Fontana

Sto articol al é scrit in belumat

Na fontana par ciapar aqua

Na fontana la è an dispositiu da 'l qual al è possibile ciapar aqua, che la donde la fontana tramite an aquedoto te 'l caso che no la sie arent a na sorgente. In senso larch se intende tut al conplesso costituì da la fontana vera e propria, da 'l lavatojo e da la fontana par bearar le vache.

La aqua neta da 'l aquedoto la va te la fontana aonde che se la to par bere. A 'n žerto livel ghe n'è an sfioratojo che al descarga l'aqua in pì te 'n secondo toch de tubo o diretamente te 'l lavatojo, che altro no 'l è che na vasca de aqua co le sponde inclinade aonde che le femene le va a lavar. La aqua che gnen fora da 'l lavatojo la va te na vasca streta e longa aonde che se porta a bearar le vache e che se met in moi eventuai materjai come sacolet o paluch.

Na olta sto inpianto al era de inportanža fondamental e al ghe n'era ten tuti i paeset e anca te i cortii de le fameje pì grande. Da quando che è ruà l'aqua corente ten tute le abitažion sto tipo de costružion iddraulica la è drio sparir.

na olta le era inportante e se le catea ten tuti i centri abitadi e ten tanti cortii prim che la aqua corente la fusse disponibile ten tute le abitažion, ma dess le è drio a sparir insieme de i

Dopo che come punto de acesso a l'aqua, le fontane le gnen doperade come elemento architetonico e urbanistico ornamental e artistico, anca de tipo monumental: esenpi le è le fontane ornade de statue o rendeste spetacolari co particolari moti de aqua.