Cortiu

Da Wikipedia, l'ençiclopedia libara.
Jump to navigation Jump to search

Al cortiu in senso stret al è an spasio sensa quert ligà a 'n edificio.

Funsion principal[canbia | canbia el còdaxe]

La so funsion principal la è quela de costituir an colegamento tra al edificio e 'l contesto (cortiu esterno) e/o tra anbienti diversi de na unica unità produtiva o abitativa.

Chiostro[canbia | canbia el còdaxe]

Te 'l caso che al sie conpletamente contornà da 'l edificio al gnen ciamà chiostro. Al cortiu serà alè tipico de i conventi, de serti palas citadini e de le case de i patrisi in età romana. Ten sto caso al cortiu al pers al trafico de veicoli par ciapar pì che sia an ruolo de punto de incontro de la đent. de conseguensa al à an aspeto ligà pì a la estetica che a 'l utile, e serte olte al pol er in mes na fontana e esser inerbà e infioretà come an jardin.

Fabrica[canbia | canbia el còdaxe]

Al cortiu de na fabrica al è just al oposto: la so funsion principal la è quela de gner traversà da međi de trasporto e al è dotà quasi senpre de an bel parchejo par le machine. Arent a na cura minusiosa par la so rasionalità in termini de fruision, se donta anca an stciant de gusto par la estetica, inportante par la inmagine de la dita.

Casa Rural[canbia | canbia el còdaxe]

La casa rural tradisional la è te 'l stesso tenp na abitasion e anca na azienda produtiva, sichè al so cortiu al à na strututa che la è na via de mes tra quele citade prim: de solito al à la casa postada te la part pì insolada e la part rural in linea co la abitasion o da la part oposta. Ten qualche canton se cata anca le stie e al puner. Al pavimento al è ingiarà o asfaltà e, no senpre, se cata na fontana quadrangolar e longa te 'n posto in part de 'l cortiu, aonde che no la ghe intriga a quei che i à da far manovre co i car o co i trator.

Cortiu[canbia | canbia el còdaxe]

Te 'l caso che la casa rural la sie a ridoss de 'n paess, al cortiu al è serà da 'n cancel e al costituiss insieme a tuti i edifici dintorn na unica realtà, anca quela ciamada cortiu. La unità produtiva la è governada da na unica fameja granda, e co se diss "al cortiu de i...(soracognome)" se intende la unità edilisia, produtiva e familjar.

Altri projeti[canbia | canbia el còdaxe]

Controło de autoritàLCCN (ENsh85033602 · GND (DE4137817-9 · BNF (FRcb122351702 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cortiu&oldid=914307"