Campovolo 2.0, in Ligachannel, 22 marzo 2011. entrada il 24 marzo 2011.
  21. (IT) Campovolo 2.0: LigaVillage, in Ligachannel, 22 marzo 2011. entrada il 16 aprile 2011.
  22. 22,0 22,1 22,2 (IT) Campovolo 2.0: 22/11 l'album, 7/12 il film in 3D al cinema!, in Ligachannel, 7 ottobre 2011. entrada il 7 ottobre 2011.
  23. 23,0 23,1 (IT) 14 album in classifica. Dvd "Campovolo 2005" al 2º posto!, in Ligachannel.com, 29 luglio 2011. entrada il 27 agosto 2011.
  24. (IT) Classifica settimanale dal 18/07/2011 al 24/07/2011 - Artisti, FIMI. entrada il 5 agosto 2011.
  25. (IT) Musica: classifiche, Ligabue subito primo, in top 10 anche Mina e De Andre' - Adnkronos Spettacolo Archivià il 2 de febraro 2014 in Internet Archive.
  26. (IT) Venezia 2010, Ligabue parla di Niente Pauravivacinema.it, 29 luglio 2010.
  27. (IT) Premi Vittorio de Sica 2010premivittoriodesica.it.
  28. (IT) Il Presidente Napolitano ha consegnato i Premi "Vittorio De Sica" par il Cinema e le altre Artiquirinale.it, 23 novembre 2010. entrada il 23 novembre 2010.
  29. (IT) Ascolta Luciano Ligabue che legge alcune delle poesie di "Lettere d'amore inte el frigo", in Ligachannel. entrada il 30 gennaio 2010.
  30. (IT) Gian Antonio Stella, Ligabue: gioco a fare la rockstar ma la mia casa ze il "Bar Mario", in Corriere della Sera, 7 settembre 1998, pp. 21. entrada il 29 zugno 2010.
  31. (IT) Ligabue: concerto il 4 marzo a Reggio Emilia, par un centro oncoematologico, in ER24, 15 febbraio 2011.
  32. (IT) Ernesto Assante, Ligabue e l'"inno" del Professore: "Il mediano lavora par il Paese", in La Repubblica, 15 febbraio 2004, pp. 21. entrada il 29 zugno 2010.
  33. (IT) Dai concerti di Ligabue un polmone verde in Costa Rica, in La Stampa, 07 novembre 2007. entrada il 29 zugno 2010.
  34. (IT) Ligabue - Tour Stadi 2010 - Arrivederci, CO2! Co il carpooling, in Tandemobility.
  35. (IT) Luciano aderisce all'appello "Libertà di Stampa" di Repubblica, in Ligachannel. entrada il 30 gennaio 2010.
  36. (IT) Convegno della polizia co Visci e Ligabue - "La pułìtega dia risposte", in Il Resto del Carlino, 29 novembre 2010. entrada il 21 dicembre 2010.
  37. (IT) Fulvio Paloscia, "Ragazzi, scendete in piazza e gridate la vostra idea di futuro", in La Repubblica, 3 dicembre 2010. entrada il 21 dicembre 2010.


Voxe łigàe[canbia | canbia el còdaxe]

Altri progeti[canbia | canbia el còdaxe]


Łigamenti foresti[canbia | canbia el còdaxe]

Scheda su Luciano Ligabue de l'Internet Movie Database


Luciano Ligabue su DMoz (Segnala su DMoz un collegamento pertinente all'argomento Luciano Ligabue)


Video[canbia | canbia el còdaxe]


Controło de autoritàVIAF (EN24853243 · ISNI (EN0000 0000 6309 3030 · El vałore RAVV094009 de SBN no el xe mija bon. · Europeana agent/base/79408 · LCCN (ENn98012580 · GND (DE122450884 · BNF (FRcb14612960s (data) · NLA (EN41167059 · WorldCat Identities (ENn98-012580


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Luciano_Ligabue&oldid=1160187"