Lorella Cuccarini

Lorella Cuccarini

(2010)
Biografia
Nasimènto	10 de agosto del 1965 (59 ani) Roma
Dati personałi
Ideołozìa pułìtega	Sovranismo
Rełijon	Catołicismo
Atività
Laóro	ator, showgirl (it) , bałarin, cantante, prexentador de tełevixion, personałità de aràdio
Influense	Alberto Bagnai (it)
Instrumento muxegałe	Voze
Fameja
Spoxa	Silvio Testi (it)
Fiołi	Chiara Capitta (it)
Commendatore OMRI (it)
Sito web	lorellacuccarini.it

Lorella Cuccarini, (Roma, 10 de agosto 1965) ła ze na condutora tełeviziva, bałarina, cantante, atora e condutora radiofònega itałiana.

Scoverta da Pippo Baudo che'l ła ga vołesta a'l só fianco come showgirl inte i varietà de'l sabo sera de Rai 1 Fantastico 6 e Fantastico 7, respetivamente de'l 1985 e 1986, drioman ła ze pasada a ła Fininvest (l'atuałe Mediaset) inte'l varietà Odiens de Antonio Ricci, ła cui sigla, La notte vola, ła ga otenjùo partegołar suceso. Inte i ani novanta ła ga formà un sodałisio profesionałe co Marco Columbro, co el cuało ła ga conduzesto racuante edision de varietà come Paperissima e Buona Domenica. Inte'l 1993 ła ga conduzesto, insieme a Pippo Baudo, el Festival de Sanremo, a'l cuało ła ga po' partesipaà anca come cantante in gara inte'l edision de'l 1995. Ła ga sevità l'atività canora intarpretando łe sigle dei programi da eła conduzesti e da'l 1994 ła ze testimonial de ła maratona tełeviziva a scopi benefisi Trenta ore per la vita.

Drioman ła ze stada ativa anca in teatro, ciapando parte a diversi musical e spetacołi de suceso. Ła ga ciapà parte cofà atora a diverse fiction tełevizive tra cui Piazza di Spagna (1992), Amiche (2004), Lo zio d'America 2 (2006) e L'isola di Pietro 2 (2018). Dai ani otanta ła ze asosiada a'l bomò la più amata dagli italiani (ła pì amada dai itałiani), fraze traesta da na séłebre serie de spot par l'azienda de cuzine Scavolini che ła ga vista protagonista par scuazi do deseni. Inte'l 2011 ła ze stà insinjìa de'l titoło de Comendador de ła Repùblega.