Maso
Al maso al ze la unità produtiva agricola fondamental del Tirolo e de na part de la Provincia de Belun. Al ze costituì da la casa dei paroi, da un staol e da eventuai costrusion acessorie come la fontana, al cesso, al casel, la stia e al puner.
La casa e al staol qualche olta i pol costituir an unico edificio. Carateristica fondamental in anbito architetonico la ze la costrusion del staol co el pianteren de mur de sass e al fienil de legn, co na strutura intelajada o qualche olta a baita.
Se el destingue da la majolera parchè al ze abità tut al tenpo del an.
La so aministrasion la ze tuta in man al paron de casa, e a la so mort al fjol pì vecio al lo eredita par intier.
La fameja che viu la ze pì pisola de quela che viu te na normale casa rural e la ga senpre la proprietà su el maso e su i teren. I fjoi che no ga dirito de ereditar, se no i ze vertoluss, i ga da abandonar la casa e rangiarse.
Articoi coreladi
[canbia | canbia el còdaxe]
Wikimedia Commons el detien imàjini o altri file so Maso
